影片
大前日(28-2-2012 Tue)放工後去深水埗見工,男友話同我食晚飯,佢先o係o度行吓順便睇有咩o野食,我7:30pm見完行o黎會合佢,我諗住試唐 食拉麵,佢話呢間得5個位同好多人等,咁我唔等喇.佢話去foodcourt,有韓國o野同土耳其卡巴,咁好啦,我o地去foodcourt.我睇見呢間日本o野,見佢一碗拉麵都只係$26.00起,於是要吉列牛肉薯餅拉麵,要凍檸水.唯一一個店員叫我等4-5分鐘. OK.等到喇,拎埋位先,男友就o係韓點買o左o野,咁我o地先各自各食,另上o既吉列牛肉薯餅有兩件,淋上唔多o既燒汁,薯餅熱騰騰,內裡鬆軟,不過我食唔到牛肉味,但男友就讚好.而拉麵上有半隻細溏心蛋,都算唔錯,拉麵唔算太彈牙,但湯夠濃夠味,o係外面食湯麵絕少飲湯o既我,都忍唔住要飲.而杯凍檸水都冇乜問題.服務:唯一o既店員好有禮服,我畀一張50蚊同一個1蚊銀佢,佢找返$31.00畀我,但係3個10蚊銀,佢話唔好意思,o岩o岩冇紙幣.
繼續閱讀