殿糖級 (已結業)

前日剛拜山經過樂富，見到新開的甜品店。原來在樂富都開了一間。這間有好多款千層蛋糕🍰，本來比較喜歡榴槤千層，可惜剛售完。唯有試下布丁，剛見到好多人買，天口又好熱！就買了芒果和绿茶回家試下。估吾到！😋真係好美味。吾太甜，芒果味好濃，價錢又平，好評！另外買了一盒雞蛋布丁，一盒四隻，忘記了拍照😛和一件意大利芝士，送比阿媽食。她吃了也給好評呢！不過4隻有㸃少，食吾夠呢！🤣🤣⋯⋯而意大利芝士，我留著晚上宵夜！好滑又好濃芝士味👍🏻可能那天剛好天口熱，行了很多路，食些甜品的確可以補充體力😛😛😛。在回家的路上也不會太累😬😬😬

一直很喜歡吃千層蛋糕，但每一次都吃觀塘很好吃的一家，決定做點新嘗試。今天在外拍攝後看到呢間有拎過獎的甜品店Pop Up，而且店員們極力推薦，決定試一下。我們叫了榴槤和伯爵茶千層蛋糕，但他們竟然給了我們栗子味......怎麼可能連自己員工也弄錯自己店的蛋糕。栗子千層蛋糕 $37 |其實很失望，不論對每一層蛋糕皮還是Cream都很差。蛋糕皮非常鞋口而且很厚，栗子Cream偏甜，而且不重栗子味，吃到中間有一點栗子，但感覺跟整個蛋糕好唔夾。宮廷爵茶千層蛋糕  $37 |伯爵茶感覺好一點，茶味都算濃，但偏甜，令本應清香的茶味蛋糕失色了。蛋糕皮仍然是很厚和鞋口，就像很厚的Pancake那般。雖然Cream很厚，但一點都不滑，吃下去有好明顯的氣泡。

剛剛去超市買完嘢， 見到有間殿糖級新開， 就同屋企人去睇下， 本來都係諗住去睇下算數 ，不過見到有好多唔同嘅千層蛋糕 ， 同埋賣相都幾靚 。 最終都幫襯咗買咗幾件返屋企食 。 點知竟然有surprise真係幾好食， 我買咗個芒果千層同埋榴槤千層， 兩個都好新鮮同埋唔係太甜。 我自己本人 對太甜嘅蛋糕唔係咁鍾意， 因為怕肥同埋食少啲甜都係對身體會好啲。 佢呢個甜味啱啱好。 所以真係要畀個like。之後隔咗幾日， 再去訂咗個生日蛋糕， 係一個八吋嘅芒果千層蛋糕， 上面再加咗個公仔圖案因為係畀小朋友的。 真係又要畀多個like。 個iron Man 公仔好得意， 啲小朋友見到個個都嘩嘩聲， 開心到不得了。 值得推介的一間蛋糕小店。 我都推介咗畀啲家長朋友去幫襯其實之前喺其他商場都見過，

今晚屋企人建議食下飯後甜品，我當然舉腳讚成！ 本人係一位超級芒果迷，第一時間提議去買芒果千層。其實呢間舖開業至今，我已經係第三次幫襯。今晚買左芝士蛋糕、木糠蛋糕，當然唔少得本人瘋狂迷戀嘅芒果千層啦，芒果肉好夠好甜，加埋D cream，簡直係邪惡嘅化身，雖然食飽左飯，但我依然係 9 秒 9 咁 K.O. 左食件千層 cake，實左太……太……好味喇。至於木糠布甸，雖然佢同我唔係朋友，但屋企人唔聲唔聲咁自私食，就知好嘢啦 。至於芝士蛋糕，芝士軟滑味濃，個蛋糕餅底牛油味好香，屋企人末食完已經叫 encore。特別要讚店員好細心，佢提醒個千層有 cream，要盡快食先新鮮㗎 。

朋友聚會齊齊慶祝！兩日前經過樂富已經訂了; 店員超好服務，還送蛋糕牌，可惜因為太興奮最後冇用到！這個蛋糕超多芒果，皮薄、cream又滑，幾個細路見到蛋糕上的芒果花已經很興奮了，急不及待就放落口。 搶住食 我們也衹能快快影幾張相，雖然不及lady M... 但始終支持香港品牌; CP值高的選擇。 下次再試下個椰皇，好似好好味咁 ！聽店員講係底糖，我食芒果時又真係吾太甜，剛剛好 希望keep住個standard, 比我地d消費者多啲選擇💪💪💪

早幾天在樂富看見了殿糖級的店，我和2個同事都很喜愛吃千層蛋糕🍰所以就滿心歡喜地買了2個回去一起吃！結果我們都吃得一臉失望🙍🏻‍♀️🙎🏻‍♂️🙍🏻‍♀️我們是買D2榴槤千層蛋糕，但店員給錯了栗子千層蛋糕😡超失望的！真心這家的千層蛋糕很難吃！餅皮又乾又厚，而且忌廉一點也不幼滑！栗子🌰千層蛋糕 $36完全沒有栗子味，要不是看見裏面有栗子蓉我也不知道是栗子味！只吃到忌廉的甜味+餅皮的粉味！我們3個人吃，也吃不完這個！就知道有多難食了！👎🏻伯爵茶千層蛋糕 $36有很重茶的苦澀味，但完全沒茶香！用苦味來強調伯爵茶的味道也太低手了吧🙄果然千層蛋糕都是要有心機才會好食！不是每家都能做好的～我就不會再買這家的甜品了！