影片
營業時間
今日營業
11:30 - 22:00
星期一至日
11:30 - 22:00
以上資料只供參考, 請與餐廳確認詳情
有關獎賞計劃
影片
相片
香濃燒大蝦海老湯拉麵
味自慢灸豚肉柚子醬油湯拉麵
巨峰提子乳酸沙冰 蜜桃乳酸沙冰
+158
+22
食家推介
🔶🔷新開拉麵最平$78碗 進駐唔少大型商場🔷🔶🔷⬇️睇內文食評同地址啦⬇️。‼️Follow me @pig_g_pig 睇多d食玩買資訊‼️👍🏻 有你地嘅Like & Share 係我繼續出Post嘅動力喔。呢期有間拉麵店進駐唔少大型商場，分別有K11 Musea, Southside, 又一城，黎緊仲會係啟德零售館有新分店，我今次就試左又一城分店。原來除左拉麵，仲有壽喜燒食架，不過我第一次食就試左拉麵先啦。豚肉餃子（$32）、黑松露廣島蠔（$28）、海鹽枝豆（$28）呢度d小食都幾抵食，廣島蠔都只係$28，餃子層皮都幾簿。火炙大蝦濃湯拉麵（$98）呢款係人氣no.1拉麵，湯底係濃蝦湯，配上半粗麵，麵條掛上濃蝦湯，大蝦有成隻手掌咁大，火炙左之後好香。味自慢炙豚肉柚子醬油湯拉麵（$78）而家$78有碗拉麵食都算好抵，豚肉湯底有淡淡柚子香，食落唔油膩，豚肉片厚薄剛剛好。@jiroramen.hk 。📍次郎拉麵 (九龍塘)九龍塘達之路80號又一城UG樓UG-37號舖
繼續閱讀
香港拉麵店越開越多，最近次郎拉麵於九龍塘又一城開設了新分店，面積寬敞，開放式設計有室內外座位，比起坊間的拉麵店更有空間感，以溫暖木系和風裝潢與柔和燈光打造禪意空間，格調和諧，餐牌不只是拉麵，還有壽喜燒、和食便當及居酒屋小食，拉麵共有5款湯底可供選配：柚子醬油湯、醬油湯、雞白湯、火山地獄激辛湯及香濃海老湯。香濃燒大蝦海老湯拉麵 $98人氣No.1 海老濃湯色澤紅潤，以三種不同鮮蝦熬製，味道濃郁鮮甜，每碗配料包括原隻溏心蛋、木耳絲、筍、香蔥和紫菜，大隻厚肉的火炙大蝦，肉質爽口彈牙，令鮮味倍增，粗麵質地爽彈帶咬口，掛湯力更強，盡吸鮮香蝦湯精華。味自慢炙豚肉柚子醬油湯拉麵 $78人氣No.2 慢火熬製高湯略為濃稠，柚子果香令湯頭變得清新，也可刺激食慾，豚肉叉燒肥瘦比例適中，肉質軟嫩不死實，經過炙燒後帶焦香，溏心蛋的軟嫩蛋白包裹著半熟晶瑩的流心蛋黃，滿溢香濃蛋味。每碗拉麵另加$15 就可轉成套餐，包括炸雞2件和一杯餐飲，無骨炸雞外皮脆卜卜，一口咬下肉汁滿溢。香脆鱈魚片 $28入口輕薄香脆，吃時蘸些蛋黃醬，濃滑口感和魚香相互融合。豚肉餃子 $32拉麵配餃子可說是永垂不朽的經典配搭，外皮煎得金黃，豬肉餡料扎實多汁。
繼續閱讀
《次郎拉麵》火炙大蝦🦐濃湯拉麵 🍜📍九龍塘達之路80號又一城UG樓UG-37號舖集團式經營嘅拉麵店，一般比人嘅刻板印象都係麻麻地，好似比起d用心經營嘅小店，味道上風味上總係有段距離。呢間《次郎拉麵》一早响黃竹坑同尖沙咀都有店，不過人人都話佢係 food court 級數所以我一直都冇諗住試。原先話啟德會開新店但遲遲未有跡象會開到，而特然留意到原來佢响又一城剛開左新店，既然咁近我，而本身未食過，一於去試吓。《火炙大蝦🦐濃湯拉麵 🍜》香味 (2/5)叫得蝦麵，聞落當然係以蝦味為主，不過個味比較平，除左蝦味就乜都冇，而火炙味亦唔覺有，以蝦湯麵來話佢唔夠香，麻麻地。湯 (1/5)呢個蝦湯，飲落第一印象係非常的單調，只係一個好平凡嘅蝦味醬油湯，亦冇層次感，完全唔特別唔討好。麵條 (3/5)普普通通嘅一碗中細麵，真係冇乜好講。配料 (2/5)呢碗麵最大賣點就係有一隻相當大嘅嘅蝦🦐，咁我就主力講吓佢啦。首先，隻蝦係冇預先剝蝦殻，咁大隻蝦，唔預先剝蝦殻，食起上來有幾”呢hea”唔駛講啦，我自問就唔識點可以唔落手，齋靠筷子可以輕易食到佢。第二，話就話火炙，但隻蝦火炙味並唔明顯。第三，蝦腸並冇處理好，下圖可見。第四，鮮甜度，只係一般。溏心蛋，比預期中仲生，咬開有d水。筍係超多渣，完全唔得。整體 - 不推薦。如果唔係住得近，我係一定唔會想試，食後感同普羅大眾講嘅吻合，完全係 food court 級數，但因為價格都唔係低，連埋加一成 108 一碗，無論從任何角度睇都冇食佢嘅理由。
繼續閱讀
好難食，痴線，拉麪點樣可以整到咁難食三碗麵都可以難食，犀利之前見但門口排幾多人，所以而家特登黎試下首先，麪底勁普通，仲要有少少苦味。隻流心蛋係有流心，不過係有蛋腥味。隻蝦煮得太過火，殼係連埋的肉，仲要係有腥味。嗰雞白湯勁淡。蜆係大隻，但係冇蜆味。冇樣野係掂嘅
繼續閱讀
餐廳位於九龍塘大型商場之內，與地鐵站距離2分鐘，十分方便快捷。這天和朋友一同前來，點選了慢煮雞胸雞白湯拉麵和味自慢炙豚肉柚子醬油湯拉麵。先由白湯拉麵說起，奶白色的湯底，配搭拉麵，麵條掛上淡淡湯汁，美味的來源。另外，慢煮雞胸，入口軟滑，炸雞，外皮香脆，內裏肉汁豐富，意想不到的驚喜。黑松露廣島蠔，黑松露味濃郁，經過油炸，卻不油膩。雞皮餃子，絕對是我最喜愛的其中一個小食，全因為外皮帶點脆口，加上帶點油脂的味道，絕對是伴酒的最佳良物。
繼續閱讀