樂麵

營業中

休息中

Lunch time 時間去食 我前面都排咗5-6個人 但只係等咗15分鐘左右就入得 都算幾快嗌咗一碗雞白湯拉麵 店員有特別提到佢地嘅湯每日熬製八個鐘 賣完就無開頭見到碗麵覺得份量好少 但估唔到原來份量都幾足 啱啱好拉麵湯底好濃郁 做到掛湯嘅效果👍🏻👍🏻👍🏻要特別讚一讚個醬油溏心蛋🥹好好食 想追加多一隻但又太飽美中不足係我唔食鴨肉 而每款拉麵都set咗餸 無得選擇整得嚟講高質👍🏻湯好飲 麵好食 溏心蛋好好食👅會encore~

環境日式設計，整體佈局略為狹窄，唔係咁好坐、同等咗勁耐都冇得食，至於標榜好正嘅湯底，感覺有點怪，好似將兩種完全唔夾嘅味道放埋一齊，十分勉強 。 雞肉亦十分普通，份量亦少 。絕對係眼高手低，不倫不類，性價比極低。

餐主打精緻，但3個餐有一個無左。唔緊要然後所有汽水都無😅😅然後入面有位安排我坐門口？然後未食要收錢先？其實寫清楚都問題不大不過成個觀感全部野加埋就好差野食其實好食但服務態度，食物補給可能要等幾個月先可以再黎。肉唔夠熱，真係好可惜。

諗住支持下，試新野，見到門面還可以，都見到坐到滿滿地，點知中曬伏，難吃到嘔，好耐都未試過吃垃圾！拉麵最重要兩環，其一，湯底上到黎都凍曬，又少湯，其二，拉麵質感簡直難吃到癲，唯一合格，只有餃子，但煎到黑黑地，所以總結可以唔洗試，去隔離果間大家樂吃仲好吃，話明拉麵店，湯底同個麵都唔店，開麥鬼拉麵店另外，試業中，好多野都無，飲品又無，只有冰水飲，湯底款式又少，無咩特別，野食更加唔洗講，無咩事都唔好咁on居幫襯佢

開幕第一日就黎試下，都預左試業時安排會差啲，所以排耐啲排左半個鐘都無咩大問題，但係估唔到啲作為一間餐廳最重要嘅食物竟然咁令人失望。個湯的確係好濃。但點左最貴的醉雞湯底竟然一啲酒香都無。問店員佢話全部湯都係用同一個白雞湯底，係再加調味變做其他兩種，可能調完弱啲唔覺----咁我加廿蚊買個貴啲嘅醉雞湯黎做乜? 最貴的果碗醉雞麵竟然最少料，荀同菜都無，淨得三“片”雞同一“片”鴨，仲要有雪味。另外果碗胡椒豬肚湯都可以嘅......但淨係飲到胡椒嘅辣味，搶哂其他味。份餃子不過不失，無乜特別。價錢方面...去食日本拉麵應該同一價錢食得豐富好多囉。最後有樣唔明，點解個舖位設計到有兩邊bar枱但係淨係坐到一邊人?本來以為佢試業唔夠人手先唔放人坐滿，但睇真如果另外果邊都坐埋咁中間連上菜位都無了。