樂鐵板燒

以前從來未喺香港食過鐵板燒，皆因收費動輒過千，早前同男朋友六週年紀念日終於決定要去試吓 🤓 物色咗好耐最後揀咗 @rakuteppanyaki ，透過 OpenRice 訂位有 8 折（2022 全年都做緊呢個優惠）。由於限聚令停開晚市，揀咗下午 2:30 入座，雖然店面頗細同逼狹，但勝在食材新鮮，性價比夠高 👍🏻 想初嘗入門級鐵板燒，預算無咁高嘅朋友仔可以留意吓 ㊙️當日並無任何侍應駐場，主理鐵板燒嘅樂師傅兼任服務生，風趣幽默嘅對談同親切服務令人會心微笑 ☺️ 當時只有我哋兩位客人，一定要欣賞席前料理啦！ 一入座即送上兩杯花旗蔘茶，味道偏苦唔係我杯茶，但食到一半就明白，呢杯茶解膩一流 🍵 男朋友同我分別叫咗「北海道十勝黑豚肉松葉蟹」同「A3 和牛東洋卷」鐵板燒套餐，可惜松葉蟹無貨，師傅用咗全隻龍蝦代替 (+$100)，能夠一試佢哋嘅招牌海膽芝士焗龍蝦 🦞❝ 和風牛油果沙律香濃芝麻配日式醬油嘅味道，略嫌太油，帶點酸會更好 ❝花枝丸包海膽Q 彈花枝丸配薄脆威化餅，頗有創意嘅小食❝焦糖西京醬燒脆皮銀鱈魚魚皮分開煎至乾身好似薯片咁香脆，魚肉油脂豐腴富彈性 🐟 麵豉醬略嫌過甜，連埋肥美魚肉一齊食會有啲膩 🤧❝和牛芝士漢堡牛味濃郁，帶肉筋更有咬口，大阪燒醬汁加上熔化芝士片及木魚花，三歲到八十都會鍾意嘅配搭 😽❝柚子蜜廣島蠔是日 Top 3 🙌🏽 蠔肉撲上生粉慢煎，表面乾身唔油膩，咬落蠔汁四濺 🦪 柚子蜜嘅果香同蠔味好夾 😛❝迷你甜薯夾上棉花糖以火槍炙燒至半融化，香甜入心 🍠❝燒野菜南瓜及洋蔥慢燒至焦香腍甜，有淡淡牛油香 🧈❝海膽芝士焗龍蝦由於食完前菜已經飽飽哋，特別 Request 師傅整龍蝦兩食，一半用鹹香濃郁嘅海膽芝士醬 🧀 味道有啲似明太子沙律醬，雖然吸引但食多兩嚿真係有啲漏，而另一半用上海鹽同檸檬牛油簡單調味 🍋 男朋友同我都鍾意原汁原味，龍蝦鮮甜爽彈，仲有甘香蝦膏，建議大家都可以一次過試兩隻味！😋❝牛油果牡丹蝦十勝黑豚卷貌似好有新鮮感嘅組合，豚肉片包裹軟腍嘅牛油果 🥑 有種油上加油嘅感覺，淋上酸甜洛神花醬同爆珠，可惜整體口感唔太夾。❝和牛露筍瀨尿蝦卷牛肉雪花均勻，伴以爆珠及黑醋醬減低油膩感，BB 露筍爽嫩無渣 🤓 ❝時令特色炒飯將細細粒嘅和
牛肥膏慢火逼出油分，煎成金黃油渣，加入椰菜花碎增加口感，飯粒炒得乾身、粒粒分明 🍚 最後放上蘭王蛋，伴以橙黃蛋汁加倍濃郁 🍳 味道有啲淡，問師傅拎咗啲鹽同黑椒就啱晒。❝紙包花膠蜆湯將兩個膠袋直接放喺鐵板上加熱，原來係要將一早準備好嘅花膠湯煮滾 😯 厚實花膠煲咗十個鐘以上，腍到似棉花糖咁 😍 配料仲有白蜆，煮到半溶嘅海帶同南瓜，打造極致鮮甜，唔需要落鹽已經好夠味 😋👍🏻❝自家製甜品方包灑上砂糖，將牛油於鐵板上熔化，慢慢旋轉後變出一片甜而不膩嘅焦糖多士 🍞 多士邊香甜又脆卜卜，樸實無華卻令味蕾大滿足！🤤
💰 $600 p.p. (OpenRice 20% Discount)📍 樂Teppanyaki佐敦偉晴街29-37號騏邦大廈地下6號舖…查看更多

我們都鍾意食日本料理，之前放假一同享受一餐廚師發板鐵板燒😋這間日本料理鐵板燒餐廳，地方光潔明亮，店員細心的殷勤招待，感覺良好。時令前菜及沙律令人很開胃，燒完個米紙袋後的火焰海膽甲羅燒，極具特色，撈起下面啲蟹膏一齊食口感豐富😋燒鰻魚十分脆口彈牙😋十勝黑豚肉鐵板，連爆珠蜜桃一齊食，酸甜清新唔油膩😋燒野菜紫薯夾棉花糖有創意😋特色紙包花膠羊肚菌蜆湯，熱辣辣鮮味十足😋法式煎鵝肝配時令水果，鵝肝配紅酒蘋果亦相當清新😋十分滿足享受一餐豐富嘅晚餐😋…查看更多

今日同朋友黎到位於佐敦既哩間鐵板燒店。店舖入面有L型可以望到廚師製作食物既吧枱位置及兩張四人枱。餐牌上面有唔同既一人前鐵板燒餐可以選擇，提提大家喺OpenRice預先訂枱會有八折優惠～🍵一坐低，店員會先送上花旗蔘茶，可以解膩清熱～🔥 十八層海膽杯 一人前鐵板燒 $1388🔸時令前菜：大正櫻花玉子燒玉子燒口感有層次，嫩滑富蛋香。🔸時令沙律：沙角沙律及薯仔沙律🥗沙角爽脆，加上柚子絲，味道清新；薯仔綿密，配上青瓜絲及粟米，更添口感。🔸十八層海膽杯海膽杯用上高身既玻璃杯，好啱打卡📸️入面放滿唔同既魚生，包括海膽、黑魚籽、海葡萄、三文魚籽、松蟹、鮑魚、牡丹蝦、帆立貝、花膠粒、海藻等，味道鮮甜，材料豐富。🔸活龍蝦（兩食） 加$150轉全隻龍蝦有兩種烹調方法，第一種係餐廳招牌菜，海膽醬芝士焗龍蝦，芝士呈半溶狀態；第二種係龍蝦醬炒龍蝦肉，龍蝦醬用上龍蝦頭、龍蝦膏、海膽製作而成，龍蝦肉入口充滿牛油香及龍蝦膏既香味。🔸時令貝類：櫻花蝦蟶子皇蟶子皇上面係滿滿既櫻花蝦乾，蟶子質感爽彈，櫻花蝦乾非常香口。🔸時令海鮮：鐵板鰻魚鰻魚外皮燒得香脆，魚肉嫩滑少骨，加埋醬汁好好食。🔸肉類：荔枝豚肉卷荔枝加上豚肉既配搭非常特別，香甜既荔枝肉令豚肉食落去無咁油膩，清新一啲。🔸燒野菜拼盤燒野菜有六款，包括車厘茄、細粟米、棉花糖番薯仔、南瓜、茄子及蘆筍，細粟米同棉花糖番薯仔仲要額外再經過燒制。🔸 創作時令主食：炒飯用上日本蘭王蛋，呈現完美既流心效果，炒飯加上切碎既椰菜花同蔥花，能夠增添口感。🔸特色紙包花膠蜆湯哩個真係好有特色～用膠袋裝住啲湯，跟住放喺鐵板上面加熱，湯頭味道清甜，入面仲有海帶、冬瓜、花膠、冬菇同蜆肉，非常好飲。另加～🔸法式煎鵝肝配時令水果 加$368鵝肝大大舊，充滿油脂香，配有香脆既麵包及肉桂雪梨片，可以一解油膩感。🔸火焰海膽甲羅燒 加$298哩個真係超有視覺效果❗️廚師會即時點火燒甲羅燒外面嗰層紙，燒完之後見到滿滿既三文魚籽、海膽、蟹膏同蟹肉，撈勻左之後先再食，非常鮮味同足料～🔸甘味：海膽雪糕、綠茶缺餅配芝士蛋糕海膽雪糕味道特別，仲要加上爆炸糖，夠晒創新～…查看更多

前幾日同朋友一齊去食鐵板燒。一開始店員就奉上花旗蔘茶。十八層海膽杯（一人前）正價$1388，八折後$1110。沙律有薯仔沙律同埋沙葛沙律。沙葛好清甜，有柚子香。前菜櫻花蝦玉子食落甜甜地，帶啲櫻花蝦香味。海膽杯海膽杯有成十八層，分別有燒白飯魚脆片、黑魚子、北海道紫海膽、沖繩海葡萄、帆立貝、明太子沙律、牡丹蝦、北海道紫海膽、海膽魷魚、凍磯煮鮑魚、北歐花膠、藍鰭吞拿魚拖羅蓉、北海道粒貝、三文魚子、北海道紫海膽、北海道松葉蟹肉、北海道紫海膽，材料相當豐富。鮮海帶碎上面嘅海膽同魚片夾住食，之後海葡萄嗰層開始就倒落碟到食，啖啖都有唔同嘅材料，好正。龍蝦兩食 +$150一邊係用海膽醬同芝士焗，另一邊用左海膽牛油、龍蝦頭同龍蝦膏去煮，有兩種唔同風味。龍蝦食落新鮮彈牙，味道好味特別，係出面食唔到嘅味道。鰻魚塊皮燒得好脆，魚肉好嫩滑，充滿油香。蟶子皇上面有櫻花蝦同煙肉碎。食落鮮甜，有少少辣辣地，充滿牛油香。燒野菜有幾款野菜。茄子上面有木魚碎，食落有酒香。燒甜薯夾住燒棉花糖，棉花糖燒到流心狀態。仲有粟米筍、蘆筍、車厘茄、南瓜。荔枝豚肉卷用左十勝黑豚肉，包住荔枝。黑豚肉嘅肉味香濃，荔枝清甜，可以解膩。法式煎鵝肝配時令水果$368鵝肝煎得啱啱好，油脂豐富，內裏依然有肉質而嫩滑，配埋充滿果香嘅醬汁好夾。旁邊嘅淮山蓉壓成餅狀，食落軟糯煙韌，幾特別。另外仲有紅酒雪梨，帶有酒香而不嗆喉。火焰海膽甲羅燒$298三文魚子、蟹膏、蟹肉、黑魚子同埋洋蔥，撈埋一齊食充滿鮮味，味道同口感都好豐富。特色紙包花膠羊肚菌蜆湯好特別，成包一次過煮熱再原包上碟，好大包湯。入面好足料，有唔少花膠。炒飯好香好惹味，炒飯一粒粒炒得乾身。配埋隻煎得好靚嘅蛋，一食落去蛋汁流曬出黎，撈埋啲飯好好食。海膽雪糕好特別，食落仲有啲爆炸糖喺入面，又好似有啲芝士味咁，少少鹹鹹甜甜咁，幾好食。自家製橙味蛋糕幾清新，酸酸甜甜。抹茶蕨餅煙韌好食。…查看更多

為咗解決旅行後遺症，所以決定約朋友去食好嘢，扮自己去緊日本。。。😋十八層海膽杯Omakase $1388小砵：櫻花蝦玉子玉子口感剛好，唔會過老，食落甜甜地。小砵：沙葛沙葛十分適合做前菜，食落十分清爽開胃。沙律：明太子薯仔沙律薯蓉口感綿密，裡面仲有青瓜絲等等嘅配料，再配搭明太子，真係非常吸引。主打菜式：十八層海膽杯十八層海膽杯係我最期待嘅菜色！除咗有海膽之外，仲有其他唔同嘅海鮮，例如藍鰭吞拿魚拖羅蓉、北海道紫海膽、北海道松葉蟹肉等。所有海鮮都鮮甜無比，令人想一試再試！海鮮：海膽醬芝士焗龍蝦依道主菜都十分吸引，因為師傅將一隻龍蝦用兩種方法烹調。師傅先係將部份龍蝦加入白松露醬同埋芝士喺鐵板上面焗，然後將部份龍蝦加入海膽醬、龍蝦膏同埋自家製牛油炒香，未上菜都已經聞到香味！無論係邊種烹調方法，師傅都將龍蝦處理得好好，龍蝦肉十分彈牙！海鮮：蟶子皇依道海鮮除咗有滿滿嘅蟶子肉，面頭仲有櫻花蝦同煙肉。除咗食到蟶子嘅鮮味，仲有櫻花蝦同煙肉嘅香氣，而且食落仲辣辣地！海鮮：脆皮煎鰻魚兩塊鰻魚都大大舊！鰻魚表皮煎至香脆，魚肉滑嫩，配搭鰻魚汁味道香甜可口。肉類：荔枝豚肉卷師傅將豚肉包住荔枝，然後隔張牛油紙放喺鐵板上面，將豚肉燒至少少焦香。夾埋荔枝一齊食真係超juicy！食事：燒野菜食完肉類之後，師傅就上咗道燒野菜。車厘茄同菇都十分多汁，另外蘆筍同南瓜有牛油香氣。食事：炒飯炒飯粒粒分明，有松露香氣，將半熟蛋撈埋落炒飯到，真係超級滋味，唔使3分鐘我就食曬成碗飯！吸物：特色紙包花膠羊肚菌蜆湯蜆湯十分鮮甜，有花膠、冬瓜同埋大大隻蜆，好足料甘味：海膽雪糕第一次食海膽雪糕，味道甘甜，感覺十分特別！甘味：焦糖麵包師傅加入牛油同砂糖烤麵包，十分可口！法式煎鵝肝配時令水果 $368難得食好野，我地決定叫埋鵝肝嚟試下！依道菜擺盤好靚，除咗有鵝肝，仲有自家製淮山餅及水果。鵝肝大大塊，食落油脂豐富；淮山餅面頭有青檸汁，食落清甜煙韌；水果造型用心，亦都解膩。火焰海膽甲羅燒 $298雖然我地已經食咗好多海膽，但都係唔夠喉，所以決定叫多個火焰海膽甲羅燒！海膽依舊十分新鮮，下面嘅蟹肉、蟹膏、魚子撈埋後，食落有種淡淡嘅鹹香！…查看更多

翻到香港日日都好鬱悶，日日都好想去旅行😭。即然咁唔開心，就要食翻啲好嘢，我同朋友就決定食鐵板燒🤩！經朋友介紹，發現經openrice訂座，樂Teppanyaki有8折優惠，係一個好吸引嘅優惠！一嚟到，店員非常友善，立即斟上茶並且進行介紹。店舖提供嵾茶，杯裏仲有粒青檸，可以焗一焗先飲，味道甘甜暖胃。沙律明太子薯仔沙律：沙律裏有薯仔、青瓜同粟米，各款材料味道都好夾，沙律醬非常開胃。前菜沙葛：味道好似雪梨，口感爽脆、甜甜地。面頭仲有些少柚子皮，一齊食份外清爽。櫻花蝦玉子：玉子好juicy，帶甜味。主打菜式嚟到重頭戲！當然係依個十八層海膽杯，非常吸引！店員推介我哋先食面頭嘅燒白飯魚脆片、黑魚子、北海道紫海膽、牡丹蝦等食材，然後就可以將其他食材倒出嚟撈埋一齊食，更為美味。北海道嘅紫海膽品質非常好！佢味道甘甜清香、鮮甜，有一陣陣海水嘅鮮鹹味，質感creamy。另外，藍鰭吞拿魚拖羅蓉非常新鮮，鮮甜無比。北海道松葉蟹肉都好好味，蟹肉鮮甜美味，肉質軟滑。海鮮主菜方面，我哋額外加前升級咗做龍蝦（+$150）。一半係芝士海膽龍蝦，一半係龍蝦膏炒龍蝦。芝士海膽龍蝦面頭有好多芝士！龍蝦肉厚美味，質地彈牙。另外一半嘅龍蝦膏炒龍蝦較惹味，除咗龍蝦頭膏仲加咗自家製海膽牛油，食落好香。蟶子皇：好惹味，炒得好香。味道就辣辣地，蟶子皇爽口彈牙，一啲都唔韌。面頭仲佈滿煙肉同櫻花蝦，非常香口。鐵板脆皮煎鰻魚：魚肉好滑，加上薄脆嘅魚皮，食落好滿足。法式煎鵝肝配時令水果 $368兩塊鵝肝好厚，食落油香豐富，鵝油味滿溢。師傅仲將鵝肝表面煎到香脆，好好味！旁邊仲煎咗淮山打出嚟嘅漿，食落味道特別。時令水果提供咗梨。火焰海膽甲羅燒 $298甲羅燒面頭有魚子醬同海膽，下面就有滿滿嘅魚子、蟹肉同蟹膏。海膽一樣鮮甜，蟹肉新鮮，蟹膏味道濃郁香甜。肉類荔枝豚肉卷：第一次食夾住荔枝嘅豚肉！豚肉煎得好香。荔枝好甜好juicy，一咬落去爆汁。食事燒野菜：有南瓜、車厘茄、紫薯等等。紫薯本身就好甜，夾著綿花糖後更香甜。車厘茄好juciy，色澤靚。炒飯：炒飯用上蘭王蛋，飯粒金黃色，炒到粒粒分名，好乾爽。面頭仲一隻流心蘭王蛋，撈飯一流！吸物特色紙包花膠羊肚菌蜆湯：第一次見連膠袋咁樣煮滾，好特別。湯好清甜，有冬菇、蜆、花膠等材料。甘物焦糖多士：呢款多士好出色！見到師傅落咗好多牛油砂糖，多士食落非常香脆，帶點焦糖味。自製海膽雪糕海膽雪糕好特別，好creamy~…查看更多

近排見到好多朋友都去左呢間位於佐敦嘅「樂Teppanyaki」，見到朋友啲Post真係好吸引！😂於是前晚就同太太去試一試先😋果然無令我哋失望😬真係好正！無得頂呀！除咗嘢食正之外，服務仲好好👍一坐低店員就端上一杯花旗參青檸茶，又清新又潤喉！十八層海膽杯(一人前) $1388呢個十八層海膽杯顧名思義有十八款材料製作而成！無論打卡又好 味道又好 都係一流😋當中有好新鮮嘅海膽、好嫩滑嘅帆立貝 同埋 好彈牙嘅牡丹蝦😋 師傅再將其他嘅材料撈勻佢黎食，又係另一種食法🤤正！龍蝦🦞師傅用純熟嘅手勢就將龍蝦分為兩食😂第一食將小編最愛嘅芝士鋪上龍蝦面，然後將佢火炙，第二食就將龍蝦本身嘅膏用黎炒😋 龍蝦肉質鮮嫩彈牙！真係令人食唔停口🤤櫻花蝦蟶子皇蟶子非常大隻，又彈牙又厚肉！亦都好鮮😋鰻魚燒到魚皮脆身，而魚肉仲係好嫩滑😋豚肉荔枝串荔枝非常甜又多汁，夾埋啲豚肉，味道岩岩好！中和左個口味😋蘭王蛋炒飯炒飯吵到粒粒分明，而且配埋蔥花，仲有出名蛋味香濃嘅蘭王蛋一齊炒！香到不得了！好味😋花膠羊肚菌蜆湯非常之足料！蜆肉有大隻，個湯好鮮味😋野菜拼盤有5款嘅野菜：包括南瓜、蘆筍、木魚茄子、車厘茄同埋紫薯夾棉花糖，好豐富☺️火焰海膽甲羅燒 $298呢個賣相真係無得輸！而且印象非常深刻，因為一上枱店員就用火燒面層嘅紙，好有華麗登場嘅感覺！而蟹蓋入面嘅材料有蟹肉、蟹膏、三文魚籽、海膽同魚子醬！每樣都鮮味十足！就好似超級武器霸王攞你命3000咁！每樣都係獨當一面！😝法式煎鵝肝配時令水果 $368鵝肝大大塊！甘香可口，用上淮山餅 配 鵝肝，而配碟有紅酒燴梨 同埋 藍莓🫐爆珠，食完都唔會覺得漏！中和返個口感😋最後當然唔少得甜品啦，有海膽雪糕 同埋 餐廳自家製嘅芝士蛋糕 配 抹茶蕨餅🤤P.S. 大家記得要訂位呀！經OpenRice 訂位，套餐仲有8折優惠呀！😬…查看更多

我和先生訂了七點，提早到了，是為了慶祝結婚周年紀念7:30 才吃前菜 ，普通玉子和 打邊爐的海膽丸，玉子燒好吃 ，事後才知道，我們點了兩個餐這就是不同的前菜 🤔🤔🤔 8:15 海鮮龍蝦 ， 啖啖肉，因為見龍蝦在鐵板上不會動，所以先生出口問是否急凍的，師傅就黑着面回答，急凍會收這個價錢嗎？😳😳😳😳 味道一般 ，要飲水有點鹹 😰9:30 牛肉 ，太多黑椒定胡椒粉，有點（攻）😥10:00 甜品 海膽雪糕 我當堂嚇一跳原來得啖笑🤭🤭🤭唔知食緊啲乜，雀x 仲好食過10:30 上飯和（紙包湯）？炒飯太干丶膠紙袋湯少飲為妙 😨😨 總括 ，被這些好的🤯食評吸引☹️ ，這餐飯中最吸引的是可樂，因為夠凍！😎😎 $2000加一 就不要了❌❌❌ 只值＄500 …查看更多

🎵樂Teppanyaki 最近每天都在倒數中，好久沒有出現過的期待感終於又回來了～在之前當然要繼續我的『自己阿媽自己養肥計劃』😂😂🥗沙葛沙律 & 薯仔沙律。爽口清新帶點柚子味。🦪岩手縣蠔。很厚肉又大只，可惜是微微帶腥🍹十八層海膽杯。這絕對是來這家的原因之一，打卡一流～海膽杯用了18款食材製作而成，最頂插著一片燒白飯魚脆片，往下有：魚子、紫海膽、海葡萄、帆立貝、海膽魷魚、牡丹蝦、吞拿魚拖羅蓉、粒貝、三文魚子、葉蟹肉、海帶等等，食材多樣性又豐富～🦞活龍蝦。有兩種食法，前半會起肉以龍蝦的蝦頭膏炒，後半就加入芝士火炙，龍蝦肉質彈牙，個人比較喜歡濃濃既龍蝦頭膏炒的口味🦀火焰甲羅燒。打卡必點食物之一，上桌時要準備好手機，店員一點火燒完就會看到裡面的蟹殼，味道也是算不錯，不是一般的只有觸膏醬，而是加入了魚子醬、蟹肉、海膽、三文魚子、洋蔥等等拌勻，口感豐富🌸櫻花蝦炒蟶子。夠新鮮就爽彈 🥬燒野菜：白茄子、夾著綿花糖的紫薯仔、南瓜還有在裝是車厘子的小番茄🐷日本十勝黑豚厚燒。充滿油脂香的豚肉燒到微微焦脆，還有幾粒爆珠點綴 🍚蘭王蛋炒飯。先把煎蛋篤穿，把蛋汁跟飯拌勻吃是基本吧？飯夠乾身，吃到這我還可以整碗都放進肚子🐚特色紙包花膠蜆湯。有大蜆、花膠、花菇海帶～🍨海膽雪糕。第一次吃…還加了爆炸糖咸咸甜甜，不是說不好吃，就…太特別😂 💲約Hkd 800@人 🏡九龍佐敦偉晴街29-37號地下6號舖2885 8955 / 2885 8278 / 5271 9893 (WhatsApp)#打卡美食 #日本料理 #佐敦美食 #佐敦 #鐵板燒 #香港鐵板燒 #hkteppanyaki #teppanyaki #海膽 #九龍美食 #hongkongfood #hkinfluencer #hkkol #kolhk #foodiehk #hkfoodie #hkblogger #bloggerhk #hklifestyle #foodphotography #foodporn #foodstagram #Instafood #香港美食 #美食分享 #美食推薦 #美食日記 #相機食先 #美食攝影 #poyeefoodie…查看更多

這間位於佐敦的鐵板燒，其招牌菜十八層海膽杯經常在IG洗板，最近發現Openrice 訂座原來有八折，急不及待立即訂座試試。一坐低先來一杯花旗蔘桔仔茶，清一清味蕾，同時可以解膩解熱氣，非常貼心。十八層海膽杯(一人前鐵板燒) $1388🔸時令前菜🦋大地櫻花蝦玉子燒熱乎乎軟綿綿，表面燒到有少少脆邊，蛋香味甜。🔸時令沙律🦋沙葛沙律配上柚子汁，非常清新。🦋薯仔沙律，薯仔口感軟綿，混入了粟米粒及青瓜絲，增加口感。🦋十八層海膽杯餐廳鎮店打卡必點菜式，高挑的玻璃杯，裝滿了各種刺身及食材，色彩繽紛。海膽杯用了18款不同食材，材料豐富，包括海膽、黑魚籽、海葡萄、三文魚籽、松葉蟹、鮑魚、牡丹蝦、帆立貝、花膠粒、海藻等，每款都鮮味十足，令人百味交集。🦋活龍蝦 (+$150)額外加了$150轉一隻龍蝦二食，一食海膽醬芝士焗龍蝦，海膽醬加上半溶芝士包住粒粒龍蝦球，吃得非常「芝」味。二食是龍蝦膏炒龍蝦球，師傅運用原隻龍蝦頭膏的精華炒龍蝦球，龍蝦球肉汁豐富，龍蝦味盡顯，香口惹味。🔸時令貝類🦋櫻花蝦蟶子皇蟶子皇肉厚鮮甜，牛油味勁濃，上面加上海量櫻花蝦，帶來雙重口感享受。🔸時令海鮮🦋鐵板脆皮煎鰻魚師傅利用鐵板壓平鰻魚燒，鰻魚皮燒得好脆，魚肉嫩滑，吃不到細骨。🔸肉類🦋荔枝豚肉串荔枝中和了豚肉的油膩感，咸甜交集，味道好夾。🦋野菜拼盤擺盤賣相吸引，一共有六款燒野菜，包括露荀、南瓜、茄子、日本蕃薯仔、粟米仔及車厘茄，其中日本蕃薯仔夾棉花糖，創新有驚喜。🔸創作時令主食🦋蘭王蛋炒飯炒飯粒粒分明，配上蛋味香濃的流心蘭王蛋，拌飯一流。炒飯加入大量椰菜粒，增加口感之餘，亦顧及健康口味，值得一讚。🦋特色紙包花膠蜆湯湯用袋裝住再放上鐵板上加熱，湯底足料，鮮味濃郁。🦋法式煎鵝肝配時令水果 $368大大件的鵝肝，重本之作，口感外脆內軟，入口即化，脂香豐脥，配搭肉桂雪梨，減輕油膩感。🦋火焰海膽甲羅燒 $298一道滿滿儀式感的菜式，店員會在食客面前點火燒著包住甲羅燒的紙，造成火焰效果，令食客看得入神。甲羅燒非常足料，豐厚的海膽山下面，有超多蟹肉、三文魚籽、洋蔥粒，最底是海量的蟹膏，再用黑魚子作點綴，啖啖散發著濃郁的海鮮味道，餘韻悠長。🔸甘味🦋初嚐海膽雪糕，味道非常特別。🦋芝士蛋糕配抹茶蕨餅…查看更多

📍樂 𝐓𝐞𝐩𝐩𝐚𝐧𝐲𝐚𝐤𝐢 - #YFF佐敦 💎【鮮味十足‼️ 足料十八層海膽杯🇯🇵 極飽肚抵食鐵板燒】月頭出糧心癢癢想食餐好啲嘅獎勵下自己，喺ig見到唔少人大推呢間高質豐富嘅鐵板燒omakase，主打各種以日本直送食材炮製嘅創意燒物，估唔到真係豐富到捧住個肚走😋 ❝十八層海膽杯Omakase❞ — $1388⧐ 季節沙律 - 薯仔沙律、沙葛沙律⧐ 是日前菜 - 櫻花蝦玉子燒⧐ 招牌菜式 - 十八層海膽杯賣相超吸睛，用咗一個長身嘅高腳玻璃杯裝住，各式材料層層分明。海膽採用時令當造嘅北海道紫海膽，新鮮甘甜，完全冇腥味。各層層放上來自日本的各種新鮮用料，包括來自沖繩嘅海葡萄、北海道嘅粒貝及松葉蟹肉，以及燒白飯魚脆片、帆立貝、櫻花魷魚等。店員建議我地將海膽杯倒落碟到拌勻食用，入口柔膩，各種食材喺口中鮮味爆發。⧐ 招牌菜式 - 火焰海膽甲羅燒 ($298)喺傳統甲羅燒上加上新鮮日本產海膽，並喺火焰中登場，吸睛力十足🤩 日本松葉蟹肉鮮嫩甜美，混合濃郁蟹膏，表面放上三文魚籽、海葡萄同埋黑魚籽，鮮味突出滋味十足。⧐ 季節海鮮 - 活龍蝦 (+$150)餐廳選用原隻新鮮澳洲龍蝦🦞 臨煮前仲好生猛跳跳紥！師傅推介龍蝦二食，第一個做法係海膽醬芝士焗龍蝦，舖上自家製海膽醬同埋拉絲芝士烤焗，蝦肉鮮嫩彈牙，芝味十足(⁎⁍̴̛ᴗ⁍̴̛⁎) 另一個做法就係以龍蝦膏海膽牛油醬爆炒龍蝦，龍蝦肉吸收晒龍蝦膏精華，食落鮮味濃郁，惹味中帶鮮甜。兩個做法都偏濃味，啱晒重口味嘅朋友🤤⧐ 季節海鮮 - 柚子生蠔呢道菜用上日本廣島生蠔，蠔肉飽滿，蠔味濃郁。師傅先將廣島蠔兩邊煎至金黃，以留住蠔肉鮮味，亦能保持肉質爽脆幼滑。上碟前再淋上自家製蜜糖柚子醬，食落香甜開胃，簡單果香帶出廣島蠔嘅甘香。⧐ 季節海鮮 - 脆皮煎鰻魚平時食開嘅鰻魚做法都係蒲燒，鐵板香煎真係第一次試～ 師傅會將鰻魚皮同肉分開處理，並以慢火煎30分鐘以上。呢個做法嘅可以將魚皮煎至香脆可口，魚肉亦能保持厚實肥美，肉質食落嫩滑彈牙又多汁。⧐ 日本十勝黑豚厚燒 配 白桃分子料理選用來自北海道十勝數量矜貴嘅黑豚豬，更特別選用梅頭肉部位，肉質鬆軟。用鐵板燒過後濃郁肉香撲鼻而出，肥瘦均勻的油脂分佈帶來彈牙肉感。⧐ 季節野菜包括棉花糖甜番薯、芝士醬粟米芯、西京燒茄子、鹽燒蘆筍、南瓜、車厘茄。其中最特別係棉花糖甜番薯，估唔到兩者係咁夾，好似食緊甜品咁😍⧐ 廚師創作菜式 - 蘭王蛋椰菜花炒飯炒飯用咗日本棚田米作為飯底，特性係粘性強，質地鬆軟。師傅炒飯前先將蛋汁與白飯拌勻，每粒飯都被蛋汁完美包裏，望落金黃剔透，而且乾身飽滿，非常有咬口。師傅炒飯時只會輕輕翻炒，以免破壞米粒完整度，所以保持到炒飯粒粒分明，食落非常鬆軟。另外加入左椰菜花碎，增加口感之餘仲健康啲添😋表面再加入一隻蘭王荷包蛋，蛋黃色澤光亮，蛋香非常濃郁。⧐ 吸物 - 特色紙包花膠羊肚菌蜆湯呢個湯非常真材實料，以龍蝦殼、花膠同埋蜆熬煮，再加入時令蔬菜，提升晒成個湯嘅鮮甜層次。最得意嘅係師傅用咗耐高溫玻璃紙黎密封烹煮，呢個做法可以大大減少食材中礦物質同埋維他命嘅流失，同時仲可以充分地將花膠同埋海鮮嘅鮮味完美融合埋一齊👍🏻⧐ 甜品 - 海膽雪糕海膽味嘅雪糕真係第一次食，入口好creamy，估唔到真係食到有海膽蓉，好有驚喜！海膽同埋蟹子嘅鮮甜混合爆炸糖嘅甜味，味道有層次，口感超得意😜…查看更多

吃鐵板燒，除了食材優質上乘之外，，由經驗豐富的師傅即時烹製，大顯廚藝，味覺和視覺都是一種享受。這晚2人同行到了佐敦的樂 Teppanyaki 晚餐 , 有幾款鐵板燒套餐，價錢 $688 至$1388 (1人前)，下午 2-3 時套餐7折,其他時間套裝8折優惠，相當超值。  選了有 18層海膽杯 的套餐。另加 2個菜式。花旗蔘青檸茶~店員先端上一杯花旗參茶加青檸，清新潤喉又寧神。$1388 套餐 (1人前) ~時令前菜~櫻花蝦玉子 -蛋香濃郁的玉子燒，加了櫻花蝦，陪點鹹鮮味，口感更有層次。岩手縣海膽 - 以花形夾餅盛著，看似甜品，原來內有乾坤。墨魚汁外皮包著海膽，咬一口，變成流心海膽丸。時令沙律~豆腐沙律 - 豆腐配翠綠的水松菜，豆味濃郁，加上甘筍、蛋絲和芝蔴，更添色香。薯仔沙律 - 薯仔蓉軟滑，內有粟米和青瓜，鋪上明太子，鮮味又有咬口。主打菜式 - 18層海膽杯~最吸晴的打卡菜式首推18層海膽杯。以高身長杯盛載著15種新鮮魚生和食材，做成這色彩繽紛的主打菜式。18層當中有4層是北海道紫海膽，海膽控無法抗拒這誘惑......。北海道紫海膽外，還有燒白飯魚脆片、黑魚子、沖繩海葡萄、帆立貝、明太子沙律、牡丹蝦、海膽魷魚、凍磯煮鮑魚、北區花膠藍鰭吞拿魚拖羅蓉、北海道粒貝、三文魚籽、北海道松葉蟹肉、鮮海帶碎。 豐富華麗，一次過滿足了18個願望。海鮮~活龍蝦 全隻+ $150 (兩食) -活龍蝦大隻厚身，啖啖肉，鮮甜爽彈。分為兩食：一食) 以龍蝦膏燒龍蝦，味帶鹹香，令人驚喜!二食) 海膽芝士燒龍蝦，鋪上水牛芝士，原隻焗燒再火灸，芝味濃郁。時令貝類 - 以海膽醬炒蟶子皇，鮮甜又惹味。時令海鮮 -鐵板燒鰻魚外皮很香脆，魚肉鮮甜嫩滑，多汁又有魚油香，非常美味，超贊！肉類~十勝黑豚厚燒 - 以十勝黑豚肉捲著露筍、 瀨尿蝦、牛油果，黑豚肉燒得金黃微焦，香口卻保持軟嫩多汁，一口可吃到幾種食材，配搭得很好。伴以多粒蜜糖爆珠，不只是點綴，爆開後蘸點蜜糖，甜甜蜜蜜更美味。食事~創作時令主食 : 白松露蘭王蛋炒飯 -炒飯乾爽，加了蘭王蛋漿，鮮黃色的飯粒在熱騰騰的鐵板上跳動，活力十足。加入大量白松露，變得份外矜貴。再鋪上蘭王荷包蛋，色香味滿分。燒野菜- 多款蔬菜包括: 南瓜、茄子、蓮藕、粟米芯、插了蘆筍的櫻桃茄、紫薯中間夾著棉花糖。燒得美味，擺盤精緻。吸物~特色紙包花膠羊肚菌蜆湯- 竟然以透明的盛著靚湯，放在鐵板上加熱，每一道菜式都在客人面前展現師傅的廚藝，有花膠、羊肚菌和大蜆，滋潤心肺。湯頭十分鮮甜，原來用了剛才的龍蝦頭熬製， 不用放鹽。火焰海膽甲羅燒$298~這甲羅燒特别貴氣，除了蟹膏和蟹肉外，還加了海膽、黑魚籽和大大粒的三文魚籽。豐富得幾乎滿瀉，美味爆燈!法式煎鵝肝配時令水果 $368 ~法式煎鵝肝，甘香可口，以燒淮山餅代法包，美味又配合。 伴以紅酒燴梨，和藍莓爆珠， 以香甜的水果作結，完美滿足。以海膽為主題， 穿插於多個菜色，一頓非常豐富美味的鐵板燒餐。樂Teppanyaki佐敦偉晴街29-37號騏邦大廈地下6號舖+852 28858955…查看更多

𖦥𖡆𖥧..👹創意鐵板燒💯樂TEPPANYAKI ..𖥧𖡆𖦥ꔛ‬☆*ﾟ(๑⃙⃘´ಲ`๑⃙⃘ )=͟͟͞͞ ᵏ ⁱ ⁿ ᵒ ᵏ ᵒ ꕀ ᐝ˓◞˂̵✧自從人生食咗第一次鐵板燒真係返唔到轉頭🙈今次想同大家分享佐敦《樂》鐵板燒！呢度板燒真係勁創新！勁有諗頭😍🔥𓆸 ॱଳॱ ⸜ ̠ꌇི͚̠⸝ 𓌉◯𓇋 ‎⸝⸝⸝ 𓎩 ⸝⸝ 𓌈˒˒* ⸜ ̠ꌈྀ͚̠⸝🪢人參茶加青檸🪢🍵酸酸澀澀，暖心的茶💕🪢薯仔沙律🍃沙葛🪢➖薯仔沙律🥗好似薯蓉咁😍仲有粟米粒爽脆口感➖沙葛🫘口感清涼爽口💯🪢生蠔🪢🦪肥美嘅生蠔～爽滑的口感，飽滿的汁水🪢十八層海膽杯🪢👍🏻👍🏻👍🏻杯裡有十八種各式各樣嘅食材🍃包括北海道紫海膽、松葉蟹肉、三文魚子、帆立貝、藍鰭吞拿魚拖羅蓉、凍磯煮鮑魚、櫻花魷魚、牡丹蝦等等～打完卡之後直接到出嚟攪勻食！口感層次十分之豐富滿足😍🪢龍蝦🪢👍🏻👍🏻👍🏻一隻龍蝦兩種食法🔥🦞龍蝦膏抄炒龍蝦肉香濃鮮味💕超級喜愛🦞海膽醬芝士龍蝦海膽醬芝士龍蝦，淡淡都係肉，芝士滿滿😍🪢鐵板燒鰻魚🪢魚皮燒到脆卜卜～٩(˃̶͈̀௰˂̶͈́)و🪢櫻花蝦蟶子王🪢蟶子王啖啖肉～爽口彈牙❤️‍🔥聖子上面仲有櫻花蝦🦐口感香且美味🪢海膽甲羅燒🪢👍🏻👍🏻👍🏻創意嘢又來啦！！店員會喺你面前燒紙仔🔥好似隆重出場咁😂甲羅燒即刻完美呈現係面前🙈超唯美！蟹肉、蟹膏、三文魚籽、海膽同魚子醬係我食過最特別嘅甲羅燒❤️🪢枝豆🪢枝豆灑上海鹽🍃爽甜配上鹹香味道👍🏻👍🏻🪢豚肉荔枝串🪢開頭諗住食咗咁多嘢飽飽地仲要有舊肉？好飽啊原來師傅將荔枝夾咗喺豚肉入面💯超級甜～豚肉口感同時升級😋🪢炒飯🪢蘭王蛋配白松露😆omg!勁香，然後蛋黃流心飯真係冇得頂，同大家講個秘密，我唔係好食松露但呢個飯亦都唔反感👍🏻幾好～🪢燒野菜🪢有南瓜、露筍、木魚茄子，車厘茄🪢花膠羊肚菌蜆湯🪢新鮮熬製👍🏻好搞笑用個袋煮湯🤣❤️個湯好鮮甜💯🪢甜品🪢最後甜品係用燒蜜糖燒甜包一不小心比我食鬼晒😂勁好食😋➿〰️•〰️•〰️•〰️•〰️•〰️➿🔥好有創意的鐵板燒大家記得去OpenRice訂枱有八折！差不多等同送甲羅燒俾你😋🍃🍃十人面海膽杯（一人前）$1388🍃加龍蝦 +$150🍃 火焰海膽甲羅燒 $298༶•┈┈┈┈୨♡୧┈┈┈┈•༶˒˒✩⃝̣⃝̣⃝̣⃝̣⃝̣⃝ͯ⃝ 🔖 樂TEPPANYAKI ≋ ≋ 佐敦偉晴街29-37號騏邦大廈地下6號舖₊˚· ७── ⁼³₌₃ (⁎⚈᷀᷁ᴗ⚈᷀᷁⁎)如果鍾意我嘅分享記得fσℓℓσω me ◡̈ ‎ ༘…查看更多

家姐最近返新工，想有小小儀式感，我訂左佢最愛吃既鐵板燒，一於食餐好既🤭呢到地點好方便，柯士甸地鐵站行4分鐘就到達，餐廳環境算寧靜同舒服，一坐底店員就會倒茶，最有驚喜係人參茶+青檸🍵 酸酸苦苦既口感好解膩，感受到餐廳的用心♥️☆－:+:－:+:－:+:－:+:－:+:－:+:－:+:－:+:－:+:－☆❥前菜🥔薯仔沙律薯仔沙律加埋粟米同青瓜絲 ，好鐘意❥前菜-沙葛口感好似爽脆既雪梨，清涼爽口，特別開胃❥十八層海膽杯-必點！餐廳招牌菜🫶🏻高身長杯內放滿十八種各式各樣嘅食材 包括北海道紫海膽、松葉蟹肉、三文魚子、帆立貝、藍鰭吞拿魚拖羅蓉、凍磯煮鮑魚、櫻花魷魚、牡丹蝦等等 面層有燒白飯魚脆片香脆可口，加埋海膽一齊食，口感非常豐富！ 鮮味十足，師傅既用心之作 大力推薦🫶🏻❥龍蝦兩食先將新鮮龍蝦起肉，一半用來炒龍蝦膏，龍蝦尾就火炙再加入香濃芝士食，龍蝦肉質彈牙，好鮮味爽口，我突然鍾意食龍蝦膏炒的做法🤭濃濃既蝦膏，非常邪惡😂❥鰻魚 魚身皮脆肉嫩，第一次食到咁脆既魚皮，加埋鰻魚汁，正！❥櫻花蝦蟶子蟶子夠大隻， 肉厚彈牙，上面鋪滿左師傅條仔過既櫻花蝦🦐鮮味十足！❥海膽蟹蓋呢個蟹蓋成為全晚我最有驚喜而且印象深刻的一道菜，店員一上枱就會火燒面層既紙，拍完片自己都睇幾次😂裏面有啖啖既蟹肉、蟹膏、三文魚籽、海膽同魚子醬，濃濃的蟹膏，味道口感好豐富，太邪惡了吧🤓❥燒野菜有南瓜、露筍、木魚茄子，車厘茄，最喜歡小紫薯夾棉花糖😝好特別 。❥豚肉荔枝串意想不到地夾，荔枝嘅甜，多汁，頓時覺得豚肉唔太漏，前段食咗太多邪惡野，荔枝平行左油膩感👍🏻❥炒飯見到蘭王雞蛋已經知好西，原來真係好飽，但炒緊聞到好香，食落去竟然有黑松露味，搞到我不停追住食🤭蘭王煎蛋吉穿佢啲蛋黃汁流晒出嚟，橙黃色既蛋黃撈埋炒飯，不得了！❥特色紙包花膠羊肚菌蜆湯自家制每日新鮮熬製既湯， 好清甜， 仲有花膠添👍🏻…查看更多

💛🤎🧡隱世海膽鐵板燒🔥雖然係隱世Teppanyaki，但依間餐廳嘅海膽杯真係好岀名🤣賣相層次分明又豪華！越望越想食🤭Bookmark 咗一段時間，咁啱見到有8折優惠😳緊係要去try try！餐廳環境唔大，分咗鐵板燒區同埋普通座位區💕店員安排我哋坐喺鐵板燒區，望住廚師燒嘢食真係特別有食慾🤭落單嘅時候，店員都有講返餐牌未更新，會有點樣嘅安排(依點值得一讚)❣️18層海膽杯❣️ $368店員建議先將頂層海膽放上燒白飯魚脆片，一口品嚐🤤餘下嘅就撈埋一齊食，口感豐富！18層順序應該有(有錯請指教)👉🏻燒白飯魚脆片、黑魚子、北海道紫海膽、沖繩海葡萄、帆立貝、明太子沙律、牡丹蝦、北海道紫海膽、海膽魷魚、凍磯煮鮑魚、北歐花膠、藍鰭吞拿魚拖羅蓉、北海道粒貝、三文魚子、北海道紫海膽、北海道松葉蟹肉、北海道紫海膽、鮮海帶碎🫶🏻18層有18層滋味，食完好滿足好幸福🤭❣️火焰海膽甲羅燒Omakase❣️ 一人前 $888🤍小缽🤍 時令前菜柚子沙葛-酸甜清新，口感爽脆💛沙律💛 時令沙律薯仔沙律-口感細緻之餘帶有青瓜絲💚日本生蠔💚肥大飽滿，入口順滑 新鮮有海水味🌊🧡招牌菜式🧡火焰海膽甲羅燒-上菜嘅時候有變魔術嘅感覺，甲羅燒內容物豐富🦀蟹膏、蟹肉、海膽鮮味十足💙鐵板海鮮💙櫻花蝦蟶子皇-櫻花蝦帶鹹香，令蟶子鮮味突岀鐵板燒鰻魚-鰻魚皮焦香脆口，肉質結實且滑🤎鐵板肉類🤎日本十勝黑豚厚燒-肉味香濃，厚切更能增加口感❤️食事❤️燒野菜-每件野菜都被鐵板伺候過，焦香味撲鼻創作時令主食蘭王蛋炒飯-橙黃色蛋黃增加食慾，蛋液香而濃 配飯一流🖤吸物🖤特式紙包花膠羊肚菌蜆湯-內容物豐富，湯底清徹但鮮味滿滿🧡甘味🧡 自家製時令甜品海膽雪糕-味道特別，有顆粒感亦有海膽軟滑口感依間餐廳都幾隱世，因為佢要入到小街先搵到😳餐廳門面又低調，好易走漏眼😂(我將門面相放係尾圖，大家可以留意返) BTW記得save post，方便向店員查詢有關菜式啦❣️📍樂Teppanyaki📍佐敦偉晴街29-37號騏邦大廈地下6號舖…查看更多