欣榮咖啡室 (已搬遷) 新店位置

光顧多年，一直好滿意此店食物品質，現在才替它寫食評，老實說有點不公道。不過無他，人都是好逸惡勞動物，免得了都懶得動筆。本人最愛此店三大食品: 蕃茄朱扒，蘿蔔牛腩，o加喱雞，百吃不厭。熟客都知道，店主都是愛吃的人，所以對食物品質很有要求，可以說你給出的金錢，換回應得的水準。此店只做早，午市，兩點關門。光顧的話不要太晚，有時一點半左右就開始收檔了。

同大少去仁濟覆診好多次，次次都冇見到呢間餐廳，今次咁巧合係熊貓酒店行返過黎先見到，見佢都幾乾淨，一於坐低試下。款式唔算多，一般茶餐廳麵同三文治，全部都散叫，冇套餐。見到好多人都食麵，枱面有菜甫俾客人自己加，不過一大清早我就食唔到麵，下次有機會等午飯時間再試下！我叫咗份餐蛋治，即叫即做，雞蛋煎得剛剛好，仲有少少蛋汁，真心覺得好食，飲埋杯熱華田，天氣涼涼地，坐路邊另有一番風味！下次試下佢個豬排包，睇下係咪咁好食先！

呢間系荃灣冷巷的欣榮咖啡，店鋪面積細小，冇套餐，所有野都系散叫，如果早餐時段來人食都算幾貴？！試左豬扒出前一丁麵($22)，豬扒即叫即煎，醃得入味，而且充滿肉汁，驚喜！而且已經自動碎上，又俾隻碟裝骨，真係夠哂細心，再加一杯香滑的熱奶茶($13)，味蕾大滿足可惜只做早市同午市，連下午茶都唔做，但卻有好多熟客！下次再試佢地d辣菜甫！！

係德華街行人小路，有間舊少少的茶餐廳，經過一試叫了單拼鮮牛肉米線， $22冇套餐，全散叫 牛肉鮮嫩幼滑，咬落有新鮮牛肉味，不靱好淋，切片剛剛好不太薄，厚身牛肉昧更香濃，米線煙靱彈牙，加新鮮生菜幾片，熱辣辣好好味

回頭率50% - 欣榮㗎啡室 : 吃風味味道 ★★★☆☆好食：煎蛋一丁 - 一丁同價，讚！普通：回鍋肉上海麵 - 湯底是開水， 多筍不錯，麵幼扁，最後稔掉，欣賞菜莆任落，惟未能挽救水湯底之無味茶走 - 不及華富邨銀都環境 ★★★☆☆巷仔但乾淨服務 ★★★★☆老闆（中年男士）笑容滿面有禮， 仲親切過傳說中好nice的老闆娘婆婆

這是一間家庭式經營的小食店，無裝修，店面就簡單用幾張枱併在一起。不設套餐，全部散叫~食物款式不多，但...好好味!!!味道跟其他餐廳有著明確的不同，感覺到一種真正用心才能夠煮出來的感覺。很好很好~

$24一個豬扒飯，豬扒鬆化又入味，咖喱夠香濃，唔會太油，又唔會一味得個辣字，唔錯唔錯，正過好多所謂正宗咖喱。不得不提，絲襪奶茶又滑又香$10大大杯，值得一試。

今日上午與同事到荃灣辦點公事, 完成工作時已是十一時多, 所以到附近找間餐廳吃飯. 在沙咀道轉往一條小路(後來從老闆娘得知是德華街), 內有數間食肆, 只見此間裝潢頗有懷舊風格, 故內進試試.正踏進食店之際, 老闆娘即上前招待, 他見我們不知該選擇什麼食物, 便向我推介數款菜式, 於是我點了咖喱豬排飯, 小妹同事則點了魚角出前一丁, 我們一同點了凍奶茶. 侍應端上飯來, 我立即嘗了一口豬排, 感覺猶如回家吃飯一樣, 沒有經鬆肉粉醃過的質感, 飯味比酒樓的還香, 簡直令人喜出望外. 凍奶茶亦是一絕, 茶味香濃, 甜味適中. 原來凍奶茶是預先調製, 然後冷藏. 小妹說魚角出前一丁亦是誠意之作, 麵條軟硬適中. 吃飯期間, 見老闆娘談笑風生, 與食客打成一片, 好不熱鬧, 而且和藹可親, 很有18樓C座feel.臨走前, 老闆娘說如日後光顧, 請留意此店營業時間為上午六時至下午二時, 星期日休息. (真招積!)