影片
招牌菜
前日(2-4-2017 Sun)睇報紙報導得三幢樓o既象山邨商戶冇乜生意,於是提議老公一齊行上o黎食o野,支持吓,順便緬懷自己讀高中時,o係呢條邨食lunch o既時光.不過o個時都冇幫趁過呢間o野.我諗呢日唔同,因報紙出o左街,住o係附近o既(包括我)都特登走o黎,我o地o黎到都有8成客,坐低後,冇人serve,唔緊要,街坊生意.我o地睇完menu,就決定要$18.00o既皮蛋瘦肉粥,$12.00o既蝦米腸,$10.00o既炒麵,$30.00o既鹵水雞飯同$3.00o既砵仔糕(諗住拎走).老公走去落單,但話粥已經賣晒,腸粉都冇,鹵水雞就老闆娘話冇,老闆話有.老闆娘叫我老公自己舀炒麵,咁佢就舀o左炒麵同炒河,然後我o地轉要$10.00o既蘿蔔糕同加$6.00要罐汽水.咁我o地食炒粉麵先,口感唔會好腍,鹹淡適中,OK o既.然後老闆拎碟鹵水雞同薑蓉俾我o地.老公自己去舀飯返o黎,但碟鹵水雞o既雞係白切雞,同多o左鹵水腩肉兩,三舊=.=”.我o地又食喇,雞肉滑,鹵水腩肉滲著淡淡鹵水味又唔太鹹.之後蘿蔔糕到o黎,做乜煎到咁燶?但好彩只係一面燶.食落口感適中,同樣唔太鹹.食完叫埋單,老闆娘問我o地食o左咩o野?我答晒後,佢問我食o左幾多碗飯?我答一碗.佢就話唔計我o地炒粉麵,鹵水雞飯同汽水計$40.00,轉頭又計蘿蔔糕同炒粉麵o既$20.00,共$60.00,收多o左我o地$4.00,奇.服務:好多o野係自己o黎,冇乜服務,不過算啦,佢o地兩個咁老,而且冇乜錢賺,唔可以有咁高要求.總結:本來唔想咁狠心俾喊面,但因為尋日朝我有少少肚攪,應該係呢間o野o既食物太油膩引致,所以真係好唔好意思.
繼續閱讀
某天去探朋友, 而他的喉嚨有點痛, 於是便提議去吃碗粥 .... 皮蛋瘦肉粥圓形碗裝的皮蛋瘦肉粥, 粥底不夠綿滑, 皮蛋是糖心, 都切成角的 (大約有半隻), 瘦肉是粗幼不一, 頗硬的鹹瘦肉, 份量也俾得適中, 這碗粥的味道甚具家庭風味, 不是坊間連鎖式的行貨, 應該無味精 .... 中肯來說, 味道也真的只是一般 ~(粥所給我的食後形容就是這樣, 不知道為什麼Openrice編輯認為這文章是不能刊登, 原因是食物味道描述得不詳細 !!?)本篇完 ~
繼續閱讀