歌德(美式)餐廳酒吧

從來經過都冇諗過會入去因為已經是夜晚10點, 實在太肚餓又諗唔到食咩所以行過就入左去食..出面睇個餐牌, 以為都要百幾蚊一位,入到去睇睇下發現, 10點後宵夜 - 半價..所以叫左個鐵板牛扒多謝 - 58 蚊真係底到震.牛扒 - 算大塊, 但入口, 有種好似街市買用黎BBQ的牛扒 亦都有種 "渴"喉的感覺, 可能因為是醬汁問題吧.薯條 - 可能因為剛剛炸起, 所以外脆內軟, 真的很好吃 再將餐飲轉紅酒, 都係+18蚊都係果句, 以個價黎計, 都算OK嫁喇...…查看更多

身為波牛&球迷嘅我,平時夜晚就成日嚟幫襯,晏晝真係未試過,今日得閒可以一試佢個LUNCH.呢間嘢裝潢格局唔駛多講,大家應該都好清楚,我同朋友就係貪佢環境舒服,HEA足一晚都唔覺悶,飲兩杯吹兩咀,唔覺唔覺就幾個鐘,鍾意飛鏢嘅朋友仔更可以玩下鏢機.入返正題先,訓醒覺出到旺角整埋少少嘢已經夠哂鐘下午茶時間,正想搵地方醫肚之際,朋友突然CALL我,問我有冇興趣一聚.食個TEA吹下水,咁就老地方見啦!!LUNCH芝士焗忌廉帶子扁意粉 :)餐湯,飲品TEA SET炸魚柳漢堡薯條 飲品去到位都唔駛等即刻入座,平日出街果然唔同D.望望個餐牌睇下有咩食先,嘩!不得了,有LUNCH又有TEA.花心嘅我又要到決擇時候,我要咗個LUNCH 芝士焗忌廉帶子扁意粉,朋友就要TEA SET 炸魚柳漢堡+薯條.先講下我個粉先,芝士份量適中,夠晒香.忌廉白汁味道濃郁,蘑菇片吸左d汁仲正.細細粒嘅帶子竟然出奇地鮮甜,可以媲美d新鮮貨.呢幾個組合真係估佢唔到,同扁意粉咁夾,仲要好彈口.本人係飯桶,都覺得咁好味,即係好掂啦再來抽一下我朋友個下午茶水先,薯條睇波個陣已經試過唔少次,堅係唔錯,唔會厭.呢度D炸嘢唔會太油太乾.值得一讚!!個炸魚柳漢堡,比我平時夜晚食過嘅炸魚手指,更鬆化更有魚味,個沙侓醬不嬲好得.可惜我食唔落多一個餐,唔係一定叫多個.食飽之後吹多成個鐘水先走,呢度冇人會趕你走架.溫馨提示:俾錢個陣從侍應口中得知,原來LUNCH係日日都唔一樣.有機會要再試試佢個LUNCH.…查看更多

很多人對歌德餐廳的印象一般不會無故的選它...更不會無端的想起它還沒認識它的...認定它只是沒出色的小店當你停下腳步留意它...卻不難發現其耐人尋味之處其實...某些分店...如這家...已裝潢得很有心思這餐廳環境氣氛好...是喝下午茶或看球賽的不二之選不愛吃喝...可以只求玩樂飛標...桌球...雀局均藏其中...真是吃得玩得聚得的好地方[休閒下午茶]煙三文魚香蒜法包 $30脆炸芝士蝦多士 $30拿玻里茄蓉焗雲吞 $34[廚師精選]美式BBQ黑豚扒 $48松板照燒谷飼薄牛柳配薯菜 $55煙三文魚法包...味道精彩...令人想一吃再吃蕃茄生菜沙律醬加上煙三文魚雖是普通不過的一個搭配可是這裡的法包多了一層香蒜...包本身烤焗得極香脆鬆化想不到就靠渺小的蒜粒...就將這味小吃的出彩度放大吃著...發現酸瓜醬的存在...極具點晴作用每個個體卻互相牽引著...發揮出一種魔法效應不是誇大其詞...只是現實能輕易找到此等好吃的法包小吃嗎香脆的蝦多士配上獨特的沙律醬...更添魅力雲吞沒想過是大大只的...像北京水餃般中西交錯的感覺...有點怪但味道尚可鮮甜茄蓉配上薯蓉...味道甚為相配...加分不少這裡的凍鴛鴦多啡是至愛...喜愛這獨有的和諧感廚師精選跟早前嚐過的不一樣...難忘那個以干邑弄的牛扒這裡的扒類製作認真...風味獨特創新黑豚扒烤得香...有幾分炭燒感扒本身略嫌薄了點...厚砌更能鎖住肉汁燒烤醬口味是好吃的...不一定要配那些老掉牙的醬汁牛柳肉質嫩滑...烤得剛好...色澤很美緊記要求五成以下...不然會有點過熟此款式彷如日韓系列的照燒牛柳...香濃惹味吃時覺得不怎麼樣...離開後才感回味廚師精選每隔一般時間就變...深怕下一次就嚐不到某種味道這裡的午餐每天都不同...款式千變萬化如此認真...屬少見之列整體感覺天天默默的耕耘不是為了討好誰 是忠於製作的一種熱誠…查看更多

之前食過，來補一下食評吧中午放lunch，心思思有D想吃西餐，路過看見樓下的牌子就打算上去試下。入去見到裝修都不錯，而且環境清雅，一開始都幾有好感，但order完野之後就原因在於上菜速度實在是太太太太太慢！！！我朋友order左個牛仔骨，我order左個意粉，結果居然等我朋友都吃完我個意粉都仲未上！！！（注意，我朋友吃飯速度一D都5快，相對來說是慢那種，我估計從我order完到他吃完至少有40分鐘- -）期間我不是沒催waiter，但系Dwaiter成天在吧台傾計攞……我舉手好多次都沒反應，呢度又不是茶餐廳，我又不想失曬儀態甘大聲ai……不過個point系我最終都叫左waiter催上菜，都好耐先上到，而且之後杯飲品又要再催催催催催先上大佬，呢個系中午lunch break不是週六日啊:(就算你有時間hea但系來吃飯o個個等陣仲有野做架嘛講真我不覺得做個意粉有幾難做luo望下旁邊其他臺的人，他們的上菜速度又OK窩，而且D侍應都有睬他們，5通是因為我們是學生客就被忽視？食物質素的話，平心而論，其實還是可以接受的，分量過得去，食完7分飽。意粉食落去不似好多街邊個D"扮意粉其實是亂來算一味"o既貨色，但你話超級出色又未至於……但都算似模似樣，香港好少有青汁意粉，大部份人的認知都是紅白兩味，所以有青汁代表廚師多少對意粉有認識，所以特登order來試下。就是配餐的咖啡好難飲- -不過算啦，跟餐都不期望有咩質素~之後又有一次，2點幾想補食遲來的午餐，呢間樓下有個阿姐好殷勤甘向我們sell個lunch，見佢甘努力打算不計較上次再去試一次啦，誰不知上到去同我講話lunch時段結束5做生意好心你明知道就5好叫人在下面招客嘛:(搞到我地個陣好尷尬，於是決定絕對不會再來了:(…查看更多

某日係附近搵野食，當時已經係下午茶時間，連續幾間舖頭都無做下午茶關哂門，咁啱見到個廣告大大隻寫住「下午茶」三個字，懶得諗既我地就決定不如求其就呢間啦。上到去原來係酒吧黎既，見都幾多人係度食緊tea，服務生安排左我地坐梳化位，非常舒服~ 又有電視睇，下午茶想搵個舒適既地方hea下呢度啱哂。不過佢後面原來係吸煙區，好彩店員安排左我地坐最前面同吸煙區有一段大距離姐。下午茶都有八至十款選擇，不過大部分都係D熱氣，辣，感覺較乾既食物。由於我地幾肚餓下，所以就決定叫個飯食。最後我地叫左一個西班牙海鮮炒飯，另外加一個芝士火腿飛碟。佢跟餐有野飲，除左奶茶咖啡仲有D特飲選擇添，不過有D就咁睇個名都唔係好知係咩，最後揀左個最正常既PEACH TEA。原本仲叫左杯荔枝特飲架，不過佢話無哂，咁就叫返熱咖啡算啦。PEACH TEA黎到幾好飲喎，我開頭仲諗住佢一定係HEA HEA出品，點知唔係，幾香桃味，甜甜地，夏天飲好舒服。熱咖啡就差D啦，好淡下，奶味過重，無咩咖啡香......開頭叫呢個炒飯就係諗住佢正常D無咁熱氣，點知黎到勁香咖哩味，都係辣既! 不過佢個隻咖哩味勁似合味道杯麵個隻味，哈哈，咖哩味太重，掩蓋左其他味道! 唔覺有咩海鮮，見到好多腸仔，不過個飯炒得幾乾身，唔難食既。反而芝士火腿飛碟幾好食喎，焗到好香口，食落脆卜卜，不過就真係好熱氣囉。芝士幾多，不過唔係好夠香，但D芝士溶哂食落去都幾正~~~ 要襯熱食呀!食物唔算好差，環境幾好喎~ 係一個坐得幾舒服既地方，因為佢既環境，都可以再黎呀。…查看更多

和朋友逛街至四點幾,開始有口痕的感覺, 於是隨便入一間餐廳食下午茶, 結果卻有意想不到的驚喜; 餐廳內人數不多, 没有什麼期望, 或者這是食物質數比預期好的原因. 二人組合order 了兩個下午茶1.西多士 8分 (10分滿分)西多面上有糖霜, 再配以少少糖漿, 味道不太過份, 跟上的牛油是植物牛油, 味道及不上普通的濃, 但健康d. 切開西多, 用的是粗粒花生, 值得一讚.2.斯華力腸配瘋薯; 斯華力 5分; 瘋薯 6分 賣相的確吸引, 俾人制作認真的感覺, 腸的味道好熟悉, 和街道食的無異; 反而配汁幾好, 燒汁加上肉碎, 味道唔錯, 瘋薯是將薯仔厚切, 咬口唔錯, 有質感.3.飲品, 忘記是什麼, 反正不特別, 也不用特別去記…查看更多

前晚和朋友去看英超直播：「成篤屎」vs 曼聯，10點前到達這間酒吧餐廳。眼看餐廳內沒有客人抽煙，於是和朋友安心坐下。香港從 7月 1日起，實行全面禁煙，範圍包括酒吧等娛樂場所，違者最高罰款為 5000港元。和朋友坐在餐廳的卡位，能清楚看到電視熒光幕。在另一面也有一個大銀幕，但畫面卻很模糊，根本看不清楚。坐下來一會，仍沒有人serve我們，於是舉手叫侍應拿餐牌和水來。侍應禮貌地向我們推介晚餐，但我們發現有個半價餐，10時後供應，於是等到10時後才order。我 order了焗豬扒飯、凍檸茶。這個焗豬扒飯不但份量很少，而且味道比「大家樂」的還要差，10時前 order成為 72元，簡直是「掠水」！ 講番場波，上半場雙方互交白卷。如果嫌場波悶，可以周圍望下女仔。不少女生三五成群來這間餐廳，為的不是睇波，而是來談天說地。相信來「吹水」的客人，比起睇波的客人還要多。半場休息時，前座來了兩個「MK妹」。她們坐下來不到一分鐘，便拿出香煙來抽。正當想投訴之際，才赫然發現踏入11點，全餐廳十居其九的客人，都紛紛拿出香煙，肆無忌憚地狂抽。餐廳變得煙霧迷漫，霎時成了煙竇！又話香港實行全面禁煙？對我們這些非煙民來說，要被迫吸食二手煙，真是叫苦連天！又講番場波，下半場曼聯憑老將傑斯 (Giggs) 兩次助功，貝碧托夫 (Berbatov) 先拔頭籌，奧沙 (O'Shea) 埋齋，以 2：0 擊敗史篤城。:)雖然我熱愛足球，但我更熱愛生命，吸食二手煙實在危害健康。為了我生命安全著想，我決定以後不會再來這間「煙竇」餐廳。…查看更多

與朋友相约在旺角見面,想搵好坐d既地方食晚飯傾吓計,行过女人街有待應在楼下宣傳就試吓la,燈光比較暗(適合情侣)可惜我地係两個男人,点了兩個晚餐水準都ok,待應既服務亦唔錯,一般在旺角餐厅既緊張情况呢度都冇,坐左好耐又唔会趕人走仲經常加水,可以有下次…查看更多

歌德餐廳, 係我仲係學生時代果陣覺得係一間好好食既餐廳. 人大佐, 錢多佐, 試既野又多佐, 覺得歌德餐廳都係普普通通啫, 所以我已經N年無去過. 某晚同流沙包係旺角都唔知食乜好, 經過條街有人落力宣傳, 於是就去佐歌德餐廳勒. 環境都唔錯, 係暗佐少少. 我地叫佐個日式雞肉手卷薄餅, 意外地勁好食, 熱辣辣, D醬汁夠入味, 唯一唔好係食到成手油. 另外D薯條係新鮮熱辣炸起架, 好好味!! 另外我地仲order佐個晚餐雜扒, 都OK啦~ 估唔到呢餐飯令我對歌德餐廳有所改觀喎~ …查看更多

因為calvin的回來, 所以九富也出力搞莊聚本來打算讓德國仔回港吃點中式東西點知泉章居full-booked, 所以在女人街行逛行行下跟左阿包上左來難得地有ok多位, 感覺上環境都幾舒服:)現場又有now睇, 如果係度睇波都唔錯不過今晚播番-69000場波真係掃興講番野食份menu上面都有幾多選擇叫了spare ribs, lasagna, 頭盤拼盤, 薯皮, 海鮮炒飯, 茄汁tuna長通粉, 肉醬意粉, linguini等叫main dishes都有salad同法包放涼了的法包咬了一口, 硬到傻, 被迫放棄salad 嫌dressing唔夠, black vinegar甚至olive oil都無Spare ribs賣相不錯, 可惜味道很差:(肉入面淡而無味, 甚至連上了色的表面味也很淡應該後火候不夠, 醃的時間太短lasagna係接P時已被掃光,linguini的sauce夠creamy不過broccoli兩舊就算, 誠意不夠呢炒飯不吃也罷, 求其一間茶記的炒飯也比這裡好茄汁tuna長通粉, 茄汁太搶過濃:(肉醬意粉可能係較為對辨, 所以只吃到一兩條頭盤係上哂main dishes的時候終於來拼盤收$158這個價錢係剝奪! 1/4係粟米片?!薯皮焗得過硬啦, 入面的芝士味好淡:(這裡好的是有波睇坐得舒服, 侍應都肯加水如果講到食物的話, 想食好的, 真係行人止步…查看更多

lunch set有6-7款左右.跟紅/白湯/沙律(!!竟然咁好!!)+蒜蓉多士,同餐\飲!羅宋湯-比我見到1/4個蕃茄,即係唔係煲左好耐.仲係完整.偏咸.白湯-朋友話好咸蒜蓉多士-都唔係上左枱好耐啫,但係唔脆lu吉列豬柳併俄式沙律-哇.一上到枱第一個反應係突晒眼!!!個吉列豬勁吉列,隻色炸得好靚,同cooking mama有得fight!!! 勁大塊,骨就唔算大舊!肉質好好,唔係太厚,啱啱好.個俄式沙律,只係罐頭雜果加青瓜+金荀+温室豆苗+沙律菜一大塊and生菜底咁大把!不過都ok啦...我都唔係expect有d咩特別.個吉列已經拎晒分啦!!!白汁雞脾肉飯-除左個飯硬之外,d雞肉又夠厚,又滑,好有口感!!汁少少偏咸,配菜有脆肉瓜,白蘿蔔,豆角.好fresh!魚柳+牛排薯菜(白汁)-個名唔多記得,但係牛ok厚,有肉汁燒得啱啱好,個魚都好滑,個汁有少少mint味.薯菜唔係薯條,都唔係薯仔,而係炸薯餅,好特別,中間有青豆類雜菜!overall d味係重左d,但係係unexpected咁好味!…查看更多

年幾前同男友黎食dinner，我記得係order左三文魚扁意粉，味道係ok既，諗住俾少少男朋友試，嘿嘿...黑仔既佢竟然就食到一條4cm左右類似鋼絲擦既殘骸！！！call個waiter仔黎，佢都好驚嚇，即刻同我換，我都食左大半架la，都唯有等啦，不過好快換到。跟住個waiter都走埋黎好幾次say sorry，令我地個心覺得舒服d，and佢都送埋drink俾我(本身無叫餐唔跟drink)。順帶一提，呢度既餐包係200級咁硬，真係以為自己食緊石頭添。p.s. 出旺角黎呢度係貪佢通常唔駛等位，plus卡位sofa坐得幾舒服。…查看更多

今日中午, 我地一共十多人, 來了呢度farewell同事. 先來餐湯, 白湯看起來很杰, 有點橙色似南瓜湯; 紅湯則只有一種味道--辣! 而且很稀, 似水一般. 跟著上的居然不是主菜而是餐茶! 至於主菜, 等了大概半小時至, 還要不斷催促之後才有得吃, 否則過了lunch time也冇得吃! 我叫的是蘑菇煙三文魚意粉. 實在不覺得好食, 汁太杰, 蘑菇沒有味道, 有種好"漏"的感覺, 也試過同事的牛扒, 同樣係冇牛肉味.最差就係居然隔離枱有人食煙! 室內食肆不是禁煙的嗎?! 同事說呢度可能係會所牌而唔係食肆牌, 可以括免, 所以來呢度食野要機會見到煙霧迷漫既場面! 對我這個是非吸煙者來說, 除非是特別function, 否則絕不再幫襯!!!…查看更多

環境好好, 冇乜人. 夠大食物就....先來一個拚盤-- TERRIBLE, 全炸野, 勁厚炸漿, 都唔知緊乜牛肉冇牛味, 勁UN飲品要一吹再吹先至到冇下次…查看更多

啱啱寫完個'笑哈哈'食評俾荃灣o既COCO DUCK, 再俾多個'笑哈哈'位於女人街呢間啦!8月中第一次去呢間新裝修好o既歌德,佢\佔坐2樓全層,我去咗食美國菜同酒吧嗰邊, 另一邊係食日本菜o既.同朋友二人order咗\"露筍雞肉巷\"力套餐\(有麵包,湯,什菜沙律同飲品)同\"朱古力心大軟蛋糕\"夾份食, 兩樣都掂喎,好好味. 同荃灣嗰間一樣, 過晚上10點有66折(甜品都有得折).d待應都好nice. 一個餐\只包一個湯, 但我哋同其中一個待應講好鍾意飲羅宋湯,佢\就俾夠兩碗我哋.環境不錯, 暗暗地, 唔嘈雜, 坐落令人感到好relax. 除咗沙發卡位, 重有幾張弧型大沙發, 人多都可以圍住坐.值得再去~!~…查看更多