樂湯雞麵館 (白楊街) (已搬遷) 新店位置

一擺上檯，衹可以用嚇佐一跳嚟形容，收$52嘅出品會唔會太求其佐D，本來都無期望過會與圖片相符，但呢個真係太令人失望啦，可能招牌什麼雞煲翅粉麵可能會好D掛，反正一定唔會再幫襯😅😅

絕對唔推薦嗌左雞湯翅刀削面同雲吞雞新竹米粉，上果陣已經嚇親，同張圖差好遠。雞係冰鮮雞味，無味道，翅得3塊，雲吞2粒，係靠d辣辣油先食得晒碗面，個湯底係好有心機，但overall都係似朝早早餐既雞絲米粉，唔值$62咁貴。。。。。。。。。。。。。。。。。。。。。。。。。。。。。。。

上網見介紹這間雞湯翅，看似幾吸引，天氣涼涼地，最啱食，決定來試下。位置其實都頗為偏僻，不太顯眼，但去都已有人龍要排隊。原來都不少人知道這間隱世店，專程來食呢！幸好，不算等太耐，舖面比想像中大些，都算不太坐得太逼。全店主要都以雞為主。來到當然試下人氣既砂鍋雞湯翅啦，見加$20還可再配多碗粉絲，碗粉絲都係雞湯底的，好入味個湯好清甜，飲完好舒服，雖然係冰鮮雞，但肉質好嫩。再黎試下藥膳醉雞配新竹米粉，都不錯，好滋補。再配碟小食~醉鴨舌，都幾大碟下。價錢都幾大眾化，幾抵食。

係網上見到呢間麵店都好多正面評價，咁岩又係附近，於是就去試下啦間鋪位置就唔算好開揚，係基隆街近界限街交界位，而店內面積唔大，裝修簡約帶點懷舊，間麵店主打係食雞，餐牌都好簡單只有幾款，我就選左個砂窩雞湯翅等左約十分鐘左右，店員成煲送上枱，熱辣辣兼充滿雞湯香味，個湯真係好熱，真係要小心辣親，個湯非常濃味鮮甜，真係睇得出真材實料，落左好多心機落去，將雞味索哂入湯底內，而雞件份量都唔算少，肉質嫩滑，再配埋米粉真係一流

天氣還清涼 去吃碗熱騰騰麵食最適合不過從地鐵出口走過去 尚算易找穿插數條街便到 店外亦有位子供選擇街坊裝修 但很整潔 寬落 不會與其他食客擦背脊😆😆(對我來說很重要)上菜只需等一會 家庭式作業食物方面 👍🏻👍🏻👍🏻👍🏻👍🏻醉豬手 不油膩 爽彈口感醉雞 (酒味很香 )藥膳湯底令人很舒服 不會嗆口感覺很滋補!!!整碗都扒光了親民價錢 二人二百蚊已可落樓見出面陸續有人等位 快快吃完給其他人享用值得回頭的街坊小店

行經見到呢間野個名幾盞鬼，野食又幾啱我，夠養生，梗係要試試佢。見到餐牌主要係依湯麵同雞既唔同配搭。見到「藥膳」兩個字即刻狗衝藥膳醉雞配刀削麵。藥膳醉雞配刀削麵($52): 個湯好濃藥材味，入面都撈到唔少桂圓之類既料，果然係冇味精，真材實料!個雞就份量細左D，但勝在酒味好入味，配埋個藥膳刀削麵，好味!不過個刀削麵既麵質一食就食得出係坊間買果種普遍麵質，因為同之前係第二間食既差太遠，不過人地都冇話係自家製刀削麵，所以係我諗太多..由佢~~朋友既砂窩雲吞雞飯: 試左淡湯，好濃味，仲有金華火腿添呀，內附兩粒雲吞。朋友話好味~總括黎講，野食既味道係好既，不足係雞既份量較細同埋坐位較迫夾。可以Encore~

天氣凍凍地，午餐走左去太子食雞煲米線。個湯底仲有金華火腿。四五十蚊仲想點。。雞件的分量仲好多。除左雞煲外，仲有醉雞呀口水雞之類。。。醉豬手同小食都好正。。因為太為食唔記得影底。。。但真係好贊嫁。

I love this joint as they specialize in Chicken.There are so many options on the menu but basically it revolves round the herbal broth or the wine broth.I got the rice vermicelli in herbal chicken broth which had a brilliant herbal taste but lacked the taste of chicken so I always order the chicken broth and the herbal broth and then mix them together.As well as rice vermicelli they have knife cut noodles as well.The menu prices seem to differ on openrice so I wonder if the menu is different for

腳傷休養在家無得出街食飯，屋企人話買個雞湯翅回家給我做晚餐，係唔係架，真係咁豪？居然又真係拎咗呢碗雞湯翅米線返來，打開已經聞到陣陣雞湯香味，裡面有7、8件雞，啲雞件件1嫩滑有雞味，有好多一梳一梳的魚翅仔，仲有一啲滑溜溜的翅群邊，米線口感比較腍滑，連湯一起送入口中，不知不覺已經溜進胃裡。湯頭又鮮甜又香，因為裡面仲有金華火腿絲，成碗食曬連湯都飲埋，好好味喎，勝在完全無口乾，六十二蚊一碗唔好要求咁高，算係好真材足料架喇。值得下次再食。

平常都是喜歡食粉面的我專登來試一試，先來一窩砂窩雞湯翅粉絲雞湯當然要配粉絲，先夠入味一上格雞湯好滾，小心鍋邊燙手湯入面有金華火腿同雞件都足料 雞件亦算嫩滑但翅就一定唔會靚翅，但數量都比想像中多增添不少口感整體來說不錯👍🏻最少我食完一整鍋離開時也沒有感到口渴上菜落單亦比較快都是小店的特色呢但小食反而欠吸引力數量比較少場地較細不適合多人及聚會距離太子站不算遠，但必須依google 才到店位置於街市附近。

今日試新嘢 太子小街的水準小店已經開業咗一排的 想試好耐架喇沙鍋雲吞雞米粉 可以配米線/刀削麵等等 雞湯好有味道 連粒雲吞都充斥住滿滿的雞湯味 啲雞好足料食極都有 凍凍地嘅天氣食 實在不錯口水雞刀削麵 夠曬辣 啲麵好好味醉豬手 全部起曬骨架 啖啖肉 正 可以encore 的小店

我是第二次食(都系食沙窩雞湯翅），第一次材料份量正常，但第二次去真系唔高興因翅份量真的真的非常小（見圖），我朋友個碗就正常（呢碗最衰無影相多對比）。 我找女店員講她說有好多架在碗底你找下啦，我話已找晒都系得咁多（她再無理我）我再找四眼大叔（覺得他是老細）他回答我是 “哦,呢個系入面個師博負責的，我唔清楚“ 他對唔住等等安慰說話都無。 來食佢地雞湯翅要彩數我屋企無通聖 囉我唔會再去第三次囉

砂窩雲吞雞配粉絲 $59由於以砂煲上 一黎到啲湯仲熱到噗吱噗吱咁💥就咁都聞到湯底好香雞味 雖然有啲雞油但唔油膩 湯底有幾片金華火腿增添香氣 飲過真係翻唔到轉頭🤤入面兩粒雲吞都幾好食 粉絲滑溜且索湯 同湯底勁夾👅雞肉超嫩好易咬 但又唔會鬆散 真心高質！評分：8.5/10.藥膳醉雞配粉絲 $48醉雞同粉絲係分開上 湯底藥膳味勁濃 仲有紅棗杞子喺湯入面 應該係真材實料煮成 同樣配索湯既粉絲🤘🏼醉雞雞肉亦十分嫩滑 酒味香濃 食完一舊冰凍既醉雞 再飲啖熱湯 一流😍評分：7.5/10

最近興食雞，見網上介紹雞湯翅，講到好好食性價比超好，滿懷期望咁去試。平日收工7:00去到，唔駛等位已經入得，個場都係得2-3枱客。店內唔講究裝潢，係地踎港式格局，摺枱加圓櫈不過味道第一，裝潢就次要嘅餐單款式唔多，主打都係雞湯同麻辣小食豆漿係一杯杯已經封囗嘅外賣杯，唔知係咪出面入貨，唔似自家磨制，比較淡豆味同埋甜叫咗一份沙姜雞腳，一碟5隻，平均$5.x一隻唔算貴。雞腳炆得唔夠耐，軟骨之間好難咬開，而且雞皮唔夠腍。冇乜沙姜味，要沾點啲汁先食到少少沙姜味。可能坐位問題，對正冷氣出風位，碟雞腳食咗一兩隻已經變到冷冰冰主角雞湯翅上枱時熱辣辣，外觀一般，睇落去好清淡，雞件唔多同埋冇伴菜裝飾下。雞件味道淡，冇乜雞味，肉質都滑但應該唔係新鮮雞。雞湯「翅」個翅係重點，但一窩都係得3-4塊，入囗帶點腥，情願唔加好啲，只係個噱頭值得一提係個雞湯，的確無味精，清甜帶微微嘅雞香，唔少金華火腿喺湯底，格外鹹香。配咗刀削麵，但應該配米粉比較夾，可以掛多啲湯一齊食。真係可以飲曬全部湯，之後冇囗渴值得一讚另外，朋友嗌咗藥膳醉雞，雞肉結實，但幾乎食唔到藥膳同酒味。將雞肉係碟上面翻點幾次都冇乜酒味，好失望！藥膳原來係米粉嘅

雞未溶雪 食完勁唔舒服雞子ok 藥膳湯勁苦完全唔係平時食開個隻價錢好貴仲要嗌豆漿 畀漏咗我哋兩個人食 都要過百幾蚊個位置又偏僻真係唔明啲人點解會專登走入去食我真係好希望大家睇完呢篇食評之後真係唔好再去食啦