櫻壽司和風料理 (已結業)

前幾日聽朋友講話櫻壽司幾抵食，又好味。所以就同個朋友去試下。我地叫左個烏冬、壽司、魚生同埋d小食~~d鳥冬真係好好味呀~~件三文魚壽司又大又厚...真係好正呀。估唔到北角都有間咁正o既日本菜。值得推介~

因為o係鰂魚涌返工實在無mut好食, 所以自從開左櫻之後, 大家同事諗唔到食mut, 就會話去櫻.起初覺得佢地d 嘢都ok, 而且服務態度都唔錯. 後來開始多人去, d 服務就相對無咁好啦!去過果度, 都知佢地食晏時間有所謂雙拼, 又長年累月都做9折, 價錢加上食物味道, 我都好樂意去嘅.我從來都唔fancy食佢地嘅魚生, 因為我相信凡事都無可能樣樣嘢咁荀, 某d 嘢來價所限, 係無可能賣得太平. 如果我話一萬蚊唔駛可以賣到隻一卡鑽石戒指, 你都知道唔慌好嘢啦! 佢地d 魚生賣得咁平, 我試過一兩次都係唔敢再食lu. 至於熟食呢, 佢地又真係整得幾好嘅. 我地成班同事, 多數都點手打烏冬, 佢地真係整得好食, 只係d 叉燒唔掂, 味太甜兼且時有"益" 味. 但係d 燒烤嘢就真係鹽燒, 唔係炸, 幾有heart.講左咁耐, 我都係想話, 佢地食物-wise, 係食得過. 但係今日食完晏之後, 真係對佢地嘅logistics 好有意見. 最近兩次去, 都發現佢地d 食物上得慢左, 要催幾次至有得食. d order 攪亂晒, 一早坐低, waited for ages 嘅等黎等去都係無嘢食

我個日同5個朋友去食, 叫左好多野食, 最令我意外, 係d壽司好大件, 件魚生大到睇唔到舊飯另外, 我地仲叫左個蟹子蟹肉粥, 呢個好好味, 呢味粥第一次食差唔多食完, 同朋友一路吹水, 叫多個雞軟骨,係小食之中值得推介ge不得不提, 個度d 集侍應, 態度好好, 坐左好耐, 仍然不停加水總結: 唔錯, 唔錯, 值得再去

港運城附近有很多中低價的日本餐廳，適合我呢類缺乏消費力的打工仔。而櫻新開了大概兩三個月，但口碑就麻麻，不少同事吃過後都有劣評。我見咁耐都冇試過，今日有同事又話去睇睇得唔得，於是就俾左一次機會佢。兩個人食，見到有空位，但侍應就話係六人檯唔坐得，要我們和其他人搭檯。第一次食日本野要搭檯，迫到死，真激氣！我和同事均點了什錦魚人飯定食，賣相幾吸引。三文魚，吞拿魚，蟹柳和玉子都可以，不過飯就認真差。味道怪怪的（但講唔出有咩問題），而且唔凍唔熱，好難令人滿意。甜品送一粒雪米滋，但就硬過可頭，好在是獨立包裝，可以拿返公司食。

本身住係北角，成日四圍搵野食，有日行經港運城，發現港運城後面有間新開既日本野，見個ＭＥＮＵ幾多野食，一於入去試一試，一試竟然有驚喜。無諗過呢間外表同位置不甚起眼既店舖質素不俗。個晚食左既有：１）壽司－什錦ＳＥＴ，三文魚好新鮮，好大塊，蝦好鮮甜，油甘魚好肥美，一個字，正。２）什錦天婦羅－炸得好鬆化，唔錯。３）什錦串燒，好食，可惜分量唔夠，唔多夠喉。４）蟹羔炒飯，賣相不俗，不過太飽，無咩點食。ＯＶＥＲＡＬＬ黎講，會係我飯堂之列，一定會再去。

上星期去開北角, 個fd 話有間新開的日本野, 於是一行四人去試下。可能因為新開的關係, 覺得d 裝修幾好, 環境唔錯。食左好多野, 唔記得晒全部, 比較有印象的:汁燒牛仔骨---見到個大牌有寫, 就叫黎試下, d 牛仔骨好好食。大蝦天婦羅---自己就唔多食炸野, 但係d fd 個個都話好食, 應該唔錯la。串燒雞軟骨---一個唔錯的小食。彩虹刺身拼盤----d 刺身好新鮮下, 算係中上la。壽司---特別要提下d 三文魚壽司, 件三文魚又大又厚...抵食又好食。Overall 黎講, 呢間新開的鋪頭係值得推介的。

呢間餐廳係新開架, 我係附近番工行過先見到, 星期二個日同個同事去食, 我同同事都覺得好美味啊!我個日食左個咖哩豬扒飯定食, 我個同事食野菜拉麵.塊豬扒真係炸到好鬆化, 好香, 真係忍唔住一口氣食哂成碗飯, 好滿足!!!個同事都猛咁讚個拉麵湯底好正, 我都試左一啖, 果然好香甜.我見隔離台叫左個壽司定食, d 魚生好大件啊, 完全睇唔到舊飯係邊架!! 正! 下次一定要試下d 壽司!