影片
營業時間
今日營業
11:00 - 22:00
星期一至日
11:00 - 22:00
以上資料只供參考, 請與餐廳確認詳情
《次郎拉麵：又一城$100歎豪華餐！半價蠔餃抵到爛》今次同班fd衝咗九龍塘次郎拉麵，諗住試佢人氣No.2⭐️⭐️⭐️「炙豚肉柚子湯拉麵」——果然冇伏！豚肉燒到邊位焦香，油脂溶晒落湯底，柚子醬油嘅酸甜勁解膩，仲要自選軟麵吸盡湯汁，正到拍檯！跟餐$15加咗炸雞兩件+ drink，皮脆肉嫩仲爆肉汁，性價比完勝連鎖店。 朋友嗌「慢煮雞白湯拉麵」都唔輸蝕，雞胸嫩過蒸水蛋，白湯濃到掛羹！最驚喜係便當半價追加嘅小食：「雞皮餃子」脆到似食薯片，咬開爆餡勁邪惡；「黑松露廣島蠔」即炸上枱，蠔肚爆鮮唔腥，松露醬多到唔使錢咁！ 飲品方面，熱咖啡加奶走甜穩陣之選，凍奶茶少甜少冰夠貼心，茶膽夠厚唔洗加錢轉特飲，抵讚！ 兩個人食到捧住肚都係$200有找就歎勻拉麵+小食+飲品，仲要坐得舒服冷氣夠凍。又一城行街醫肚首選，回頭率100%！
繼續閱讀
《次郎拉麵》火炙大蝦🦐濃湯拉麵 🍜📍九龍塘達之路80號又一城UG樓UG-37號舖集團式經營嘅拉麵店，一般比人嘅刻板印象都係麻麻地，好似比起d用心經營嘅小店，味道上風味上總係有段距離。呢間《次郎拉麵》一早响黃竹坑同尖沙咀都有店，不過人人都話佢係 food court 級數所以我一直都冇諗住試。原先話啟德會開新店但遲遲未有跡象會開到，而特然留意到原來佢响又一城剛開左新店，既然咁近我，而本身未食過，一於去試吓。《火炙大蝦🦐濃湯拉麵 🍜》香味 (2/5)叫得蝦麵，聞落當然係以蝦味為主，不過個味比較平，除左蝦味就乜都冇，而火炙味亦唔覺有，以蝦湯麵來話佢唔夠香，麻麻地。湯 (1/5)呢個蝦湯，飲落第一印象係非常的單調，只係一個好平凡嘅蝦味醬油湯，亦冇層次感，完全唔特別唔討好。麵條 (3/5)普普通通嘅一碗中細麵，真係冇乜好講。配料 (2/5)呢碗麵最大賣點就係有一隻相當大嘅嘅蝦🦐，咁我就主力講吓佢啦。首先，隻蝦係冇預先剝蝦殻，咁大隻蝦，唔預先剝蝦殻，食起上來有幾”呢hea”唔駛講啦，我自問就唔識點可以唔落手，齋靠筷子可以輕易食到佢。第二，話就話火炙，但隻蝦火炙味並唔明顯。第三，蝦腸並冇處理好，下圖可見。第四，鮮甜度，只係一般。溏心蛋，比預期中仲生，咬開有d水。筍係超多渣，完全唔得。整體 - 不推薦。如果唔係住得近，我係一定唔會想試，食後感同普羅大眾講嘅吻合，完全係 food court 級數，但因為價格都唔係低，連埋加一成 108 一碗，無論從任何角度睇都冇食佢嘅理由。
繼續閱讀
見到佢又一城新開，去試吓。嗌咗一個蝦拉麵，一個柚子叉燒拉麵。兩個都好難食，面嘅質地同埋類似即食拉麵嘅差唔多。個湯底同買返屋企一盒盒嗰啲拉麵都係差唔多。啲蝦肉一啲鮮味都冇，質地又好實一舊嘢叉燒佢又真係即刻攞火腸燒過，但係都冇話特別好食。套餐嗰舊炸雞還好，唔乾。都係食得出買返嚟一pat pat嗰啲。佢又唔係話好貴，但係又真係唔會再返去。個app有啲唔係咁方便，因為叫嘢飲嗰度凍檸茶係冇得揀少甜走甜嗰啲。我亦都懶得同佢講。
繼續閱讀
又一城開左間新拉麵店，睇睇下發現原來係Gaia旗下既餐廳，即係同前身同一舖位既劉一手係同一集團，基本上啲staff都係劉一手果班。新開有第二碗半價優惠，咁就試下。果然食落個感覺係同係屋邨食平價日式拉麵係差唔多，食唔出個麵有咩特別，湯底麵好味精feel。不過就收緊$78至$98一碗，轉餐加$15多2舊炸雞同野飲，應該都係啲業務用炸雞，自己去一田買返屋但炸都差唔多feel。可能新開有優惠，今日都比較多人食lunch，不過我試一次就算。冇下次郎。
繼續閱讀
您可能會有興趣的...