檀島咖啡餅店 (軒尼詩道)

營業中

休息中

因為書展而去開果頭本身是prefer tea既不過兩點半鐘先有叫左茶餐一A一C感覺上普通態度麻麻有點可惜的是無試蛋撻同COFFEE下次有機會去試下先

他喜愛吃! 最喜歡甜食! 每次看到他生前喜愛的食物, 都令我想起和他分享美味的情境!兒時在酒樓, 他叫了兩客炸蛋球, 他一份, 我一份, 很香的蛋味軟軟甜甜的, 大家都充滿喜悅和滿足! 往後再回味的日子不多, 尋尋覓覓, 好像舊事物都不知不覺間消失了! 數年前有幸在檀島找回"它", 每星期在檀島門外侯車都可以買1,2件帶去和他分享, 真的興幸在他離去前的數年, 我能夠時常帶給他滿足和歡樂......

檀島d早餐/午餐/晚餐好鬼難食，見倒個餐牌我都覺得好難揀得落手，d餐黎左後見倒賣相又冇意慾拎起刀叉食，真係可憐但佢d蛋撻呀面包好正，有時我夜晚經過買面包，個阿姐肯(因為d太多面包存貨)而平賣比我，我尤其欣賞(硬)豬仔包，咸/硬黎得黎o岩o岩好，又飽肚，陪伴過我好多早上~!總結 : 唔好咁傻慕名入去食啦，o係外面買個面包番去慢慢嘆啦

下午茶時間都好多人, 2個人去都要搵位.睇睇餐牌, 以裝修, 環境 ......... 都算超貴. 相對隔離新釗記.......旦撻+檸賓旦撻+熱啡都要$4X唔夠再加大雞!估唔到竟然雞仔餅竟然好好食, 點解冇人介紹??

一間好耐冇幫襯過嘅名店, 昨晚兩口子路經此地, 忽然間想入去食野, 於是諗都唔諗就入左去喇! 入到去招呼欠奉, 全程自動波, 自己搵位坐底後, 等左一陣有個人放低左兩杯水, 之後又唔知去左邊; 於是睇下有咩食啦, 最後決定要碗叉燒湯瀨, 要左個常餐, 吉列魚柳公仔麵, 同一杯凍檸茶, 可惜揮左好耐手都冇人應, 差點兒想走呀, 最後都有人肯埋黎為師傅落單!等左一陣叉燒湯瀨首先登場, 叉燒係半肥瘦, 燒得都幾靚, 入口鬆軟, 味道少甜唔咸, 幾好味, 但湯底較油, 瀨粉就一般, 冇咩特別; 吉列魚柳公仔麵就有一大塊魚柳, 係即叫即炸熱辣辣, 但可惜幾腥加上肉質帶少少硬, 唔算靚; 而公仔麵就煮得幾煙韌, 但湯底係清湯, 係就係冇味精, 不過冇黎味道, 有時食公仔麵無非都係想食嗰d味精啫; 而凍檸茶就幾大杯, 不過茶味都係唔夠, 作為一間咁出名嘅茶餐廳, 似乎差d喎!總括黎講食物素普通, 環境一般, 服務就值到冇啦, 而價錢就肯定唔平, 咁樣食法埋單七十有一, 便利店咩? 比一般茶餐廳貴至少十蚊啦; 好日都唔黎呢間食店, 但師傅真係估唔到中比西好囉, 早知沖壺普洱可能仲正呀; 咁嘅質素咁嘅價

聽朋友介紹檀島，未試於是就心思思去試啦叫了一個茶餐，再加了一個酥皮蛋撻同埋蛋球 (HK$41)。 茶餐：牛油餐包，煎蛋，腸，鮮牛通粉,熱咖啡(HK$30) 牛油餐包只有三分一個包有牛油，牛油也很少，味道一般。 煎蛋，腸都是一般。 聽說鮮牛通的味道會不錯，點知都是一般。 好彩杯咖啡都幾好味。酥皮蛋撻：仲有餘溫，酥皮真係好鬆化而且好香，脆卜卜既餅皮，有蛋味，幾滑，真係好好食！ 蛋球：好味，亦都好香，唔太油.

睇到openrice介紹五間蛋撻舖 原來已經食過買間只得檀島未試於是就心思思去試啦 蛋撻是酥皮的我比較鐘意食曲奇皮...但依度個蛋撻真係好好食 好鬆化而且好香正之後再叫個蛋球(即係沙翁)我鐘意沙翁多過蛋撻 而且食野好肥都唔緊要之前見到有食友話個蛋球好油以為對自己來講可能冇咩野點知真係唔係講笑成口油 救命!!!!!食多個可能會即刻中風身亡 味係好 亦都好香 (如果用咁多油都唔香不如摺埋啦)好似食緊索晒油既一團粉咁 ~_~

約朋友午餐，要找個大家都方便的地方，只好選這裡。不知是什麼緣故，這天人很少，有幾張吉檯。想吃粉麵，又沒有餐，如果只叫一碗麵加杯凍啡要$40式以上，噢，還是點茶餐($32，凍飲另加$2)吧，但也是一點不便宜。先來是餐包和雙蛋奄列，後者無敵多油，其實我想要火腿奄列...不過應該沒有這個選擇。另有榨菜肉絲通和凍啡。連我最愛的凍啡都令我失望! 很甜。

買左一件tiramisu,一件cheese cake,一件藍莓慕士蛋糕,一個綠茶瑞士卷食落都好大件下@.@tiramisu:好味呀.....比較重coffee味,正正係我最鍾意既類型呀~cheese cake:都幾好很滑溜既口感=D不過感覺上同出面果D冇咩分別但哥哥覺得芝士味很香很濃,話第1次食咁好味既CHEESECAKE有冇咁誇呀=0=藍莓慕士蛋糕...沒有我份T^T綠茶瑞士卷:e個又係出色之作幽香既綠茶味...好喜歡啊配coffee應該會好正

檀島d蛋撻出名嘛, 所以買外賣番黎食.雖然凍左, 又變形, 不過都一樣咁好味.好香, 滑溜, 唔會硬又唔太甜, 凍左都一樣好味.

叫左個茶餐＋蛋撻凍檸茶：有茶味而且檸檬夠香麵：夠熱，湯底有味蛋撻：好好味果名不虛傳，撻皮好鬆朋友叫左咖啡，佢話味道好香，而且有懷舊的味道

如果黎食飯, 但係叫à la carte 而唔係叫餐的話, 請make sure 你有好多時間去等. 普通一碟飯如芙蓉蛋飯或豉椒牛肉飯閒閒地都要等上15-20分鐘, 試過幾次也如是, 就算少客也如是!! 哈哈!!

唯一一間是有十字包的, 於是掃了兩個跟同事分享, 仍舊是十字包的首選, 不過, 貴了...原來$4而家就$5! 另買一袋曲奇, $18 (幾貴)...牛油味重且鬆化!

聽說檀島的旦撻是很出名的,不知怎的行到這兒抬頭一望,正是檀島!於是就入內試試我只是因為想食吓佢個旦撻是否真的美味,所以只係叫左一件旦撻同一杯熱奶茶,旦撻的酥皮的確做得很不錯,旦心很滑,入口的時候沒有那種"漿"住的感覺,自然不覺得"漏",可以說是一個很好吃的旦撻奶茶不俗,茶味奶味配合得唔錯,可能已經吃了好吃的旦撻,相對地把奶茶都加分了名店即是名店,值得的

午飯時間完全無位, 要自已等位, 可幸爭位情況並無出現. 伙計只負責落單和端食物. (佐敦澳牛服務再差也起碼招呼你坐哪裏)翻開餐單, 價錢頗貴. 平時在茶餐廳的二十元茶餐, 這裏賣三十元. 普通燒味飯三十多元, 快餐四十元.終於找到最合理的價錢, 牛腩麵$23, 要等十五分鐘(想快就要點快餐). 牛腩大大件, 吃得不太方便, 味道倒是可以, 只是太肥膩, 麵和湯就普通.友人豪爽點了快餐, 評語是好吃, 就平十元才合理.無下次, 以這個價錢不如去其他茶餐廳食豪d, 起碼服務好少少.如果要食牛腩, 不如走遠少少去華南如果要食燒味, 不如走遠少少去再興