正記冰室 (已結業)

想了很久,都沒有我想吃的,而且大部分都超過五十元。最後我點了沙彊雞飯。不是等了很久,但第一啖飯,是冷的,仲要是碟飯睇樣似擺左好耐。有湯送,但勁咸!另外叫的凍檸茶,沖得勁難飲!雞的質素一般但已經算好。

公司附近啲茶餐廳都差唔多俾我哋食勻有同事建議不如行出去啟業邨有間冰室聽聞幾好味，咁我哋就一行八人出去試一試佢哋有星期一至五嘅套餐午餐，仲有另外有咖喱系列，仲有啲茶餐happy Friday 我見到有蒸水蛋，急不及待咁叫咗嗰D餐，佢哋嗰餐有湯送，個中湯雖然唔知有冇味精，但係真係好好味，我同另外一個同事飲到舔舔脷佢哋啲飯呢，又係我鍾意食嘅硬度，唔係軟林林，又大兜，對於我呢個大食精來講，分糧真係啱啱好，另外我嘅水蛋有肉碎啦，又有瑤柱啦，雖然個蛋面好似有少少起撲，但係個味道真係唔錯㗎另外同事有個食什扒啦，仲有個食咖喱系列啦，我有偷食隔離同事嘅咖喱，咖喱係冇得頂下次一定要試，雖然又係要等位🙈不過有湯送，有嘢飲送，飯嘅份量，呢個價錢係好抵

工作去到九龍灣，因要等車，有少少空檔時間食個下午茶，原來啟業邨裝修過，轉咗新式街市，街市邊緣地帶係食店，貨櫃主題新潮，food court有櫃臺店，有共用座位，又有呢間冰室有自己座位，門面燈箱光到刺眼，入內黑色主色，加搶眼綠色！仲有下午茶餐，落單食物即叫即製！魚柳包薯條（$37）賣相好靚幾大份，魚柳包切半，熱到辣咀，冒晒煙嗰種，麵包烘過鬆軟，魚柳外脆內軟，魚肉滑，加蕃茄生菜爽脆唔膩，波浪薯條🍟外脆內軟，點茄汁好味！龍鳳可樂（$11）跟玻璃樽細可樂，夠晒汽，鹹檸醃得唔耐，仲有鮮味，加上鮮檸清新！好味！同事食：炸髀薯條（$36）熱狗🌭️（$27）凍奶茶：店員有禮，做事勤快！估唔到屋邨都有驚喜

位於裝修後的啟業街市我老闆成日贊呢間餐廳大碟夾抵食今日 就同同事lunch試下開頭見門口人龍嚇親， 但原來大部份都等外賣我叫咗椒鹽猪扒菜飯$48+ 凍檸茶+$3一上菜真係嚇親我⋯點解咁多餸ge... 望落仲要餸多過飯平時食椒鹽猪扒通常得2-4塊 但呢到8塊都有仲要無咩骨同勁淋不過菜飯油咗小小食曬整碟飯的我真係飽到上心口⋯建議3個女士食2碟 或 2個細食的女士食一碟反正多餸. 平d抵d本身48+3=51 就咁聽我唔覺得抵 仲感有d貴但一上菜見完d餸之後就真係覺 係抵ge

啟業邨呢個商場黎個華麗轉身～呢度除左大排檔仲多左d選擇！今日餓啫啫同工友黎到呢度試新野，正值午飯時間～要知邊間好食睇下多唔多人就知於是黎到比較多人嘅呢間冰室。餓啫啫見到佢地嘅豬潤麵係推介，仲有清湯，麻辣，酸辣等等任君挑選！餓啫啫係愛辣之人，當然要試試麻辣湯底！可惜唔知係咪仲係新營業，侍應落單冇錯，但廚房都出錯明明小弟叫「麻辣豬潤米線」，佢比左「豬潤牛肉清湯米線」成件事錯哂同侍應反應佢仲想要我照要左佢！餓啫啫唔食牛，要求換碗正確嘅！結果好明顯就咁加d麻辣汁比我就算個湯一d都唔辣豬潤：熟得幾好，小弟好怕豬潤唔夠熟，但呢度嘅豬潤大件得黎又熟透，而口感仲keep到鮮嫰，唔會硬，係實得一讚湯底：唔夠辣（明顯係清湯後加辣汁）米線：偏淋服務：實在值得改善

九龍灣街市因近期翻新工程成為城中美食熱門地點，而係大埔馳名於市嘅正記冰室亦進駐呢個翻新市場。難得唔駛再長途跋涉，山長水遠去到大埔一嚐美食，身為「九龍人」嘅小弟當然親身去品嚐一下。小弟先後點左最為香港人喜愛同埋熟悉嘅下午茶餐，分別係西多士同埋菠蘿油。首先講下西多士，該店的西多士上枱時有熱氣騰出，未及似坊間一般茶餐廳的西多士咁暖暖地或者凍冰冰，而該店的西多士蛋味濃郁，值得一讚。小弟本身習慣食西多士都唔會加糖漿，因為生怕糖漿本身的甜度會輕易蓋過整件西多士的味道，同埋會令整件西多士更膩。最令小弟喜出望外嘅係，該店西多士嘅夾心係採用粗粒花生醬，而唔係幼滑花生醬，呢個特色令到成個西多士的口感更為豐富，幾乎每啖西多士都食到脆脆嘅花生粒。如果西多士嘅粗粒花生醬夾心更厚身，咁更加好啦！接住落嚟，就講下菠蘿油，坊間有好多菠蘿油的脆片面都係一咬就即刻支離破碎，散到通枱都係，兼且會容易食到好捩棄，而該店的菠蘿油就大致上無咁嘅問題，惟獨係菠蘿油本身唔夠熱，夾住塊凍冰冰嘅牛油個陣，顯得個包仲凍左，但個包尚算軟身。

Openrice都未有呢間野既資料有友人住啟業邨，所以成日都黎開呢頭近排新開左個啟業市場，新假期成日講(但其實有好多間都麻麻地)裡面就有正記冰室我諗唔係街坊都好難黎呢頭啦當日我星期日午餐時段黎估唔到都幾多人呀，近乎滿座D阿姐都幾好態度，感覺都唔錯裝修好新，店裡面亦乾淨，有電視睇D人通常都叫餐但我地想食麵所以單叫左，亦貴d我地叫左麻辣牛麵同沙嗲牛麵(常餐)麻辣味好香，配牛麵估唔到麵幾好食個奄列都唔差埋單$98