歡喜素食

呢間係我唯一一間食過既齋店。 今次第二次黎食，市區搵素食真係比較難。味道很接近真食物，令食肉既朋友都不介意食素，更覺得可以再約黎食飯。價錢同酒樓差吳多（$50-80），茶錢每位$5，白飯飲品另計，我吳清楚叫貴定平，因為無食過其它，我吳係有錢人，間吳時一次ok, 日日食就頂吳順了。…查看更多

其實食過歡喜素食好多次，我都算係佢擁躉。已經介紹過好多朋友去食，個個都真心讚！我原本有個一聽到話食素就皺眉嘅friend, 食過歡喜之後都對素食改觀。講番d 餸先。。。。。松子仁香樁菜炒飯係我至愛！！！！又特別又香，d 飯真係炒到好乾身好靚！跟住就係素叉燒，真係好似。仲有碧綠千層，清清地，正宗嘅素食。價錢方面真係堅抵食，多人去食嘅話可以食到好多唔同嘅菜，除番開每人都唔駛一舊水。…查看更多

一入到嚟,店員即刻好有禮貌地帶我去個座位度跟住我叫咗份素鴨個素鴨色澤金黃,鮮香油潤,外脆內韌,酥皮炸得好好,酥皮裡面應該就係腐皮,啲滷汁亦非常入味,並且個樣都幾似鴨肉最尾埋單嗰時店員講嘢都好有禮貌…查看更多

平時我地一班同事9個人喺葵涌區多數去酒樓飲茶，貪佢有大枱坐得晒我地9個人，有時仲會多2,3個同事一齊食tim，今日有同事提議食齋，揀咗呢間(歡喜素食),我地3個女仔先去攞位，呢度係一間舊商場裏面，一入門口，有好多空枱，得幾張細枱有客，每張坐咗1至2個人，有個估計係事頭婆(有d歪咀，純粹形容外表，冇貶意，我簡稱佢叫事)問都冇問我地幾多位就指我地坐一張已經有個亞叔食緊飯嘅4人枱，我地話有9個人唔夠坐要坐果張大枱，佢可能聽唔到我地講9個人，淨係聽見我地話坐大枱就好大聲話我地:[呢度人人都要搭枱㗎啦，個個好似你地咁要霸一張枱坐，我仲駛做生意嘅]，我聽完火都黎，我同事話算啦，佢向事{話}有9位，{事}可能聽到9個人咁多人幫襯即刻烚熟狗頭笑晒口叫我地坐張有10張凳嘅大枱，但係附上一句:[一陣有人一樣要搭枱架],唔係掛?9個人坐10位枱仲叫人搭枱?就算我地得3個人咁多空枱都唔駛同人搭枱坐啦？之後我地其他同事嚟埋就叫鮮竹卷，生煎包，薑汁四寶扎，蝦餃，㷛仔蘿白燉素肉(好美味)，生根炒麵，欖菜素肉炒飯(飯粒炒得夠亁身)，盅頭素排骨飯，叫嘅款式唔同，但係餡料大同小異，腐皮，芽菜，蘿蔔絲，素肉等，食緊嘢嘅時間{事}間中埋黎sale我地試唔試吓健康飲品?米？我地話唔要，佢就黑面咀郁郁好似話我地咁行咗去，反而有個高高瘦瘦嘅男人應該係老細就有禮貌得多，佢問我地d嘢啱唔啱食，呢度有㗎啡飲，如果要就嗌我吖，食食吓嘢有2個師奶入黎，當時好多枱雖然坐咗人，但係都有鬆動位比佢地搭枱坐，{事}居然叫伙記擔張凳叫我地坐埋d，叫果兩個人坐落黎，佢地梗係唔坐啦，四圍d枱是旦一張都有位坐，{事}就用番先頭話我地三個唔搭枱果番說話鬧佢地，佢地直頭走人唔食，{事}就冇停口咁話...........,之後我地問伙記要牙韱，{事}聽到好快手遞咗9支牙韱比伙記比我地，因為牙韱梅梅地撩唔到牙，我同事問伙記攞多幾枝，點知{事}走埋黎連珠炮發，一輪咀話我地攞一柞牙韱仲唔夠，攞咁多做乜，又話浪費，貪心，又指住牆上嘅告示[浪費.....食材.......之類]一路冇停口，本來大家想食飯後甜品(紅豆糕,腰果合桃露)都唔叫，嗱嗱聲埋單走人，本來呢度食嘢不過不失，但係待客態度就扣晒分，下次請我都唔會再黎啦......就算一流餐廳有一流嘅食物，但係配上九流嘅服務，d野食攞米芝蓮都冇用啦，更何況一般嘅齋舖，只係不過不失嘅食品tim。…查看更多

真的很正。材料足，味道夠，一點沒令人失望。薑蓉香樁菜🍃，薑可驅寒，春菜即皇帝菜，第一次吃，估不到的甜，嫩及新鮮，非常好吃😋。咸魚素雞炒飯，看相片該知材料足，有豆製的🐟🐥，配🌽🌵🍄粒炒🍚，配合菠蘿咕嚕肉，無得頂😃!菠蘿咕嚕肉包含🍍🍅🍄及西芹，猴頭菇很入味，口感又似肉，👍👍👍。回想上次的素千層，即腐皮配以甜甜軟軟的菜心，材料相對營養豐富的鮮淮山及由苟篛扮的班片，真令人回味無窮。那兩款及薑蓉春菜俱由老闆介紹，也是最好吃的。可能是不時不吃及要視來貨，但味道全部可口，令人難忘。明早有機會一定要試點心及㷛仔飯✌!…查看更多

歡喜來過三次，但吃過兩次，食了歡喜，先知以前吃的素食…可以行埋一邊，真的好味。第一次來是無意中來到，這裡的商場其實十室九空，某一天經過，好無聊入了去轉轉，發現盡頭有間齋…估唔到囉…第二次就來飲早茶，八點幾來，客人全是老人，點了蝦餃…味道不比真蝦餃遜色，四季餃…似粉果，外皮軟滑不黏牙，欖菜味香，四寶扎…用上香菇、素雞、芋頭、同埋……第四樣不記得，素菜包…既鬆又軟，第三次就來吃小菜，菠蘿咕嚕肉…用新鮮菠蘿、猴頭菇取代豬肉，讓這道菜更加營養健康，猴頭菇…肉質肥厚，口感和肉很相似，不過比肉營養豐富，口感也鮮味，羊腩煲…以南乳去燜，加上枝竹、冬菇、紅蘿蔔，口感非常好，如果你一向不吃羊的人，這個更是一個好有真羊腩煲FEEL的羊腩煲，欖菜素肉炒飯…聞到一股欖菜獨有的清香，乾身唔油膩，無味精食完唔覺得口渴。地方不大，但檯放得唔密，所以唔會好迫，又唔會好嘈。店內的人非常親切友善，絶對令人心生歡喜心。…查看更多