橫浜街場

最近見到有間火鍋店有特色嘅放題打邊爐， 由木桶盛載， 木桶周圍有洞口湧出湯底， 又有紅酒白酒啤酒任飲，於是星期日就去試一試。今次位於尖沙咀既橫濱街場， 位於山林道新式高檔商業大廈內， 一入門， 門口既banner 非常搶眼， 好岩大伙兒一齊chill 一齊食 , 可惜今日只係同男朋友食 😂我地book 左六點食， 可以食足兩個半鐘， 餐牌會有任食材料， 較特色既款式就唔係任食既， 但就已包在package 內。湯底有四款選擇， 多為藥膳做底， 例如人蔘雞， 韓式藥膳等。我地就揀左花膠螺頭藥膳雞湯底。選完湯底， 侍應好快就遞上一個巨型大木桶，一望到真係哇咗一聲。見到我哋個樣都咁新奇，侍應都好主動解釋係點運作。原來大木桶入邊有石春係底下，靠石春燒熱左嘅熱力整熱啲湯，湯底由周圍泉口噴出嘅目的在於噴出嚟嘅湯底會撇咗啲油，令顧客可以飲到最純粹嘅藥膳雞湯。侍應仲細心先為我哋畢左兩碗湯叫我地試吓，果然真係好似盅頭湯咁夠晒入味，飲多碗都唔夠。湯底一路煲緊嘅時候， 侍應都順手遞上唔係任食嘅食材過嚟， 貴價肉類有三個選擇， 安格斯牛肩肉，豚肉同埋羊肉， 我哋揀咗安格斯牛肩肉，望到遞上嘅肉， 肯定絕非平價肉， 每塊牛肉嘅雪花其實都好均勻， 色澤夠紅， 絕對新鮮。另外既丸類都大有來頭， 分別有手工韭菜餃， 手工西洋菜餃， 手工芫荽餃同手工魚尾餃。另外有豬肉釀瓜環，手工安格斯芝心牛丸，手工西班牙豚肉黑松露丸，墨魚膠炸油炸鬼，同炸蝦乾墨魚丸。炸物因為係即叫即炸，所以響鈴同魚皮隨後送上，同時小妹都欣賞放題嘅餐廳可以對食材新鮮有一定嘅要求。嘢飲方面聽講呢排轉左餐牌，少咗罐頭飲品，多咗特調嘢飲，例如梳打，乳酸,花茶，實有一款岩你要求。湯底滾起， 急不及待試下碟靚牛！ 一食真係不得了， 牛味濃， 牛夠嫩， 極速掃哂成碟。餃類都夠哂新鮮， 每個種類都食到唔同嘅菜味， 特別中意西洋菜餃， 清清地既西洋菜味唔係度度食到。墨魚膠釀炸油炸鬼亦都好特別，質感咁彈牙， 外面又有層油炸鬼， 都正喎安格斯芝心牛丸食出嚟會流心， 芝士多到啫出黎， 好味黑松露丸又真係食到黑松露味， 豚肉丸亦都比牛丸嘅質感稍有不同， 較為爽口。豬肉釀瓜環即係豬肉釀青瓜，青瓜新鮮爽脆，有醃左嘅豬肉釀住， 食落都好新鮮。食到一半響鈴同魚皮都上嚟啦，響鈴竟然有成個手板咁大，魚皮都一樣好大塊，可能因為新鮮炸好關係，浸落去個湯底仍夠食到爽脆滋味。 侍應亦都好好，見隻雞煲得7788,於是拎起幫我地切件，隻雞都有成半隻咁大㗎，而且食落浸左好耐，但係都夠嫩。既然有任食餐牌， 梗係都唔會放過啦。我哋都叫咗珍寶蟹棒，滑雞件，娃娃菜，蜂巢豆腐等。任食嘅食物都一樣好新鮮，特別一提蜂巢豆腐，好少放題先有， 因為頗貴， 浸出黎係相當好食。鵝腸洗得好乾淨， 食落好爽口。唔知係咪食藥膳湯嘅關係，浸出嚟既食材更加鮮甜好味， 尤其是娃娃菜金菇等等呢啲容易吸味嘅嘢。撈撈吓原來湯底係埋花膠， 仲有我最愛既淮山，紅棗等等， 好足料 .花膠都夠滑。食左一輪， 我哋兩個好唔爭氣地飽左， 其實仲有好多火鍋配料未試，實在值得encore, 環境夠好夠企理， 食材新鮮乾淨， 侍應都不忘幫我地收碟，加湯底， 服務都好貼心， 對我平時對放題嘅印象煥然一新。…查看更多

最近好hit 養生火鍋 , 呢間養生鍋比其他嘅多左個特點， 就係個鍋係一個木桶！ 個木桶好特別， 聽講個底部有啲石頭， 個桶邊有啲洞， 啲湯經過底部啲石頭由啲洞出返黎， 啲湯就會好清唔油。 我今次就揀左一個花膠濃雞湯， 個鍋一上到黎， 啲藥材味好香， 聞得出好足料。 而個湯入面有半隻雞， 煲到咁上下， 等隻雞入味， 就可以叫侍應去斬左隻雞再食過。 飲一飲個湯， 都覺得好補身呀。 而且個湯好濃味， 淥完啲食物可以唔洗另外點鼓油。個火鍋放題本身都包左啲野食， 兩個人就再送一碟angus beef. 我最鐘意就係個芝心牛肉丸同埋個angus beef 背脊肉. 我本身自己好鐘意食牛， 個牛丸好彈好有牛味， 裡面流心嘅芝士都好正， 我都係第一次食流心嘅牛丸。 而個背脊肉望落都好新鮮， 切得薄嘅關係， 淥一淥好快熟。 連鼓油都可以唔洗點， 啲牛味同湯底嘅藥材味充滿住口腔。 由於我食量唔算好大， 食完佢本身包嘅食物我都已經飽得七七八八， 再叫左埋玫瑰花釀就岩岩好。 個玫瑰花幽好香玫瑰花味， 酸酸甜甜咁， 打緊邊爐飲都唔錯。 有其他嘅凍飲， 不過我就鐘意熱飲多啲。 …查看更多

之前見過有人分享橫浜街場呢間餐廳，覺得好吸引，所以呢晚就去左食下佢個藥膳火鍋🥳藥膳火鍋套餐有5款湯底揀，我地要左花膠螺頭藥膳雞鍋～ 個湯底好足料，好多件花膠，仲見到有杞子、人蔘等等既藥材。雞有半隻，等佢煲熟左店員會幫手拎入廚房斬開比我地食😌 個雞煲完都仲幾滑，仲吸晒個藥膳湯底既味，好香！套餐入面既主菜係跟人頭上既，有餃有丸仲有火鍋必備脆口野魚皮響鈴😌 好豐富👍🏻 平時唔食韭菜既我，呢度既韭菜餃我完全無問題！3款丸都好好味，芝心牛丸個牛肉好有咬口，芝士個奶味濃、好香😊 炸蝦乾墨魚丸好有驚喜！個蝦乾味好香，而且呢個配搭好新穎，好特別～即炸既響鈴都好好味，特別係吸左藥膳湯味，正😋肉類揀左牛頸脊肥牛片，份量都幾多，肉質唔錯，有牛味！👍🏻除左以上套戲包既之外，仲有d任點配料，我地加左少少菜、豚肉片、脆鯇腩咁，全部味道都合格有餘👌🏻野飲方面橫浜街場都好有heart！有好多唔同款既選擇，我地飲左幾款好似水蜜桃紅茶、巨峰乳酸、金桔檸檬呀咁味道都唔錯！不過因為太飽，飲唔落奶昔、冰沙有d可惜😢最後好想讚下個木桶鍋設計～佢會抽返d湯係旁邊d窿窿出返黎，而且係會分隔左d油～～ 超正！所以可以由頭到尾都飲到好清既湯🥰🥰 真係very good❤️…查看更多

｢橫濱街場」一個日系名字下，骨子裡卻是一間地道的火鍋店，但位於新落成的銀座38﹐身處食肆大廈林立既山林道來講，也算係數一數二走型格路線的餐飲空間。不像旺角兆萬、創興廣場等酒樓等位般的火鍋放題店，令人有較高格調的感覺。店內環境方面，牆上掛了不同內容的插畫，感覺輕鬆寫意，加上店內有一個室外的飲酒區，佈局比傳統火鍋店新派，與銀座38的風格吻合和一致。另外，由於枱與枱的距離比較遠，感覺私隱度亦較高。橫濱（Yokohama）除左小編最愛嘅麵包超人博物館之外，另一出名嘅係橫濱港口，正所謂近海鮮食，水產當然唔少得啦！所以，橫濱街場主打新鮮嘅海鮮火鍋。不過，因為同行嘅人近日皮膚敏感，是晚只能選擇沒有海鮮的「花膠響螺藥膳雞鍋」。韜韜教落：「打邊爐要打得過癮，最緊要係個爐！」但當店員搬咗個大木桶出嚟，真係當堂眼都凸埋，我咁大個人，都未試過用木桶嚟打邊爐，超驚訝！木桶滾起，店員打開個木桶，原來木桶旁邊圍著幾個小孔，會有湯底不停噴出，好似音樂噴泉咁，勁有趣！店員特意從小孔盛載湯水給我們試味，原來木桶有兩層，小孔出來的湯底會隔走油分和泡沫，而餘下嘅油會流落另一層分隔住，所以個湯底唔會勁多雞油。 喝一口花膠雞湯， 湯頭味道清甜，又有些許藥材提味。叫得做藥膳雞窩，藥材包括：淮山、杞子、桂圓、紅棗等等，再加埋半隻雞、花膠、螺片等， 食完已經飽咗一半。店員仲溫馨提示，主動幫我地撈起隻雞分件，讓鍋中雞肉唔會鞋口、保持鮮嫩。配料方面按人頭提供，我地點了牛頸脊， 手切牛肉煙韌有牛味，即炸魚皮和響鈴亦十分脆口，原本想再 encore，不過要另外加錢，但配料大碟生怕食唔晒，結果無order。這裏另有多款餃子及肉丸，全部都是手打/自家製，當中有唔少新奇款式，特別喜愛芫茜餃、炸蝦乾墨魚丸和安格斯芝心牛丸。基本上食晒佢預設嘅食物已經好飽，另外再 order左d其他配料，食埋珍寶蟹棒，花枝片和蔬菜平衡一下已經反晒肚。最後，話說店員幫的我地加湯時介紹，原來個湯底仲加咗做SPA/美容常用嘅鵝卵石，我哋覺得幾有趣，店員話作用是釋放礦物，有美容功效。哈哈哈！很有寓醫於食的感覺，呢個「花膠響螺藥膳雞鍋」應該係我食過人生之中，最正宗嘅藥膳鍋了。飲品：MontRose 紅白酒都算易入口，比較甜的一種巨峰提子乳酸好味！甜品：令人從心底裏發笑的咖啡奶凍…查看更多

久不久就會邊癮起，所以今次與好友去覓食，尋找不一樣的邊爐！橫浜街場這個名字聽落好似是食日本野，但其實他們是火鍋店。我們點的是晚市藥膳火鍋套餐，揀選了花膠螺頭藥膳鷄鍋。基本上主菜已經定好，反而要從3種肉類中揀一款，我們最終選了手切安格斯牛Prime Grade牛頸脊肥牛片。火鍋配料及飲品是任點的，亦可額外付費點指定配料。看，這裡用的不是傳統的鐵鍋或瓷鍋，而是用木桶，超特別。更特別的是，木桶圍邊有不少洞口，當湯底滾時，湯底就會不斷從洞口湧出，店員建議我們裝下從洞口湧出的湯，這樣就可以喝下隔了油份的湯底。而湯底部有不少石春，目的就是保持溫度，整體設計別有用心。呷一口湯，藥膳味超香郁，當中滲著陣陣雞味，好好飲。之後撈出半隻雞，店員會代為切件。雞肉都幾嫩滑，不過份量好多，基本上吃完大部分雞件後，已經好飽肚。排得好靚的安牛頸脊肥牛片，大大碟，每塊的油脂分佈平均，輕輕焯一會，已經好有嚼口。好欣賞這裡的手工餃子，特別是西洋菜餃、芫荽餃，兩款菜都是我好喜歡吃的口味。另外，獅城鳳尾魚雲吞及韮菜亦不錯呢～手工安格斯芝心丸及手工西班牙豚肉黑松露丸有驚喜，當咬開芝心丸時，小心爆漿。即炸響鈴及即炸魚皮屬大碼級，燙3數秒即食，正呀！ 另外亦點了一些豆腐、脆鯇片及蔬菜，整體質素不錯。…查看更多

今個星期三，又約咗朋友一齊去打邊爐啦。星期三嗰日天氣其實唔係太好，間唔中又會落一陣雨，我同朋友都有啲擔心放工之後係咪真係可以按約定時間去打邊爐。好彩天公做美，放工嘅時候已經冇再落雨啦，我哋6:30就即刻搭地鐵出去尖沙咀食我哋嘅第一次藥膳火鍋。我同我朋友一直都好鍾意一啲湯水，特別係今次藥膳火鍋，佢主打係湯底都可以飲，所以我同朋友都非常之期待。去到鋪頭，店員就已經好熱情咁招呼我哋坐低，然後介紹佢哋唔同嘅火鍋湯底俾我哋。我地點左 姬蟲茸藥膳雞鍋 做湯底。我哋食呢個套餐本身已經設定好系列嘅材料會送上嚟，然後我哋可以再點其他任點嘅配料。套餐包括油炸鬼唔同種類嘅雲吞同餃子炸魚皮炸響鈴各式嘅丸類而肉類我哋揀咗 頸脊肥牛片店員一將個鍋底拎上嚟，我哋已經嘩嘩聲，因為實在太足料喇，入面有鮮人參，半隻雞，蟲茸等，而且最特別嘅係佢唔係用普通嘅鐵鍋裝住個湯底，而係一個木桶！ 店員介紹話木桶底部放咗一啲石春，同埋木桶邊嘅窿，都可以做到一個隔油效果，我哋想飲個湯底，可以直接喺個窿隔離接住啲湯汁。我哋飲咗一啖湯，嘩實在太好喝！啲食材都好新鮮同埋好好食，最後係要讚一讚佢哋嘅飲品，佢哋有乳酸飲品、沙冰等等嘅一啲手調嘅飲品可以選擇，10分有誠意，唔係普通比罐罐頭汽水俾你就係。下次得閒一定要再約朋友一齊再嚟呢度食多次。…查看更多

晚市藥膳火鍋套餐 ($298/位)聽個名以為係食日本野，但原來佢係一間港式火鍋店，仲有埋藥膳食添呀!!而且係任食...咁就來試下啦~佢地都有幾個湯底揀，又有花膠螺頭，韓式藥膳等等...但我地就聽員工推介，佢話人參雞鍋最正。個鍋上到台，見到成半隻雞係鍋入面同D藥膳一齊滾下滾下，睇見都流口水。但係要滾耐D先可以食隻雞。所以我地決定，邊打邊邊...一邊等雞!!配料方面都幾多野揀，講得出既肥牛、炸魚片、豆卜、咩丸物丸都有齊哂!!連大大舊既花膠都可以任點呀!!食放題火鍋，就最重要呢樣啦!!而且飲品種類都幾多， 值回票價!!同埋其實佢地D位都幾闊落，唔會同隔離台D人太過迫，可以同朋友傾下計都唔怕比人聽到，而且佢地係比你食足2個半鐘架 ...可以慢慢食不用趕時間。PS:我同朋友食到最後...最期待既藥膳雞，因為太FULL...食唔落XDD只係食左兩舊咋😭…查看更多

優惠有偏差，屈人食貴野！個場都幾大，服務一般，人又少，咁就知中哂伏啦。出野食又慢，亦有漏單問題，任食既野料好一般，3百幾食埋d重味精野，絕對唔值得，一定無回頭！…查看更多

今日為咗幫個朋友慶祝佢考試一take pass，咁開心梗係要搵間餐廳賀一賀佢啦餐廳位於山林道，樓下有好多泊車位但全部都係要收費的泊車仔「代客泊車」今朝係OpenRice搵到，即刻打去book好彩又比我哋訂到20:00一行四人安排左坐卡位店員叫我地先揀咗一個鍋我哋揀咗花膠螺頭人蔘雞，湯底超鮮甜及有人參味道在選擇兩款肉類（安格斯牛肉、黑豚肉或羊肉）因為我哋羊嘅騷味，最後選擇了豬肉及牛肉本來以為細細碟，點知上枱目測大約接近20片肥牛的油花分布平均，牛味濃郁。而黑毛豬豚肉肉質豐盈，而且食落去係爽口嘅另外不得不讚嘅係即炸響鈴，放落湯底黃金2秒，食落去外脆內軟，咬落超鬆化。及牛肉芝士丸，識落口好彈牙，咬落爆漿😆另外還有多款配料追加服務超好😆😆下次再來…查看更多

朋友好鍾意打邊爐，我好喜歡食海鮮，橫浜街場就啱晒我哋兩個嘅口味。入咗坐低之後店員就好快咁你介紹唔同嘅火鍋湯底，佢哋有海鮮火鍋放題或者藥膳火鍋放題，滿足到我哋兩個嘅口味當然就係揀海鮮，而湯底我哋就選擇咗花膠螺頭雞。落完湯底之後，店員問我地想飲啲乜嘢，佢飲品都有好多選擇，一般的汽水果汁，特色飲品，而且佢嘅啤酒紅酒白酒都係任飲嘅。個湯底一上到已經見到好足料，有花膠又有螺片，飲落去好鮮甜好夠味。之後個牛肉我哋揀咗安格斯，d紋理同顏色都睇得出係靚牛，食落去超有牛味。佢仲有一啲手工餃、丸、最得意係佢嗰個鬼鬼馬馬，佢炸到好香口，浸一浸落湯再食一流。不得不提當然係個海鮮拼盤，龍蝦故之然吸引，佢嘅蝦都係超級大隻，成隻手掌咁大呀。佢個套餐本身嘅嘢其實已經好夠飽，所以我哋都唔係話特別點左幾多無限追加配料。食完餐飯超級滿足，呢度無論食物質素或者店員服務都係值得再嚟嘅。…查看更多

一直很喜歡吃火鍋😋遇上海鮮火鍋必定要試！今次來到尖沙咀一間上樓餐廳吃火鍋！藥膳鍋要$298，加多少少錢就可以有海鮮火鍋了😋當然不會錯過這次機會先來一個海鮮併盆，兩人去食的份量是有有一隻龍蝦，另外是大蝦，蠔，螺，元貝，大蜆各兩隻，很豐富。真的有龍蝦喔😋😍大蝦很大隻，也新鮮。元貝原本大隻，這是熟了後縮小了的樣子。個人覺得蠔很好吃，很甜，沒有腥味。我們選了花膠雞湯底，真的有花膠喔！雞也很嫩滑👍🏻想不到喔安格斯牛，好味，排得美美的。以下就是任點系列，有肥牛，豬腩肉，還有我喜歡的蟹柳和蜂巢豆腐，很多食物選擇。水餃有很多種類，我最喜歡吃蝦的，還有豬肉和韮菜。其中一個是青瓜饟肉，很有心思。食品是任飲的，還啤酒紅酒白酒也任飲，很抵喔！總結覺得不錯，…查看更多

之前食過佢嘅海鮮套餐覺得幾好味，今日就黎試埋佢嘅藥膳火鍋補補身～餐廳都幾闊落，人多或者三五知己黎都好合適。仲有d影相位同呼應餐廳籃球街場主題嘅裝飾！我地揀左藥膳套餐嘅花膠螺頭湯底，肉類揀左羊肉。配料除左套餐嘅手工拼盤以外，仲有好多任食火鍋配料選擇，飲品都係任飲，選擇非常多元化，除左常見嘅汽水，仲有乳酸飲料、花茶、紅白酒等等，全部都任飲。個湯底好濃郁藥材味，而且好足料，入面有花膠響、螺頭、足足半隻雞、以及人參紅棗等藥材，但係如果本身唔好藥材或者怕苦嘅話就最好揀海鮮火鍋。火鍋嘅雞煮到咁上下，店員會幫忙撈起拎去斬件，方便食用。用藥膳湯煮過嘅雞肉都ok，按照個人口味調配醬料點住食更佳。套餐嘅羊肉好大碟，份量足，羊肉唔騷，肉質比較厚實。個人最鍾意手工拼盤，主要有手工餃子同手工丸，個人最鍾意鮮蝦雲吞同花枝丸，鮮蝦雲吞蝦肉好彈牙足料，花枝丸真係打到起膠，好爽口彈牙，入面仲包住蝦乾，味道濃郁鹹香好夾！套餐仲有釀左花枝肉嘅油炸鬼，就咁食仲好味！其他火鍋材料都好好味，選擇都唔少。最鍾意係美國肥牛，同烏冬！烏冬係日本稻庭烏冬，好滑又夠煙韌彈牙，好味！肥牛肉質嫩滑牛肉味濃郁，食得出係優質嘅肥牛。另外仲有多款新鮮蔬菜選擇，健康必選！飲品嘅乳酸系列酸酸甜甜好正！整體而言，藥膳火鍋比較視乎個人口味喜好，但個人感覺唔錯，店員服務都好周到細心！餐廳位置闊落。如果未必接受到藥材味嘅話選擇海鮮套餐就比較適合啦～～…查看更多

呢到環境幾好、啲位好闊，係會坐得幾舒服～好岩一班朋友黎打邊爐吹下水～我地叫左晚市藥膳火鍋套餐 （$298）。湯底叫左花膠螺頭藥膳雞煲，藥膳味易入口，另外入面好足料，雞都有半隻，加大量既花膠螺頭。打邊爐打得咁上下時，佢仲會幫我地切開隻煮淋左既雞，雞有淡淡既藥膳味，保留到少少滑，唔係啲煮淋左好鞋既雞！佢都有啲手工餃同丸配埋，係手工，賣相仲好好，係一間好有誠意既邊爐店！2人黎仲送一碟手切安格斯牛頸脊～好大碟～仲可以無限飲紅酒白酒啤酒，鐘意飲酒既人黎真係超級抵～ 可惜我唔好酒😭 但係啲特飲都唔錯架，有唔同種類。杯香芋沙冰幾好飲～其實食呢啲原有既都已經飽飽地，所以我地只係另外叫左少少配料～最後甜品係朱古力布丁～濃濃既朱古力味～…查看更多

作為一個肥豬仔，假日除左係屋企懶懶閒之外，最中意就係去打邊爐烚下烚下啦🤩周不時都見到人去橫浜街場，終於有機會試下啦！一坐低就有staff 介紹menu ，好nice同好helpful 咁俾好多意見你，建議食邊款好，主要係分左藥膳火鍋同海鮮火鍋，因為今日唔係好想食海鮮，所以就點左藥膳火鍋🍲自助醬料 $10 per head聽講呢個係最多人揀嘅花膠螺頭藥膳雞鍋，入面有半隻雞，食到咁上下會有人幫你拎起佢，切件方便你食，唔好以為隻雞係煲左好耐嘅雞，食落岩岩熟相當滑👍🏻話明係花膠雞鍋，梗係唔少得大大塊嘅花膠啦，入面大大話話都有5、6舊，花膠厚身，十分俾貨呀！係打邊爐前飲左淡湯，湯底鮮甜，仲有陣陣藥材香味❤️除左放題任食之外，個set係包左一系列嘅野食，包括手工餃子，手打丸，即炸響鈴、魚皮等等。最欣賞嘅係手工餃子，細細粒得黎又好好味！響鈴同魚皮係即炸嘅，脆到咯咯聲，浸左幾次湯都仲keep到脆脆，勁呀！Set仲包左手切安格斯牛頸脊，油脂分佈均勻，食落牛味濃，口感滑，推薦👍🏻👍🏻基本上食完set 包嘅野食都飽飽地，我地仲叫左菜同脆肉鲩值得一提嘅係火鍋放題包左野飲任飲，除左一般汽水之外，仲有乳酸、沙冰、果汁、啤酒同紅白酒，選擇好多，真係好抵食！最貼心係部分野飲有常溫揀，十分貼心🥰…查看更多

今日約左朋友去傾下黎緊去旅行既野，諗住食火鍋，一路打邊爐一路傾，上網search下，見到呢間橫浜街場，就決定一試。佢有藥膳火鍋或者海鮮火鍋揀，我哋揀咗海鮮火鍋，湯底要左印度椰子雞鍋。本身跟餐已經有好多嘢食，海鮮、手工丸類、羊/豬/牛，樣樣都有。再加上有唔同嘅配料同飲品任叫，份量同選擇都好夠。點餐之後服務員就會送上點料同豉油，有辣椒、乾蒜、蒜蓉、蔥、芫荽同麻醬落。湯底方面十分香濃，用椰子做湯底，食落冇熱氣嘅感覺，雞味亦尚算突出。先黎嘅係一碟手工丸類，丸類既種類多，而且都幾特別。當中我覺得手工安格斯芝心牛丸同手工西班牙豚肉黑松露丸最好食。肉類方面我哋揀咗手切安格斯Prime Grade牛頸脊肥牛片。肥牛片份量多，唔會過肥/過瘦，食落有牛味，十分高質。三樣即叫即炸既炸物都做得幾好，其中嘅墨魚膠釀油炸鬼做得最出色，吸收左湯汁，同時亦不失口感。海鮮拼盤可以話係今餐嘅的主角，而佢都冇令我地失望。海鮮唔單止種類多，亦都幾新鮮。每人有半隻龍蝦、一隻帶子、一隻大蝦、一隻象拔蚌、一隻螺同埋一隻廣島蠔。作為一個帶子迷，當然最鐘意食就係個隻肥美既帶子。龍蝦嘅肉都好鮮甜，蝦膏亦都唔少。另外廣島蠔好大隻，食落蠔味好夠，亦都十分新鮮。呢度嘅飲品選擇多，唔止有罐裝飲品，仲有唔少特飲比你選擇。我地揀左藍莓奶昔同芒果綠茶。奶昔唔會太甜，飲落好滑，好正。芒果綠茶配火鍋好夾，酸酸甜甜咁，好開胃。整體黎講，呢餐我同朋友都好滿意，大家都食得好開心。…查看更多