權發飯店 (已結業)

本地廣東菜館雖然多不勝數,可是良莠不齊;人氣鼎盛未必是最好味,可能只是最多"味"..Anthony Bourdain訪港特輯,曾光顧某知名具本土風味的熟食檔,可是鏡頭下雜陳紛亂的環境,令人懊惱,看他拘束困惑的表情,我是心生同情..在北角,其實也有其他不錯選擇,七姊妹道的權發便深得一衆街坊喜愛.以典型飯館來說,此店算是光亮整齊,食物水平穩定,服務亦不錯."食物,環境,服務"食肆三大成功要素,權發均屬合格有餘,當然要一衆饕客俯首莫拜仍有一段距離.是晚,我們人不多,㸃的菜也不多,其中有以下幾項:試過很多飯店的炸大腸,通常都做得不好..不是口感太韌,便是處理不當有異味..難得這碟豬腸肉質軟稔,外皮炸得酥脆不油膩,送酒佳品..不過我們帶來的白酒,pairing有點牽強.生煎藕餅爽脆有咬口,厚厚的豬肉饀料也夠惹味,很是不錯.雞肉嫰滑,熟度恰到好處,表面炸得甘脆,配以炸蒜,香氣四溢,令人食指大動!餐後,免費奉上糖水,紅荳沙煑得夠綿料夠多,毫不欺埸.單看此點,已誠意有嘉,值得繼續捧場.

 現在才的起心肝,今天一次過寫2-3月的食評,這次純綷係為食海鮮而去,不過冇想過中式食店都攪綽頭來一个情人節套餐,三百零蚊一位,算豐富了.雞絲翅比我地想像的份量要多.D翅都几粗下.羊鞍與炸蟹鉗是2選一,我地選擇各一而龍蝦是每人一只.鮑魚本身配鴨掌的,由於我兩都不吃,珍惜食物叫伙計們不用上.還有上湯浸豆苗和瑤柱蛋白炒鈑,二人份好足夠,另外因我老公喜歡食蜆,油塩水大蜆係額外叫的,但上枱才發現非一般的蜆,同只蟹鉗一樣大只,份量足都係88元,總數900元有找.我個人覺得算抵.

是晚係幫朋友買完野, 交收既日子, 叫左一班朋友一齊出黎, 人多可以叫多幾個餸, 再加上其中一位指定黎呢到食, 佢又擦得, 我就最開心, 可以多點幾個餸~朋友指定要咸蛋肉碎蒸水蛋 - 唔老, 好滑, 送飯一流招牌豉油雞 - 好入味又唔咸, 好彩擺得好近我 嘻嘻, 食多幾件都冇人知, 龍躉2味 - 炒芹菜個碟, 既愛且恨, 因為落單個陣無同我地講係用西芹, 朋友們說無所謂, 不過因為我血壓低, 有得睇, 無得食!黃金蝦 - 剥晒殼先黎炒, 啖啖都係肉, 食得開心, 奈何碟頭比較細~生炒骨 - 其實店內仲有一款係 "拔絲咕嚕肉" 不過朋友冇叫, 呢款係一般貨色, 唯有期待下一次.....薑汁炒芥蘭 - 水準之上啦炸生蠔 - 美國桶蠔, 係有水準地乾淨, 不過一d蠔味都冇囉, 有d可惜~權發係東區好多都執左, 希望之後會開返啦。講真呢d地道街坊店真係買少見少.....我唔想以後淨係食大集團同大酒樓而無左小店作選擇~

五個人晩飯，無訂位坐中枱，餐具污糟，有黑色嘅污垢，地板油膩，小菜館，我唔敢去廁所，因為門面都唔算乾淨，我怕去咗廁所會無胃口食！叫咗：香煎墨魚餅（$85）--侍應極力介紹，個名叫「煎」，上枱一睇，係「炸」先真！炸得金黃色，有兩款醬料，沙律醬同泰式酸甜醬，我食一件，外脆內煙韌，不過我食到有微酸味！好似有D變咗！蜜汁脆皮燒鱔（$130）--份量比較少，唔算抵食，尚算香脆，無腥味，不過無乜蜜汁味道，唔點酸甜醬會淡！伴碟嘅蝦片淋咗，唔脆！啫啫通菜㷛（$78）--用石鍋上，上枱熱辣辣，通菜新鮮香脆，好惹味，餸飯一流！不過用石鍋可能怕黏底，所以好油！沙嗲金菇肥牛㷛（$75）--用石鍋上，上枱熱辣辣，份量足，呢個最受歡迎，內有粉絲，索晒D沙嗲汁，肥牛剛熟，熱辣辣好味！台式三杯雞（$78）--又係用石鍋上，我只係食咗一件雞，惹味好食！我叫咗碗粥，其他人叫飯，上飯嘅時侯，侍應通知粥要等一等，因為要煮返熱D，我覺得幾有交帶，點知粥上枱時，溫度係涼的，一D熱氣都無，衰過微暖，咁為乜要同我講等廚房翻熱呢？餐後上咗碗糖水綠豆沙，唔太甜，綠豆都多，幾好！唔係每樣餸都好味！待應勤快，上菜斟水都好爽手，不過無得信用卡比

與Uncle們共聚，味道不是重點，不過因為權發的味道很好，所以令這次的飯局更加滿足。蒙古烤羊扒 ($115)這羊扒賣相十分不錯，媲美高消費的中菜廳! 有賣相之餘，味道也很好，羊扒很嫩，羶味濃而不過火，沾少少薄荷醬更多了份甜味。質素不錯的羊扒只需用上黑椒便很惹味，簡單又美味。拍這照時已吃了數支羊扒，羊扒的成本也不便宜，以$115便可吃到這個質素，實在物超所值!上湯杞子黃沙豬潤浸時菜 ($75)看著這個，只可說句大滿足! 湯底鮮甜又清，豬潤非常軟身，菠菜很嫩，份量超多!賣相雖然平平無奇，想不到原來味道也不錯。椒鹽鮮魷 ($88)上來時非常的熱，熱之餘，每條鮮魷都非常的鬆脆，脆料薄薄的，炸得超好，不油膩，亦沒有翻炸感，人人都讚好。外層脆脆，內裡又熱又軟，而且魷魚十分新鮮，非常爽口彈牙。咸度適中，椒鹽味也很平均，非吃不可。金牌蒜香雞 (半隻$98)與炸子雞非常相似，但這多了份蒜香，令這已經很香口的雞更上一層樓。喜歡這雞不太油膩，那層脆皮也非常香口，炸得通透，沒留半點脂肪。雞肉嫩滑；蒜香、脆皮和嫩雞三者配合得不錯，雖很普通，不過味道好就可以了。籠仔荷葉雲腿鴛鴦雞 ($98)鴛鴦雞其實是指雞和田雞

權發已經食左好多次，今次仍然係唔錯...份量大大碟，不過好似又加左價! 沙拉骨$75 - 啖啖肉又唔肥，D汁酸酸甜甜好醒胃...正! 豉汁蒸大鱔$130 - 肉質實實，豉汁夠香用來送飯一流! 蒜蓉粉絲蒸貴妃蚌$78 - 麻麻地，隻蚌唔夠肥，好瘦好小肉...整體上仍然好食抵食，仍然係我地食飯的其中一個指定地方!

冬至同屋企人食飯近近地去權發食,個人不喜歡傳統酒樓,皆因煮法冇新意, 菜色,味道 等永遠都不會有驚喜價錢又貴....完全係浪費quota !!!講返權發 4 個人叫左炒蜆 : 正, 大大隻, 味道鮮, 不過有沙招牌羊架: 比上次食更好咪, 香料 帶出羊既 "so" 味, 整得十分香口, 加上薄荷醬 非常夾 ,必食燒乳鴿: 我的最愛, 夠香口, 熱辣辣上台. 夠juicy...味道有少少甘香, i like it!海鮮雜菜煲: 正常質素

都好耐冇去北角權發, 今次行完實惠百佳...,上去晚反,其中叫咗黑招猪手煲,黎到见d顯汁傑tata太多至滿瀉, 蓋住大大隻猪手,但賣相好差!!!冇黎香味,大家試吓d汁也冇咩黑招味,大家也記起黑招汁乜乜菜式黎到已經香噴噴,可能 c fu 唔記得落黑招.......吃猪手,my God! 唔得,隱約還有d似鹼水味道通知那位便装招呼客人既,幫我地換上另一欵芝麻杏桃拔絲骨, 此欵賣相不錯也好大碟, 其中d所謂骨都只係得幾舊,味道ok啦,其他既大都係炸既d好肥豬肉,食到成口油,好肚餓都係頂到一半, 不能再放落口.至於其他餸菜都係一般, 其他分店好好多!!***但值得一贊係個位便装招呼客人既(可能係負責人), 好有禮貌,佢知道狀況後已即時幫我地取消那問題菜單及換上另一欵,埋單時亦再表示謙意!

今日放假睇完戲就同老婆仔去左權發飯店撐下枱腳,抵食實惠又就腳,去到7:30p.m,好彩唔使等有位,平時節日一定好爆場!服務都唔錯!冷氣舒適!起菜又快夠水準!飯店來說有保證,誠意推介!!!坐下開茶後,我地都幾肚餓~即刻叫餸食飯啦!碟碟夠份量,而且好好味添!!!我地點了以下食物~~香脆墨魚餅~夠脆夠彈牙,點了泰式辣醬更加美味!西蘭花炒帶子~味道先甜夠大碟,帶子多一點會更好!福建炒飯~和外面餐廳比更夠穫氣,材料十足!飲品2罐汽水都夠凍~下次要試湯啦!好豐富及好滿足的一餐!而且沒有加一茶芥的收費,一個字『正』

星期六，小女出世已兩星期了，甚受一眾朋友歡迎，較熟絡的還爭相希望與小女上契。是晚，兩位剛榮升為auntie級嘅朋友探一探小女，順道與筆者討論小女嘅取名。時間已是晚上差不多九時了，大家都唔想去其他地方食嘢，再加上madam對「權發」呢個品牌念念不忘，於是從筆者家行了兩個街口，來到了這兒。雖然到達時已經九點鐘過外，但顧客依然是人山人海。三個人嘅座位，也要等一會兒才能夠安排。望見鄰桌嘅炸物俱造得金黃香脆，甚是吸引。可惜，大家經過一輪湊B考驗後，俱疲憊不已，只好點了幾碟小炒了事。先是豉汁煮聖子，本是不帶什麼期望嘅菜色，效果卻喜出望外。聖子雖小，但肉質十分爽口，豉汁不濃不烈，能吃出本身鮮味，而且一點腥味也沒有。只是間中食到有一點沙，是小瑕疵；香蔥雞蔥香不甚激烈，雞肉也算彈牙可口。唯獨是雞皮上嘅脂肪積聚比正常的多，雞皮還是少食比較好；鹹魚炒芥蘭火喉剛好，而且炒得相當均勻，每條莖是如一的剛熟，咬落還保留新鮮蔬菜嘅爽脆；最後一味餸是翠玉瓜炒豬面青，也是鑊氣十足，每塊翠玉瓜入口有爽勁，豬肉亦嫩滑非常。這麼令人意外嘅小炒，三扒兩撥，清掉了桌上幾碗白飯。地方雖然緊迫，地下也是黏黏的，有些令人不安，但小炒有如

又開始再寫食評呢...之後停寫了一段時間是因為我換了新手機...拍照的質素跟之前的sharp實在有很大的距離...而且又不能常常拿著大機出去影相...所以沒影相也就沒寫了....~只是頹了那麼久...還是覺得很慚愧...所以雖然那些食物相片拍得不太好...不過至少都可以看到我點了些什麼的....~近來天氣寒凍...有一天心血來潮突然很想吃羊腩煲...晚上我們就去了權發...由於下在炮台山下課時已經是九點半了...所以到達都將近十點...一坐下想也不用想就點了枝竹羊腩煲...賣$128...本想再點多一個菜...不過看到別人的羊腩煲好像份量不少...所以也就放棄了...這裡其實也有做宵夜小菜特價...不過不知為何這裡的小菜特價了也要四十多元了...以宵夜小菜來說是有點貴的耶....但是看到別人點的碟頭份量又不少...所以人少的話點兩個菜可能也會吃不完的啊....~羊腩煲很快就來了...用gas爐煲滾...那種等待著吃的心情呢...真是煎熬啊...你看著他他又看著你...只是他未滾你又不能吃...嗚嗚~終於等到滾了...先吃腐竹和馬蹄...腐竹很入味...馬蹄又爽甜...羊腩很嫰...不太

這家權發都算常來, 通常是有什麼聚會之後來吃飯。街坊酒樓, 沒有花拳綉腿, 倒是出品扎實, 所以長期人氣鼎盛。好像是晚一行 16 人來到, 訂了位都等足半個鐘才有枱, 兼齊齊來個歡樂滿東華。除了一早預訂了的冬瓜盅之外, 大家七嘴八舌之下就點好其餘的菜了。蒙古烤羊扒 - 想不到傳統酒家也有這味中西 fusion 的菜色, 羊扒其實是加了香草再炸, 有人見到薄荷啫喱雙眼發光, 羊癡如我自是機不可失。雖然羊炸的有點乾身, 不過在這兒吃到又覺得挺特別啊 。琵琶豆腐 - 太受歡迎, 一上桌已被搶吃一空, 沒得吃了。蝦仁炒蛋 - 蝦肉是實身而不是一味鬆泡泡的爽, 蛋也不老, 算是不錯。金銀蛋莧菜 - 為了有點菜食而點的, 很難有什麼很突出之處, 但合格有餘了。魚香茄子 - 一個字 = 鹹! 椒鹽鮮魷 - 沒有炸的很猛, 但仍相當惹味。清湯腩 - 又是有特色的菜, 我不吃牛所以沒有吃。八寶冬瓜盅 - 可能店裡太忙, 侍者沒有幫我們「瓜分」, 搞到我們要自己搞定, 難道我們不是熟客? 不過勝在夠大個, 我們十多人都吃不完! 味道是有一點點的了, 倒也 OK 。啫啫通菜煲 - 上桌時吱吱作響, 落足蝦乾

星期五，和同事拉大隊外出午餐!!!為左熱鬧d，今次揀左叫餸食飯既權發!!!叫左幾個小菜，抵食夾大件， 而且好好味﹕(1)招牌生炒骨﹕好香好脆，真係好有水準，百食不厭(2)蝦醬炒通菜﹕份量實在好充足，可能2斤都有，真係好鬼抵食(3)鹹魚豆腐煲﹕鹹魚份量就少d，但味道都好好，送飯一流(4)中式牛柳﹕洋葱很香又入味，牛柳就略韌好豐富及好飽的一餐!!!非常滿足!!!

和同事一齊食飯，去了權發，其實權發的中式水準都OK，不會太差，是有一碟瑤柱蒸水蛋好似有少少酸，其實都OK!!不過環境就一定不會好整齊乾淨，但對我來說出品OK為首要，環境接受到就OK啦!!

睇戲前係度食飯, 事先睇下各食友推介, 最後點左個蒜香雞, 金銀蛋莧菜, 八珍豆腐煲蒜香雞不脆不香, 肉乾似雪雞味, 連蒙牛咁無要求都話唔好食, 除非你係鐘意食金銀蒜啦. 金銀蛋莧菜就一般啦, 八珍豆腐煲料多味道都足, 比一般店多d魷魚, 肉片, 豬潤咁啦, 但係又唔係想像之中咁出色見佢日日都咁多人去, 都算係咁啦, 不過八點半去已經好多售罄, 見人地枱個d全部都大大碟, 可能我唔係好識點菜啦, 見到人地個龍蝦伊麵好似唔錯, 下次試下先