樂香園咖啡室 (已結業)

想喺中環搵個又平又快好食又飽肚嘅快餐真係好難，來來去去都係大x樂，大x活，美x嗰啲。中環中心樓下有一間長期多人排隊但係又好快嘅餐廳會係不錯嘅選擇。雖然佢好多人，不過啲人一食完就走，所以都去得好快。最多人叫嘅係叉燒炒蛋飯加奶茶，佢嘅炒蛋好有獲氣，又滑又有蛋香，叉燒絶對唔係乾爭爭無誠意嘅叉燒，而係半肥瘦而者燒得啱啱好嘅叉燒，連埋啲葱花一齊炒，加埋佢嘅甜豉油，真係絶配，多多飯都唔夠送呀！最後啜埋杯凍奶茶，又係滿足嘅一餐。

每次經過門口都有一堆人等位，見今日算太多人，就即刻沖埋去排隊！lunch hour 要等位就梗㗎喇，不過還好呢度都係碟頭飯，翻枱速度比較快。嚟得樂香園，緊係要食令人食過翻尋味嘅滑蛋叉燒飯啦，真係10個有9個都係食緊同一個飯，唔知會以為呢度淨係得一款嘢食。滑蛋叉燒飯之所以咁受歡迎，全因為佢個蛋真係好滑，而且蛋量絕不吝嗇，蛋，全碟都係蛋！混合埋切成薄片嘅叉燒同大量蔥花一齊炒，又香又滑，真係無得頂！喺中環區嚟講，48蚊食到個有質素嘅飯真係價廉物美！另外都值得一讚個奶茶，茶香可口，配埋舊式茶記嘅裝潢，傳統風味走哂出嚟，連外國人都話有朋友介紹過嚟食！掂呀！

滑蛋叉燒飯($42)茶記的驚喜🤤😍滑蛋好滑好嫩，係原汁原味既蛋，無加牛油，但蔥花夠晒多，真係重點！！🤩吊起哂蛋香👍🏻飯都軟熟，用既係甜豉油，令到成個叉蛋飯都好正好好食呀，唯獨叉燒就未算好出色，用既係瘦叉，但蜜汁味係有既，再肥啲就100分，但整體性價比係中環黎講真係掂🤤😋

今日黎樂香園咖啡室食下午飯，呢間餐廳最出名係滑蛋，所以叫左個滑蛋蝦仁飯，價錢為42元。沒叫飲品，因為沒跟餐，要自己另叫。如果要加餸，可另加錢。**滑蛋蝦仁飯**炒蛋夠滑多蛋汁，蛋味夠燶好入口，同埋都幾多蔥下，令滑蛋更加香。蛋多飯少，份量算係適中 ，同價錢合理。如果下一次再黎食，會試下滑蛋叉燒飯 同 揚州炒飯。

[ #蛋控 ‼️| 係我食過最正既滑蛋飯 ]••今日係我既復活節假期最後一日🐣我決定要食好啲💪🏻呢間收藏左一段時間，今日終於的起心肝去試一試😋放假放到個人懶哂，聽日就要重啟我個工作mode啦🕹⋆ ⋆ ⋆ ⋆ ⋆🔹滑蛋叉燒飯($42)⭐️8.5/10一落單好快就有得食😍我餵飽手機之後個飯都仲好熱辣辣🔥塊滑蛋滑到完全係我意料之外！塊蛋真係好正啊🤤❤️叉燒份量算少，不過唔會太瘦👍🏻(我鍾意肥叉🙈)重點‼️平時啲滑蛋飯係後加葱，但呢度係溝埋葱一齊炒，令成塊滑蛋香勁多勁正😍當然，你唔鍾意既，可以走葱💁🏻‍♀️-📌總結: 樂香園已經取代旺記係我心目中既地位🏅-🔺豉油隨便自己加🐒🔺Lunchtime要排隊等位，要坐得比較迫😖

一直都好鐘情於傳統港式茶記，之前都有聽聞過依間滑蛋老字號店，近排終於的起心肝lunch hour去食。午飯時間雖然門口人山人海，但其實跟住隊排（唔洗拎籌）等大概10分鐘就有得入。環境有少少逼，搭台都係意料之內，落蛋既姨姨都做到無咩笑容，但ed都算係茶記既風味～雖然滑蛋系列可以揀拼叉燒，蝦仁或者牛肉（價錢一樣），但目測大部分人都係叫叉燒。落左單之後等左唔洗5分鐘就已經上齊：總結黎講性價比高，第二度都好難搵到有咁既質素但咁既價錢既滑蛋飯，十分期待下次再黎

本身諗住話中環人呢個term好似stereotype左或者imply左啲嘢 不過諗諗下中環佬其實都有個implication 所以都係講返個炒蛋飯先好耐無返中環啦 好不容易返個中環 同事話要食蛇竇 好呀 咁其實都無咩好講 蛋依然係炒到啱啱好可以包住啲飯咁食 叉燒炒得好鹹 lunch hour可能人多要炒得好快 覺得啲鹽未炒勻 所以我通常都唔落豉油 多蔥 一定要多蔥！ 去食個lunch都唔錯既 夠飽 等位通常都好快 45蚊一個飯唔貴啦 又唔會好難食 食黎食去都係咁既味 其實好好食咩 我又覺得還好 不過性價比好似okay 又唔會同你既expectation爭好遠

※本文以用餐當日的環境、服務和食物質素為準，口味亦因人而異，文章只作參考之用。-講到小妹在茶餐廳的碟頭飯至愛，必定非「滑蛋叉燒飯」莫屬！可惜香港茶餐廳的滑蛋飯大多是以粉加蛋煮成的透明蛋汁，蛋香欠奉，立即吸引力大減！想食到美味既滑蛋飯，除左大坑順興外，樂香園都係小妹心水之一。星期六中午專呈同男人去中環「樂香園（蛇竇）」食佢地既招牌滑蛋飯，男人想試好耐喇！對於樂香園小妹並不陌生，因為以前在上環的分店，正正就係小妹公司附近，周不時都會去食午餐，只是轉工後，分店都結業了，只剩一間總店在中環，而且收得較早（晚上七點），通常要放假轉程去食。星期六一點鐘去不到人流不多，輕鬆入座。餐廳位置不多，人流多時會坐得較迫，也少不了要搭枱；不過很多人密密食完就會走，翻桌率算快。餐牌上只有16款指定的碟頭飯可叫，仲有三文治、粉麵類和自家製的麵包等。不過以前有食過佢地既麵包同批類只覺一般，都係食返招牌飯好了！（沒套餐，全要單點）一人一碟滑蛋叉燒飯唔使爭，唔想食叉燒既話仲有蝦仁/牛肉揀，不過小妹都係覺得配叉燒係最夾最好食。滑蛋叉燒飯 $42滑蛋叉燒飯即叫即炒，兩碟飯好快就上枱。不再係芡汁滑蛋，鋪滿白飯上的係富蛋汁的炒

假日和老公去吃個早午餐，他提議到他喜歡的蛇竇，小妹記得多年前光顧過一次，當時還在蘭桂坊，味道已經很模糊。 小妹和老公大概12點來到，已經有三四個人在排隊，還未進去時呀姐已為我們下單，我們先點這裡著名的滑蛋叉燒燒飯，再點雞批。滑蛋叉燒燒飯果然名不虛傳，賣相juicy 滑溜，叉燒每塊都新鮮爽口，最重要的是要加這裡的甜豉油，令味道更鮮美。 雞批亦果然名不虛傳，批皮充滿牛油香，口感香脆，餡料豐富，除了雞肉，還有火腿及洋蔥，很有童年的味道！ 難怪這麼多人願意排隊等候了～

今天心癢癢想吃蛇竇的滑蛋飯，約一時來到機利文新街，只見人頭湧濟，餐廳外排了至少三十人。幸好在蛇竇吃飯的人都是快入快出，排了十五分鐘左右已可入座。這次並非首次到訪，因此馬上便點了個滑蛋叉燒飯多蔥。等了一會熱呼呼的滑蛋叉燒飯便來到面前，蛋呈半流質狀，口感一如既往的滑溜，多蔥加上少許豉油撈勻後真的好吃得不得了！叉燒偏瘦，味道不過不失；飯有點硬，但份量很多，男生也未必吃得完。這是我暫時吃過最好吃的滑蛋叉燒飯，而滑蛋絕對是整個飯的精髓，為了它我一定會再回來的🤤

約了在中環上班的朋友來個午餐, 地點由我來負責, 由於已遠離中西區太久, 只得從網站裡挑選我的心頭好, 看到這家門面很地道的餐室, 而且評分也不差, 我便約朋友到這裡飯聚.其實對於中環的上班族, 午餐確是個大難題, 要不就是使費很高, 要經濟的則要大排長龍.  是日我就體驗了後者,  暫時賦閒的我, 儘管已提早在12點半來到這間旁落在中環中心橫街的餐室, 卻發現門外已經聚集了一條不短的人龍.   看來這家餐室在這區應該具有不少人氣.   望上去很有舊式冰室的感覺, 在門口的玻璃窗後, 放有很多包點, 餐肉包, 菠蘿包, 雞批等等. 因為人太多且又是午飯時間, 所以這裡基本是人未齊是未可入座的.  在輪到我的時候, 因為友人還沒有來, 也只得在門外待著. 幸好店員也著我先在龍頭先等等, 待人齊後便即安排我們就座.  所以當友人一到, 我們已可即時進內了. 餐室有兩層, 不過都坐滿了食客.  我們在一張長檯的靠內坐下, 拿起餐牌, 有小食及飲料的餐牌和午市飯的餐牌, 在排隊時已聽到後面的人談到這裡最出名的是滑蛋飯, 便提議滑蛋叉燒飯及滑蛋蝦仁飯各來一客, 另加上熱奶茶及熱檸茶各一杯.  不

今日一早起身去到中環,唔知食乜諗諗下好耐冇幫襯就去咗中環比較出名嘅 "蛇竇", 入到去叫咗個早餐，好快便到驟眼看好似好細份，但食落都好飽， 先食過麭~佢D麵包 .雞批.什批....係最出名冇偷工減料夠飽肚🤗 ， 所以食咗個包都飽咗四成 ，佢個通粉係有間紋嗰啲通粉 ，其實我不嬲都唔係咁鍾意食有間紋嘅通粉，但係佢呢個通粉唔係烚到"林謝謝"嗰種，所以非常好食😋， 最後飲埋個香滑奶茶very good 😍 ! ! 臨走嘅時候順便仲買埋兩個有 有啲菠蘿味既菠蘿包回家慢慢歎~ (個人建議最好叮返熱嚟食)最後值得一提店內，還有一個鎮店之寶 ， 就係一位老闆伯伯坐陣喺收銀處，他風趣幽默， 與每位茶客都傾得好開心食飽都笑住走😂😂 ，🤣🤣🤣我都忍唔住笑咗出嚟~ 這真是充滿人情味的老店

平日好少去上環食野😆今日就去左呢個好多年歷史既茶餐廳，午飯時間出面排左好多白領，等左大概15分鐘就有位同朋友一人點左一個午市特價飯(一律$40)，分別係滑蛋叉燒飯同滑蛋蝦仁飯🍤，份量幾足，蛋又唔會太乾太水，將蛋拌在飯裡一起別真的很可口但蛋本身既味道就唔太夠，可能係預左你落醬油所以調味料落得唔多正在裝修的門口聽講呢到奶茶都不錯，但係午餐唔包飲品，要飲就要跟正價$17一杯，下次有機會再黎😚😚!

呢間嘢唔係第一次食，鋪頭細細但五藏俱全~今日口癮到，但又趕時間，就買咗兩個飯外賣走落單到拎到野食成個過程5分鐘搞掂，好有效率！一個係滑蛋蝦仁飯，一個係滑蛋叉燒飯。叉燒飯以前都食過，半肥瘦叉燒同滑蛋好配合，有肉汁既叉燒肉帶甜，同埋充滿青蔥香味既炒滑蛋一齊食，撈多幾碗飯都得滑蛋蝦仁今次第一次食，蝦仁數量唔算好多，有5-6隻，但係都幾大隻，同蛋既比例正常個飯我由鋪頭拎到打開都過左成半個鐘，但係d飯都有焗淋，可以keep到係乾身既，真係佩服！

今日Lunch想簡簡單單買外賣返公司食。突然好掛住好耐無食嘅「蛇竇」滑蛋叉燒飯，一於去會一會佢「蛇竇」喺機利文新街，每逢Lunch hour門口排好長龍向上面街尾伸延嘅就係嗰間！負責喺門口收銀嘅係老闆，多年來仍然中氣十足大大聲嗌入廚房幫我叫「滑蛋叉燒多葱多色」，「多色」係多鼓油，多賣記住要「多色」，否則就唔夠味返到公司，一開盒，仍然熱辣辣，滑蛋依然都係咁滑，叉燒好好味，加埋多葱多色，撈埋熱辣辣嘅白飯簡直係perfect match又簡單祭好了五臟廟