樂麵

營業中

休息中

見到有日式拉麵， 我鍾意食日本嘢，就入去試下， 想柯打嘅時候， 啲侍應已經做到燶口燶面， 啲眼神但有殺氣㖭， 都唔緊要喇。 都係想食好嘢啫， 都唔計較服務喇。現場得三四個客， 好多都已經食緊拉麵， 我地一行兩人， 拉麵煮兩個字三個字， 賣相都唔錯，非常期待， 我叫鰹魚湯底， 朋友叫胡椒豬肚湯底， 加多一客餃子。胡椒豬肚湯底唔差， 但係個湯底 胡椒味太重， 湯汁比較傑， 唉， 個半生熟蛋我哋兩個食完個肚都唔係好舒服， 最搞笑嘅就係一百零蚊嘅拉麵， 我哋以為係日本拉麵，但佢係用香港製造嘅xx 蕎麥麵底或伊麵底做。 好食就話無乜所謂， 但其實真係好難食， 完全無日本嘅拉麵咁嘅感覺， 點解裝修要做到好似日本拉麵咁呢。 重點係嗰兩片肉， 完全係凍冰冰， 啱啱喺雪櫃攞出嚟就畀人食。好啦， 講返鰹魚湯底拉麵， 個湯底極少， 水位唔過個面底，又結又難食， 雪藏 豬肉味仲要好犀利， 後尾我真係食唔落。講埋個餃子簡直就係 好唔掂， 雪藏肉淋bet bet， 一啲都唔香口， 一啲都唔似食緊餃子，完全冇乜味嘅。埋單要二百九十幾蚊， 真係寧願食隔離pepper lunch好過。

人生第一次食咁難食既拉麵😅😅拉麵一上，我同男朋友飲左啖湯之後大家為今次碗麵作出評分🥶🥶🥶我(濃口胡椒豬肚湯)：3分男朋友(真熬雞白湯)：4分濃口胡椒豬肚湯真係得浸若隱若現嘅胡椒味，其後得陣死咸(呢啲就係所謂嘅濃口)！真熬雞白湯飲第一啖湯就係一浸洗碗布嘅味，用好熱嘅滾水淥緊嗰啲洗碗布陣味(呢啲就係所謂嘅真熬)！比較可取嘅就係佢係用玻璃樽可樂，可惜係唔凍嘅😅成班員工就好似暑期工咁樣，又講晒粗口 同埋周杰倫越播越大聲😂

第一次試呢間喺新都會新開嘅拉麵入到去先知原來唔係平時日式嗰種佢哋溶入咗一啲港式元素例如有用咗悅和醬園嘅花雕醉雞湯永樂麵廠嘅藜麥拉麵同伊麵今次試咗兩款麵，都係揀咗藜麥拉麵1️⃣真熬雞白湯拉麵一碗麵有晒豚肉鴨肉同雞肉麵嘅質地唔錯，同平時嘅拉麵冇太大分別兩片豚肉好大塊，但係比較鞋鴨肉雞肉，各有一片，但全部肉係凍嘅似啱啱喺雪櫃拎出嚟就放喺麵旁邊同日式叉燒真係兩回事，冇得比糖心蛋就中規中矩，湯底都算OK2️⃣胡椒豬肚湯拉麵豬肚絲整得夠淋夠入味，份量都幾多豚肉都係有兩大片，不過都係似普通火腿咁3️⃣另外仲試咗再叫多咗個日式餃子都係似平時急凍日式煎餃子，無咩特別不過都煎得幾香口總結💭💭要比較日式拉麵，同呢款港日fusion嘅拉麵個人都係比較鍾意傳統嘅日式拉麵因為塊叉燒好味啲，麵嘅質地比較啱我口味

一個人最適合食拉麵，今次嗌咗真熬雞白湯拉麵，湯底有淡淡藥材味，麵質可以選擇軟硬或者正常，我就揀咗正常，樂麵正常嘅麵質都比較偏硬，如果鍾意麵質偏淋嘅，就揀軟！有兩件雞肉，兩塊叉燒，叉燒味道口感尚算正常，雞肉嘅口感，我個人唔係幾接受到🙊😂因為太嫩？ 太滑？我覺得口感不太好。但整體來講尚算不錯

我從來都未食過一間咁難食既拉麵。所謂雞白湯底，完全垃圾。湯又唔夠熱，雞肉既質素又差。不知所謂。d員工做野又慢，我去果陣已經唔叫多人，都要等半個鐘先有得食。唯一可以讚既係用緊樽裝飲品。價錢又貴，百幾元食一碗咁垃圾既拉麵，仲要加一服務費實在有點兒過份。呢個價錢係其他地方都可以食到好好既拉麵。總之一日無改進，以後都唔會幫襯。用永樂既伊麵要加＄20?根本係用香港牌頭扮日本拉麵。扮又扮得唔似。總之係難食到𣎴知所謂。

經過又試左新野🤣其實減緊肥～幸好都冇浪費quota💚餐廳新開環境都幾光猛乾淨，店員服務態度唔錯～上菜都幾快。1️⃣茜口茜麵 $118每日限定數量～成座芫茜山望落幾震撼💚～芫茜湯底飲落好香濃～芫茜麵個人偏好揀左硬身～食落口感唔錯幾彈牙💯唯獨芫茜山比較咬口🫨建議打完卡擺埋一邊，豚肉食落好嫩滑份量都算多，但溏心蛋就唔太流心，鐘意芫茜既可一試👍🏻2️⃣真熬雞白湯 $98依碗雞白湯拉麵湯底唔算好濃，比較出色既係麵同肉類，豚肉、鴨肉同雞肉口感均嫩滑，少見咁多肉類喺同一碗拉麵🍜食落都幾滿足，蕎麥麵掛湯幾香麥味，筍食落爽脆👌🏻最後先發現俾漏左半隻溏心蛋，整體都唔差。

讚1 湯底係好味既 足味濃郁 好夠味 係少左啲呢下唔太好 麵質係最好既 爽滑吸湯 餃子都好味 皮薄餡多煎得出色彈1 湯好味但太少 叉燒好多份量但真係非常之唔好味 就咁一堆無味既肉2 服務實在要諗諗點搞 現場有位經理係不斷咁鬧啲同事唔返工 細聲啲講都得啩

小弟啱啱喺日本東京返嚟，外出食嘅第一餐係呢間餐廳,有免費泊車三小時首先呢間餐廳畀我嘅感覺係同日式拉麵店係一樣全部都係吧台今次同我女朋友過嚟食左3樣野濃口胡椒豬肚湯拉麵:7/10開頭湯底唔錯湯底濃郁，但食落去差唔多去到後半段比較太鹹，唔建議飲埋啲湯，而且嗰個肉都係啱啱好比較腍身真熬雞白湯拉麵:8/10雞白湯拉麵係日本都有但係一直都未試到食，今次雖然嚟咗香港食但係都係好平！食拉麵最緊要係個湯，呢個湯係非常濃郁但唔會過鹹,肉嘅分量都唔少,肉都係好腍比較有肉味洛流慢煮（雞肉鴨肉豚肉）9/10慢煮嘅肉非常入味，而且唔會乾，非常推薦大家過嚟食但係係香港通常都係幫人交租做人工，相比於日本香港係貴好多,不過未食過嘅都可以過嚟食

港式fusion特色拉麵真熬雞白湯拉麵🍜有慢煮豚肉、雞肉同鴨肉同半隻溏心蛋雞湯濃郁，偏鹹同重口味用雞殼雞腳熬足8小時上面仲打咗層白泡麵條係永樂製麵廠嘅藜麥拉麵有咬口，都幾掛汁，有啲驚喜👍🏻日式煎餃🥟脆口煎得靚仔下次會想試吓胡椒豬肚同花雕醉雞湯底😆

香港日式拉麵店就夠多,但想搵緊間用本地食材嘅日式拉麵店就少之又少,樂麵特色就係將本土食材結合日本地道煮法,創造出屬於本土嘅特色拉麵🍜當然要支持下本地薑啦!😌拉麵總共有四款選擇,包括真熬雞白湯，花雕醉雞湯，胡椒豬肚湯及新出嘅鰹魚雞白湯🌸真熬雞白湯藜麥拉麵 $98 +10%樂麵麵底選用左香港制造嘅永樂製麵廠嘅藜麥拉麵/+$20可轉永樂伊麵,縱然藜麥拉麵揀咗軟麵質,佢都係偏向有嚼勁煙韌嘅麵,我仲係覺得日本拉麵會較配合湯底😳😣但用咗藜麥拉麵感覺較健康,真熬雞白湯底呈奶白色,雞殼雞腳熬足8小時鮮味好出,相對亦較重口味慢煮雞肉/鴨肉/豬肉上碗係凍冰冰的😐,建議放喺湯裡浸一下暖暖哋好食啲,肉質keep到嫩滑嘅但再煮軟淋啲仲好,一碗能食晒3隻肉係幾特別溏心蛋係超級入味但佢濃味到我自己係有啲抗拒😐😅﹍﹍﹍﹍﹍﹍﹍﹍﹍﹍﹍﹍📍樂麵葵芳興芳路223號新都會廣場2樓270號舖

見新開有胡椒豬肚湯都幾特別就試下啦加咗個手撕雞個手撕雞食咗兩啖後就覺得啲肉質同味道都好怪好似「縮縮地」咁但我知佢唔係唔新鮮個種只係依個味真係唔識欣賞諗住擺落拉麵個湯到會好啲個拉麵仲加錢揀咗個酸香湯底一試個湯底真係永世難忘🥲然後已經果斷放棄咗 直接就咁食個手撕雞總括而言 稍為好食只有煎餃🥹🥹✨✨✨✨✨胡椒豬肚湯永樂麵🍜評分：0/10元氣手撕雞評分：1/10煎餃🥟評分：4/10✨✨✨✨✨

首先，我係完全比佢嘅日式拉麵小攤檔嘅裝修吸引咗入去，見到佢哋嘅點菜單係有少少抄一蘭嘅，然後碗麵嚟到已經覺得好奇怪，個白湯係起泡，而且湯亦唔夠熱，毫無味道，麵質難吃，最恐怖係塊叉燒，唔熱又榎歰歰，我從來未試過食咁難食嘅拉麵🤮另外，佢哋將啲大陸辣椒油同浙江醋放咗喺隔離比大家做調味料，完全係格格不入🙄我只能夠講最好係杯嘢飲，叫做最正常🙈我打死都唔會再去第二次，難食到一個點😮‍💨

終於到放飯時間，一早都有留意到葵芳有一間「樂麵」，主要係食日式拉麵，咁岩食飯時間最多人流，呢間拉麵店都唔算等好耐，好快就入得，呢度環境唔算好大，可以話一眼睇晒，但呢度都以紅色做主打，都好鮮艷搶眼，入到去職員示意帶位坐好，巧合地坐係吧枱前面，望到入面既物件都好整齊擺放，眼前有一塊好大既橫額招牌，好搶眼見到佢地辛勞地工作，亦都見到佢地好乾淨衛生佢地既餐牌都滿有心思，文字上清晰易明，枱前還準備好額外既調味料供一陣享用，等侯時間都算快，我擇了招牌拉麵，真熬雞白湯，裡面既肉好豐富，麵量都好多，三種肉：豚肉，鴨肉，雞肉味道鮮明，每一塊都有唔同既味道同口感，而佢既醬油溏心蛋都整得好入味，濃濃既醬油味再加蛋香，認真唔差，最後食到好飽肚，整間店既食物質素非常好，下次會再來試其他拉麵

終於等到星期五，人地就Happy Friday 我就OT到7點幾🫠，收工就順便食埋飯先返屋企懶得煮了🥲，唔想去葵廣同人逼，去左新都會食拉麵。呢間樂麵係新開，自己寫紙仔下單，環境幾有日本feel。我叫左呢個真熬雞白湯拉麵🍜，入面包左豚肉，鴨肉，雞肉，醬油溏心蛋😍，湯底味道幾濃，豚肉肥瘦適中，鴨肉都幾香鴨味，雞肉都幾嫩，仲有隻醬油溏心蛋，流心嘅效果超正呀，麵底仲要係用咗蕎麥拉麵😋最後，我仲叫左枝紅茶消濟解渴🥰。整體而言，呢間拉麵新開都幾有水準，下次會想再試下另外款式嘅拉麵🤤。

🤗 小編依晚去葵芳睇舞台劇，當然去附近覓食啦！早前已經bookmark咗新開嘅港式拉麵店！😉 🍜 花雕醉雞湯 配 伊麵 😋😋😋😋😋麵到快快手打卡之後，當然要試一試個湯底！好期待！果然冇令小編失望！👍🏻 湯底好特別，打起咗一層微微泡沫，好滾熱辣！好濃稠！好鮮甜！😲 飲得到淡淡花雕酒味同洋蔥味喺鼻腔徘徊，好正！😚 見到有永樂製麵廠出品嘅永樂伊麵要加$20，叫嚟試試兼支持下！💪🏻 叫伊麵果然好啱數！掛湯得嚟又索到湯，軟硬適中，唔湯同麵一啲都唔會割裂！🥳 一碗麵包含雞肉、鴨肉同醬油溏心蛋。雞肉同鴨肉都烹調得好嫩，肉味好出，而溏心蛋有醬油鹹香，好出色！🤩晚餐 💵💵💵 約港幣$150/人💁🏻‍♀️ 新店開張期只要follow佢哋IG，可獲免費飲品一份！小店裝潢同色調極似日式拉麵店，但內裏別具香港特色，特別係湯碗同調味料！又播住廣東歌！好好feel！店內目測有20-30座位，有唔少食客慕名而來！😎🙆🏻‍♀️ 最後，喜歡嘅話，歡迎follow @foodirectory.hk！