段純貞牛肉麵XChatime (The Johnston)

營業中

休息中

餐廳位於The Johnston地下，主打台灣正宗風味牛肉麵，另有飯類、小食、飲品、甜點供應，旁邊有間手搖店，堂食都可以叫佢哋嘅嘢飲。店內環境大，座位多，空間闊落，坐得舒適，最緊要地理位置方便且價格合理，適合約朋友仔食飯。清湯燉雞麵湯底清甜，雞肉嫩滑，胡椒湯酸菜豬腳麵帶香氣，酸菜十分開胃，豬腳亦唔嚡。麵條可以要手工麵或細麵，前者好粗身，帶咬口，QQ哋，煙煙韌韌咁，年糕feel，比較飽肚、後者入口滑溜，吸滿湯汁，各有千秋。小食方面會推滷菜，包含豆乾、杏鮑菇、娃娃菜、花生同麵根，醬汁惹味，配菜豐富，將麵條撈入去食都幾唔錯。台灣腸鹹鹹香香，一口一粒，方便食用。西生菜新鮮，感覺健康。甜品大大碗，私心推介台式綜合豆花，有綠豆泥、薏仁、紅豆、芋圓、花奶、豆花，甜度適中，豆腐入口滑溜、而經典款有純貞芋圓，包含仙草、紅豆、芋圓、透明珍珠、黑糖珍珠同愛玉，唔同口感聚集一齊，食埋就飽飽啦。

平時lunch time都見到呢間位於灣仔莊士敦道嘅台灣牛肉麵店人山人海，今日就決定去試吓！✨滷水豬耳非常之入味，滷水味剛剛好～✨藥膳雞翼藥膳味好足，好濃郁，雞翼嫩滑，好入味～✨招牌紅燒腱心牛肉麵有得揀手工麵或者右面，自己就揀咗手工麵，好推薦！手工麵好粗身，好煙韌，口感好好，加埋牛肉麵嘅湯底，絕配！腱心肉有3件，軟綿綿，一咬就斷開，不愧係招牌！✨青花椒香手撕雞拌麵呢個拌麵有青花椒香，不過就唔算辣，用咗幼麵條，可以吸到更加多汁，好惹味！我哋仲嗌咗兩杯日出茶太嘅飲品，分別係草莓沙冰（5分甜）同埋檸檬優格（3分甜），飲落兩杯都唔錯，味道唔會好假，建議嗌少甜～

凍冰冰又想食碗湯麵，所以去咗灣仔段純貞試下，見佢話係牛肉麵主打我非常有興趣，好耐無去過台灣，真係有啲掛住。入去前，見到佢入面都唔係好滿，可能因為我都早去，放工既都未放。我一入到去諗都無諗就叫左個紅燒牛肉粗麵加左杯日出茶太既手搖。紅燒牛肉粗麵方面，我好欣賞佢地個麵條，唔會好淋同有咬口，湯底方面都好rich，有濃濃既牛肉味，我覺得係對得起個價。而飲品方面，我叫左個芒果乳酪，我覺得幾好飲，唔似係果糖味，大大杯，一定夠飲。

鍾意去台灣嘅人，相信都一定聽過段純貞，而家香港都食到，真係勁興奮，今日趁住喺灣仔呢邊收工，就特登過嚟，食完之後真係覺得有台灣嘅味道，以前美好嘅回憶返晒嚟！今日要咗蒜醬青菜嘅油麥菜，呢個醬汁真係好好食，而且油麥菜本身好掛汁，每一條菜都勁好味，當然就一定要叫埋呢度嘅台式滷菜，整得勁入味，最後因為唔夠喉，所以叫多咗一個麻油素麵根椒麻皮蛋。主食方面，就要咗招牌紅燒腱心牛肉麵同清燉牛肉麵 ，d牛𦟌係切片咁上，完全一啲都唔鞋，而且好厚肉，我哋兩碗都係要咗手工麵，口感亦都好煙靭！甜品都好多選擇，我哋睇咗好耐，最終就決定要純貞芋圓2號，入面有桂花冰糖、黑糖珍珠、豆花、芋圓同紅棗杞子。呢啲甜品我多數都係要熱嘅，食完之後真係覺得好幸福！走嘅時候都額外要咗一個烤荼拿鐵，好濃郁，下次嚟都會想試吓佢哋啲特別飲品，包括西瓜奶茶同草莓檸檬綠茶！

💬自 #段純貞 首度在香港經營，選址在荃灣開店，試過一次之後都未曾再嘗 。今趟在灣仔店試試午餐精選，多款選擇 。店舖闊落寬敞，服務態度有禮，本店更聯乘茶飲店 #日出茶太 可以配搭更原味道嘅台灣料理，不過最考慮嘅係定價略為頗高，以今時今日嘅經濟環境，午餐動輒過百會令不少市民卻步而影響到生意同入座，值得關注🤓.———————————————————————————🍜胡椒湯酸菜雞麵💬見到有胡椒湯底必試，湯底濃郁胡椒味唔會太多搶喉，配上幼麵亦爽彈，每碗都有一隻嫩滑雞髀🍗，誠意搭夠，收費$88，另加小食同茶飲額外收費 。.🍜原味牛肉麵💬多年前在台灣小食所吃嘅牛肉麵味道已經不能回頭，濃厚嘅藥材湯加入非常腍身嘅牛肉絕對係基本要求 。普遍香港所吃到嘅牛肉麵都係差不多感覺，不算很有驚艷嘅感覺 。最喜歡的係台式香腸，加埋蒜片同酸菜，想去台灣了 。

今日嚟試呢間 台灣過江龍 牛肉麵，一睇個樣就覺得幾吸引。先講講個湯底啦，望落去濃稠嘅啡色，聞落去香氣四溢，應該係用咗好多香料同牛骨熬出嚟嘅，一入口，濃郁嘅牛肉味即刻爆發喺味蕾上，不過可能熬得時間稍長，湯底有少少偏鹹，同啲出名嘅牛肉麵老店比，嗰種鹹鮮嘅平衡就差咗少少。再睇嗰牛肉，大大塊，切得幾厚身，望落去啲肉紋好靚，咬落去口感嫩滑，應該係用咗啲嫩肉嘅方法處理過，不過可能煮嘅火候未夠精準，牛肉嘅鮮味冇咁突出，同之前喺台灣食過嘅牛肉麵嘅牛肉比，鮮味就稍遜一籌。麵條就係傳統嘅粗麵，煮得幾彈牙，掛湯能力都唔錯，不過同啲高檔餐廳用嘅手工麵比，口感就冇咁豐富。配菜方面，有幾條青菜同幾片菇，青菜新鮮爽口，菇就吸收咗湯底嘅精華，幾入味。總體嚟講，呢碗牛肉麵都算有唔錯嘅水準，雖然有幾處可提升之處，但係價錢唔貴，環境都乾淨企理，平時嚟醫下肚都幾唔錯嘅。

俾咗碟酸菜同大大碟林花生堪稱台灣牛肉麵的代表之一。段純貞牛肉麵是台灣極具名氣的牛肉麵品牌，總店係新竹市，之前去台灣都食過。經典的紅燒牛肉麵而聞名，他們家特色在於堅持使用新鮮的食材，尤其是選用優質的肥牛，並不使用現成的桶裝牛脂，這種做法令佢哋啲牛肉風味上更加獨特和純正。經典紅燒牛肉麵（牛𦟌切片）$77.4 叫咗手工麵，牛肉麵的湯頭濃郁，牛肉軟嫩，搭配彈牙的麵條，啲麵條好重麵粉，😂食完都好飽。是一碗暖暖窩心的冬天好選擇。

服務員抹台後把紙巾放入杯內座椅上面亦有污漬,店內衛生欠佳店員非常趕急收餐,基本上顧客未食完就問“唔要攞河！”,客人未答之會收走碗碟同店的日出茶太,掂完有嚴重病徵,仍然繼續調理飲料…如果有顧客飲咗,後果不堪設想

雖然段純真不是甜品店，但它的台式甜品十分出色。台式綜合豆花，有馬蹄爆珠、黑珍珠、紅豆、芋圓。最特色的是馬蹄爆珠，咬開有微甜爽爽的感覺，很特別，味道又剛好。豆花又夠滑，整體配合十分好。要注意份量不少的，有點飽 。

之前有朋友食過 話幾好食有些肚餓 又諗唔到食乜經過見到就入去食叫咗個炒菜食落去是正常的 冇什麼特別佢係用椰菜加啲蒜蓉炒出來的叫咗個牛三寶細面有牛肚牛筋牛腩個面底比較少個牛肚牛筋牛腩份量都比較少個湯底有少少辣同埋比較鹹跟住就沒有特別了如果比較中環街市地下嗰間台灣牛肉麵性價比高啲中環街市的牛肚牛筋牛腩份量大件啲個面底都多多啲食完 這間 段純貞 跟住搭車返屋企返屋企坐低覺得好眼瞓大約兩個鐘頭後去沖涼沖完涼唞咗一陣間好眼瞓大約10:00就瞓着咗我覺得佢個食物 好有 重 味精如果我食咗味精，通常不良反應就係口渴或者眼瞓所以我諗這間都沒有下次了

麵店位於廈門街，修頓球場對面點了套餐($148)包主食、燙菜、小食主食-紅燒腱心半筋半肉牛肉麵（選手工麵）燙菜- 白灼椰菜小食- 選三星蔥肉鍋餅紅燒腱心半筋半肉牛肉麵（選手工麵）湯底非常好，唔咸，濃郁，濃郁到有d似肉骨茶的感覺，好好，牛筋和肉都炆得夠腍同入味，麵比一般的手工麵闊身，麵質好，稍為未夠滑身彈牙，但算唔錯，麵跟一小碟醃菜，味道不錯白灼椰菜份量足三星蔥肉鍋餅d蔥好香好香，鍋餅好有香蔥味，好少食到咁香蔥味的鍋餅，呢個真係好值得點總括服務ok，食物

又黎到我最愛既段純貞食番我最愛既三寶牛肉麵❣️三寶面同樣有齊腱心牛肚 牛筋 牛腱心一次過滿足三個願望！牛肉湯底依然香濃配合酸菜絲同手工麵咬口一流雞肶湯麵比相像中好食個雞湯底好有雞味雞件好多真係有成隻雞肶係到肉嫩鮮甜今次仲試左兩款小食雞湯抄手同蔥餅兩樣野麵係出面比較少有既小食但簡單得黎夠好食雞湯抄手既雲吞一啖一口 粒粒都好似乒乓球咁大粒好足料 有齊豬肉同原隻鮮蝦蔥餅都好香口 煎得夠酥脆做前菜送珍珠奶茶幾好👍

我不嬲鐘意食湯麵架。而牛肉麵更係我大愛，今日係灣仔做完嘢，知道段純貞係灣仔有分店所以食埋野先返屋企了。🍜灣仔分店樓底又高，舖頭面積又大，坐得好舒服。餐廳門口亦都係有日出茶太呢一間手搖舖頭，所以今次就決定揀飲品先啦。熱愛💜紫色的我，見到呢度有杯叫💜紫玫瑰荔枝特飲，二話不說即刻落單。朋友就揀咗🥭芒果QQ，朋友未試過見到呢杯飲品咁大杯都嚇咗一跳，但係佢試咗芒果QQ之後飲落去清清甜甜，而且又有珍珠同埋椰果，咁好味。佢都好有信心一定飲得晒。今次食招牌清湯牛肉麵，🐮牛肉直情係入口就軟晒，化開，滑捋捋咁好易咬開，配上細麵的彈牙簡直係絕配。而上次叫過既🐔燉濃湯雞麵，今次encore，因為出去食湯麵好難食到滑溜嘅雞肉，而且佢係會俾成隻雞髀加雞胸，嫩滑好味，而且濃湯手工麵係超級入味，每食一啖都要飲一啖湯汁。今次一樣兩碗湯麵都係清晒碗。我哋仲叫咗雞湯抄手原本以為抄手一定係辣，但係今次食嘅抄手係好似濃湯雞咁樣滑溜，又香又濃。除咗濃湯雞麵要encore之外，連蔥餅都需要encore 㗎。三星蔥肉香餅真係好好食，唔係個friend叫停我，我真係想嗌兩份。三星蔥好香，而且煎開咗之後鬆化香口。麵團餅非常之香鬆軟好食。

呢日同朋友去咗灣仔上堂去咗呢間台式牛肉麵店食午餐 段純貞牛肉麵係台灣係人龍食店 人人都為招牌經典紅燒牛肉麵而去品嘗 一直使用新鮮肥牛 提煉出天然牛油脂 熬出美味係《臺灣牛肉麵評鑑》中獲選為「5顆星牛肉麵」2020年係荃灣開設首間分店 現於旺角及灣仔開設分店已經成為港人備受追捧的台式牛肉麵店 @duanchunzhen.hk📍 段純貞X日出茶太 (The Johnston) (灣仔)灣仔莊士敦道74-80號The Johnston 地下A及B號舖🍜 青花椒香手撕雞乾拌麵 青花椒麻持久的獨特香味 與大量的花生碎和手撕雞拌出一碗不但口感豐富 味覺更加刺激澎湃的乾拌麵🍜 梅子汁芒果嫩雞胸涼拌麵嫩滑的雞胸肉搭配香甜的芒果 淋上開胃的梅子汁絕對能帶給你意想不到的美味享受。🔸 酥炸排骨秘料醃製入味 裹粉現炸 外皮酥脆 肉厚多汁是令人想一嚐再嚐的好味道🔸 三星蔥肉鍋餅蔥肉鍋餅外皮金黃脆甜 蔥香四溢 每一口都是美味的享受🥤 芒果沙冰🥤 烏龍綠茶#段純貞 #DuanChunZhen #CafeDecoGroup #taiwanesefood #台灣牛肉麵 #以香傳鄉#日出茶太 #Chatime #Chat

✨️三寶麵 $94三寶麵是招牌麵，包括有牛腩1件、牛筋1件 和 牛雜2、3件。可選配手工麵 或 細麵。上述片中，我把以上各款嘅牛放於一隻碟中，可清楚見到每件約4、5 寸長。色澤呈深啡色，可知其非常入味。炆煮到肉質非常軟腍，容易咬開。牛味濃鬱，且並冇肉腥味。✨️燉蕃茄腱心半筋半肉麵 $92牛筋、牛筋嘅質數 和 以上嘅三寶麵都是差不多，而呢款麵就多了一舊已去皮嘅番茄。✨️雞湯抄手 $58抄手皮非常簿，但完整冇爛。每隻抄手內都有一隻非常彈牙嘅蝦。而雞味香濃，又不會感太咸。 ✨️鹽酥雞 $48共有5件鹽酥雞球，少許味葉伴碟。片中我切開了一舊雞，雞球內嘅白肉非常嫩滑。表面炸到酥脆，惹味無窮。✨️紫玫瑰荔枝特飲 $38✨️葡萄柚紅茶 $32📍灣仔 莊士敦道 74- 80号 The Johnston 地下