正冬火鍋料理 (已結業)

一坐低就問左我地飲乜野茶三次，但總係無人去開茶囉！部長狂sell完一輪D貴野唔成功之後，黑面就走左，之後你想揾個侍應幫你都無呀！叫左個墨魚手唧麵，我地食完五碟野之後都未上，摧左佢一次之後，過左半粒鐘都仲未見影，今時今日咁既服務態度點生存呀？除左個蛙蛙菜之外，所有食物都鹹到爆，D四寶丸都唔知係咪用鹽造架，鹹到呢！連個墨魚麵都鹹到爆，雞件就唔在講啦！個肥牛係咪鹹牛肉泥架？三文魚鮫又係得個鹹字。三個人叫左四碟廿幾蚊既配料，最貴都係$101碟肥牛，埋單竟然要$466，諗極都唔知點解，明明Check過張單D item係無錯既，加埋茶芥都唔唔駛咁貴雅？蠢左就係無加一加條數計得啱唔啱，我食$88任食都唔駛咁貴啦！一定無下次囉！

見到佢個廣告~~寫著88蚊任食~~咪去試下囉!!6pm入去~~個環境都ok但明明間餐廳冇人~佢都唔比我地坐卡位!!d野食本身都ok~~d牛肉幾香...同埋佢會有人不斷話送野比你食~~會送d魚鮫呀...魚皮...沙律...牛柏葉冷盤....冷麵等等!!但最唔好就係...有好多隱藏收費~~原先話88~~但原來假日要加十蚊(佢個廣告冇寫!!!)仲有醬油$10...湯底$58起...總之total兩個人要$321~~仲要限食兩個鐘(個廣告都冇寫!!!!!)1個鐘零五十分就話夠鐘~~態度仲好差~~(尤其是個男部長!!)仲問都唔問就拎晒我地d野飲走~~仲熄埋我地個爐!!(但我地未食晒d野!!)仲拎走我地未食既野入廚房收埋!!

克街多年來都好邪, 次次行過堆食館都會有所變動.呢個位之前既西班牙菜都預左做唔長, 之前行過已經見到轉了做上海菜, 點知昨晚去到已經變左火鍋. 反正涼涼地, 就試一下啦.見到門口寫$88/位任食 (兩小時), 又見到樓下都坐得幾滿, 再看清楚沒有日期限定就決定入去.一入門口, 伙記第一句唔係問下幾位, 而係 "88蚊位, 你幾位?" 上到二樓, 原來都只係四成滿 一坐底就有四個人輪流問你開乜野茶, 但係就係問而無人去開. 跟住拿起火鍋紙準備點食物, 就發現原來湯底係 $58 起. 點左約八款食物, 湯底亦上得好快, 不過食物就左十分鐘 (當時樓上都沒六成滿) 牛肉, 羊肉一般 (以 $88 算可以了)魚旦同螺片 就好重味精炸支竹 就浸左成個鐘都唔淋大部份伙記都好似好生手, 又經常上送錯枱. 兩個部長就多多野講, 感覺都係想 sell 多幾支啤酒 (我們點了 Edinger, $26/支)兩個人總數, $430 (連加一)結論: 見識過, 不會再去.

第一次去感覺幾好，門口多搶眼，環境舒適，伙計招呼吾錯，我同朋友叫左些大路野，雲吞好味　，　水餃出色　丸一般可以，墨魚丸最好食　，　鱔好好味　，　最出色係鮑魚（要pay)超好味　，聽經理講　正冬自己有養殖埸　吾怪得知啦　very good一定要食，菜好亂賣相一般　，　果汁樣樣很淡，吾通講究健康？　　，　款式很多，總括好抵食會再去埋單　一人＄１５０

之前登錯咗! Sorry 係灣仔才對任食火窩$88位, 茶位$10, 醬油$88:30去9:15才有得食, 2次漏單,又冇招呼, 又難叫人, 坐2樓, 有4個楼面,但成日唔知行去邊, 又冇笑容, 食物麻麻地.鴛鴦鍋 :$58 普通, 太多奶肥牛: ok牛肉粒: 唔掂, 係D頭尾邊位, 好肥炸腐皮: 又梗又唔好味什丸: 麻麻地,唔太好味雲吞: 麻麻地魚皮: 唔好味粟米: 甜豉油: 普通, 好似淘大蒸魚豉油咁, 有D甜大部份食物一般, 無point再去.2人埋單$350

門口大大隻字『任食火鍋 88 元』，入到去一睇餐牌，有一行字『星期五、六、日加十元』重限住食兩個鐘。有附加條款唔打緊，不過門口張海報唔該都要寫出來話俾客人知吖。叫做任食火鍋，有好多都餸都要另外收費，除咗豉油(其實都要十元一位)，另外辣椒等等醬料通通加收十元，普通上湯鍋底都要五十八元一個。最叻就係汽水任飲。唉飲得幾多吖。叫任食火鍋 料，除咗什麼什麼丸大大碟俾你之外，其他就大風小小都吹走，尤其是鱔片，有五大片。那些丸滾兩滾就自然發大，皆因粉多過肉。上得俾客食嘅肥牛、雞、羊、豬等一般水準啦，尚算新鮮。但係有好多野落咗單但係影都唔見。再落兩三次有個別一兩種先俾一碟你。有些到你走都唔見到。唉！埋單果陣，又有茶錢，又有醬油錢，好多火鍋店例如稻香收醬唔收茶，另外重有酸菜添，例牌收加一。四個人去埋單唔叫其他加錢火鍋料、辣椒或其他醬料、啤酒，即係最低消費，盛惠一百五十大元。雖其實老實小小，客人有預算，好過坐低先有種入咗黑店嘅感覺，食都食得開心啦！

係VTC 番完學, 比"女王的教室之會計篇" 蹂躪過後, 真係頂唔順心中的壓力,一定要找好食的東西來平衡一下心理! 本來想去食平平地既米線, 但克街那間米線真係不及佐敦店的好食(佐敦店我由中五幫親到而家, 試過其他分店都不及那家好).行行下見到坐於對面既呢間火鍋, 天氣涼涼地, 最愛烚下烚下,2個美女叫左9碟, 一於發洩一下心中那度悶氣. 肥牛 : 好食, 但唔係勁好食.日本黑豚肉 : 非常好食, 有4成係肉, 6成係肥, 但你咬落去係完全唔覺得肥同油既. 仲有D 好似食緊牛既感覺!雜菜拼盤 : 乜菜都有少少, 不得不試下佢既鮮冬姑, 有半個乒乓球咁大, 而且非常厚身, 食落又有鮮姑既小小甜味! 正!白螺片 : 烚一陣就已經OK, 無味,但好爽口!水餃,雲吞,菜肉餃 : 好食, 我都係個愛餃之人, 佢地既餃類都食得出係新鮮既, 味道都PART 得住新蒲崗既"英記", GOOD!栗米 : 正常野 , 甜, 無乜特別!牛肉粒 : 唔怕死就叫啦, 又UN 又肥, 好多根都咬唔開, 咬得開既又好肥, 粒粒都有放落口, 但真正放得我個落肚既只有一,兩粒(一碟有十粒度)炸魚皮 : PART 得

21/12(日)冬節正日，為左唔想奶奶做得噤辛苦，之前建議不如食盆菜。。。其實之前已經幫襯過(尖沙嘴店)，覺得都唔錯所以"安歌"。盆菜要自取，分量十足(10位都可以)...好重!其實材料十分豐富，包括有鮑魚、花膠、海參、五花腩、魚蛋、豬皮、豬手、鳳爪、臘腸、腸、海蝦、雞、燒鴨、年藕、釀鯪魚、干貝 & 蠔豉。而盆底還有2個壽桃麵、一盒蘿白、一盒枝竹 & 2個冬金，最重要梗係有湯底2大包(1包濃D1包淡D，都好細心 Wor)...好豐富哩(自已買D菜添就 Perfect 晒)!我同蝦子餅覺得(因為我哋無揀飲擇食但又唔代表冇要求)除左鮑魚唔係好"淋"之外各樣都不錯；尤其係配料蘿白、枝竹、豬皮特別入味，海蝦無甩頭，肉質也彈牙。干貝 & 蠔豉都不錯，平日好少食蠔豉既我也肯提起皆因這次沒有"沙"。個汁好香好夠味，當然食得噤上下個汁越煮越濃難免會鹹了點；加D滾水便可了。千零蚊盆菜成家人食都算係噤(又唔使煮)，重要係冬節正日...起碼唔使出街同人逼；同人爭食垃圾先啦!取盆菜時見到舖面乾淨，D伙記都幾好禮貌，下次可以去試吓佢哋任食任飲火煱HKD88咋...m