殿 大喜屋

營業中

休息中

朋友食過幾次話多嘢食抵食，同我去食lunch放題，午市都要約近$300，絕對唔平！一入去，裝潢設計唔似食放題，仲要有酒店洗手間嘅香味，真係唔知係好定唔好😅以放題黎講，款式種類唔算多，只屬中規中矩，不過就多咗蟹腳、咖哩蟹、中式鮑翅花膠。刺生算ok，基本種類。壽司份量更係袖珍，但咁就唔洗食太多飯，而質素似爭鮮😳，最唔好係軟殼蟹卷，完全食唔到軟殼蟹。海膽手卷，海膽味唔係新鮮鮮甜過種，不過有好多人喜歡食呢個味道。蟹腳偏多鹽水，而我個人較欣賞咖哩蟹個咖哩汁，好星馬味道，但蟹肉就唔多食到，事關蟹鉗無扑碎晒，所以完全開唔到其他熟食都好一般，仲有點涼，應該係整定晒等人order，所以更覺。至於我最喜歡係羊架，好香，同埋係仲有點暖😅服務方面，侍應生都好好有禮，但主任級著西裝外套嘅，其中一個換餐具清垃圾，會大大力放低碗碟，真比佢嚇親唔想做咪唔好換，又無叫你清垃圾！服務同食物質素收呢個價錢絕對不值！

因為對上兩個星期食咗一間放題唔係太好食，所以要揀番一間好食啲嘅彌補番上次嘅不足，今次就揀咗依間殿大喜屋，對上一次食嘅時候好似已經係2015年，事隔四年水準依舊保持唔錯👍🏻每次見到佢咁多前菜小食都好想試暈晒，但係每次都冇食，因為我quota有限🤦🏻‍♂️沙律其實係我嘅最愛，但係只限於去食自助餐嘅時候先會食，如果食日式放題係唔會食嘅坦白講呢間大喜屋嘅刺身係冇得輸嘅，最出名就係拖羅，全部新鮮冇乜渣👍🏻👍🏻👍🏻依條唔知乜魚好好食海膽手卷好似食雪糕咁樣，海膽非常鮮甜，但係嗰塊紫菜就un過我層皮，根本就扯唔開😰海膽配蟹肉仲有飯，味道幾夾壽司中規中矩呢個木瓜燉鮮奶非常好味，我唔食得奶都搏一搏食咗一個😋最後朱古力雪糕係我每次嘅總結，但係因為太飽，只係食咗兩杯😩

好耐冇食壽司啦，但係平時去嗰啲壽司店又貴，又食得唔飽！所以我決定去試吓呢間最正嘅放題，呢間大喜屋係大喜屋系列入面最高級嘅一間，所以決定去試下！呢度嘅環境極grand! 所以，對佢嘅期望值有提升咗一個級別！呢度而家係用電話點餐，只要掃一掃個QR code，就可以開始點餐，唔使好似以前咁用落親囉對佢嘅期望值有提升咗一個級別！呢度而家係用電話點餐，只要掃一掃個QR code，就可以開始點餐，唔使好似以前咁用落單紙，既環保又方便，而且感覺上呢度冇乜劉丹嘅情況，落咗幾多件就會來幾多件！呢度嘅食物質素普遍都非常之高，壽司做得細細件一口過，炙燒系列好正！仲有啲刺身都好肥美！最有驚喜嘅係甜品，強烈推介日本牛乳布甸，個口感好滑，牛奶味都好重！

今日同朋友嚟到呢一間餐廳，晚上七八點左右已經見到門口很多人等候入座，我們也急不及待地拿票在門口外等候，幸好等了12分鐘便有二人座位的枱。黃金蟹膏伴松葉蟹壽司，嚴格來講呢個配搭有d似迷你丼，賣相非常精緻，软嫩滑爽入口即溶千層海膽杯小巧得黎有內涵！海膽鮮味加埋爆汁三文魚籽，非常足料刺身拼盤絕對係放題唔少得嘅必點項目。熟食嘅壽司都有好多款 味道真係一流唔錯架唔食生野嘅朋友都有不少選擇刺身非常新鲜而且居然有得任嗌中拖羅油份好香好甘

唔係我不孝，係母親大人居然係mother’s day當日有節目，搞到過幾日先可食飯補祝。老媽子鍾意食野但又唔食得多，見上次同同事食過過殿，所以同媽咪再來。又係同之前一樣，點過的食物都有來齊，上菜速度快，剌身又新鮮。食物bar咸甜點都夠多選擇，冷熱飲品酒類都齊全。媽咪同我最愛榴連波波，超好食。最後食埋個movenpick雪糕先走超完美。媽咪都好滿意。

又到食放題嘅時間啦，一直念念不忘都係呢間堪稱全港最強嘅放題殿大喜屋坐低左之後就可以瘋狂嗌嘢食啦，唔知幾時開始已經冇再用紙落單啦，而家係用電話Scan QR code落單嘅感覺上又環保好多，而且又冇咁易漏單，坐低左一陣就係可以攞手卷嘅時間，見到好多人都即刻行出去攞原來係勁大舊嘅海膽手卷，每次去攞都可以攞兩舊海膽絕對唔會手軟，大大嚿而且食完唔夠喉仲可以再攞添淨係呢個都已經回晒本啦，跟住仲有超正嘅刺身呢度放題係唯一有拖羅食嘅地方，仲有新鮮嘅嘅油甘魚，帶子等等全部都好好食。壽司方面都有好多唔同嘅選擇，我就食咗最正嘅火焰壽司，呢個左口魚裙邊真係好正啊熟食方面就有呢個主打嘅薄燒和牛，真係入口即溶啊當然唔少得就係好多種類嘅串燒啦好好味嘅牛舌同埋好抵食嘅大蝦仲有好多唔同嘅炸物都好好食，竟然仲有呢個鮑魚花膠添真係好高質架食到飽飽唔好唔記得食甜品啦，竟然有呢個日本版嘅雪糕，每樣都食左幾杯

嚟呢間食放題，當然最特別就係Haagen Dazs同movenpick 嘅雪糕。至於其他食物，就同其他放題差唔多。對比上次，今次多左個芝士燒半邊蝦，對於平時懶得剝蝦嘅我，當然係一種福音。但唔知點解芝士同蝦肉係分開，可能係分開整再放上去。至於最重要嘅刺身，質素都能夠維持，食落去幾新鮮，但甜蝦上面仍然有少少冰粒，但唔影響味道。另外海膽杯同手卷嘅海膽就麻麻地，話哂係放題，當然唔能夠要求質素好高，但食落去無咩味，有d失望

細胃子一向都貴精不貴多，所以對放題類不嬲唔會太雀躍🤫相反另一半就鍾意咩都試d，所以放題、自助餐係佢最愛。而大喜屋集團一向係我放題嘅首選，所以襯住520呢日就食佢嘅最愛黎tum下佢高興啦😹黃金蟹膏伴松葉蟹壽司，嚴格來講呢個配搭有d似迷你丼，賣相精緻，啖啖肉鮮甜可口✌🏻千層海膽杯小巧得黎有內涵！海膽鮮味加埋爆汁三文魚籽，非常足料🤤刺身拼盤絕對係放題唔少得嘅必點項目，完全無懼近排成日傳出日本魚生含菌嘅消息，拖羅、松葉蟹腳、北寄貝、螺肉等，仲一連嗌咗兩round😏海膽手卷完全係回本必食，侍應超好人，會提醒客人岀去排隊，海膽非常足量，相信如果喺出面食，一條手卷已經要$50🤫值得盛讚嘅係除咗日式料理👍🏻之餘，佢嘅熟食都好有驚喜！其中原隻鮑魚花膠黃金翅，真係有塊又厚又大嘅花膠扒，醬汁調味令整體味道提升。鹽燒青花魚你平時唔鍾意食魚嘅我，叫咗兩條🥳，佢燒得好香而且冇骨啖啖肉，即叫即製所以熱辣辣上枱，調味亦都啱啱好！大魚大肉梗係要叫番啲菜嚟平衡下啦，瑤柱竹笙扒西蘭花🥦亦都有驚喜！牛油燒翠玉瓜笑得清甜惹味，椰子🥥雞湯香濃美味，就好似一碗足料嘅住家湯咁夠晒滋補🤤講到滋補又點可以唔叫木瓜椰汁燉紅棗雪耳丫，呢度甜

女朋友本身唔係咁鍾意食放題，但有朋友介紹呢間殿大喜屋話有驚喜，於是女朋友半推半就咁就陪我一齊食。一入到去見到地方比起一般嘅放題寬躺，而且座位空間都好大，我哋兩個人安排左坐一張四人枱，唔似一般放題咁擺多兩碟嘢食就冇晒位。呢度嘅放題係自己掃描QR code，然後落單，咁就唔使下下都要叫侍應幫手，既簡單又快捷。原隻鮑魚花膠黃金魚翅-其實依家食放題除咗日式野，仲有好多中式燉湯之類嘅美食。呢度嘅鮑魚花膠亦做得十分出色，我同女朋友都忍唔住各食咗一碗。夾起花膠上嚟大大塊，食落充滿膠質，仲有隻鮑魚仔， 十分滿足。刺身拼盤-刺身來講都幾新鮮，難得嘅係呢度仲有拖羅食，唔怪之得朋友咁推介呢間啦。海膽手卷-雖然話係限時供應，但係我自己都拎左三轉，每件都有大大份海膽，新鮮甜美，食過你就明白點解我會拎左幾次。😋海鹽燒左口魚邊壽司-出面食都唔平架，所以嚟到放題點都要食。左口魚邊最好就係要炙燒，因為豐富既魚油燒左之後滲透落飯到，分外惹味。蒲燒鰻魚-唔好以為放題佢就會細細舊，呢度嘅鰻魚不單止肉厚大件，火候控制出色，嫩滑好味。和牛薄燒-沒有太多嘅調味料，反而食得出肉本身嘅味道，剛好五成熟左右，鮮嫩多汁。鹽燒牛舌-薄身彈牙

肚餓朋友問我想食咩我話想食燒肉啦壽司啦生果啦蛋糕啦咁冇一樣想放棄於是就去咗放題放題一係唔食 一係就食好啲寧願俾多幾十蚊質素好啲殿的確好多人但勝在地方真係好大唔洗點等就入得去出面自助吧淨係熱盤都起碼行三轉先試得哂前菜刺身同壽司店質素差唔多而且居然有得任嗌中拖羅油份好香好甘嗌4舊都夠回本牡丹蝦晶瑩通透熱食都煮得有心機而且無論刺身定熟食選擇都極多每款一啖都夠飽最感動係有得任食movenpick等平時買都要幾十蚊盒嘅雪糕口味都好齊甜品櫃其中一格要唻多次先食得哂

今天同朋友黎左呢間殿大喜屋，book左時間，一到就有位。點餐唔洗用紙，係用電話掃qr code，所以大家可以自己點自己要嘅，唔洗share睇又驚叫左啲人地唔食嘅，又環保又方便。啲野食好快就黎，同fd傾計傾左冇幾句就到。刺身都幾新鮮，正常味道，甜蝦就麻麻地，但個拖羅就好有油花，不錯！好開心佢有炸榴連，因為我真係好鐘意食，脆卜卜有流心榴連蓉。最好食係佢會即場包海膽同加洲手卷，雖然我淨係食左海膽手卷，但佢啲海膽好新鮮好甜，好食過平時起其他餐廳食好多。卷物唔會太大粒 中意佢夠精緻可以食多幾粒其他野食都係正常水準，因為我地好快食飽左，所以試唔到好多，但佢啲食物、飲品、甜品嘅種類都算ok多。環境乾淨唔算嘈吵，係個同朋友聚會嘅好地方，下次都會選擇再揀呢間食。Ps. 佢燒菠蘿燒得幾好😂其實都唔係貴 三百幾蚊任食海膽 都好既

大喜屋其他分店都試過，但一直都未試最貴的殿大喜屋。難得約到班朋友，今次就試下！星期三晚，所以唔滿座。點單用電話，夠哂環保。坐低即刻點咗盤刺身，刺身選擇多，外面少見的拖羅肥美，回本必點。刺身杯，外表精美，有創意，但味道...都係叫返刺身好過海膽手卷，即叫即製，紫菜好脆，好多海膽，但冇咩味。和牛薄燒，呢個好好食，牛味好重，再點埋汁，正鮑魚花膠煲，花膠厚身，黏口，鮑魚爽口，但味道唔重，得個咬。清酒，朋友認為唔錯私心推介椰子雞湯，好足料，幾飽都要飲多碗。其他都係一般放題的食物，就唔詳細講啦。總括而言，殿大喜屋算偏貴的放題，食物種類同味道都唔錯，但試一次就可以，下次都係揀返其他大喜屋。

都有一段時間冇食放題，同朋友慶祝生日所以就諗住食餐放題可以慢慢食同埋傾吓計，依間餐廳之前都食過幾次覺得嘢食都幾好而且坐得好舒服啲位同埋服務都好好刺身方面我哋叫咗好多款，而我自己最鍾意嘅就係帶子、油甘魚、甜蝦，其他嘅刺身都好新鮮而且上菜嘅速度亦都好快，大概5分鐘就已經有嘢食另外CP值好高嘅嘢食就係即包嘅手卷，海膽手卷應該係大部份人嘅首選，海膽嘅份量好多而且食落去好新鮮，超正，我自己都食咗兩至三次壽司方面我自己就最鍾意食火焰壽司，叫咗火焰左口魚裙邊、火焰三文魚腩壽司，依幾款嘅壽司亦都好吸引仲有一啲海膽杯都好正，我哋就揀咗一個海膽杯黎試吓，入面有好多配料，三文魚子、海膽、魚子醬食落去都好豐富熟食方面我哋就叫咗薄燒和牛，炸物我哋叫咗炸蠔、芝士年糕同埋一啲串燒，熟食都好正啊最後甜品仲有無限嘅haggen daz同埋milk top嘢飲款式都有好多款，汽水果汁茶同埋熱飲都有得選擇所以呢一間放題屬於殿堂級真係一啲都冇講錯

環境一般，座位偏窄(好似一張一人檯兩份坐既感覺)。食物方面真係好一般，唔值得呢個價錢，如果200內我還可以接受。唯一討好就係有H雪糕食同埋服務都OK。總結來講，呢間可以試一次，但第二次大家可以去左第一次後才考慮。

聞說殿大喜屋喺眾多放題之中算係有水準嘅一間今日去到 果然座無虛席食物同其他大喜屋一樣落單嗌嘅係用手機app落而出面亦有自助吧選擇極豐富出面任拎嘅瑞士雞翼浸得非常入味甚至比單點嘅日式雞翼更勝一籌刺身同壽司選擇多份量好在每一樣都係細細舊咁先可以試哂成個menu羊架出奇香嫩放題平時好易遇到啲過肥過瘦過老嘅羊架食完會滯又唔好味但呢間件件水準都高同穩定👍🏿👍🏿👍🏿天婦羅外脆內嫩蝦肉多汁 🦐甜品有各款雪糕Movenpick Haagen Dazs Milk Top食多幾盒已經回本抵👍🏿