權發海鮮酒家 (已結業)

夜晚同人去咗權發食晚餐，食咗幾樣嘢，不過只係影咗少少。椒鹽瀨尿蝦皇比平時嘅瀨尿蝦大隻近一半，表面均勻咁沾咗炸蒜蓉同辣汁，蝦殼易拆蝦身實淨，食起嚟彈牙惹味。之後就係白胡椒煮花蛤第一次食用湯浸嘅方式烹調嘅花蛤，花蛤肥厚無沙，同埋加咗大量嘅白胡椒，辛香得來又能夠突顯鮮甜味，最底下仲有啲粉絲晌度，吸滿湯汁同花蛤精華，唔花巧但又幾出色。芝士龍蝦伊麵入面嘅龍蝦斬成小件再蘸粉走油至表層微微酥脆，再用加咗芝士等等嘅醬汁炒勻，然後就淋晌煮好嘅伊麵之上，鹹香中又有幾分芝士嘅奶味，都唔錯。

星期二那天，老細請食飯，於是我們去到權發， 我們點了很多點心和小食。小食有椒鹽炸豆腐，椒鹽炸魷魚，脆皮燒肉和杞子浸生菜等，點心方面多不勝數，分別有蝦腸，牛肉腸，叉燒腸，牛肉球，黑椒牛仔骨，蝦餃，燒賣，鳳爪，甜薄罉， 壽包，叉燒包， 牛柏葉，春卷，腐皮卷，咖哩魷魚等等。先說小食，椒鹽炸豆腐外脆內軟，豆腐炸得很香，夠惹味；脆皮燒肉，燒肉很厚肉，唔會有太多肥膏，肥瘦適中，杞子浸生菜，生菜清甜，椒鹽炸魷魚亦很惹味，但五香粉落得較重，食完有點口喝，椒鹽炸魷魚和椒鹽炸豆腐的調味料是一樣的，一般都是用五香粉，鹽，胡椒粉，咖哩粉，紹酒等調味，再上粉用油炸熟，伴以喼汁來食，用以減低油膩感。點心款式很多， 在眾多點心中，印象最深刻的是甜薄罉，甜薄罉是一種地道的廣東食品，很少在酒樓能夠食到這款甜點，「罉」是廣東方言，即蓋鍋的意思，傳統的薄罉以往是用來充飢的食品，做法很簡單，只要把粉漿在罉內攤開，兩邊煎熟便可， 隨著時代發展，薄罉可分為甜或鹹， 並會加入不同的餡料，例如鹹薄罉可加入蔥花，火腿粒，蝦米等，甜薄罉則加入椰絲，花生，砂糖等。這次食到的甜薄罉有椰絲和砂糖餡料，咬落香甜美味，想不到在這間酒樓可以食到這款

權發在本區一向做街坊生意，價錢相比同區酒樓亦相對較貼地，長期吸引街坊一家幾口晚市光顧。是日一家五口都試了幾個不錯的小菜：燒味併盤有五個配搭，賣相比預期精美，雞和鵝都是脾的部位，海蜇味精較重。湯底是清雞湯，味道較濃郁，面頭雞油較多。值得一提是雲吞皮薄入味，吸滿雞湯的雲吞出乎意料的好吃！雲吞雞份量一般，足夠一家五口。清湯腩質素超出預期，牛腩肉質嫩滑幾乎每件都是腩位，值回票價。唯獨蘿蔔浸得未夠火喉，咬下去中間仍有爽的感覺。牛肉湯鮮甜令人回味無窮。蟹很瘦只有兩個蟹鉗之外幾乎每沒有多餘的蟹肉，和菜式名稱很符合，只有蟹蓋和糯米飯！整個糯米飯較普通，吃不出蟹的味道，而糯米飯不知是水太多或是蒸得過久，飯變得過黏，整體較為失望。

突如其來的親戚到訪，突然的晚餐，去到最近的酒食。選擇不多，只有兩間，選了比較近，名字比較響的。都來過幾次，口啤一般，記得上次食一個龍蝦伊麵只有龍蝦殻。不過就係兩個字，無奈。不得不來。一行10人叫了圍菜，8送，一粥一甜品，汽水1800元全包埋單。講真有d驚喜，樣樣嘢食味道幾好，起碼真係即叫即整，熱的。乳豬全體--乳豬成隻出，出到嚟先係你面前剪開，豬身內有醬汁流出，皮脆。肉唔算多，皮較多。鐘意食脆皮人仕之選。大蝦上湯伊麵--上湯伊面嘅上湯味就一般啦，都係淡左小小。但係個大蝦都幾大隻下，咬落去啲肉都係爽脆嘅，証明都係新鮮嘅。炸蟹鉗--傳統圍菜嘅食品，味道正常，而且幾大隻，肉好厚身，中間仲有一個沙律喺度伴下碟。據說個沙律味道都唔錯，蘋果雜菜沙津配胡麻醬。蒸沙巴龍躉--最後先上，唔算大條，但都ok。火喉就略為過左小小，un左d。脆皮雞--又或者可以選貴妃雞。炸出嚟皮好脆，肉感彈性。放左一陣之後個皮仲脆，但係就好多黃油滲出。亮點係最尾的飯類，竟然唔係炒飯或伊麵，竟然係蠔仔粥，雖然特別左d，但又幾好食喎，d蠔好新鮮，粥好甜。老實說好過炒飯勁多倍。整體嚟講，個餐味道合格，有d仲有驚喜。份量仲好大。但係

父親節，當然要同父親大人飲早茶啦！這是必須首個節目，故到了柴灣權發海鮮酒家囉！是他至愛到的酒家啊！父親好開心點了個《鮮蝦炸雲吞》，因為平日他自己食唔到咁多炸物，因牙力不够呀！先提提雲吞皮，炸至金黃，入口香脆，扑扑聲響！雖不是原隻大蝦，亦不算好彈牙，但勝在有鮮甜蝦味！配備甜酸醬汁，非常開胃，不會有油膩感！另外一款《蜜汁叉燒腸》，皮雖不算薄滑，但都算有點煙韌口感，叉燒就有點碎及“”鞋口“”，但襯托些芫茜，確增添香口。整體食物不過不失，沒有多大失望或驚喜！

今晚又來權發。點解咁多人？抵，出品好！呢度晚飯可選任食火煱或小菜。天氣咁hot, 火煱係抵但都係忍下口，我食小菜！下次先打边边。叫了半隻乳豬，一係4个人每人2件，應該唔会咁小吧，咁就二百幾，呢个餸唔抵！乳豬个头凍冰冰雪櫃拎出來冇釘，有d離譜！d豬身脆卜卜，好香，肉質鮮。入單人推介羊架，28蚊件。好香的香草味，炸得好濃下，但吃下又唔乾，有羊的味道！大大件係咁上下。芝士煱龍蝦，先講芝士，完全唔似芝士，似忌廉，冇芝士既絲，名不副实！d龍蝦好新鮮，但龍蝦本身好少肉，都爽口既。條魚好新鮮，好滑，有魚味，个煮師煮得岩岩好！炒白菜仔，好香，好入味，d算容切得好細，唔党食到但齒頰留香蒸篇貝，不錯，篇好新鮮，蒸既時间岩岩好！

某夜, 晩飯落腳在 權發海鮮酒家瑤柱扒雙寶蔬 瑤柱絲的分量也不少, 且瑤柱的味道濃郁, 草菇和菜仍保持鮮味, 茨汁的稀杰度適中, 整體的味道配合得宜, 賣相佳, 水準高 ~醬烤骨 酸酸甜甜的醬汁非常醒胃, 入口帶點焦香又甜又惹味, 肉味濃而且肉質頗嫩, 一點也不韌, 肥瘦均衡, 然而有點偏鹹, 要來送啤酒就是一絕 ~生炆桂皇骨腩 這是很複雜的一味菜, 茨汁的味十分濃郁, 冬菇和冬瓜不是十分入味, 豬腩夠惹味而不會太肥膩, 然而炸過的魚骨 .... 就真的不是我杯茶了 ~紅豆沙 紅豆還算大粒份量十足, 但未能起沙, 比較稀, 甜度較輕 ~本篇完 ~

權發在柴灣已經開左一段時間, 初時開張食物都幾好味道, 價錢好公道, 最近星期六去都唔洗等位, 入到去坐底我家老人家覺得冷氣吹住頭頂, 為左唔好煩人轉台, 於是問經理可否將出風口調高點點唔好吹住頭頂, 點知佢鬼咁大聲話"冇得較架D老爺機沃下佢跌落黎添呀" 一路講一路行左去, 跟住叫待應生加對筷子比我, 個呀姐大大聲話你4個人咪4對筷子囉!唉....想要對公筷都唔得咩! 上至經理下至待應都咁好服務, 真系同聲同氣 >好啦!講返食物 , 鮮蝦沙律卷材料唔差既, 但碟底下好多油, 山竹牛肉球明題縮水了, 蝦餃皮比以前厚左冇咁透明,但料系OK既,總之食物SIZE系明顯細左既, 只有流沙奶黃包系保持水準好好味.

其實我只想尋個明白一星期一次的家庭眾會 本人是重視的雖然環境清潔有待改善 但中午的食物質數是不錯的 從之前本址是德x苑至現在權發 光顧也不少次豬肚滑雞燒賣 大家期望是有豬肚 雞 舊式的豬肉燒賣食物上枱了 一看有豬肚 有燒賣 有點心紙沒寫的冬菇家人有點失望心想 人家只是忘了加雞而已 禮貌提示一下便好請人過來幫忙一下並道明情況 像是負責人的即說：有乜可能有豬肚滑雞燒賣，寫錯啫，唔會有既，寫錯。之後我們也來不及反應便很快走了。家人有點不高興，也咕嚕著說算吧。點心紙明明是你們酒樓的，沒可能有是什麼意思？因是1330-45到 很快便有公關給予特價紙同樣特價紙所謂的“豬肚滑雞燒賣”還是寫著豬肚滑雞燒賣。我甚至認為是雞燒賣，不是豬燒賣，希望真的是豬肚滑雞燒賣。當然，答案是失望的。我並不是說要什麼 只是希望 貴集團聆聽一下客人的意見。並不要敷衍了事。不文字和現實是有不附，也請作出改正。真的 ，是有少許失望。

因只得4人食飯，所以不能訂枱。今日剛好是中秋節, 6時到即有位。菜式一般較咸，要預先叫廚房少鹽少油.上湯龍蝦麵 (汁太多), 炸蟹鉗(最出色), 燒鵝半隻(肥瘦適中, 暖住上)之後仲有紅豆沙, 豆香甚濃.4人埋單$715，價錢尚可. 

今晚又可以同屋企人食飯, 又去"飯堂" 權發食飯, 如果有睇我上一篇權發既食評, 應該都知我對權發評分唔錯爸爸搵人買左好多海膽, 所以今晚拎左去加工食: 蒸海膽話就話唔係權發自己出品, 不過真係要讚下個大廚, 好多既酒樓(尤其集團式經營的), 你帶野去加工, 佢地都整到唔知似咩樣....呢個大廚真係冇得頂, 好多次帶野去加工, 佢都整得好好, 個海膽蒸得岩岩好! 唔太熟, 又唔太生, 食落啖啖都係海膽香!!!當然唔可以咩都帶去加工啦, 都係講返權發自己既小菜啦: 接住上既係豆腐炆花尾, 花尾係大魚, 炆既話會入味好多, 佢個汁真係一流, 炆到個花尾超惹味! 食落啖啖肉!! 燒鵝(例牌), 呢度既燒鵝我食過好幾次, 真係幾香幾好食, 不過都係, 如果可以瘦DD會好DD咖哩牛腩煲, 個咖哩唔算係辣既咖哩, 不過炆到個牛腩好"林" 好入味!!豉汁蒸鱔, 而家好少地方有鱔食了, 因為鱔貴左好多, 呢度整既豉汁比較普通, 如果可以, 應該要將D豉汁同D豉油撈均再淋上面蒸, 咁樣個豉汁會香好多美極煎大蝦, 個蝦煎得好入味, 好正, 個殼俾我舔均晒咁濟, 不過D蝦味唔夠鮮, 可以唔係生猛掛, 不過又

柴灣權發都開左幾年(好似), 記得初初開業食過一次, 兩個人食左成500蚊, 3個小菜, 而且味道偏咸, 自此就冇再黎過呢日屋企人話一齊去食下, 感覺覺得進步左唔少, 野食惹味左, 有鑊氣左, 亦唔會偏咸因為我地好鐘意食海鮮, 所以都買左兩樣上去加工蒜蓉粉絲蒸扇貝, 扇貝係自來的, 超大隻, D蒜蓉同粉絲係超級香!! 廚房好醒, 因為扇貝太大隻, 如果蒸太耐就會搞到好韌, 佢蒸到岩岩好, 食落去一D都唔韌, 唔會太熟, 亦唔會太生另外自來既食蟹, 我地比較鐘意食蒸蟹, 所以只係叫佢清蒸就算, 不過酒樓俾左個醋我地點, 唔錯唔錯象拔蚌刺身, 尚算可以, 不過唔夠凍, 好快近膽位果D就開始腥基本上而家都好少會叫豉椒炒蜆, 因為而家好多人都整花甲, 貪佢厚肉今次叫係因為佢連埋個豉汁蒸黃立倉一齊叫唔洗100蚊, 所以叫黎試下個豉椒炒蜆炒得好好, 好香好惹味, 好有以前大排檔既風味豉汁蒸黃立倉都唔錯, 不過略嫌D豆豉同豉油冇MIX 埋, 變左個味唔夠融合呢個好似叫黃金蝦餅, 要讚一讚, 蝦肉好多, 唔似得係出面果D咁混好多其他肉, 個皮唔厚, 食落唔會覺得太膩/ 太飽, 推介一試另外叫左個唔知燒

以前權發真係柴灣酒家中的皇牌，無得輸。最近可能見鄰近間德聲海鮮酒家服務差到帶旺埋佢、怡軒又垃圾依家都擺出副唔憂做既姿態對客！Order 三樣點心︰炒米粉、煎腸粉同蝦餃。炒米粉好快送上，但米粉又凍又碎。之後等了廿分鐘都未見煎腸粉同蝦餃黎，要求 Check 單，但又無落漏。你話蝦餃等埋一 Batch 去蒸都可以理解，但煎腸粉唔駛幾耐就交貨既野要等半個鐘都幾難接受。煎腸粉隨即在要求 Check 單後不久就送上，新鮮滾熱辣！奉上煎腸粉後的廿分鐘仍未見蝦餃，最後都要 Cancel從圖片所見，由落單起到 Cancel 未送來的蝦餃，有近九個字時間。令我諗起差到爛既德聲海鮮酒家。

柴灣的酒樓選擇不多，所以該區的質素也很一般。比較好的是權發，但慢慢開始已經差到唔想想嚟。在這裡試過下午茶及晚飯，首先講下午茶，明明有好多檯，伙記及部長都要求你搭檯點心選擇頗多，但味道同賣相則一般。至於晚飯，第一次就覺得唔錯，但越來越不濟，好似即燒BB豬，只係得個油字，無香味....餸菜沒有鑊氣，而且偏鹹，價錢也不便宜....送的糖水更加可以不吃，只有杰杰的芡....服務就更加唔駛講，張檯喺冷氣機下，滴晒D水落嚟，伙記只係幫你吸水，又唔肯換檯，唉....

想起很久沒來這裡飲茶，於是今天再來吃午市點心。兩個人，叫了四個點心及一碗湯瀨。全部都是特價。叉燒湯瀨 ($17.8)：叉燒不算特別香，但肥瘦適中，份量也算多。瀨粉份量頗多，很滑。湯底不太鹹。濃湯浸油麥菜 ($10.8)：油麥菜很嫩。湯底很清不太鹹，不錯。叉燒腸粉 ($10.8)：叉燒餡頗多，肥瘦適中。腸粉皮薄滑，不錯。山竹牛肉球 ($8.8)：體積和肉味正常。豆沙包 ($8.8)：包身鬆軟，豆沙餡頗多，甜度適中。連茶錢及加一，共$79，每人平均不用四十元，抵吃。