檸檬冰室 (葵興商場)

營業中

休息中

#葵涌 #葵興 @lemon_cafe.kh👩有日媽媽有事情要去葵興, 順路搵我呢個乖囡食午餐! 媽媽朋友介紹有間招牌好搶眼冰室, 有佢最愛的鐵板餐, 咁就一於試試啦! 🥩鐵板法式牛柳 $118 ~ 牛柳好腍滑無筋, 唔似一般冰室、茶餐廳會用鬆肉粉, 原汁原味, 讚! 選配意粉, 配茄汁, 軟硬度剛好! 蒜香汁上枱時才倒, 有誠意! 🐖蔥油豬扒撈公仔麵 $50 ~ 套餐配黑松露炒蛋及丹麥多士! 其實有鮑魚撈麵, 但我實在太喜愛蔥油, 所以今次就放棄鮑魚! 豬扒同樣無用鬆肉粉, 好大件又厚肉, 蔥油份量夠多, 麵軟硬度剛剛好, 全部掛汁, 超讚! 蛋炒得好滑好滑, 松露味好香! 丹麥多士上枱時已塗有牛油, 滿滿的牛油香! 🍹加 $12 要杯黑牛 & 加 $8 要紅豆冰! 一整罐可樂自己倒, 朱力力雪糕仲要係有朱古力碎粒嗰種, 超值! 紅豆冰聽聞啲紅豆好粉糯, 好正! 🥣湯有中、西湯選擇, 媽媽話中湯無味精, 好好飲咁話! 

有驚喜既檸檬冰室🍋🍋🍋🌸冰鎮鮮果咕嚕肉$65⭐️⭐️⭐️⭐️⭐️一上枱面傻婆們「哇」一聲，真係好大盤呀！底下舖左好多冰，臨走時都未融晒架，打卡真心一流。咕嚕肉外脆內嫩，咕嚕汁酸酸甜甜十分開胃，仲有三色椒、紫洋蔥、火龍果，冰火交融好特別，食到後面全部咕嚕肉都係凍凍的，口感意想不到既特別，十分適合夏天食！🌸鮑魚雞煲$75⭐️⭐️⭐️⭐️⭐️雞件有驚喜，先爆後炆，十分嫩滑，內裡有3隻鮑魚、3件冬菇都炆得十分淋同入味，仲有蒜頭、薑片、紫洋蔥，非常惹味。🌸法蘭西多士$25⭐️⭐️⭐️⭐️☆面頭一大塊牛油好邪惡呀～多士有d檸檬味好特別，有勁多花生醬🌸經典黑牛跟餐+$16⭐️⭐️⭐️⭐️☆朱古力雪糕入面有好多朱古力粒粒，加埋可口可樂好正🌸雪糕紅豆冰跟餐+$16⭐️⭐️⭐️⭐️☆雲呢拿雪糕+椰汁+紅豆，紅豆有咬口，不算太甜🌸紅湯跟餐+$12連白飯⭐️⭐️⭐️⭐️☆羅宋湯十分濃郁，全部菜都十分入味夠淋。白飯勁大一碗，傻婆們分享食就剛剛好呀～餐廳佈置主要都係黄色，因為係🍋檸檬冰室🍋呀～環境企理乾淨，光線充足，店員親切。======詳情======檸檬冰室 (葵興商場)葵涌禾葵里2號葵興商場地下10-12號舖================#yummy #香

檸檬冰室🍋，成間冰室鮮黃色好搶眼😂餐牌選擇好多，中西餐都有。我同朋友揀咗鐵板什扒餐同無骨海南雞飯，加左2杯特飲，華田紅豆冰&涼粉紅豆冰。先上飲品，炎炎夏日見到咁大杯野飲，真係加曬分🤩唔使怕唔夠飲要就住就住，飲得好暢快👍🏻華田紅豆冰係沙冰底🤤大熱天時！吸一大啖沙冰，爽到爆🥳到食物上枱，值得一讚上枱時間都幾好，十分鐘唔洗就上齊曬。 份量亦都好多，午餐有齊湯，主菜，飲品，人均都只係60-80。大件夾抵食♥️品質都唔錯👍🏻什扒餐：件件扒都手掌咁上下大塊😮仲有飯/意粉/薯菜揀🤩份量真係大到食唔晒，食肉獸必選👍🏻無骨海南雞飯：雞肉鮮！嫩！滑！👍🏻油飯亦香噴噴🤩好味，岩曬唔鐘意食骨嘅我😂總結餐廳嘅食物質素幾高，而且份量真係好足夠👍🏻值得推薦

近年新派冰室越開越多，係ig見到呢間「檸檬冰室」，鮮艷嘅黃色裝潢非常養眼，仲見到有鮑魚食添，點可以唔試下？餐廳菜式選擇好多，炒粉麵飯、小菜、鐵板等等，總有一樣啱你食。真‧鮑魚火腿絲撈一丁特餐 :話咗要黎呢度食鮑魚，梗係要試呢個撈一丁。一碗有兩隻鮑魚，雖然唔算好大隻，但只係需要$58就食到可以話係超值，撈丁好香麻油味，味道有d似瑞士汁，非常惹味。跟餐有黑松露炒蛋及丹麥多士，炒蛋好滑，配埋黑松露更香更有風味；丹麥多士比普通多士更穌脆。香煎雞扒配吉烈魚柳鐵板餐 :一上枱，我同朋友都同一時間”嘩”咗一聲，因為真係好大塊魚柳，揭開魚柳發現同一大細嘅雞扒，份量十足，好彩揀咗配薯條，如果配飯或意粉，真係分分鐘兩個人都食唔晒。魚柳外層炸得好香脆，魚肉依然保持嫩滑；雞扒煎得好香，配埋黑椒汁食好開胃。檸檬一字雞翼 :黎得檸檬冰室，當然要試下佢地嘅檸檬系列，呢個一字雞翼炸得好脆，配上檸檬柚子醬，酸酸甜甜食到停唔到口。黑鑽紅豆冰 :餐加8蚊可以轉特飲，見到呢幾款夏日特飲，大大杯啱晒酷熱天氣下飲。紅豆冰加入涼粉，飲完真係透心涼。

2049叫咗個外賣，諗住要時間整就去咗買嘢先返去攞外賣，2102過返去問職員有未，未得出返去等，企到2113幫手點餐個職員睇到我先喺枱面攞個餐俾我啫係冇人睇到我嘅話係唔係去到佢哋收工先有可能攞到…

黎個食佢嘅早餐，lunch同tea。只可以用不過不失去形容佢，正常茶餐廳嘅食物，都係常餐，都係沙嗲牛麵，唔算有特色🙈🙈最有特色就係個門面勁多黃色，遠一遠都見到佢個招牌😎不過呢個已經贏曬，因為經常望到佢，都經常想入去食😁坐得幾舒服，夠光猛，夠新淨，而光輝圍附近一間似樣啲嘅茶餐廳就唯獨佢一間🤣所以想坐得舒服啲食得開心啲都會揀佢幾鍾意佢個焗飯嘅，不過焗飯都好少整得難食😅😅😅所以除咗話係正常一般嘅茶餐廳，都唔知點形容佢啦

近年深水埗區開咗好多新派茶餐廳，但以檸檬為主題嘅都係第一次聽聞🍋 冰室嘅裝潢採用咗黃色同薄荷綠為主調，成個感覺好清新，同餐廳嘅名好match😛 食物種類繁多，中式西式任你選擇，絕對可以滿足到大家嘅食慾🫣🍖 美式雜扒餐 $95 鐵板上有牛扒🥩 雞扒🍗 豬扒🐷 香腸🌭 同煙肉🥓 香氣四溢，真材實料，份量十足🥰 牛扒保留到肉汁之餘口感豪不幹嚡😌 雞肉十分嫩滑😗 而豬扒帶點油脂，外脆內軟夠juicy，整體鹹度適中，非常滿足😆 配埋意粉同洋蔥汁，淡淡都係地道嘅口味，十分推介🥺🥘 鮑魚雞煲餐 $75一上枱就聞到香濃嘅醬汁味😝 雞肉夠嫩滑而且十分入味😏 不過偏多碎骨，記得要慢慢食！鮑魚爽口彈牙🥹 配蘑菇🍄 洋蔥🧅 香蒜🌿 蔥🌱 等食材超級惹味，送飯一流呀～ 🍨 雪糕特飲（雪糕紅豆冰）$12超級無敵大杯，兩個人都未必飲得晒😆 紅豆夠大粒，完整而且有咬口🫘 加入花奶後更香甜可口😚 面層再放上一球雲呢拿雪糕，好邪惡但夏天飲解暑一流～ 整體層次分明，口感豐富，一杯就有三重享受，超級抵飲，必點之選😍🍲 餐湯（粟米 / 羅宋湯）粟米超有驚喜，湯底煲到十分無敵香甜，而且仲有成五六舊蘿蔔，好足料呀🥹 另外羅宋湯

🔻新界探完親戚，唔熟路附近搵野食，見到呢間檸檬冰室裝修幾醒目，又貪就腳就入去食晚餐。冰室新淨光猛，室內鮮黃色做主色，裝修走年輕風格，令傳統的冰室感覺加上一份活力。🌕 秘製無骨海南雞配香茅油飯 💲68🌟海南雞飯看似最穩陣，事實上暗藏細節位。海南雞去骨值得一讚，去骨之餘無骨碎係重點，亦都係坊間唔少去骨海南雞飯既中伏位！試一試主角，雞係脾位同胸，唔特別肥，無雪味，合格，加上海南雞必配既酸辣醬汁同黑醬油，整體比我想像中超水準！🌕 板燒西冷扒伴吉列蝦配蘑菇汁，意粉 💲85🌟冰室食扒餐係必須，但可惜自己對鐵板感覺唔太好，就要碟上！西冷扒份量大，有厚度，仲要唔係豉油西餐果種梳打粉牛扒！加上一隻吉列蝦同色彩繽紛既茄醬意粉，即刻記起細細個屋企人帶去茶餐廳食扒餐果種開心而簡單既儀式感！🌕 瑞士雞翼 💲36🌟人大左就係貪心，一餐要叫小食先滿足！細細碟瑞士雞翼，食得出唔係單單用超級市場瑞士汁，無死咸死甜。雞翼亦都無煮到爛曬或者放到乾實曬👍🏾🌕 華田紅豆冰 跟餐+💲8🌟紅豆冰又係冰室必叫，見到有杯叫華田紅豆冰咁新穎，一於試試佢！粒粒紅豆煮得腍甜，估唔到華田味同紅豆冰咁夾，飲多兩啖發現咁夾既原因，原來有磨爛左既

因為某啲原因要係光輝圍搵食，近近地唔想行就揀左間個名幾得意嘅檸檬冰室。我係個啲成日食某幾樣特定菜式嘅人，方便唔使諗咁耐所以我就咁揀左個海南雞飯睇落好似正正常常、是是正正咁不過碟雞都好迷你個飯係幾好食幾香嘅，仲有兩條仔漬物叫開胃但。。。一開始食我嚇親，舊舊都係皮咁滯得兩舊係正常嘅肉勁少肉、又勁多皮勁肥膩想講$48都唔值！但呢個飯係$68！勁呃錢係午餐！唔係下午茶！有少少過分囉個飯本身跟埋湯，但我冇要到，因為我驚我食唔哂但。。我真係後悔冇要到，根本就食唔飽！😡

#chuchu食在葵涌📍 檸檬冰室 經過都一定搵到佢，因為佢真係好檸檬，成間都黃色，嗰日🐷同朋友平日12.30去到，都爆棚，等左陣位，雖然係咁但侍應要多啲training，有幾個客都大大聲鬧佢哋啲態度，又落錯單比漏野，間間茶記都爆架啦，係咪先😚—————————————————————❣️ 瑞士汁雞翼撈即食麵 $50瑞士雞翼顏色好深，幾香但偏咸，撈公仔麵不過不失！配埋黑松露炒蛋同丹麥多士，好香牛油味如果個蛋再滑啲就好！.❣️ 周打蜆肉忌廉汁焗魚柳飯 $55 午餐！焗飯！唔錯！有炒飯底，有誠意！魚都唔會雪藏味！有啲芝士焗到小小拉芝，茶記質素唔錯！.❣️ 台式滷肉伴吉列牛扒配飯 $55滷汁深色但偏淡，吉列牛扒都唔錯，咬到唔會好嚡！.❣️華田趣趣 +$8一上檯嘩左出聲，超大杯！都唔錯喎上面有啲似好立克嘅粉（唔知係唔係🤣）都唔會話好甜，幾好飲，同埋加$8咁大杯！抵到爛！.❣️黑牛 +$12唔係周圍有得飲，見到有就即刻試吓！一樣超大杯！其實黑牛就係可樂加朱古力雪糕！—————————————————————不專業評分👅好味指數:6/10💰性價比:8/10👍🏻推薦:7/10—————————————————

檸檬冰室表裏如一，餐廳門面檸檬黃色好搶鏡，店內裝修都係以檸檬黃色做主色、以檸檬做主題，仲有部份菜式用檸檬入饌。另外仲有「男人的浪漫」系列，充滿玩味！食物價錢親民貼地，係一間大眾化嘅港式茶餐廳！想喺下午5點幾早食晚餐，仍有20幾蚊到40幾蚊不等嘅下午茶餐選擇，炒粉麵飯、小菜等由上午11時開始就有得供應，有好大彈性選擇唔同食物：➺➺➺鮑魚雞煲$75/加$12轉套餐（泰國絲苗白飯及老火湯）雞煲一上枱治治聲，開蓋時醬花四彈，新鮮滾熱辣！入面真係揾到3隻見得人嘅鮑魚，雞塊大小剛好味道適中又滑。用聚晒底嘅醬汁嚟撈飯食，清晒一碗白飯完全不成問題。➺➺➺香腸芝士焗肉醬意粉（精選下午茶餐） $48好大份，好多肉醬，食唔晒！➺➺➺檸檬一字雞翼$40將雞中翼分成2件，共8件，骨肉分離，容易進食，喺西檸雞果種味道，酸酸甜甜好開胃！➺➺➺脆脆華田（轉餐飲+$8）新推出夏日特飲，性價比超高！皆因份量至少係一般茶餐廳飲品份量嘅2倍！上面仲有層厚厚嘅燕麥片，好似甜品一樣有得飲有得食！➺➺➺華田紅豆冰（轉餐飲加$12 ）同樣都係好大杯！好多紅豆！沙冰解渴！

之前食過檸檬冰室 覺得好味又抵食，所以再嚟食午餐，依然都差不多爆滿，我哋叫咗2個餐加一個小食不用$200十分抵食同飽肚。鮑魚火腿絲撈一丁，撈一丁味道不太濃配點鮑魚汁最好，鮑魚幾彈牙，火腿勁多。配上有不少松露的炒蛋好香又滑身，丹麥多士牛油味十足好味。沒想到吉列豬扒沙律會份量十足，豬扒炸得香口但唔會好油身，啖啖肉好味。沙律差不多有2碗，而且十分新鮮。海南雞的雞肉幾嫩滑，配上少少醬汁已十分好味道，再配一碗大碗好香的香芧油飯，份量多到最後油飯吃不完。飲品叫了凍檸檬茶，茶味都濃檸檬夠酸。必叫的蛋白杏仁茶當然沒錯過，朋友識過都讚好，好香杏仁又滑，濃濃蛋白味正。

自從上次屋企人發現咗我會食茶餐廳😀佢哋就係咁介紹啲新式高質港式茶餐廳畀我，今日就的咗我嚟呢間檸檬冰室🍋呢到裝修幾光猛，餐牌設計都幾有心思，將茶餐廳升級咗✨佢哋話呢間焗豬同小菜都幾出名，今日就樣樣嗌啲試吓💛公司海鮮炒飯 ($65) 想講呢個完全係同佢餐牌張相生到一模一樣🤣入面有比目魚塊、墨魚筒、大蝦、青口、帶子，款款都兩三件，所以炒到出嚟好大碟🤪而且炒得好有鑊氣，粒粒分明，真心好食😋冬陰功海蝦球米線 ($50) 湯底辣味比起酸味更突出，不過佢嘅辣味唔算好強勁，係個種少少地滿足到辣癮嘅程度🌶值得一讚係呢個價錢竟然有咁大份，啲蝦仲隻隻爽口彈牙唔霉👍🏻檸檬牛油雞中翼 ($50) 係先炸起雞翼再將醬汁灑上去，食落有啲似西檸雞翼酸酸甜甜咁🤤係幾好食但不過不失啦～跟餐餐飲加配咗鮮檸柑桔蜜 (+$12) ，一上枱大杯都嚇親😂有啲似以前去外國市集個種jumbo size beer咁大杯，性價比好高🍺 鮮磨蛋白杏仁茶 (+$12)好香，而且夠滋補，女士飲就可以養顏(⁎⁍̴̛ᴗ⁍̴̛⁎)總括嚟講，呢間冰室係性價比極高💛 除咗份量大，味道都有返一定水準，糧尾如果想簡單解決一餐，其實不妨可以考慮食呢間👍🏻

大份夾抵食！檸檬主題冰室都幾特別，佢地有好多以檸檬做主題既食物，例如檸檬雞翼。不過我今次就叫左鮑魚雞煲，先75蚊，再加白飯例湯$12都幾抵。野飲叫左華田紅豆冰，超大杯！應該會再黎！

復活節假期又到啦，今次仲一連放四日咁多🎉，第一日放假就想近近地搵間餐廳悠閒地食個lunch☺️行行下個陣發現呢間坐滿人既冰室，裝修又新淨，就同屋企人入去試試👀◦ 🥘鮑魚雞煲轉套餐跟冬瓜豬骨薏米湯 (+$12)送上枱個陣雞煲係出曬煙，勁香🤩而且份量都幾大，有幾隻鮑魚係上面，整體黎講賣相好吸引！熱辣辣既雞肉同冬菇都煲得好入味🤤配料方面仲用左洋蔥、香蔥、蒜頭、薑，洋蔥尤其入味，我將D洋蔥全部食曬😆呢份雞煲撈埋白飯食真係好滿足！呢個價錢又有鮑魚又有雞，都幾抵食！冬瓜豬骨薏米湯真係好夠火候，有家的味道，飲完一碗都想飲多碗！感受到餐廳係用心去將呢份家庭溫暖帶比食客🥰◦ 🐔無骨海南雞飯跟羅宋湯 ($68)海南雞肉質幾滑，雞皮都幾爽口，食落唔會好油膩，而且份量好大😙！油飯份量同樣好大，粒粒分明，食落同樣唔會好油膩；不過我比較鍾意油D既飯。因為會更香😝◦ 🥤華田紅豆冰 (+$8) 鮮檸檬柑桔蜜 (+$12)店員一送上黎我地表示「咁！大！杯！」唔講仲以為係飲啤酒😂(睇圖都睇到我好用力拎住個杯，因為真係好重手😂)華田紅豆冰真係好特別，佢係沙冰，表面再鋪D紅豆，我都係第一次飲阿華田沙冰，係熱辣辣既天氣飲呢杯真