正九清湯腩 (常安樓)

營業中

休息中

今日Lunch放晏左，終於無左條長龍喺門口，所以就即刻入去試下~🔹清湯牛三寶米🔹 第一次食，無特別揀肥瘦~ 不過個人喜好米粉~三寶有牛腩、牛筋、牛肚~個湯底幾清澈~ 但好有鮮味~個米粉唔係粗米，但又唔係淋pad pad嗰種~彈牙之餘又索哂啲湯汁，正！牛腩應該係新鮮嘅，好軟好淋好有牛味~牛筋好多嚿，好多店舖都係得一兩嚿，佢有五嚿！而且好淋好入味，好有骨膠原嘅感覺~牛肚就keep到彈牙唔韌,但因為係清湯底，唔好expect佢好有鹹味，咁反而食到鮮味~ 🔹咖喱牛腩河🔹 同事偏好咖喱，所以叫左個咖喱牛腩河~佢話食完話好有心得，叫我喺到分享下~因為可以品嘗到清湯河先，河粉彈牙唔會碎~之後佢齋食件咖喱腩，發現個咖喱係香好味嘅，但就遮左啲牛腩味，所以食第二件時就沉一沉落個湯到，就食到有牛味嘅咖喱腩！🔹炸魚皮🔹 一上枱”嘩”左聲！因為用碗上，份量好多！食落去好脆，但味道比一般鋪頭嘅淡~但原來咁先好，我地食到一塊都無剩，估唔到我地食得哂！諗返就正正因為佢唔味精！真心正！下次要再encore!

正九清湯腩，有好幾間分店，依間最就腳，亦係我最常幫襯😎😎就係地鐵站出口～夏日炎炎，唔知煮咩好買返屋企喺加餸，得左～健康，好食，簡簡單單🥰清湯崩沙腩賣相超靚仔！見到牛腩嘅紋路，已經可以幻想到佢嘅口感🤤🤤🤤牛肉味道非常香濃，質感軟熟，肥瘦啱啱好，如果咁啱食到少少肥膏，簡直係牛油香味大爆發！加熱食，更加滋味😌😌除咗牛腩之外，個底仲有少少白蘿蔔，亦係非常清甜入味，配白飯，或者粉面，都係非常唔錯嘅選擇！

和老婆係油麻地行街，行行下經過一間粉麵店“正九清湯腩”，老婆話呢間店係旺角有分店，佢食過覺得幾好食😋，於是我提意係度食埋晚飯先返屋企😆。店鋪裝修企理，座位闊落🥰。餐牌食物選擇貴精不貴多，價錢亦實惠🤭。清湯牛三寶河 $62🐂三寶有牛腩、牛肚及牛筋，全部都炆得軟腍入味，味道清清地又帶淡淡的牛味🐂，河粉滑溜唔易斷👍。崩沙腩麵 $58(加雲吞+$8)崩沙腩份量幾多，同樣炆得軟腍入味，腩的筋膜帶油脂香，口感又爽又腍滑😍。雲吞大大粒，皮薄餡料飽滿，菜肉大約7：3比例，味道幾好😋。麵煮得啱啱好，份量亦多🤗。炸魚皮 $20外層炸粉非常薄，魚皮🐟炸得十分香脆，即食勁脆，點湯食同樣好味😋。總括而言，價錢實惠，服務真心勤快有禮，崩沙腩值得回頭再試。

忙碌了一天，中午就吃了一個三明治，因為工作太高壓，晚上放工後就與女朋友約啦這家特色清湯腩正九牛肉羹真的是好吃到爆炸💥！這是在任何清湯牛腩店都沒有吃過的，每個牛肉札感覺都特別實誠，好吃，配上特調勾芡的湯料，我願排他為第一名🥇清湯牛三寶河粉，牛腩做的真的是高質素，高水準，還可以按照自己的喜好調節牛腩肥瘦程度，爽滑程度。牛肚勁道，香味十足🥈菜肉雲吞絕對也是必點之一，餡太太太足啦！而且真的和上海本地的菜肉大雲吞不相上下！一定要點！店家熱情，店面乾淨，下次一定還來

有文明嘅你一定會識得揀黎文明里🤣今日一早去到油麻地，到lunch time時候就去咗喺文明里嘅正九清湯腩，其實都有好一段時間無食過清湯腩，所以今日特登去試吓，一去到其實都接近full house，好彩咁岩有一枱埋單走人就唔使排隊等，入坐咗無耐都已經見到出面要排隊了。睇完餐牌，最後決定嗌咗：1）清湯崩沙腩河 ⭐️⭐️⭐️⭐️⭐️ / ⭐️⭐️⭐️⭐️⭐️2）牛炸醬麵 ⭐️⭐️⭐️⭐️ / ⭐️⭐️⭐️⭐️⭐️3）炸魚皮 ⭐️⭐️⭐️⭐️⭐️ / ⭐️⭐️⭐️⭐️⭐️⭐️4）凍奶茶5）凍齋啡好老實講，個清湯崩沙腩河確實係喜出望外，崩沙腩有口感，湯清澈而有牛味，而最重要係河粉用黎掛湯，確認令到呢碗崩沙腩河可以一試再試。而另一半嗌嘅牛炸醬麵就係用牛肉碎配埋炸醬去伴麵，呢一個反而同清湯崩沙腩河岩岩相反，呢個嘅味道濃郁，亦都好惹味，有重強烈嘅反差，因為我係同另一半share黎食，反而唔會令到兩個嘅味道重疊。炸魚皮，一個字「多」，份量多到係足夠四個人食，但都係只收$20，性價比好高，炸魚皮炸得香口，亦都食到淡淡嘅咸蛋黃味道，對於本人比較少食炸魚皮，最後都忍唔住口食晒🥹🥹而因為天氣太熱嘅關係，都係嗌埋凍奶茶同凍齋啡，但自己唔記得同職員講叫佢走甜🥹🥹自己失策。😂

星期日母親節，約咗屋企人去油麻地正九食清湯腩。四人order咗清湯牛三寶河、招牌崩沙腩、其中一份轉撈麵底、好有特色嘅牛丸河。份量好足，食到個個都好飽。其中崩沙腩真係好好食，筋膜連肉。牛肉好新鮮，口味富有層次感。阿姐話湯底係每日用牛筒骨、牛腩與秘制藥材熬製而成，無怪得咁好入口。牛丸河都值得推薦，牛丸粒粒都有嚼勁。經過咗好多次，經常見到顧客排隊，好彩今日5點半去到，淨番一張台俾我地。食牛腩慶祝母親節，乘興而來，盡興而去！下次再來

今日同男朋友去油麻地果欄掃水果，雖然有好多收穫，但真係幾累…..就即刻坐低醫肚回下氣先。男朋友就帶咗我去一間他食過幾次的粉麵店，這間店是專食牛。環境光鮮企理，內裏地方不算大，設有數張二至四人枱。牆上仲貼咗多張菜式相片，睇到都覺得好餓，好想食。主打牛類粉麵飯，但亦有排骨、雲吞、雞類、蔬菜和飲品等菜式。男朋友必定要清湯牛三寶河（$62）啦!河粉白滑，湯底並非腩汁，而係清湯，就同河粉薯一聲滑入口。有邊三寶？就係牛腩、牛肚和牛筋，各有二至四件。牛筋夾雜少許肥膏，腍滑中帶爽，富有膠質；牛腩啖啖肉兼有層肥膏，腍嫩肥美，牛味幾香；牛肚每件都幾大件，夠晒爽滑。我就要咗碗菜肉雲吞粗麵（ $45），粗麵有咬口，煮得剛好，不錯!。菜肉雲吞共四隻，每隻都好飽滿，韭菜同肉的比例差唔多，有肉香和韭菜香，皮薄饀靚！另外要碟腐乳通菜($19)，條條幼嫩，色澤翠綠，加埋旁邊的腐乳，自己鍾意點幾多就點幾多，鹹香惹味。熱檸檬蜜（+$8/跟餐）足足有三大塊檸檬，一點也唔吝嗇。酸咪咪的檸檬加了甜美的，既滋潤又解膩。熱檸賓 （+$8/跟餐）都係有三塊檸檬，酸咪咪的檸檬加了微甜的利賓納，酸酸甜甜，好醒胃。

#正九清湯腩 (常安樓) (油麻地)地址 : 油麻地文明里11-13號常安樓地下1號舖味道指數：⭐⭐⭐⭐⭐抵食指數：⭐⭐⭐⭐⭐環境指數：⭐⭐⭐⭐服務指數：⭐⭐⭐⭐食物推介：崩沙腩河粉、炸魚皮、炸雞翼、凍檸蜜等候時間：0分鐘地理優越，鄰近油麻地地鐵站出口C。裝修簡約，清潔衛生，坐得舒適，服務員態度友善。座無虛席、更加要試一試！崩沙腩河粉極力推介，食過返尋味！提供肥、瘦或半肥瘦的牛腩，只要和服務員說聲，便可以了，適合不同類型的人客的需要，真是太體貼了！ 清湯腩份量十足、大大塊、香稔軟嫰、肥瘦均勻、肉汁鮮美、牛味極濃，湯底清淡香甜，絕對好食！炸魚皮非常巨型，我從未見過這麼大塊的炸魚皮，脆卜卜，香脆可口，加入牛腩河的湯中，更加可口好吃！炸雞翼大大隻、熱辣辣、外脆內暖、好似肉汁鮮味、配上生菜，還可大大減輕油膩感，正！非常適合大人細路！凍檸蜜西洋菜蜜非常夠味，檸檬大大片，檸檬有杯面那麼大，又有西洋菜蜜味又有檸檬味！

<正九清湯腩> 📍旺角🔸高手在民間 👨🏻‍🍳 旺角區牛腩河性價比之最🔹美中不足湯麵唔夠熱崩沙腩其實就係牛嘅橫膈膜 🫁 一隻牛嘅橫膈膜份量其實好少，筋膜連肥食落真係爽口彈牙！清湯牛三寶湯河($62) — 三寶包括牛腩、牛筋、牛肚，而我加$8 upgrade做崩沙腩。崩沙腩嘅處理一啲都唔容易（簡單黎講先出水、大火焯去血味、燜20分鐘、再燉2小時，然後細火燜40分鐘）。工序一個字，煩！！！雖則煩，但令人欲罷不能嘅係咬落口感煙韌、充滿着彈性、肉質稔多汁嘅食感 🥴除左牛腩正之外，牛筋稔而無Gel口！蜂巢牛肚爽，出色！不過唯一美中不足嘅係湯唔夠熱 😟 可能餐廳想食客拿拿聲食完翻枱，湯底唔夠熱有啲失望，期望下次再幫襯會係一碗熱騰騰嘅麵食啦～ ♨️♨️♨️環境同服務就勸大家唔好要求咁高，有位食就拿拿臨食完好走～ $70餐野食正！有位你坐算係咁 🤭

如果係旺角，油麻地，佐敦成日出沒既朋友，應該都會留意有間專食牛腩既正九，竟然可以用三間分店。所以今次就專誠去左文明里既正九，睇下係咪真係咁好食。🔸醉雞飯：隻雞都幾入味下，肉質又夠滑，送飯一流！$50都幾抵食，加$5會升級做雞髀。可惜我去到已經賣哂，唯有下次再試！🔸另外我哋仲嗌咗個咖喱崩沙腩飯，啲牛腩又夠淋又入味，而且肥瘦比例啱啱好，同埋有種入口即溶嘅感覺，同埋好夠牛味🤩而佢啲咖喱唔係好辣嗰種，送飯一流，同埋都夠濃。🔸除咗上面兩個飯，我哋仲嗌咗個紅油抄手。好驚喜係呢個紅油抄手唔算超辣，對我呢啲唔係食開辣嘢嘅人嚟講啱啱好，讚！同埋呢個價錢來講都幾多粒紅油抄手，性價比都高👏

喺香港要食到好食嘅牛腩，一嚟環境比較地踎，唔會專程想去食，二嚟靚嘅牛腩部位好多時一早賣晒，諗落都真係好多年冇食過真係正嘅清湯腩。 最近見朋友由澳洲返嚟，短短幾日行程居然返兜咗呢間牛腩，真係忍唔住要嚟試試。夜晚7:30嚟到，只係可以揀崩沙腩，好彩我都係最想試呢個位，想試多幾樣真係要早啲嚟。 可以話同幻想中差唔多，就係我認知入面牛腩嘅最高境界，軟腍甘香，唔會成口肥膏，牛味好濃，黐住一層爽滑嘅筋膜，咬落好舒服，唔會有兀突嘅煙靭口感。 牛肚好爽冇怪味，成個湯底好清甜有深度。上海麵都有驚喜，絕對唔係扁身好腍嗰種，反而圓圓地有彈性，有少少拉麵嘅感覺。朋友加咗菜肉雲吞都唔錯，食得出自家製嘅味道，肉餡鮮甜彈牙，下次嚟我都會想加。腩汁蘿蔔大大份好抵食，有蘿蔔甜味，腩汁唔會太鹹。

自從前排媽咪炆完牛腩之後，呢排成日都好想食牛腩。咁啱經過油麻地見到間正九清湯腩又去試下先。 清湯牛腩米粉🐮：牛腩整齊排列，爽口軟稔，加$8可以升級崩沙腩／坑腩／爽腩，今次試咗佢哋嘅崩沙腩，比一般牛腩更加爽軟，充滿油香，而且唔會太肥膩。湯底濃淡得宜，帶陣陣牛香味。另外，加多$8有雲吞2粒，啲雲吞都幾大粒，餡料豐富。 師傅仲細心地將香葱用匙羹分開裝，方便啲唔食葱嘅客人。 湯沙牛三寶河🐮：牛三寶有牛腩、牛筋、牛肚，普通牛腩絕對唔會比崩沙腩差，同樣好夠稔；牛筋軟硬適中，Q彈有嚼勁；牛肚爽滑，牛三寶無得輸呀！河粉夠滑，另加$6要埋墨魚丸，食落有墨魚粒，煙韌彈牙。

油麻地有間潮州粉麵經常大排長龍今晚收工去咗食，大概等咗10分鐘左右有位了😉除咗出名牛腩麵之外仲有擔擔麵、醉雞、咖喱牛腩、炸雞翼、炸排骨飯等等爽腩撈麵$70爽腩加$8 ，係牛腹部下面嘅側肉靠近牛肋處鬆軟肌肉，有根部、肉、油花嘅牛肉一般係貴過坑腩一半，由於有塊好薄嘅軟膠質，口感爽軟唔硬👍🏻👍🏻爽腩牛味濃郁，值得一試幼麵爽口彈牙，唔會有多餘嘅鹼水味試埋牛骨湯，清甜高質~~紫菜三寶丸米$43有魚蛋、牛丸、墨丸，手打白魚蛋爽口彈牙加$8有兩粒雲吞，雲吞皮薄餡靚，值得一試！正九清湯腩油麻地文明里11-13號常安樓地下1號舖

臨去電影中心睇戲前，想快閃搵D野食，於是黎左正九清湯腩（常安樓），試一試下佢地D牛。呢日我叫左咖喱牛腩飯（$60），跟餐加$8要多杯凍檸茶。正九選擇肉質較為鮮嫩的牛腩，切成適當大小嘅塊狀，所以易於入味，燉煮出來嘅口感亦幾嫩滑。而且佢地嘅咖喱味濃，帶點椰香，別具風味。相信個牛腩係經過慢慢燉煮，令牛腩充分及均勻吸收咖喱嘅味道，十分入味。至於凍檸茶甜酸得宜，配合咖喱牛腩飯，口感豐富，襯絕！正九清湯腩 (常安樓) 地均：油麻地文明里11-13號常安樓地下1號舖

呢一間牛腩河已經嘗試咗好耐，終於有機會去食。叫咗一碗清湯牛三寶河、腐乳通菜同埋一杯熱菜蜜🤭。餐廳環境都幾乾淨，燈光都光夠足夠。清湯牛三寶河三寶河入邊有牛腩、牛筋同埋牛肚。牛腩炆得好琳，亦都好入味。牛筋夠滑夠爽夠彈，最啱女仔補充骨膠原蛋白。牛肚其實平時我唔係好識，但係佢又煮得出奇地入味爽口彈牙，所以我又覺得幾好食。🤤腐乳通菜我本身都好鍾意食通菜，有埋腐乳，簡直係同通菜最佳嘅配搭😏熱菜蜜香港人食嘢，成日都好熱氣，杯熱菜蜜正好解渴得嚟又唔熱氣😮‍💨