殿 大喜屋

營業中

休息中

尖沙咀咁多間放題，今次就同朋友想食得好啲，所以就揀下晝嚟咗呢一間殿大喜屋。上網見到佢有好多海膽嘅壽司選擇，而且雪糕任食。枱與枱之間嘅空位都幾，大同朋友傾計大聲啲都冇問題，坐得都好舒服。佢都係以手機落單嘅咁樣會方便啲，而且亦都冇漏單嘅情況。海膽嘅份量好足，而且海膽手卷亦都係任食任拎，都唔會好腥，水準幾高。成日好想食花膠呢度都竟然有得食，花膠而且好厚身！壽司、卷物、燒物等等嘅水準都比平時其他放題餐廳食到嘅高！個人認為佢嘅花之戀做得幾出色。飯夠細舊，而且亦都包得好靚！最後我自己都忍唔住食咗兩杯雪糕！

對殿大喜屋不嬲都有期望所以今次同朋友過嚟食適逢今次海膽主題咁就可以一試，結果我覺得比想像中一半啊，因為之前試過吞拿魚主題同蟹嘅主題都好出色所以對佢今次嘅海膽主題都有啲期望結果海膽主題都係好多去咗熱誠亦比較少係刺身或者冷盤相，好似係帶唔到海膽本身個種鮮味出黎。因為我覺得食海膽一定係要食新鮮嘅咁就會有甜又好味配上紫菜蟹膏唔同嘅配搭咁又有更加鮮既效果。除咗海膽主題，其餘嗰啲都同平時冇乜分別，唔知係我食慣咗定係條停咗，好似冇咗一份驚喜同埋一份期待嘅感覺，可能下次要去食酒店自助餐先會滿足到我，或者過澳門食性價比高的自助餐。

光顧了很多次的殿大喜屋，但今次遇到態度惡劣的女侍應，以後都不會再光顧。光顧日期：2019年9月4日 枱號：33A女侍應在客人身後整理用完的碗碟，不小心打翻了豉油碟，豉油飛濺到我朋友的衣物上，又濺到鄰座客人的座位上，客人向女侍應反映，才後知後覺的拿出濕紙巾，叫客人自己抹，完全沒有道歉，還和其他同事嘻嘻哈哈。我的朋友告訴女侍應，豉油大範圍地弄污了她的衣物，然後女侍應僖皮笑臉說下次再來吃可找她給個優惠，朋友便問哪你叫什麼名字呢？女侍應示意看看她的心口，但她並無掛上名牌，接著就問朋友：你的衣服多少錢？我試下幫你R下啦！最後都是沒有道歉。一直都很喜歡這間放題店，食物質素高，但遇到這麼無禮的侍應後，非常失望。

今晚去了殿大喜放題，首先有位扎高馬尾的女侍應在本人身後打翻了豉油，其後本人及旁邊枱的客人的衣服上都沾上很多豉油漬。她當時只是說給濕紙巾我們，沒有表示任何歉意或道歉。其後她有幾位同事經過也只是說笑她打翻了東西，看似沒有把丟污客人衣服這回事放在眼內。之後在埋單的時候，本人問丟污的衣服怎樣辦，那位女侍應到最後都沒有道歉，她有說下次光顧再找她，她會替我找優惠，但是問她叫什麼名字好讓本人下次來找她時，她卻不肯說。她只不停重複下次找她。她是否認為我能在不知相隔多長時間後的光顧能在鋪面如此大的地方找到多位女侍應當中又有上班的她呢？最後她亦沒有說對不起。所以本人不會再光顧殿大喜了，因為他們沒有把客人放在心上。另外，沒有落單的食物一次又一次放到本人的枱上，來過的食物又會再上，叫人不知如何是好。無論食物再好吃，員工態度散漫，服務質素一般，都已經足夠令我放棄再選殿大喜食放題了。

我呢啲每個月至少食一次放題嘅人，今次就好豪氣咁樣食咗呢一間殿。大喜屋啦！12點去到餐廳嘅人都算幾多，好彩自己有book位！我朋友嗌緊嘢食嘅時候，我自己走咗出去睇吓啲乜嘢嘢食啦，有魚蛋、沙律吧之外，亦都有一啲好吸引嘅茄醬肉丸，所以我自己都夾左一舊嚟食，味道非常之好，而且唔會凍左！而呢一間放題亦都係手機落單嘅，種類多達10款，而且第二類仲要係全部都關於海膽嘅，中意食海膽嘅朋友一定要呢一間食下，自己食過都覺得好新鮮，而且份量好大份！食放題就梗係要食佢嘅刺身啦！呢度最正嘅佢有得食拖羅，好厚身，非常新鮮，喺其他放題都食唔到嘅質素！佢其他嘅壽司燒物等等，水準都做得唔錯，就算食十舊，都唔會覺得好飽，因為佢嘅飯做得比較細舊，呢個值得一讚！喺手機種類最後嘅一款係鐵板和牛，雖然自己好飽，自己都試左一試！最後最surprise嘅係佢嘅雪糕係任食嘅包括有乳酪味嘅Häagen-Dazs，自己都忍唔住食咗兩杯！

其實不只一次去殿大喜屋食野了，除了我一向必食的海膽、黑松露油甘魚外，今次去多咗d好味野必須要推介。1. 秋葵：烘得外脆內軟，還在上面灑了孜然粉。逐支order，確保熱辣辣，停唔到口。2. 蒜蓉開邊蝦：又香又熱，肉質鮮嫩美味，一流，我逐隻叫，叫了好多round!3. 黑松露蛋：雖然蛋唔係貴野，但煮得好香，加上黑松露，好正！4. 榴連炸彈：愛吃榴連的不要錯過！裏面超香，有pat榴連係炸脆外殻內。5. 鱆紅魚：唔點野的話，勁有魚肝油味。6. 還有奇異果🥝yogurt7. 之前有食過羊架，今次食勁稔，好香。阿姐幾好人，主動幫落窗簾，冇任何優惠埋單一人305.5可是，環境方面有三個批評及注意：1. 電話落單，大家叉好電先出門口，無乜電好大穫，就住就住咁。長者無智能電話亦不方便。建議有位置叉電，不然太不方便。2. 一直循環播一首奇怪音樂，其實也不算什麼歌曲，來來去去幾個音，似電子儀器發出的幾個音階。

今日係朋友嘅推介之下，終於試咗最高級嘅大喜屋！ 殿大喜屋！308一位，比其他大喜屋貴幾十，但係食完呢餐之後就覺得係物超所值！因為食物及環境都好好多！食嘢之前先睇吓飲品櫃同埋自助bar枱，好多選擇，有茶有酒有果汁，熟食都香噴噴！首先嚟嘅係刺身，比其他地方多左拖羅揀，拖羅油滋味好重，同其他刺身一樣都好新鮮！海膽杯都好有特色，細細杯唔會太heavy，加上三文魚碎同蟹籽，魷魚絲，十分刺激口感！今日仲有限定嘅海膽手卷，平均每一舊都有四至五舊大海膽，海膽勁香，紫菜又夠脆，勁好味呀！其他嘅壽司都好好食，但種類太多，五花八門，好難逐一介紹，但只可以總結一句佢哋全部都好新鮮！呢個係第一次見既薄燒和牛，淨係聞到已經聞到好香，唔點汁食既話，好重牛味，點埋醬汁又係另一個享受！雪糕選擇都唔失禮！有Häagen Dazs，Movenpick同Milktop，真係淨係食雪糕都回本！

係好耐之前試過一次殿，感覺俾貴啲都係值得，因為無論係環境食物定係服務都比其他大喜屋更勝一籌。琴日同朋有再次黎到，帶朋友感受下殿堂級放題嘅威力！價錢比其他放題貴小小，但全部野都升晒級！勁多野飲揀！自助bar都好多野食選擇！有拖羅既刺身，勁香油味！其他刺身都好新鮮！最抵讚係為唔會咗視覺效果好好，而用一大盤，因為我哋兩個人，點得比較少嘢食，所以用返一個細盤俾我哋，十分難得！為環保出小小力！勁好食海膽杯，下邊有三文魚同埋蟹子，無論係味道定係感觀上都係頂級！壽司同樣係好多選擇，我自己都鍾意黑松露同埋和牛，勁香口！同埋舊飯細細舊，唔會令到你好飽！今日又限定嘅海膽手卷，每一舊都有四五舊大海膽，又香又新鮮，食多幾舊都回本！燒和牛同埋燒羊架都係好好食，燒和牛冇記錯應該係呢度獨有，配上醬汁味道一流！仲有幾過癮嘅酸菜魚。最後梗係個個都鍾意嘅雪糕！食多幾杯都回本呀！

難得舊同事約食飯而佢又想食日本野就揀左呢間去食入到去都算幾多人不過都唔使等五個人 一人叫一個lunch set佢最好既地方就係就算叫lunch set都可以出去攞自助bar既野食等個set黎個陣我地食小食都食到有小小飽😂我叫左個叉燒拉麵配壽司都唔錯，湯底都濃臨尾仲可以食返個甜品

由於上次已經食左第另一間大喜屋，今次walkin左呢間試下先。整體感覺係極尚好D，殿既環境裝修其實不太討好，但勝有唔同限定食物既供應。鰻魚好差，似用大陸白鱔，肉質同味道一般般，多骨。新鮮的鱆紅刺身。鐵板燒半熟肥牛，和牛油香好勁過和牛粒。不過不失的吉列蠔 。海膽杯係靚嘅，但個杯可以再大d。燒牛舌有點過火，太燶太乾太韌，大多數放題好過佢。左邊鵝肝和牛壽司鵝肝太小了，牛又冇得別 一般般，右邊左口魚你寫。肥牛鍋出奇地好味，醬油壽喜燒湯帶香濃甜味。放題叫拉麵，從來都係伏多，見呢間放題算係中高檔路線，本想比次機會放題拉麵，點知出嚟比旺角食個d一般放題還要差，湯冇味似水溝味精，配料普通，同五十嵐差不多，但點個面底簡直不堪，太淋，夾起大力點都斷。整體五十嵐仲好過佢。刺身方面選擇都多，貴價嘅油甘魚同池魚都有，但最吸晴嘅更係個拖羅啦，入口即溶。

$308 +1。款式小、味道麻麻、刺身一般般，覺得串燒係全部嘢最ok 嘅，多款，可口。整體性價比麻麻，今次兩日前book位都得，仲大把位，方便有d即興朋友約，不坊試下。

相隔好耐既中學同學聚會緊係撰返當年最愛既放題啦相比以前淨係睇邊間抵食而家會睇重埋質素見到好多食評都大讚拖羅同海膽就緊係要試啦星期日大概6點半去到被告知座位已滿要等下一輪，然後7點半再上去時已經人山人海排到後樓梯仲要不停有人walk in一入場就見到一大堆冷盤，小食同大大個甜品櫃花多眼亂其餘重點食物例如刺身，壽司，炸物等都可以用部tablet入單既然去到係海膽祭就緊要試晒海膽食品基本上除左海膽炒飯外所有都係一口size必試既一定係海膽手卷超大份同超多海膽但係有指定供應時間所以大家要留意呀刺身整體都唔錯最後叫左兩輪拖羅色澤好靚同係入口即融唔單止食，飲品種類都非常多為左唔好食太濟大家都飲左唔少解茶最正係有暖既sake被客人裝係小壺仔飲完食完就係最重要既雪糕時間啦！！!Movenpick, milktop, Haagen dazs當晚都有款口味分別係朱古力，海鹽同kiwi frozen yogurt食到飽晒時一啖酸酸甜甜既kiwi froyo即刻舒服晒！最後所有人都食左至少3杯雪糕滿足地結束一個半鐘既放題啦

要食放題一定會去尖沙咀殿大喜屋，因為款式最多無論刺身定熟食都有好多選擇！今天趁放假，一於去食午市放題！依家餐廳選用微信/QR code下單，既方便又環保，值得一讚👍食物種類繁多，應有盡有。下單不久就有食物送到，非常有效率！刺身新鮮無雪藏味，更加無腥味。個人特別推介赤蝦，帶子，長腳蟹以及定時供應的海膽手卷。刺身鮮甜味美，味道令人念念不忘。除了刺身外，燒物、熟食質素也非常高。燒菠蘿酸酸甜甜，十分醒胃，令人食欲大增柚子胡椒和牛&鹽燒三文魚腩壽司就好食，滿有油香！有一款蒜麵豉炒虎蝦配啤酒啫喱，賣相精緻整到中式高檔酒樓咁，吉品鮑汁燴花膠、天婦羅炸蝦等熟食不錯；黑椒蜜汁一口牛，至愛都係羊架，好香黑椒味，完全唔會有蘇味，我都食左3round！必食！甜品又多選擇，哈根達斯同movenpick都有！ 每人食兩個已經厎返喇！

因手機點餐慕名而來到殿 大喜屋日本料理，朋友話好方便，而本身亦從事IT行業嘅我，特意前來學習及感受下新興手機點餐帶來便利。一坐低，職員便迅速遞上一個印有QR CODE嘅單俾我地，我都等唔切即刻scan左進入點餐頁面，好方便嘅，食物全部都可以點到，鍾意嘅就click落去，呢到submit左一陣，個頭唔洗幾分鐘即刻就有野食，認真方便。科技的卻可以帶俾人好大嘅便利，再唔係要不斷揮手先搵到人來收單，遞多幾次單又怕俾侍應可能覺得你煩，而係直接自己想食d咩，就可以落d咩。好啦，睇下送過黎食物，刺身永遠都係食放題前第一會嗌嘅野跟住必食嘅就係蒲燒鰻魚，個種入口即融嘅魚油香，海膽^^牛柳粒，7成熟嘅厚切牛柳粒，不太生又不失嫩滑的口感擺設緊緻嘅花之戀和帶子壽司很有驚喜嘅花螺，大大粒之餘，仲好入味來啦來啦，羊架，肥美嘅羊架，真係讓人一試難忘，所以連續嗌左兩次，真係好好滿足，前面食完一d肥美嘅食物，要搵返D清返少少嘅食物隔一隔當然少不得佢啦，燒菠蘿啊！真係飽得好緊要啊，最後都夾硬撐大個肚食埋甜品，整體感覺非常正，手機點餐嘅便利，帶來更好嘅顧客體驗，唔怕被侍應的冷落，有咩完全靠手機就能解決，配合上乘嘅食物，可以

話說我同另一半都好鍾意食放題, 今日特登BOOK左傳說中好食既殿.大喜屋. 9:15PM時段. 有85折.9PM左右去到登記.等左一陣就入得. 環境同一般放題餐廳一樣. 檯細. 狹窄,,, 呢度都係用APP落單. 最簡單方法就係透過WECHAT SCAN QR CODE就可以. 其實選擇唔係話好多. 不過來之前已經睇左有TORO同海膽, 所以即刻ORDER左. 再加埋D見到有焗帆立貝呢D . 開邊蝦, 都ORDER左少少等左幾分鐘就有得食, 都好快, 老實講, 刺身真係麻麻, 唔係霉,不過係冇味., 最期待既TORO完全冇味,得個凍字, 睇個樣唔錯,但食落口失望... 海膽杯還好, 不過太細杯, 而且用膠杯, 非常之唔環保... 熟食還可以, 焗帆立貝呢D . 開邊蝦. 鰻魚, 唔差, 正常口味... ORDER左個木瓜糖水, 都可以, 唔會話難食...呢度唯一好係任食雪糕, 如果鍾意食雪糕既人就ARM晒.同埋唔知係咪因為食9PM關係, 飲品櫃既飲品完全唔凍=_=  埋單HKD311 / 每位. 其實. 唔值.呢個質素. 有點先差...