正冬火鍋料理

營業中

休息中

已經係多年熟客，鄒店長嘅服務真係無可挑剔，每次都親切又細心，令人感覺賓至如歸。分店食物質素一直保持高水平，不論前菜、小食到主菜都新鮮美味，味道出色。朋友、工友聚餐定家庭聚會，每次都好滿意，絕對值得推薦！👍

職員見到你叫套餐已經係咁Sell你食刺身 叫你叫其他時令海鮮咁啲海鮮真係海鮮價 😉你嫌貴 經理轉頭可以話平日冇乜人食 平一二百蚊都得跟住周圍啲冷氣機滴水啦茶茗豉油所有蒜蓉蔥辣椒 全部十蚊十蚊 仲有加一你預咗人頭計都要$300 一個左右明明一早叫佢攞走d花生 佢夠膽死 比單我仲收咗兩碟花生 同夥計講有問題 佢仲死口話係要收大佬唔係為咗10幾廿蚊同你嘈 ，香港人係為啖氣啊你，知唔知呀？所以打邊爐真係去任食嗰啲冇咁嬲！！！！

今時今日，個個都北上食飯，若然大家覺得總是要舟車勞動，很難約腳，此店不愧是留港消費的好選擇。位置是在太子維景酒店附近，交通極其方便。其實本身有簡單牛肉套餐供應，豐儉由人。但因家庭慶生派對，有家人未嘗過龍蝦及象拔蚌剌生，姑且食豪些－試，幸好水準並沒有失望。孖寶A（龍蝦+𩶘魚），𩶘魚刺生爽脆又鮮甜👍🏻再來兩大碟手切牛肉，牛匙仁和肥牛，賣相靚仔又好味，牛味十足極新鮮😋再簡單加個雜菜籃及2式餃，大人及小朋友都滿足鴛鴦煱底-麻辣與皮旦豆腐芫荽材料都充足👍🏻前菜白雲鳳爪及醃蘿白好好味刺身時打卡用的龍蝦頭及𩶘魚身可加工再熟食，是道油泡椒鹽很驚喜，皮脆肉嫩，熱騰騰十分惹味😋飯後姐姐更貼心送上蒸壽包及桂花糕👍🏻👍🏻👍🏻

收工與同事們happy friday打個邊爐 飲下啤酒好地方一黎叫左份$698既火鍋套餐 見佢單張上面話4人份量原來份量好足料 我覺得6個人都夠食我地又另外加左黃金炸魚皮 同埋蔬菜 食到我地捧住個肚走黃金炸魚皮世一like同埋套餐入面既牛胸油同手打牛滑都非常正環境略舊 有待改善  不過服務亦都唔錯 所以都會再黎  

$498潮汕手切鮮牛火鍋3到4位食，網購仲有御前黃酒煮雞一份贈送，性價比高，而且味道都確實唔錯。經常過深圳覓食的朋友，應該都食過深圳馳名的八合里牛肉火鍋？我本人就係，相對比來講，深圳的優勢的確非常多，但宜家係香港都可以用相當的價錢食到相當的質素食品，經已非常唔錯anyway,支持留港消費

第一次幫襯, 未夠7點到, 環境好似8,90年代, 好有電影江湖片的感覺 比較舊, 2樓有陣"UP"味, 唔知係咪冷氣剛開無耐, 杯碟清潔麻麻, 有提供熱水俾你自己洗杯碟的。是次係打邊爐, 初時店員有推介食刺身, 但見咁既環境都係真心唔夠胆食, 所以無叫到, 只叫左一般食物, 食物都係正常, 無話特別差, 特別好。

職員態度差 叫左個豬骨湯底等左成個鐘先話冇好似唔想做生意咁野食難食 叫親樣樣野次次黎得一半 要吹幾次先會黎衛生環境差 d 杯碗好似未洗過咁價錢仲要唔比 blacklist以後唔會再黎

買咗兩盒午市外賣飯，$30一盒收錢嗰個阿嬸好似欠咗佢咁，然後比張單我$62.5首先係$60兩個飯，然後每一個飯另外加多$1外賣盒，再有$0.5膠袋，然後佢收咗我$63，然後隔離嘅男人買飯係冇收膠袋錢，我上前對質，佢話呢個係政府規定，然後我話點解你唔收隔離呢個男人膠袋錢，佢話俾佢外賣嘅膠袋係唔同，咁我就話我要佢嗰隻膠袋，就唔使收我錢，仲有點解$62.5會收咗$63，個收銀員阿嬸馬上發難，俾返$1我，然後等我嘅外賣等咗半個鐘，返到屋企佢連餐具都冇俾，然後打電話俾佢同個經理講，個經理問返我轉頭咁你想點，唔啱咪過返嚟俾返你囉。真係好想講呢間野啲員工質素真係垃圾

初次到訪，十多人聚餐，預訂左2隻龍蝦，1條鱆紅魚，2隻象拔蚌做刺身，刺身正常水準新鮮，火鍋食材新鮮，椒鹽骨腩及龍蝦粥有驚喜。宵夜時段，火鍋食材另外七折，回頭率高，值得推介。

今晚又出動由於天氣終於開始涼浸浸，所以目的地係 - 「正冬」火鍋料理。餐牌一打開就俾佢地個「三層牛㙮」吸引咗，果然一試難忘尤其最底層的雪花肥牛，片片厚度相約，但頂層的「方牛粒」較厚所以最佳方法係放於火鍋爐旁慢熱灼 - 正👍另外一定要叫的係其獨步的「梅菜豬肉丸」，口感甜甜地女生好愛的，仲有脆口炸魚皮、兩食脆響鈴(可當小食或火鍋灼熱食)，我當然最鍾意係「小食」食法啦。而其他火鍋食品、配料、蔬菜同樣新鮮，連菜類「上枱造型」也「新鮮」哈。值得一提我地係好辣之徙，佢地兜子天椒辣度係「小中辣」程度以上，唔辣得嘅重手咗都幾大件事!

同屋企人去飲茶，十點多去到，都比較多人，要搭台，原來平日11:30前都是早茶時間，有多款特價點心，其中虾餃及粉果最及引。虾餃 $14.8比正常酒樓少左一隻，只有三隻，其實計返都無點平過，不過虾餃都算皮薄多虾，味道不錯。潮州粉果 $3.8又係少咁隻，只有兩隻，但皮較厚，餡料味道一般。叉燒腸粉 $14.8腸粉不夠滑，粉醬太厚身，叉燒好多肥油，味道一般。總括而言，點心不算貴，但款式不多，食物質素中等，味道一般。

今晚一班朋友聚會，我地一行10人，去左正冬火鍋！ 原來太子有2間正冬火鍋，仲要好近，我今次去係太子道西果間。我地叫左3款刺身包括澳洲龍蝦刺身、活鱆魚刺身同埋象拔蚌刺身！龍蝦刺身同象拔蚌刺身好新鮮👍🏽，師傅刀工好得👍🏽！首先講講調味料，豉油、辣椒、蒜蓉好差品質！蒜蓉一d都吾香！落哂成兜都冇蒜蓉味！豉油味似喊水味！好差！👎🏾👎🏾👎🏾👎🏾首先講講湯底，真的麻麻地。 響頭一轉我飲左一口湯，好淡味，嘩！仲有味精味！我地叫左好多打邊爐野食， 包括澳洲A3和牛，手切鮮牛肉，白鱔片，水餃，鮮蝦雲吞，雞腰，水魷魚，芝士腸，黑柏葉，貢丸，手唧墨魚麵，海中蝦，午餐肉，響玲及雜菜。澳洲A3和牛，普通貨式，冇特別，亦完全吾會有入口即溶既feel。所有既打邊爐食物都好普通，最好味係響玲，可能係炸過既關係！熟食就食左椒鹽豆腐、鳳爪、炸魚。 椒鹽豆腐香噴噴，炸魚又乾又硬！環境方面，冷氣吾足，打起邊爐嚟個人係熱(3月）！場內好焗！

每天工作也十分勞累, 吃飯也沒有指定時間, 到今天終於完成一項工作, 終於到晚飯時間了, 但看看時間, 已經是晚上十時多了, 大多的食店也關門, 同事提意火鍋, 便想起在這家店仍然營業, 出發去到店後被安排就坐, 同事提意嘗試雞煲, 那我們便再隨意選一些火鍋配料, 便繼續我們的閒聊首先介紹一下所點選的食物1. 秘製重慶雞煲(小辣)  1隻~ 雞煲的醬料十分濃, 配上芫茜,辣椒,香料等等, 因本身的我吃不了太辣, 這個辣中帶點甜味的醬汁也算不錯,唯一是等候這個時間頗長, 其他火鍋配料也到齊, 仍未來到2.魚皮餃~外皮比較厚實, 即使嘗試煮耐一點也沒改變, 咬下去有點吃力, 而餡料也屬一般, 油份重, 吃不下2隻便膩口3.手捲炸腐皮~己存放了一段時間了, 油份已滿佈腐皮面, 沾了雞煲醬汁食用, 蓋過了那油油的感覺, 但不是十分鬆脆了大家邊吃邊閒聊的時間過得很快, 已有滿滿累意便打算結帳返家了走到收銀櫃台結帳, 收銀員的態度十分惡劣, 找回的錢是掉在櫃檯上, 但沒有收據發給我們, 便請那女收銀員幫忙發一張單據, 女收銀員臉一黑更以卑視的態度再次掉那單據在櫃檯上,我們一看, 椒絲$10 生蒜$

新年前約左班老友食團年飯，O係大部份餐廳都full booking 既情況下，我地即日book左呢間正冬火鍋~一行6個女仔，坐2樓，食物質素同價錢都成正比~湯底足料夠味而且侍應都好主動加湯~呢樣抵讚~直到埋單時~朋友check下單~咦~點解咁貴既??? 原來我地叫左2渣酸梅湯，收左千幾蚊~咁我地就叫左個紮馬尾既女經理O黎睇睇兼改番張單~佢一句「唔好意思」都無，亦無表現驚訝 (收貴咁多唔覺得出奇??) 淨係好冷靜咁拎張單去改~~到佢拎張改好既單番o黎時，2渣酸梅湯既收費改為76蚊~但其實根據餐牌上既價錢，一渣係28蚊~2渣即係56蚊~佢又收貴左20蚊~我地驚餐牌價錢唔update，所以又叫佢埋o黎，指住餐牌問佢到底一渣幾錢~然後再俾張單佢睇~佢望一望~有d黑面咁話幫我地check下~然後拎左張單去改~但今次佢無經電腦改單~只係用手改~寫住減20蚊~但其實連埋加一，應該係減22蚊先岩!精明既朋友用計數機計一計總額~當然係以酸梅湯56蚊再加一去計啦~然後俾現金 (費時碌卡又無啦啦收貴左)紮馬尾女經理一直o係旁邊黑口黑面咁等我地俾錢~到佢數完錢就用好差既語氣話我地「爭2蚊!!」其實唔係我地爭佢

火鍋 「打邊爐」香港人最愛 @好多朋友仔都會選擇任食既火鍋任食既食物係選擇多,但講真鐘意食既野又有幾多款呢所以今次去左呢間食啦!!!!!!生日主角介紹呢間!果然冇介紹錯!!!三個女仔!當然貪靚啦!叫左個花膠嫩雞煲!足料!花膠多!充滿骨膠原了!雞又滑!好有娃娃菜!湯底有放薑!好岩女仔既湯底,我地三個女人 飲左3碗湯!打邊爐!冇牛肉點叫打左邊爐呢!手切牛肉,滾兩滾,放落口.好JUICY!!!!!叫個象拔蚌刺身!新鮮!又抵食!必食大推介叫埋手打鮮蝦芝士丸!!又係一樣,滾兩滾食得,唔好滾佢太耐!個個蝦膠口感好豐富呢!丸中間放左牛奶芝士!三個字!好味道!!!!服務員眼明手快,就算人多,眼睛都好利,一揮手就行埋尼落單好細心!!!