殿 大喜屋

營業中

休息中

又到休息嘅時間，因為有時差所以早左起身又諗起好耐無食放題所以揀左殿。大喜屋～～～～～～～～～～～～～～呢度午市收費係298 +10%而家有優惠做梗係88折以食足三個鐘黎計都可以接受雖然係平日，但都有五成入座率食物味道新鮮程度服務上菜速度講返刺身，拖羅同池魚嘅種類算比較特別刺身雖然全部都無雪味但係每一款嘅魚味都唔突出食左一round就收手壽司🍣就唔夠膽叫太多因為太多飯易飽肚但水準可以接受最好食係熟食特別係和牛薄燒不過漏單情況都幾嚴重想食就唯有叫多幾次雪糕有H字頭同M字頭，每人只包一杯其他小蛋糕🍰就不食也罷

Good: 三文魚夠厚身切。鰻魚以單點唔使一定要食埋舊飯。有一d 唔常見嘅菜式，eg 吞拿魚他他、醉鮑魚。熟食嘅整體質素唔錯，eg個花膠夠厚身，仲有埋冬菇、西蘭花、假鮑片，另外有個西蘭花炒珊瑚蚌，簡直覺得自己去飲。 整體嘅食物種類都幾多。 壽司size好細，種類多，可以少少地試多啲唔同嘅。一般：醉鮑魚味道偏淡。避風塘炒蟹嘅蟹肉質地可以，但味道唔係避風塘，只係炒蟹。 酸菜魚嘅魚偏林，唔個酸菜魚味，應該叫花椒魚岩d, 好麻唔酸。Bad: 布丁燒好難食，令人非常失望。飲品種類偏少。花之戀壽司居然冇靈魂嘅沙律醬係入面。Seasalt雪糕唔好食。 喺openrice 好多人食個燉木瓜，中間嗰啲椰奶原來係普通糖水咁，唔thick, 唔需要order。 刺身係會自動整少好多片畀你。Overall唔算平但quality都叫對得住個價錢。

殿大喜屋係咁多間大喜屋裡面我最❣️既，價錢唔係貴好多，但質素確實係最好同最多選擇😚平日兩小時任食放題$298+1。.個人覺得最回本位一定係有拖羅刺身！海膽手卷！和牛薄燒！雪糕任食！.一坐低就用QR code落單叫野食，另外出面亦有自助吧，選擇比起一般嘅大喜屋更加多。.壽司種類有：鮑魚蟹膏雪昆布山壽司、香芒龍蝦膏甜蝦壽司、七彩鵝肝帶子壽司、醬油汁燒左口魚邊壽司、鹽燒三文魚腩壽司、蒲燒鰻魚山椒燒壽司、牛油果軟殼蟹卷、芝士吉列蝦卷、蟹肉蟹膏蟹籽軍艦😍全部都好正，可以媲美出邊壽司舖。.一品料理同串燒類有：蒜蓉珊瑚蚌炒西蘭花、花雕醉鮑魚、燒牛舌、牛油燒翠玉瓜、鹽燒雞中翼、燒溫室甜菠蘿、鹽燒雞軟骨、蒲燒鰻魚、黃金焗廣島蠔、海燕窩椰汁燉木瓜、黑松露蒸蛋、和牛薄燒、蒜蓉粉絲蒸扇貝。.當然仲有好多未寫晒既野食，真心呢間放題好高質，難怪平日夜晚都滿晒座🤣

好耐都冇食放題，因為好多嘢食，質素參差。但朋友極力推介尖沙咀呢間殿大喜屋，所以我就跟佢去食下。我地食午市放題，就$298+10%，選擇都好多。朋友成日嚟食，我叫佢發板，所以嗌咗嘅都好好食。令我對放題改觀。分享下我最中意食嗰幾樣嘢食：三文魚剌身勁厚，好肥美。扇貝同蝦都夠新鮮。仲有好多款嘅壽司食。右口魚都有，夠多油脂。仲有海膽手卷，估唔到都幾鮮甜。壽喜燒都好有驚喜，個湯底甜甜地仲有仲蛋，好滑。牛肉都夠嫩。另一款嘅燒汁牛肉都好香，正。小食我地都試咗唔少，芝士年糕我最中意，勁彈牙同夠芝味。呢到仲有避風塘炒蟹，勁惹味。朋友連西蘭花都叫，但個汁又幾好食。最後嘅甜品試咗燉木瓜，係成個木瓜咁上，正。味道都好香甜，有好濃嘅椰汁味。我仲食咗hagendazs嘅蜜瓜雪糕，好清新。呢到連糖都有，正。

好耐冇食過咁正嘅日式放題👍👍👍。對上一次應該就係大瀛喜，即係疫情之前。真係可悲，疫情之後仲生存嘅放題差咗好多好多😨。講返呢間，唔講得笑，魚生好食，熟食好食，湯好飲。當然唔可以媲美日本或者Omakase，但係真係好耐好耐好耐未食過咁好食嘅日本放題（三年了）。啲魚生沒有結冰，隻隻魚生都正常水準，海膽手卷冇腥味，熟食正常，最緊要最後彩蛋係有Häagen-Dazs同埋Movenpick雪糕食仲係任食🎊🎉🎊。但係衰啲講句係就快啲去食，因為咁嘅質素唔知可以維持幾耐。

好耐冇食過放題的我，因友人很想食，佢提議去位於尖沙咀的#殿大喜屋。餐廳坐位都好坐的，唔會有很擠迫的感覺，食物都可以放得到很多碟☺️。食料種類繁多，有生果、前菜、刺身、壽司、火灸壽司、手卷、串燒、炸物、熟食、甜點跟飲品等等。自肋吧有不同款式的湯跟熟食，咖啡☕️ 清酒、梅酒都任飲，啱晒喜歡嘗酒的人仕🥂🥃🍸刺身魚生夠晒冰凍，嘅新鮮又好味，最愛肥美帶子、三文魚同吞拿魚，啖啖滋味。海膽手卷新鮮好食，仲可以排隊任你拿，但都係食左一件咁多，要留肚食熟食，一口鮑魚、一口牛、燒牛柳、鰻魚燒得唔會太乾，夠香又熱辣辣，燒菠蘿🍍甜又多汁，都相當唔錯。Haagendazs😊，movenpick🧁雪條任食, 都係我喜歡的品牌，另外蛋糕和凍奶都唔會過於甜幾正，質素令人滿意。

殿 • 大喜屋係比一般既大喜屋再高一級，殿堂級放題有拖羅、池魚王、油金魚同北海道帶子等我哋午市食足3個鐘每位💰2️⃣9️⃣8️⃣首先點盤刺身款式好齊，有三文魚、甜蝦、赤海蝦、帶子、赤貝象拔蚌、池魚王、油甘魚、劍魚腩等等，當然必點拖羅🤣另外🍣壽司嘅款式特別多，有香芒龍蝦膏甜蝦壽司、鵝肝帶子壽司、海膽大蝦壽司、三文魚籽赤蝦壽司、柚子胡椒和牛燒壽司，仲有比較少有嘅燒左口魚壽司添🤩🌟最值得一提有即整新鮮海膽手卷，需要排隊每人限取兩份，保證食到食新新味嘅海膽，海膽份量都好足😋熟食方面都好有睇頭，有我至愛🦀避風塘炒蟹，蟹肉大大件夠新鮮👍仲有黃金焗廣島蠔🦪、和牛薄燒、清酒煮蜆、花雕醉鮑魚夠彈牙自助區有各式飲食選擇，有🍺啤酒汽水、茶類及紙包外，有韓式飲品、🍶清酒、燒酒，當然唔少得咖啡機甜品自助區有各式🧁蛋糕、乳酪等，我哋order海燕窩椰汁燉木瓜滋潤一下🤗午市放題每人限一杯雪糕，有Häagen-Dazs、Milk Top、Movenpick選擇🍦🎈殿 大喜屋🎈尖沙咀金巴利道26號1樓

大喜屋有幾間分店，質素一向都唔錯！而殿。大喜屋係比一般既大喜屋再高一級，今次我都係第一次去😝平日晚我早左少少收工同同事食早時段每位$298任飲飲食兩小時😗一坐低就梗係要叫轉刺身先😎嘩，呢間啲刺身款式好多，三文魚、甜蝦、帶子呢啲唔少得啦，仲有赤背、象拔蚌、池魚、油甘魚、劍魚腩等等，最正係有拖羅‼️係放題黎講，質素堅唔錯喎😍真係要Encore兩三Round😍特別要提及海膽手卷😝要食就唔係用手機下單既，而係要親身出去counter自取 (近大門)，每人每次只可以拎兩件海膽手卷，確保新鮮😍都係個句，以放題黎講真係好高質!!日式放題已經進化到有貴價中菜🍲避風塘炒蟹，係原隻蟹上🤣真係熟悉的避風塘味道，而且蟹肉仍然有肉汁、唔乾、彈牙!😋😋花雕醉鮑魚，這個值得大推🥹!!!，第一次係放題見到可以任食鮑魚，同埋唔係罐頭鮑魚，係新鮮鮑魚，夠凍而且入味!! 我一個人就食左6隻☺️☺️一品花膠盛，絕對唔係用豬皮充當花膠之流，花膠大塊而且吸晒汁😋自助區既前菜、飲品、甜品都有超多款選擇😍布甸燒都有🍮什至有我最愛既梅酒😍雪糕好多牌子，Haagen Dazs、Movenpick、Milk top等等，飽到上心口🤣📍#殿大喜屋

呢間放題之前朋友生日食過一次，環境食物衛生都覺得唔錯，同埋呢間同平時一般放題有啲唔同嘅係竟然仲要有拖羅刺身🤩仲有仲有最特別係呢度有埋和牛任食🤩超正呀！呢度嘅刺身款式多，件件都新鮮肥美🤩拖羅刺身，入口即溶🤤必食呀！壽司🍣賣相同擺盤都好精緻，款式亦都多籮籮，有七彩鵝肝帶子、鮑魚蟹膏雪昆布山、魚醬龍蝦沙律多士，香芒龍蝦膏甜蝦等等…...仲有即叫即包嘅海膽手卷😌你哋估下價錢係幾多🤭.....每位都係$298+1，食足兩個鐘抵到冇朋友呀😍

小編認為殿大喜屋是眾多大喜屋中最高質的放題。位於尖沙咀金巴利道。最優惠的時段是星期一至四（17:30-19:30）$298。甜品區的種類多多，有甜甜圈、糯米糍、慕絲、奶凍、布甸、乳酪等。自助區還有小菜。刺身新鮮，油脂分布平均，鮮甜。香蔥芝麻拖羅小卷(1客3件）拖羅新鮮，入口即溶。花雕醉鮑魚，最欣賞的是鮑魚已拆外殼，吃起來很方便。小編都追加出3-4轉🤣避風塘炒蟹蒜頭爆香，肉厚肥美的大肉蟹不會乾身，夠火候、用料恰到好處，香蒜爆到粒粒鬆脆分明，辣味螺肉，夠晒惹味。海膽手卷係無得qrcode 落單，要到自助區排隊取。海膽鮮甜，以放題來說份量多。海燕窩椰汁燉木瓜養顏之選，椰汁方面較為略甜。木瓜很甜，煮得又淋。酸菜魚大大啖魚肉只有殿 大喜屋才可以任食Haagen Dazs，吃了兩杯焦糖味，很滿足。

睇到網上有人推介呢度有拖羅刺身任叫，即刻book位食lunch。每位$298加一，比其他午市放題貴，但見人推話有拖羅又有薄燒牛、又有炒蟹咁，好似都抵食。去到一坐低即刻QR code落單叫9片拖羅同其他刺身試試先，盆刺身等左10分鐘先黎，嚟到得三片拖羅，我哋三個人叫九片佢比三片，其他刺身又比足，淨係拖羅比少咗，即刻再落單靜叫拖羅12片，等咗15分鐘先到，又係得三片。如是者再叫咗幾次，不論你落幾多，佢永遠都係得三片，起碼要等15至20分鐘先到，仲有兩次漏單，食兩個鐘叫咗起碼八次以上，黎得六次，計返每人都係食左6片拖羅，D拖羅仲要好細片，質素又一般，有兩次仲要係好瘦又接近赤身咁色。所以如果諗住食拖羅先去嘅可以唔使考慮。其他熟食都係一般平時放題質素，網上睇好多人推介佢個避風塘炒蟹，食落啲蟹有少少臭，係靠個蒜蓉去掩蓋啲臭味，味道非常一般。扇貝唔好食，花膠成塊豬皮咁，炒牛柳粒一般，海膽手卷冇咩味道～唯一覺得好食嘅係簿燒牛肉，但係又係叫10次來五次，每次都係三片。貴價雪糕每人限一杯。呢間放題漏單情況嚴重，數量又不足，計返非常唔抵食。

選擇多質素好 一品料理尤其出色～～～好耐無同家姐擦餐勁嘅，是日老細放假，特登早走同家姐一齊去tst食我地以前細細個就好中意食嘅大喜屋。～～～有一段時間無食，人氣依然，排隊情況依然存在，好在我地預約好。～～～餐品選擇頗多，上菜速度也不錯，味道亦維持到一貫水準。～～～先說說刺身方面，比較特色的刺身有池魚王刺身、象拔蚌刺身、甜蝦刺身、針魚刺身、拖羅刺身、劍魚腩刺身等等。家姐最中意就係魚油滿滿嘅三文魚刺身同油甘魚刺身。而我就中意有咬口嘅北寄貝刺身同白雪雪大大粒嘅北海道帶子刺身。整體都很不錯，encore咗好多次。～～～另外佢地嘅sushi同刺身亦好唔同，有好多花款，例如有魚子醬龍蝦沙律多士壽司、海膽大蝦壽司、魚子醬伴紋甲魷魚壽司、柚子胡椒和牛燒壽司、黑松露沙律玻璃蝦壽司等等，雖然怕食太多飯容易飽，但係都忍唔住食咗好幾件。～～～除咗壽司🍣刺身，另一個我地order好多嘅系列就係一品料理。花雕醉鮑魚非常入味，鮑魚彈牙，醉酒汁滲透每一吋鮑魚肌理之中。清酒煮蜆就清甜無沙。品花膠盛則爽口厚身。蒲燒鰻魚香甜肥妹，黃金焗廣島蠔入口滑溜。和牛薄燒牛味濃郁，西京燒比目魚肉嫩非常，芝麻雞翼則香脆誘人，以上都係我地

尖沙咀性價比高日式放題話說好耐冇食日式放題，今日早咗放工，約埋朋友一齊食嘢。朋友想食刺身、串燒又想食炸嘢同埋雪糕，之後網上搵到呢間日式放題有齊晒，滿足晒咁多個願望😃手機下單非常方便，圖文並茂，簡單易明。服務都不錯，上菜快，收碟快，安排入座都快。非常多人，記得提早book位～餐廳座位超多，環境非常熱鬧，座位少少逼夾～提供紙巾和濕紙巾，自助形式拎冷盤（青口、蝦🦐）炸物、湯水、甜品、雪糕雪條、軟雪糕、軟糖、飲品（各款解茶、汽水、啤酒、清酒🍶果汁等等）平日5點至7點放題$318+1，任點壽司🍣刺身、炸物、天婦羅、串燒、一品料理等等記得出去排隊拎海膽手卷😛，同埋台台都叫嘅避風塘炒蟹，有半隻，仲有蟹鉗，好多肉💕炒到好香口惹味。清酒煮蜆有驚喜，肥美鮮甜燒七味鱈魚乾 好薄脆，甜甜地好好味，下酒菜必備。仲有燒甜菠蘿🍍好多汁壽司推介香香的鵝肝帶子、甜甜的魚子醬龍蝦沙律多士壽司🍣炸物推薦 #芝麻雞翼 ，好香脆惹味多肉。流心芝士年糕#天婦羅 🍤炸蝦、南瓜和蟹棒都好食😋，熱騰騰脆卜卜。甜品拎左勁多款芝士蛋糕，都好食。仲有布丁、龜苓膏等等雪糕一定要拎玄米茶！濃郁玄米茶味🍵好食過海鹽雪糕服務質素：7/10環境舒適度

我地真係好中意食自助餐一個價錢吃到飽今次去試尖沙咀加拿芬道的殿 大喜屋一去到門口已經超級多人難得開放返晚市又係母親節所以好多人都一家大細黎開餐好味的自助餐有好多不過依間價錢都好抵中西日式食材都有除了可以用手機自助點餐仲可以去美食區自取熟食大大盤新鮮刺身嫩嫩的和牛超大碗花膠冬菇仲有大大隻鮑魚清酒梅酒任飲美食區其實都好乾淨企理refill 都好快手食飽記得要食埋甜品先好收工仲有優質雪糕任你食我覺得值得再去

午市時間過左黎尖沙咀品嚐殿既滋味，對比其他日式放題，殿真係特別高質，無論係環境、衛生管理、員工服務至到食物質素，真係出意料優秀！最重要擁有過百款食物選擇、貴價食材等等，性價比非常高！午市仲可以慢慢享受3小時既樂趣！最大優勢，呢度既刺身款款都好肥美，拖羅仲可以無限任食，肥美魚香再係舌頭上既餘韻，真係好幸福！特別推薦其他必食獨特食物：避風塘炒蟹 Fried Crab in Typhoon Shelter Style鮑魚蟹膏雪昆布山壽司 Abalone Crab Paste w white Seaweed魚子醬龍蝦沙律多士壽司 Caviar Lobster Salad Toast清酒啫喱吞拿魚壽司 Sake Jelly Tuan一品花膠盛 Maw黃金焗廣島蠔 Golden Baked Scallop海燕窩椰汁燉木瓜 Stew Coco Papaya w Bird Nest