影片
港鐵柯士甸站 A 出口, 步行約4分鐘
繼續閱讀
營業時間
星期一至二
11:30 - 21:30
星期三
全日休息
星期四至日
11:30 - 21:30
公眾假期
11:30 - 21:30
公眾假期前夕
11:30 - 21:30
以上資料只供參考, 請與餐廳確認詳情
食家推介
招牌菜
相關文章
💚Joie Cafe💚呢一間清新田園風嘅寵物友善Cafe位於佐敦樓上店，呢度嘅裝修擺設都係以💚綠色同青蛙🐸為主，打卡點都有幾多😍，仲要係一間寵物友善餐廳嚟，餐廳仲有寵物嘅menu，自己食tea之餘寵物都可以食埋一份的確唔錯😆，今日就帶咗🐶細佬嚟打卡影吓相🍱Joie All Day Breakfast $128 :呢份大滿足全日早餐賣相還可以啦，其中較為特別嘅係加咗藜麥同埋巴馬火腿，不過其餘嘢比想像中普通，佢配咗一件細嘅牛角包，味道冇乜特別，其餘嗰啲都係薯餅，腸仔同炒蛋等，份量有啲少，食完成個都唔算話好飽，價錢都較為貴😩，整體上所有味道都一般，唔係話好特別🍹山政小山園焙茶鮮奶 $50 :嘢飲方面呢杯係焙茶鮮奶，飲落去焙茶味幾香濃，鮮奶都夠滑，整體都濃郁，價錢適中，另外有分熱飲😋🐶(寵物)麥樂雞餐 $75 :佢哋有寵物餐，其實份Menu幾精緻，不過同實物差得遠，就好似呢份麥樂雞餐咁，完全估唔到佢會係咁， Hea到爆😩，如果我係狗見到咁都真係認真麻麻，雞柳係可以嘅，不過薯條方面佢哋係用咗蔬果嚟整，賣相真係唔得😩，價錢又貴😩，份量又少😩，超唔抵食🙁🙁
繼續閱讀
樓上cafe，比我印象係食物麻麻地，純粹飲下嘢傾下計嘅地方，之前食過灣仔果間Mamadax，真係名過於實，今次呢間<<樹蛙咖啡>>，係朋友食過話唔錯，又比較少人，試過真係真心覺得正，食物質素好得之餘，裝修又幾得意，仲有兩隻樹蛙比你睇（唔該眼看手勿動)，我哋仲傾到人哋收鋪添。🥢脆炸芝士條 $48 ⭐️⭐️⭐️即叫即炸熱辣辣香脆可口仲會拉絲，芝士唔夠濃郁對芝士控嚟講會差啲。🥢珍寶帶子蟹肉蟹膏意粉 $198 ⭐️⭐️⭐️⭐️⭐️多料多汁濃郁，全部都係我想要嘅嘢，所有食材都好食，當然包括煙煙韌韌嘅意粉，賣相同味道都滿分！🥢樹蛙大滿足全日早餐 $128 ⭐️⭐️⭐️首先要讚個蛋好香滑，牛角包香脆，其他配料都ok，不過如果可以換走個藜麥就最好。🥢尖通粉, 柏瑪火腿, XO醬忌廉汁, 鮮冬菇 $108 ⭐️⭐️⭐️⭐️⭐️呢個我哋叫咗減XO 醬，出嚟都會有少少辣，但XO醬+忌廉汁超夾，個汁好香濃惹味，配尖通粉非常好味，當然要配埋其他配料啦，推薦度5粒星！🥢開心果鮮奶 $68 ⭐️⭐️⭐️⭐️🥢香橙朱古力咖啡 $43 ⭐️⭐️⭐️⭐️🥢青蛙仔焦糖脆脆多 $88 ⭐️⭐️⭐️⭐️炸咗嘅厚多士加焦糖，唔會太油膩同太甜，配雪糕一齊食無得輸。四人共消費：$869
繼續閱讀
忙完一日，早了到佐敦等7pm堂，經過見到這間在1/F的餐廳，空間感好像不錯，就走上去打算唞唞氣。坐下先點了下午茶set的牛油果碎蛋沙律酸種麵包多士，配上培茶鮮奶（希望無記錯名），才向窗外一看，城市景、輕音樂再點綴窗外樹蔭搖曳，舒適，可放鬆下來了。食物送上，先來培茶，茶香濃奶滑，但有點熱度不夠（在我來說，可能因為我先拍照慢了點喝）；再來多士，不得了，完全喜出望外，牛油果熟度剛好，酸種麵包烘成多士，多士迷的必然大愛！再配上碎蛋沙律，味道互相輝映，沒有搶去各自的味道。總結：會encore再訪，這間我第一次在OpenRice寫食評的餐廳。
繼續閱讀
環境好，鬧市難得的寧靜，已經好難得的了。食物好味，清清地適合我，好得意的配搭。價錢合理，難得。如果門面明顯啲應該有更多客。總括嚟講，希望香港食店和各小店，加油。
繼續閱讀
今次行過柯士甸站隔離，發現咗間好有feel嘅咖啡店。一入去就覺得，唔錯喎，好有格調。而且周圍成個咖啡香好迷人。😍揀咗佢哋嘅石班柳XO醬意粉，呢個米形嘅意粉第一次試，口感QQ嘅，仲有嗰啲櫻花蝦碎好香脆，讚喎！石班柳嘅肉嗰啲滑溜溜，煮得啱啱好，唔會太老。再嚟個甜品，佢哋嗰個馬斯卡邦CROISSANT，好有層次🥐，先係嗰脆卜卜嘅外皮，再食到嗰個幼滑嘅CHEESE，加埋Espresso後，苦中帶甜，啱晒口味。仲有個插曲，辣味雞粒嗰個韓系風味，好開胃！食住飲住，仲有嗰杯Panda火龍果多多，清新得嚟又滋味，真係好滿足。整體嚟講，呢間都算係個好發現。下次想同朋友聚會，又或者想一個靜靜飲杯咖啡，呢間絕對係首選。🍽️🙂👍
繼續閱讀