樂幸屋

營業中

休息中

是日遲收工，求其係openrice搵下彩虹站有咩好食，見係新店就膽粗粗來試，個卡邦尼意粉賣相唔錯，多汁又多煙肉，幾好。下次再來可以試試其他，不過唔知點解鋪頭客人不多。

朋友話好食，就同小朋友黎試吓。店面唔大，但枱櫈都乾晒企理。豚肉炒烏冬，個汁好岩食。 黑椒味唔多，岩小朋友口味，兩個小朋友極速食完再encore.蜆肉意粉，蜆肉非常多，好抵食。從來無响餐廳食過咁多蜆肉的嘅意粉。而且佢仲加咗啲類似紫菜嘅嘢，覺得有心思，令個麵多啲層次和味道。卡邦尼意粉，好creamy，一上枱就見到好多粉在意粉上，完全唔姑寒，好似屋企自己煮咁多料。另外仲叫咗個雞翼薯條，熱辣辣咁上枱！如果經過呢頭，會再幫襯！

其實喺呢間港式cafe食咗幾次野，之前食過雞扒長通粉、炒烏冬同乾炒牛意，都覺得啲野食真心有誠意幾唔錯。老細好似係一人經營既小店，間鋪又人流唔多，所以特登嚟留個食評，呢間值得更多人知！！港式卡邦尼意粉個汁好creamy又掛汁，煙肉同啲菇菇都俾得好足料，意粉煮得啱啱好。啲野食好食，所以久唔久喺附近溫開書肚餓都會嚟幫襯！

彩虹站附近的食肆不多，大多都是連鎖式快餐。唯獨在這個店舖不多的匯八坊商場有這個舖位，一向都是食肆小店，最近似乎由前身餃子店變成這間港式茶餐廳/西餐廳。光顧當日是一位中年男性廚師及幾位年青人作店員，環境寧靜舒服。餐牌雖然有寫午餐、下午茶餐、晚餐等，但店員跟我們説全部都可以叫，價錢都幾實惠。很有趣，叫熱飲也給我一支黐𥹉𥹉的糖水。乾炒牛肉意粉 ($45) ★★★★✰粉麵即叫即炒，所以要等一段時間。看菜式名稱本來以為會比較西式，上菜後才發現是港式茶餐廳煮法。不乏鑊氣不過較出面普遍茶餐廳比較少油，牛肉份量可以而且不韌，配合些爽口的三色椒，味道和口感也很平衡，是食得滿足的一碟意粉。這間街坊小店雖然沒有什麼驚豔元素，不過放在這個商場是不可多得的食物選擇，性價比高，食物服務環境皆令人滿意。如果有機會來這邊覓食的話會考慮再拜訪