檀島咖啡餅店

Honolulu has the best egg tart in Hong Kong hands down. wished I had known about them earlier. Service not as bad as what other reviews described~I think the waiters have a bit of a sense of humour if you can make them smile:) would also recommend the hot coffee (better than the milk tea), and red bean ice is good too.…查看更多

雞絲喇沙拼烏冬 $60 連熱飲黎到茶餐廳，見到有喇沙，抱住一試無坊既心態，原來味道都唔錯。麵底有好多選擇：米粉、河粉、生麵等等，我就揀左烏冬。湯底都幾香馬拉盞同椰汁味，少辣。雞絲就一段，唔係拆肉雞絲，有啲雪味。配菜有芽菜但無豆卜，好似爭左啲野咁，平時食喇沙食舊索曬汁既豆卜好正咖麻～…查看更多

今日大概中午12:30自己一個去食野。一入到去我坐左係貼牆長枱既4人卡位。係我睇緊餐牌果陣，戴黑色粗框眼鏡中間分界既女侍應帶左兩個外國人入黎，果兩個外國人未坐低個女侍應就叫我起身換枱。當時餐廳只有三分一滿坐，而且我睇唔到有任何合理理由要我換枱，因為事實上我係比果兩個外國人早入黎餐廳。之後我好迷茫甘望住佢，佢就話：你望住我做咩？快d坐去另一度。我當時無理佢，佢就話：你唔轉位我係唔會同你落單。我繼續坐係度，叫另一個侍應落單，佢做左個手勢示意個侍應唔好理我，個待應同我講，你坐多一陣再落單啦。之後個女侍應走埋黎同我講話：我係唔會同你落單架，你咪繼續坐係度囉。之後心裹覺得有d驚又委屈加上今日病又心情差，忍唔住喊左出黎，因為我唔想同佢嘈。之後過左一陣，因為我真係要肚餓所以走左去第二間食。寫呢篇食評之前睇到呢度都有兩三個人投訴呢個女侍應，而且情節亦非常相似。我懷疑呢個女侍應係有d問題。而且都有其他食評投訴其他侍應，所以間野班侍應該都係怪怪地。希望大家黎呢間餐廳食野盡量兩個人去，唔好獨自去，費事唔小心惹到侍應，受無謂既氣。…查看更多

今日下午我們探完契爺之後去咗中環士丹利街嘅「檀島咖啡餅店」食下午茶！我們叫咗鮮油菠蘿包同炒蛋叉燒菠蘿包嘅包質好軟熟，外層嘅菠蘿皮好香甜酥脆，包著芳香嫩滑嘅炒蛋同香甜鬆軟嘅叉燒，真係好好味呀！鮮油花生豬仔包嘅豬仔包烘得相當香口脆身，一邊係芳香嘅牛油味，另一邊係香甜軟滑嘅花生醬，真係好滋味！豬扒包嘅包係好鬆脆嘅豬仔包，蕃茄好清甜新鮮，豬扒嘅肉質都幾鬆化，但就唔係一大塊，而係分開咗兩塊，生菜絲嘅份量唔算太多！…查看更多

未試過食個下午茶食到咁嬲，一向食野如果店家有整錯送錯都會耍下你冧咁，最後都係算數唔會話諗住上網比負皮。不過呢間野就真係當人傻仔咁，事緣本人叫左件夾心（花生醬）西多食左兩啖發現冇夾心，就問個店員點解花生醬西多士會冇花生醬夾心，如果你比錯整漏既話你比返d花生醬我自己搽返入去啦，點知佢竟然答得出話[炸融左，你食多兩啖就食得出]，我真心嬲左，我話[我食咁耐西多士都未聽過未見過花生醬夾心係炸得融，就算炸融左裡面仲會白雪雪咁咩]，佢就笑笑口答乜你嗌左夾心咩。真係有冇搞你個錯，你地自己個tea menu 都寫明有夾心㗎啦，都冇 original 口味嘅西多士揀。最後我嬲到而家特登註冊左做會員留低呢個食評同埋會 Black List 呢間中環店。…查看更多

lunch time跟同事到檀島食lunch 即使店鋪叫大 但食客仍不斷湧入 waiters依舊忙碌點了個快餐： 黑椒雞扒飯 配中湯及餐茶$62黑椒汁不算辣 好大塊雞扒 而且表皮煎得香脆可口 感到滿足！忘了中湯的名稱 反正喝後不會感到太口喝 想是味精沒有很重手？…查看更多

午餐。哥仔傳來西九龍區馳名喇沙的照片。引誘得我又想吃喇沙。身在中環，頓時想起檀島的星加坡班片喇沙。二話不說就來到這裡。歷史悠久的茶記，在這區工作的人都知道，也大抵在這吃過午餐，不過好評劣評則參半。今天不說A餐B餐常餐，只說這兒的奶茶和東南亞風的星加坡班片喇沙米線($60)。~ 奶茶: 是中環金鐘灣仔區之中我最愛的奶茶之一。温度不太冷太熱，茶味濃又不失奶味。剛好。喝下口感很厚。不多說，是奶茶控的話就不要錯過。~ 星加坡班片喇沙米線 ($60) ~ 湯呈奶色，微辣有椰香，還吹吃得出有胡椒味。不過蝦味欠奉，猜測應該沒有放蝦作湯底。配料則有豆卜，椰菜、粟米，芽菜等。足夠。米線軟滑，和湯底頗合襯。班片配喇沙亦非常對辦。不過始終是茶記，用料一吃便知道是急凍班片，肉質稍為散了些，如果用鮮魚當然會比較完美。不過也明白這裡是茶餐廳，不能要求過分。總的來說，這種質素也是中上。在煩忙的中環，在單座卡位嘆足45分鐘。今餐應該不比哥仔差吧。Encore 度 7/10。…查看更多

長曲頭髮中間分界帶眼鏡的女侍應極之無禮貌！！我同同事今日中午去食飯，有好多位，我地坐左張四人卡位面對面，果位女侍應同我地落完單後大喝坐埋一邊，我地見有咁多位冇理佢，佢隔左一陣走埋黎大喊坐埋一邊呀，我地話仲有多位點解一定要坐埋一邊，之後佢特登拉左個男人黎我地度坐，逼我地坐埋一邊，我仲未遇過一個侍應可以咁過份，以後唔會再去！…查看更多

今日中午我們去咗中環士丹利街嘅「檀島咖啡餅店」食中午飯！我們叫咗葡國鷄飯、羅宋湯螺絲粉、越式香茅鷄中翼檬、鮮油菠蘿包同煎蛋叉燒菠蘿包！葡國鷄飯嘅鷄肉肉質好軟滑，而且份量都算多，醬汁嘅味道都幾香濃！羅宋湯螺絲粉嘅羅宋湯底非常濃郁，材料相當豐富，螺絲粉亦好爽口彈牙！越式香茅鷄中翼檬嘅湯底味道比較清淡，鷄中翼炸得好香脆，肉質好嫩滑，香茅嘅味道相當惹味！鮮油菠蘿包同煎蛋叉燒菠蘿包嘅包質非常香滑鬆軟，菠蘿皮相當香脆，熱烘烘嘅菠蘿包夾住冰凍嘅鮮牛油一齊食，真係超正，而夾住香甜鬆軟嘅叉燒同太陽蛋一齊食，有鹹有甜，感覺就好特別！例湯：粉葛赤小豆排骨湯煲得都幾濃郁！香檀島咖啡相當香滑，味道非常芳香濃郁！…查看更多

下午茶時間，同事請食蛋撻，$8一件，外賣到公司還有少許溫暖，蛋漿看似幾滑，第一啖食到好香蛋味，甜度適中，蛋漿果真香及滑，外表見到層層酥皮蛋撻，尚算鬆化，整體不錯，喜愛甜度適中…查看更多

很多人每人都會辦下陳豪那樣喝一杯香濃咖啡，我當然沒有那麼寫意，我只好喝一杯檀島咖啡罷了。此咖啡無論顏色及味道我都是滿意的。有一陣香濃的咖啡味道，而咖啡亦不覺得有酸味亦不苦澀，味道香滑帶有陣陣芳香，相信煮既時候時間都沖得準確，可以用來提神醒腦。…查看更多

路過...點了份牛肉燴意, 很懷念港式西餐的燴意, 那個似忌廉湯般稠的鮮茄醬, 味道甜酸, 牛肉是用美極醃製再配上發漲了的意粉 ... 我相信現今一代一定會鄙視這種肥意, 因為我曾聽有人說過若然以前的廚師能掌握烹調西餐的技能, 便無需要有豉油西餐的出現。在檀島吃蛋撻是常識吧!  酥皮撻底薄得來是酥化, 盛著蛋香清甜的燉蛋, 蕩漾出引人入勝的遐想。蛋撻配港式咖啡, 絕配 ... 不過怎也比不上所用的器具, 破損的程度是我在茶餐廳中少見!…查看更多

到中環，路過檀島，進門食件蛋撻先～但係我今次要講係杯凍鴛鴦！真系飲過最好味嘅鴛鴦！有濃郁㗎啡味，但又唔會蓋過茶味，又好match，真係至讚配上啱啱焗好嘅蛋撻，D蛋都係好滑，皮又好松，一個蛋撻一杯凍鴛鴦，整個人都滿足曬！真系好好味啊…查看更多

走入檀島 .... 點件蛋撻、喝杯咖啡是正常的事吧 ~酥皮蛋撻 (忘了價錢)端上桌時, 溫度是暖暖的, 酥皮一層一層的有夠鬆化, 但是酥皮很容易便會散開, 蛋漿滑一滑, 如同燉蛋一樣蛋味香濃而且甜度適中 ~咖啡 (忘了價錢)喝起來, 啡味很對板, 就是老派茶記咖啡的味道, 並非每個人都喜歡這啡味的, 但我就是喜歡 ~唯一使我不滿的, 是侍應生, 滿口粗言穢語又愛理不理的惡劣服務態度 ~…查看更多

聞名以久的中環檀島咖啡餅店，我係首次踏足，好不幸在餐廳內遇到一名低劣態度的男侍應，完完全全破壞餐廳的聲譽及型象，沒有好客之道，我肯定我和家人以後都不會幫襯此餐廳。事發當日早上十點鐘左右，我和太太首次幫襯早餐，太太查看早餐餐牌，我就攞隔離餐枱嘅餐牌使用，一名年約三十幾歲肥大身材的男侍應，走近我們胡言亂語及無禮態度，他話我攞隔離枱餐牌，又話該餐牌我唔可以用，我問佢餐牌不是畀客人使用？他無解釋原因，我當時為之氣結及向女收銀員投訴，其他上年幾的男侍應亦睇不過眼叫他收口，可想而知他的説話及態度如何不智及破壞「檀島」的名聲，我真是替該餐廳老闆可悲，竟然聘請這樣趕客的員工。…查看更多