樂心冰室

營業中

休息中

外賣等超耐員工態度差無必要唔好試反正成條街都係食店，唔明佢開得喺銅鑼灣，就應該預咗人流會多，唔明點解整個午市套餐都要等半個鐘，好心做好心就執咗佢，比其他有心做嘅食肆做好過啦。

Oki等前線員工服務水準非常好，食物方面亦非常美味，我吃的常餐款式多選擇，員工們给我的食物介紹全面清晰，亦難得的做到"了解客戶Need & Want"，因此能為我們每一位客戶享受在貴餐廳內進食的一留水準服務體驗。我決定下次必定再光顧及推薦給朋友同事及親友，讓更多朋友能同樣享受服務品嚐美食。謝謝。

今早要到銅鑼灣區工作，午餐就於渣甸街揾其中一間餐廳醫肚。見到樂心冰室好似幾多人幫襯，好嘢應該先會多人食，就決定試下。坐低後就決定叫豆腐火腩飯，加杯凍奶茶走甜。我本身都鍾意食豆腐火腩飯，豆腐及火腩大致尚算入味，不過份量就稍為略嫌唔夠。食食下剩番啲飯，亦唔夠汁送飯。另外凍奶茶唔夠濃，雖然我的要求並唔係好高，但真係太淡啦，一啲茶味都無，唔合格。整體食物及飲品質素只係好一般，反而留意到職員的服務態度唔錯。

行曬成條渣甸街嘅餐廳都諗唔到食咩，就玩羊群心態，見樂心多人就試下佢啦。一開門就有兩位姐姐好熱心咁帶我哋坐4人卡位，利申我哋得兩人。餐牌都頗多選擇，最後揀咗個奄列餐同星洲炒米，好快上枱。叫得奄列餐都有心理準備係細份，但都係失望🥲🥲份量睇嚟得3隻蛋，火腿少而無口態，加咗啲菇但完全無味，咁就42蚊😶星米更加失望，無味就係無味，色都無！成份啲餸少得可憐！最後食唔落，打包返屋企自己加料再炒。講真，食物真心唔得，但奶茶香夠茶味，係好飲嘅。紅豆冰係正，紅豆同奶比例1:1，紅豆煮得夠入味、起沙，同時唔太甜！出色！仲要只係加5蚊！

今天早上約了健康檢查，剛好就在銅鑼灣。在完成漫長的檢查後，就趕快去祭五臟廟。就隨意挑了一家冰室進去。因為是第一次光顧，就想說點個家家都有的沙爹公仔麵試試，本以為再包含個炒蛋方包，才發現銅鑼灣可能店租比較貴，所以炒蛋方包還要加十蚊。在看到公仔麵之後，我試著說服自己，越簡單的東西，就越難做，也就越美味，在吃了一口後，我發現我錯了，徹底的錯了。 普通的公仔麵，沒什麼沙爹味的牛肉，湯也沒有沙爹味，讓我開始懷疑人生。為什麼正妹可以找到sugar daddy，我在湯裡找不到沙爹爹地。另外跟餐還附贈一杯熱飲，這樣35蚊。我只能說，在銅鑼灣生活不容易啊！

路過銅鑼灣見肚餓，諗住求其入廳記食個tea醫肚，點知就出事啦叫左個雞脾沙律，一上枱外貌正常無問題，點知一切隻雞脾就中招啦。。。咁大個人未試過食一隻實肉既卥脾切落去硬硬地，食落口又無卥水味，都算啦。點知一山還一山低....沙律完全無沙律味，粟米又係無味，我心諗家陣啲罐裝甜粟米好貴咩食完個tea即刻覺得大乜乜個啲連鎖店其實比想像中好。

相信大家都有同感，只要自己係某地區經常遊走，好自然就會搵到自己喜歡既餐廳而不停地覆桌。早在三年前我在銅鑼灣工作，大大小小餐廳都差不多試過曬，其中一間我會間唔中都掛住個味道、會覆桌的餐廳就是「樂心冰室」！一般冰室基本操作都是果啲ABCDEFG餐... …，而「樂心冰室」最吸引我既其實係只有一個飯，就是「皇袍义燒飯」，補充番先，我有試過曬佢哋既其他食物，水準都係唔錯，例如佢哋既焗飯同茶餐其實都算幾好食。只係呢個「皇袍义燒飯」太出色了。所以之後嚟親呢度都只會叫呢個义燒飯。點解我咁情有獨種鍾呢？當然有原因啦，我自己本身就係一個义燒腔，覺得好食既义燒主要食兩樣野。第一樣係外層的蜜汁Juice既口感同口味, 第二樣就係半肥瘦爽口彈口既口感。而「樂心冰室」就係偏向後者既選擇。大家都明义燒肉質時肥、時瘦，肉質口感好難保持同有保證。但「樂心冰室」呢個「皇袍义燒飯」既肉質係我四年內食過超過50次以試上。每一舊义燒既肉質都係同一個口感，肉質鬆軟，筋部爽口彈牙。所以我相信佢哋既「义燒」應該係特吃別選用豬既特定某個部位燒製的。而這個堅持我係非常欣賞的。而「义燒」外層蜜汁味道雖然未算特別的Juice，但整體都係一

日本有個飯叫做親子井 即係有雞同蛋 ，雞係媽媽 蛋自不然係子啦我今日都叫左個港式親子井，有雞髀同雞蛋首先個蛋好嫩滑架 ，水噹噹不知幾咁滑，而隻魯水雞髀又不知幾咁滑呀，多汁到爆架，蛋最好撈埋白飯啦，有埋魯水汁撈，親咁已係一碟高水準架碟頭飯啦！多蛋又有雞肉，食左好多肉蛋吸收曬一日所需蛋白質，仲要包埋野飲，都只係50幾蚊當然出街食碟頭飯係平靚正又快，但都有通病就係係菜啦 ，有時加返兩條菜，見到綠色我會好感動飯一個人都食唔曬，食量細可以order 少飯啦，惜食唔浪費

過年頭幾日假期都要返工，係依幾日先補返假期，過年氣氛都冇晒。加上疫情影響，又要掃描個政府app 先入得去食野，本來就更唔想出街。難得阿媽話想去銅鑼灣買野，咁就去咗。我阿媽都係有要求之人，平時好少聽到佢讚邊間餐廳好食。今次隨機去到樂心，都係我好耐之前去過，同埋有少少攰，所以就入去。門口又要量體溫又要掃描，店員話唔洗急可以入咗去先，原來佢地個個位都有一張二維碼，真係聽明。我叫左下午茶雞脾沙律，阿媽就叫餐蛋治烘底。佢隻雞脾好有肉汁，唔係棄你型。重點係個烘底，要加$1，好耐冇食到咁脆口既烘底。我阿媽仲話加$2都肯比，可見質素。其實有冇心做食客一食便知，淨係睇件烘底就知係用心之作。

皇袍叉燒飯（$60）呢間叉燒係佢哋嘅招牌 係三成肥七成瘦嘅厚叉燒 炒蛋好足料 🍳就咁望好似起碼落左3隻蛋咁多 炒蛋嫩滑 一啖食過蛋叉燒白飯又幾正嘅😂 不過略嫌豉油落得太多 差唔多粒粒米都有豉油 食到尾就愈黎愈鹹😯

今日係為左皇袍叉燒飯～已食過好幾次 但只要一去銅鑼灣仲係想食 係銅鑼灣咁多美食既地方 好爭扎😆皇袍 - 滑蛋 滑唔使講 好有蛋味 就咁送飯都好滿足叉燒 今次係第5次 只有1次係叉燒偏瘦食落失色左 其餘4次都好味 叉燒淋但有咬口 汁又好味飯 偏硬的粒粒分明 食5次每次都一樣質素真係好like我已默默變為凡去銅鑼灣就會將其中一餐既quota比左皇袍叉燒飯既忠實粉絲還有值得一提的是雖然是叫冰室 但冰室環境、餐具等都好乾淨 疫情下去幫襯我都覺得放心 期待再去食😋

有日係銅鑼灣放學之後想揾嘢食所以走咗去呢間冰室try try🤭本身無咩特別期望以為只係普通碟頭飯，但係點知我哋叫嘅黃袍雞髀飯同燻蹄沙薑雞飯都好有驚喜🙈黃袍雞髀飯係鎮店之寶👍🏻見到好多枱客人都有叫果然不出所料雞蛋係煎得好滑加埋隻雞髀非常滿足😋至於燻蹄沙薑雞飯好似好普通咁但係因為好耐無食燻蹄所以最後都係叫咗比個機會佢，不過不失啦🤣成餐飯唯一敗北就係沙薑雞唔太入味，有小小失望🙍🏻但係佢嘅黃袍系列真係值得一試👌🏻👌🏻

好耐無來樂心，佢d叉燒以前好似標榜係用黑毛豬，但今次去已經見唔到宣傳，到底係唔係轉左原材料呢？唔緊要，其實味道最重要。$60一份既其袍叉燒飯，加$7有熱飲。個茶鞋到不得了，呢個底用做奶茶應該還好，但檸茶就唔得了。炒蛋（黃袍）都幾滑，叉燒份量正正常常，我喜歡佢切得比較厚身，有質感。至於叉燒肉就夠林身，甜味重但唔夠香口。$67既宵夜，我覺得可以好d囉。

星期六下晝行過銅鑼灣，2:30都未食嘢， 經過呢間餐廳入邊冇乜人，就求其入咗去。叫咗個下午茶餐叉燒飯，加十蚊跟碟火腿煎蛋。碗叉燒飯上枱時都仲靚靚仔仔，但估唔到啲叉燒全部都勁硬勁鞋口，好在下午茶餐有一碟火腿煎蛋，就唯有靠兩塊火腿一隻煎蛋送¼碗飯。阿姐收我碟嘅時候，我指住我碟上面有五夠咬過嘅叉燒（圖一），我問：「你平時會唔會食呢度啲叉燒，佢話：「我地唔俾食叉燒。」，從語氣聽出佢似乎聽慣啲客投訴呢度啲叉燒唔好食。如果你唔信我講嘅嘢就歡迎嚟試吓🙂

仲話出名叉燒，真係so terrible, 由$32加到$46嘅常餐，質素每況愈下，不堪一試，以前都鍾意佢杯奶茶夠濃，而家連奶茶質素都下降，你話滑蛋好食，都係普通貨，真係諗唔到理由要再幫襯😓😓😓