殿 大喜屋

營業中

休息中

It is overall a decent and elegantly decorated Japanese restaurant that whets everybody's appetite! For the location, it is Very close to the MTR station. We just need to walk for about five minutes after getting out from the station. Serving with the high quality of food, services and environment, I believed that it is a fair price. The place is big and decorated nicely. The cozy environment provides a wonderful atmosphere for enjoying the dinner. The sushi is yummy, we are served in a fast an

It’s really a long time not having Japanese style! I know that there is a fabulous restaurant in Tsim Sha Tsui where Japanese buffet is served. Not surprisingly, once you get there, you are already amazed! The decoration is good, it is completely the same quality of the hotel buffet. It is not the same as the ordinary restaurant. Although the price is a little bit high, but it is worth!Of course, there are a lot of foods too. I like sushi series and the sashimi the most! All the sushi is neat an

同狐狸仔慶生日，朋友介紹話呢間高質放題，我就帶狐狸仔黎試，狐狸仔食完都話掂！！刺身夠新鮮，魚肉厚肉有咬口，蝦爽口彈牙，仲有好多特式壽司 >>>九點好似開始有海膽卷，無偷工減料，勁足料，好似有五塊海膽鋪系面，我仲比左啲狐狸仔，海膽入口即溶。炸雞翼同芝士年糕。芝士焗蠔，裡面藏帶一堆沙律醬，味道好濃，我個人就一般啦。薄燒牛都真系好薄下，要趁熱食！！唔系會有少少韌。芝士蝦呢個正！芝士厚，啖啖蝦肉。牛舌非常彈牙！！再叫！！

真係好耐無食日式放題啦！知道大喜屋有間最靚嘅殿大喜屋好正，顧名思義，就係殿堂級嘅享受！果然，一入到去，就已經夠唒驚訝！呢度嘅裝修好靚，完全係酒店buffet嘅質素，同普通餐廳唔一樣，價錢雖然係放題嚟講偏貴，但真係物有所值！首先，講下飲品先，呢度嘅選擇非常之多，梗有一款啱你飲！有唔同嘅樽裝飲品，十分方便，仲有林林種種嘅特色罐裝飲品！係日式放題唔少得嘅梗係清酒，呢度有兩款可以揀！估唔到嘅係連咖啡都有！咖啡飲落好滑，好香！當然仲有好多唔同嘅食物，食物種類都好多！我最鐘意就係炙燒系列嘅壽司同埋刺身！壽司全部都整得細細舊，唔會食到好飽，試唔到其他嘢！炙燒三文魚係最好味，三文魚入口即溶，但燒過嘅三文魚嘅油甘味更香，配埋個醬汁，真係一流！刺身都好新鮮，種類都好多，全部都好肥美！

之前食過大喜屋放題，已經覺得性價比好高！殿 大喜屋係我心目中屬於高階版，啱啱出糧所以決定對自己好啲，不過食完之後相信呢度會係我之後食放題嘅首選👍🏻海膽手卷絕對係回本必食，海膽非常足量而且新鮮，夠凍係非常重要，小巧得黎有內涵🤫刺身拼盤又係唔少得嘅必點項目，三文魚、拖羅、松葉蟹腳、北寄貝、螺肉等，一連嗌咗三round，上菜快，同樣地夠凍食材好新鮮😏熟食同樣有驚喜！，鹽燒青花魚燒得好香而且冇骨啖啖肉，即叫即製熱辣辣上枱，調味亦都啱啱好，鹽燒調味令整體味道提升，加啲檸檬汁冇得彈😝放題點止大魚大肉呢？我地都有點蔬菜嚟平衡下😏 牛油燒翠玉瓜燒得清甜惹味，晤會死咸，片瓜保留着原始嘅juicy味美！再黎一客家的味道->椰子雞湯😙 一碗足料嘅住家湯夠晒滋補👍🏻要數最最最驚喜嘅一定係有齊三大品牌嘅雪糕🍦。而且哈根達斯仲要係一啲市面上剛推出嘅新味道，有誠意！殿。大喜屋應該係我暫時食過最滿意嘅放題，食物種類好有驚喜，完全估佢唔到，水準拍得住唔少酒店星級嘅自助餐，但價錢相對抵食相宜好多，絕對係窮人稿賞自己嘅恩物🥳

成幾年冇來過食大喜屋，原來分店也開了幾間，不是朋友帶我來呢殿大喜屋，我也不知道，而且我們去中午buffet,價錢每人三百蚊左右，尚算可接受，一入到去職員叫我們用手機落單，真是幾方便！原來除左order紙外，出面仲有好多食物可以任意食：有冷盤（沙律），各式各樣的飲料，甜品（蛋糕），種類多的水果，而我拎左幾轉熟食,咖哩魚蛋出乎預料之中的好味。過左十分鐘左右，食物陸續登場，我主打叫的都是熟食。其中燒物：芝麻雞翼，蝦，波羅，香芋丸等，燒得最為突出，味道醃得岩岩好。另外個壽司種類不多，但貴精不貴多，個蒲燒鰻魚壽司同皇帝蟹棒壽司好正，來回叫左幾轉。除此之外我仲食左幾轉雪糕，牌子有我最愛的movenpick，只食呢個都值回票價。最後服務不錯，食完即刻替我收回碟同落單後食物冇漏單，值得我下次再來食！

香港既日式放題開到成巷成市，數到數吾晒，今次食既係元祖日式放題品牌大喜屋旗下的殿-大喜屋日本料理。.餐廳大部分位置都設卡位，位置寛敞舒適，吾洗坐到背對背，迫住晒。.尼到落order 可以用電子方式落單，既環保，慳返吾少order 紙，又可以睇返自己叫過啲咩，一舉兩得。,落完order 等候期間可以出外面吧台拎野食，有冷食、熱食、飲品櫃、甜品櫃、沙律吧，款式多元化，想食咩飲咩，總有一款岩口味。.要回本當然要食刺身，尼到除左大路既刺身外，仲有其他放題餐廳少供應既海膽手卷，手卷即叫即製，海膽鮮味十足，食多幾輪都回返本👍🏻.中意食甜品既人士一定吾可以錯過尼個corner位， 有多款口味甜品，包括牛乳布甸，朱古力蛋糕，馬卡龍，仲有貴價movenpick、milktop、haagen dza 雪糕任食，見到都心心眼。特別推薦milktop沖繩海鹽雪糕，平時好少會食到，雪糕奶味濃厚,質地滑溜,配上帶少少咸的海鹽味，幾特別，食多少少都吾膩。

今日男朋友生日，我提早左一個星期訂咗午市放題，因為呢度有海膽嘅主題，我男朋友有最鍾意食海膽，所以我選擇左呢度呢度嘅放題好方便用手機Scan QR code就可以落餐，唔使喺度填一張張紙，環保又方便海膽手卷係出去自己拎即叫即做，好新鮮而且唔會有腥味另外知左佢嘅飲品種類都好多，有我最鍾意嘅韓國系列嘅飲品，蕃石榴汁、提子汁，仲有好適合食完一大堆野之後飲嘅解茶燒帆立貝都好值得一試，粒凡立貝放題來講都唔算細粒，而且加埋一啲沙律醬好惹味啲東風螺都好好食，因為佢係用洒煮，所以會有好濃郁嘅酒味同埋好適合做前菜好開胃甜品亦都係我嘅至愛，全部都細細件可以試到唔同嘅種類，芝士蛋糕同埋木糠布甸都係我嘅至愛

今日同朋友去咗殿大喜屋食lunch放題，之前都係食過大喜屋，今次就你間高級啲嘅！果然有驚喜海膽杯令到我哋好驚喜 海膽下面鋪滿着蟹子同三文！呢度嘅刺身好新鮮而且好厚身，食落去好正🥳三文魚同埋拖羅都係我覺得最值得推薦嘅，拖羅真係入口即溶❤️呢度有一個虎蝦配啤酒啫喱 好特別值得一試啫喱食落去會有酒味🙂花膠都好大舊 而且加埋啲汁好入味佢嘅天婦羅同埋吉列蠔 炸物來講都算唔錯 ，因為唔會食落去好多油牛舌都可以值得一試，咬落去唔會難咬😛鍾意食甜品嘅我哋，雖然已經食到好飽，但係佢嘅款式實在太吸引，而且細細件每款都可以試吓最開心嘅係雪糕有Häagen-Dazs同埋Movenpick,有士多啤梨同埋朱古力味，都係我最鍾意嘅味道，仲有一隻沖繩海鹽，好特別🥰

講起日式放題，大喜屋集團我相信香港人好多都食過！佢有好多種唔同級數的放題！想當年由第一間大喜屋開始食，樂天大喜屋，極尚大喜屋同殿大喜屋！每間嘅價錢都有分別嘅嗰間唔同，食物品種有少少分別！🤩🤩之前都有食過殿大喜屋😋但今次真係要寫一寫食評，佢價錢三百幾蚊印象中比一開嘅時候平左！當時仲係用紙嚟落單嘅，而今次呢就用QR code好方便👍🏼殿大喜屋有中拖羅刺身👍🏼非常鮮甜，放題食到係非常吸引！而且而家應該係做緊一個海膽嘅季節，所以有好多唔同海膽嘅食品，包括係海膽手卷同埋海膽海膽杯等等......好多唔同嘅選擇！以前會有海膽軍艦不過依家冇囉🤣海膽手卷係要出去排隊拎而家海膽嘅份量唔少唔會好似其他放題咁得少少😍殿大喜屋最特別嘅地方係佢有鐵板牛肉！呢個好好味！好重牛味！值得推介👍🏼👍🏼我哋食完再encore！貴價雪糕movenpick同Häagen-Dazs佢可以俾你任食😱😱😱呢一個係其他放題都絕對做唔到,所以殿喜屋好容易就可以返到本啊！

尖沙咀有幾間放題，今次試下呢間殿大喜屋睇下好唔好食特選時段優惠仲有85折👍🏻坐低無幾耐就拎野飲我第一次見放題有呢罐野飲落又幾清新魚生好新鮮，冰震三文魚，滑身又鮮味刺身蝦冇《梅》，好鮮燒鰻魚口感好滿足，味道亦岩岩好，唔會太咸肉質有少少彈牙😬芝麻雞翼都係脆到爆😬味道亦岩岩好，芝麻量又足夠炸生蠔都好好食，冇腥味芝士焗蝦都鮮味，唔會乾，芝士味可以再豐富d要排隊拎既海膽手卷海膽好鮮味好好味，一人最多拎2個估唔到仲有Haagen-dazs食，真係驚喜滿足一餐

今個星期終於可以同老婆去放放電好開心所以我哋中午去睇場戲然後過去尖沙咀食好出名嘅放題，點解咁出名？因為呢個放題全部都好新鮮好有質素嘅食品價錢都係貴平時放題少少所以好抵食🥳🥳叫做（殿）大喜屋🎉一去到你就見到好大個雪櫃好多飲品任君選擇花多眼亂仲要係任飲任拎🙊旁邊仲可以自己沖其他飲品......當我地坐低就有職員同我地講可以出去排隊攞海膽手卷咁我哋唔使諗啦就即刻出去拎啦😂海膽非常之新鮮好味😋每人食咗四卷🙊留返個肚食其他嘢，呢度重點仲要有新鮮嘅拖羅刺身👍🏻👍🏻我哋當然仲叫咗好多嘢啦例如天婦羅，炸雞翼都好正👍🏻壽司仲有好多款三文魚，牡丹蝦，油甘魚都係我最喜歡💕之後仲叫咗好多燒物同其他嘢真係多不勝數.......總括嚟講真係咩都有得食咩都有得飲🍹🍺正！

今日同男友講開話好耐無去食過buffet,男友就話依家去食個buffet每人為起最正正常常既都要五六百蚊一位,仲要食黎食去都係果d野,個性價比真係唔多高,所以男友話搵左間係尖沙咀"殿大喜屋"。依間比起其他既大喜屋更乾淨,坐位更闊落,個性價比簡直非常高。刺身:選擇種類繁多,有成十幾種咁多,而且非常新鮮,當中帶子,拖羅同北寄貝一定要試下。海膽祭(季節限定):鍾意食海膽既我撞正海膽祭,簡直prefect,當中海膽手卷同海膽松葉蟹一口飯,一定唔可以錯過。另外熟食有除左手點食物之外，而且大堂裡提供自助形式的食物，有飲料，水果，甜品，沙律，質素不錯！

今次是第二次食殿大喜屋, 對上一次已是接近3年前, 當時印象不錯, 最記得是可以食到多款貴價雪糕~食之前頗期待的, 整天只食了蘋果, 就是為了留肚食殿大喜屋今次比上次好的是, 不用在街邊排長長的隊, 直接就可以進店坐下了!另一個好是, 變得環保了點餐方法由以為的一大疊點餐紙變為掃QR code用手機下單!不但止環保, 其實對我們來說都更方面, 不用再在那大大疊的點餐紙中找~ 希望其他放題店快點效法啦~千層海膽杯 & 海膽蟹肉一口飯 ※ 推薦指數: 5/5超幸運的我們剛巧遇上海膽主題呢除了平常食到的海膽手卷, 更多了更特別的海膽菜式!千層海膽杯和海蟹肉一口飯除了有一大片鮮甜的海膽外, 更多了蟹肉飯和多種魚生的配搭, 絕對值得一試鱆紅魚薄切伴海膽醬油 ※ 推薦指數: 4.5/5鱆紅魚薄切很滑, 口感一流, 加上蔥花, 蘸一點海膽醬油已超好味!這個放題中少見的菜色, 一定要試呢~但海膽醬油的海膽味我覺得有點不足, 所以扣了0.5分~刺身拼盤 ※ 推薦指數: 4.5/5鮮甜, 不腥, 沒有漏單不知是心理作用還是真的來貨不同, 感覺好像比其他同集團的分店更新鮮呢!芝士燒開邊蝦 ※ 推薦指數: 5

之前同女朋友已經嚟過呢間殿大喜屋，難得女朋友鍾意食呢間嘅日本放題，於是乎再帶佢嚟食。刺身拼盤-食得日式放題，一坐低梗係要嗌刺身食先啦。先點左三文魚、赤貝、北寄貝、帶子等等刺身，食落新鮮又夠凍，所以忍唔住又嗌咗第二round。海膽手卷-呢一個係必食項目，雖然要自己出去排隊攞，so call叫限時限量食物，但其實我都攞咗三四轉都仲有。佢啲海膽份量大大份，一舊手卷有兩三大片嘅海膽，微微海水味，份外鮮甜，而且紫菜新鮮脆口，叫人忍唔住拎完又拎。三文魚腩壽司-三文魚腩油脂豐富， 配合微酸嘅壽司醋飯，真係配合得天衣無縫，微酸嘅醋中和三文魚嘅魚油，分外美味。蒲燒鰻魚-厚厚嘅鰻魚，肉質細嫩，配合醬燒汁，真係好食到停唔到口，叫完一碟又一碟。燒羊架-剛燒起嘅羊架即刻上枱，新鮮熱辣，羊架帶少少騷味就最好食，而且肉質林滑，諗返起都想再食。呢度除咗大量嘅甜品之外，仲提供多款嘅雪糕，有Movenpick, Häagen-Dazs仲有Milk Top畀你揀，我就唔識揀，唯有全部都食晒。