檀島咖啡餅店 (已結業)

尋日朝同太座在中環區吃早餐，她不想飲茶，想飲咖啡食件厚多士，但又不想坐街邊，就同佢來了這裡。成年無來，檀島仍然旺場，也是剛好有二人埋單至可以有卡位坐。早餐款式依舊，要了最傳統的煎蛋多士腿米的A餐，及厚多士餐，及兩杯鴛鴦走糖。雖然人多，但各款食物都是旋風式送到，擺滿一檯，份量都不算少。煎蛋及腿米是一般味道，一味夠飽肚；厚多士餐的奶油多是幾厚，烘得夠夠脆，不錯。不過面頭就油多過奶，下多一點奶會好味一點；跟餐還有牛奶麥皮一碟，加了糖還可以，不加糖是只有太座才吃得下。咖啡香濃，是招牌貨，仍是不錯的。伙記不少，不要看他們好多都係金毛綠毛的，服務也算不錯。埋單44 蚊，以早餐計，幾貴。一試無妨，但不要期望有何「特別」之處。如本人想飲咖啡食多士的話，天氣好的話，只有一個選擇~勝香園。

今日去南丫島前o黎食個早餐先，新年幾日假期餓了幾日冇食過麵飽。唔知假期關係定話水準差左，個菠蘿包竟然係叮番熱的，面層好食個塊皮係腍的，食得出係叮熱唔係新鮮出爐，我每個禮拜得一個quota咁就俾左佢。而佢杯所謂出名檀島奶茶，味道同口感不是香濃幼滑，而是苦澀。

上星期日同媽咪黎呢度食tea,我就要個餐,係雞扒炒丁麵,要熱奶茶,26蚊,媽咪要菜遠雞絲炒麵,另叫一杯熱咖啡.個tea麻麻地,個麵好齋,真係一個麵,煮完滴乾水,炒過几下就放上去,一d鑊氣都冇,雞扒都几大塊,塊皮同樣地大,上面加0左d薑蔥溶.結果薑蔥溶就整到成碟0既都好油...奶茶好港式,好濃,亦好大杯,几好飲.媽咪個菜遠雞絲炒麵就几好食,菜好大條同新鮮,雞絲0既皮多dd,個汁都好食,炒麵底好香脆,唔似我個丁麵咁差.媽咪過杯咖啡好濃,但濃得濟有少少苦.茶餐廳黎講,佢地環境都算唔錯,不過d伙計反應就慢0左d,叫極都唔理人.

其實我冇食, 不過朋友叫左....我見到覺得幾新奇...豬扒撈丁係冇汁冇味粉撈既, 咁點呢? 隨豬扒附上點雞用既薑蔥一大堆...薑蔥撈丁麵咁奇特, 怕油既真係唔知點算, 而朋友就話d味都算襯, 唔錯wor......d蔥油多到夠撈晒成個麵先得人驚丫麻~~我飲既\"茶走\"幾好, 並冇太甜, 正!

我星期日要去中環返工, 所以成日都會黎呢度食下午茶既~~~~~ 其實我都係行行下先至入左去食野, 冇咩特別原因的~~~~我前後食左兩次, 唔係好多~~ 不過第一次見到佢有厚多士, 真係俾佢吸引架~~~ 真係我好鐘意食奶油多... 仲要係"濃濃地" 果種呀~~ 我第一次叫左個下午茶, 係火腿磨菇湯闊條面, 都幾好食呀...由於佢d湯底係忌廉湯, 所以可以飲埋...頭當然,...為了身型既問題..我冇飲哂...話哂湯底都幾肥~~~我跟餐叫左杯熱奶茶~~~ 好好飲呀~~ 真係幾正~~~~ 成個餐好似30蚊~~~~ 我係lunch 加下午茶一齊食, 所以覺得好抵~~哈哈~~~~ 我仲外賣左一件厚多士呢~~~~ 真係好好味~~~~~ d皮好脆~~~ 第二次我就叫左個set tea... 26蚊一個~~~~ 今次就普通d, 都係d公仔面呀, 煎蛋果d野...overall都唔錯....... 可能我自己鐘意食茶餐廳野啦~~~ 所以覺得好好食~~~服務都算係咁啦, 成間餐廳入面做waiter既都係男人, 真係冇女人...(除左個收銀之外)不過佢地做野都好快...唔會要人等好耐...同埋佢地好smar

唔知幾時呢度的早餐裡的煎蛋及炒強已全部換上厚多士，塗上牛油，份量絕不欺場，食完真係幾飽。雖然價錢要廿二、三蚊唔算平，但加埋杯咖啡，間唔中食下都唔錯的，個人覺得至少好過大家樂/大快活/美心的流水作業式的集體製作早餐。

剛剛過左個星期日，o黎依度食早餐，原來除了set定的早餐外，食其餘的飲品、麵包有七折，仲有新出的厚多士。

星期日朝早七點在中環搵早餐食，呢度景況同一週內其餘六日好唔同，因為十間舖有九間半都無開，成個區都冷清非常。如果想食粥都有好幾個選擇，如威記、粥麵王同羅富記等都有開，但處於半昏迷狀態當然想飲杯地道咖啡醒一醒，行下行下就來左這裡。叫左個例牌早餐，腿通、餐包同西煎雙蛋全部是配角，果杯飛沙走奶的咖啡才是正印，飲落係幾醒神的，鬼佬咖用來啡消閒就好，但救命時始終本地薑更有效。22蚊，在呢區食個普通早餐來說是幾貴，但星期日選擇不多，無計。

The food is not of quality and service is not good. I think the Wanchai branch is better.

晨咁早七點幾返到公司發覺會cancel左，見大把時間至開工就去嘆個早餐先，行下行下就去到壇島。叫左最傳統的早餐，即西餐包煎雙蛋火腿通粉，餐茶當然係熱咖啡啦！食物一如概往，份量夠但無咩味道，杯咖啡仍可保持一貫水準，想亦是大多數人客幫襯的動力吧！坐到八點九都係一半客唔夠，同以前勁墟埳的場面差得遠。埋單23蚊，淨係為左杯咖啡好似貴左D。

曾幾何時香港有個「十大茶餐廳選舉」，真係好難想像佢可以入圍...任何食物飲品都唔比一般茶餐廳...好！收隊啦！

牛腩麵below standardiced coffee--------RUBBIS......................never try

The decoration is better than its branch at Wanchai. The floor is not slippy. It's also not as crowded as its Wanchai branch.

中環開檀島之前, 灣仔舊鋪只係幫襯過一兩次, 嘩!第一次入去, 煙霧瀰漫到我以為自己眼花, 坐個半個鐘唔知吸幾多二手煙......呢度係老字號, 水準唔會太差, 但唔多o岩我口味, 馬來咖啡D 味有D 酸, 我唔慣, 佢o既皇牌蛋撻, 都幾好, 但唔係最好, counter 位阿姐好唔耐煩, 俾錢慢D 都唔得, 個樣擺到明鬧你阻住晒! 都係去返蛇竇好D!