樂富茶餐廳飯店

營業中

休息中

晚上朋友介紹嚟呢度食飯， 去到門口係落咗閘， 以為朋友玩嘢 關咗門。 原來佢哋開咗小巷嘅門口🤣🤣 仲有間店舖叫樂富茶餐廳但係開喺油塘 都以為朋友整鬼我。😂食物嘅質素非常好 🤤超出預期。椒鹽蝦全部都係新鮮， 剝殼上嚟仲方便過食瀨尿蝦。 芝士龍蝦伊麵香濃， 全部份量都非常多， 鮑魚扇貝味道都好好。連最後嘅 水果柑， 都非常之甜‼️ 我哋六個人 基本上係食唔曬， 飽到要帶走。 如果唔係朋友介紹都唔認識呢間餐廳， 下次同屋企人嚟食❤️

由油塘或藍田地鐵站行去都要起碼 20 分鐘，也有小巴經過的，但也要行 6,7 分鐘才可乘坐，不方便，地點偏僻餐廳很簡陋， 說不上是餐廳， 裏面大約放了三四張大枱，地方不大，像飯堂餐廳 set 左三款不同價錢的套餐， 當然訂枱的時候，已經要確定你選擇哪一個套餐， 也要全枱的人選擇同一個套餐， 好讓餐廳當天備料，也由於這個原因，新鮮度有差別，像劏好的蟹放置了一段時間， 上枱的時候，肉質都變淋了，有點失望其餘的蝦，魚都還可以的如果帶外國朋友來品嚐香港的海鮮，還是可以考慮， 起碼可以每款海鮮都試到 ~

同事離職，相約一班 team member 同佢食 farewell ；呢間店舖好細，我哋 30 人，啱啱包咗成間茶餐廳 🤭🤭🤭🤭呢間幾年前食過，當時好好食 👍🏻👍🏻👍🏻👍🏻。 點知今次失望而回。我估呢度夜晚係食海鮮套餐，朋友俾咗 3 個套餐我睇，最平好似係 $4xx，中價就 $510，價錢可以接受。不過今次水準真係差咗好多，龍蝦冇味，椒鹽蝦又係冇味，最好食係條魚同薑蔥炒蟹，同埋啲嘢食夠份量。芝士龍蝦🦞伊麵 (龍蝦冇味，伊麵太碎)粉絲蒸扇貝 (一般)鮑魚 (一般)椒鹽蝦 (冇乜味)蒸魚 (好味 😋😋)薑蔥炒蟹 (好味 😋😋😋😋)豉椒炒蟶子 (唔錯)豉油雞 (ok)炒菜 (好油 😞😞😞)炒飯 (ok)飯後水果 🍉 (ok 👍🏻👍🏻👍🏻👍🏻)

book位比已前麻烦咗好多，成日一改再改，今日問你日子唔得，聽日又特然话booking爆咗。再者，食物質大不如前，環景比以前前還差，以$500-600人頭，唔底食。又一次中伏

公司聚餐，老闆極力推介要食依間，依間餐廳既老闆好好人，會在去之前，傾好曬菜式安排，保證當晚會有好靚既食材🥰🥰今次我都係第一次去，因為佢個位置都幾偏僻，要在藍田站行15-20分鐘先可以到依間餐廳。望佢既店舖看似普通，原來並不普通架，好有驚喜woo🎉🎉今次既聚餐絕對係海鮮餐：清酒凍鮑魚，蒜蓉開邊蒸龍蝦，豉油王海蝦，椒鹽鮮魷，清蒸海斑，油鹽水花甲。。樣樣都好好味，而且每碟既份量都好大份好新鮮，一上碟就好快清曬👍👍

親友推介的私房菜，預訂了兩圍枱與家人慶祝生日，由新界西山長水遠去到藍田，由車站行過去要至少十分鐘，附近有露天停車場，位置偏僻，晚餐時間到達，附近的鋪都已經關門，鄰近係住宅。第一次嘗試這間海鮮私房菜，環境殘舊多蚊，店內更有小貓，雖然只能夠容納三圍枱，但並不陝窄，枱與枱之間有一定的空間。今晚品嚐了十道菜+合時生果🍉海鮮新鮮，大隻啖啖肉，每位計錢，份量十足，海鮮餐係抵食！酒水另計！味道不錯，鮮味，不妨一試！適合一大班人聚會，私房菜必須預訂。

今日集齊了三十六人，包場海鮮餐團年。人均三百五十元。雖然位位也準備充足，部分更連早餐也免了出戰，結果也是飽到不行了，好味好食兼份量足夠，非常抵食。如果要吹毛求疵的話，便是零裝璜，而且地點很大好找而已。蒜蓉蒸扇貝，非常鮮甜，正！上湯龍蝦米粉底，龍蝦鮮甜，size 一般但都算OK嘅，米粉吸收汁液，yummy!清蒸孔雀鮑，火候控制得好，鮑魚滋味十足。薑葱螃蟹，蟹鮮甜，但薑葱比蟹更好味，小小缺陷是蟹蓋內沙囊等未有清理，可惜。清蒸西星，火候準確，魚剛剛熟，正！椒鹽賴尿蝦，這個是大部分酒家都可以做得好的菜色，在這裏也沒有例外，好食！三色椒炒蟶子，也是鮮味十足之作。豉油雞，由於非走地鮮雞，烹煮做得再好也救不了只是冰鮮雞的問題。蝦乾炒豆苗，荳苗較粗，但味道不錯揚州炒飯，用料及味道也很好，可惜只能淺嚐，因為已經很飽了飯後也有水果，完備的一餐

樂富茶餐廳呢個名又點會估到 佢地係食私房海鮮呢 上次去食已經成大半年前 每次都保持到水準 不過地方唔大同位置較唔方便 所以記得打去訂位喎 我都係預早一個月前book 因為逢五，六同日都好full 架 他們已設定三款套餐比大家選擇 可以參考menu A $310 , B$420& C $520 最少要六位成團架 今次我地8個人就揀左A餐 但無論揀什麼餐 都係食唔晒架 可以自備環保盒白灼蝦大大隻 食到好新鮮又彈牙 做得白灼嘅食材就已經試到真張 鹽油水煮大蜆 無沙有肥美 啖啖肉 用左唐芹芫荽提香 出奇地夾 加埋d湯汁食 簡直鮮甜無比 椒鹽鮮魷 上枱時還未過剛剛炸起既熱氣 外脆內嫩 鮮魷鬆軟 極品 清蒸鮑魚每人一隻 要用刀叉品嘗 肉質彈牙 厚切特別滋味 配上豉油葱粒 錦上天花 薑蔥炒蟹 三大隻肉蟹 雖然蟹蓋無乜膏 但係蟹身同蟹箝係飽滿多肉 精華係d薑蔥 我最喜愛 清蒸燕子班 斤兩十足 腩位嫩滑但有d部位又會較實肉 豉油雞 入晒味又嫩滑 連雞胸肉都滑 巧勁呀金銀蛋浸時菜 不用多介紹 魚湯另時菜更特出

朋友叫我唔准寫食評，因為...... 咁好食嘅隱世海鮮餐係唔可以俾人知，一出咗名就有排都Book唔到。痴線，呢間寂寂無名嘅茶餐廳，依家要book都要3星期啦！全個餐牌得3個餐3個價錢，我地通常都係食中間價錢呢款。而且Book嘅時候已經要confirm人數，冇得加冇得減。因為買手要預海鮮，例如飽魚，扇貝一人一份。全個套餐10個餸，款款都係Very Good！龍蝦，芝士上湯煮法都可以。龍蝦非常鮮甜，啖啖有蝦膏，一上碟即刻冇人傾計，個個都好專心食到見碟底。之後清蒸飽魚扇貝，爽口彈牙，Size厚身到不得了，越趙越鮮味，唔捨得吞落肚。中間再嚟條蒸魚。然後開始濃味系列，炒聖旨，瀨尿蝦（有膏又多肉），炒蟹，鮮魷。碟碟都食到唔停口。最尾仲有菜芯同埋豉油雞，雖然唔係海鮮但都好食過好多酒樓！

環境乾淨, 闊落(配飯), 主菜羊胺扒, 嘩! 竟然有3大件, 食落不太膻 抵食!!抵食!!大大件餐飲幾大杯, 咖啡又香又濃, 但嫌杯凍奶茶奶味略重, 扣左少少分. 整體ok.咖喱牛腩餐(配鬆餅) ,牛腩幾"林", 咖喱唔太辣, 鬆餅熱辣辣又夠鬆和風牛柳粒配炒飯 , 偷左朋友舊牛柳粒試下, 咦, 幾正喎,又"林", 不過朋友話炒飯太少唔係好夠食.日式叉燒拉麵, 三大片日式叉燒, 下午茶必選

已經係第四次去食私房菜，因為抵食又好食，份量仲夠多，次次都要打包幾盒走。新年同舊同事去食開年飯，今次訂B餐，埋單只係$350@，平左！等齊人之前有碟酒浸鳳爪做前菜，好入味。👍鮑魚夠厚夠juicy，芝士龍蝦伊麵超級大碟，食左三碗麵。😋扇貝同蟶子都好新鮮，瀨尿蝦香口，鼓油雞都好好味。仲有蒸斑、蟹、炒豆苗同炒飯，大滿足！

經朋友介紹，我們一行十位好朋友在這間“茶餐廳”為其中一位朋友慶祝生日，吃一頓豐富的”生日海鮮大餐”，非常美味😋 雖然這家餐廳名為“樂富”，其實這家餐廳坐落在“茶果嶺”。餐廳能容納最多三圍12人圓桌的”海鮮私房菜”。座位有限，人手有限，必須提前預訂啊。 我們第一次幫襯，所以選擇了最平的A餐…每人只需港幣270👍老闆娘稱海鮮是從外國入口，真材實料！配料是當天親自到街市選購，保證新鮮，真的感受到「用心做」！大讚！！👍👍 值得推介：菲律賓肉蟹非常肥美，白灼蝦、花甲好有肉感，西星斑好滑，蒸的時間非常恰當，少點功力都做不到，值得讚一下廚師👍總括：海鮮非常新鮮，份量非常足夠，還免收開瓶費，非常超值！超讚！👍👍👍你無法想像，吃海鮮可以吃得這麼飽，真的大滿足! 我們還打包了伊面（可裝滿3個飯盒）🙊。 參考照片，感受下份量如何大又如何美味。臨走前，昂首望，持牌人叫「洪綠」，未知他的親戚會否叫「洪綠燈」呢？😝😁​

我尋訪茶果嶺的最段一篇，就是這一個位於魚檔旁，像是只招待魚業工友的《樂富茶餐廳飯店》。淨看門面，沒有什麼大既感覺，只知道區內，無論是村內或是村外，都是以一個舊宇行頭。這門面好似沒什麼的茶記看落原來都幾有歷史。一入來，紙皮石的地板，膠片燈箱型的餐廳簡介。這門面好似沒什麼的茶記看落原來都幾有歷史。沒有傳統的卡位，全是圓檯圓凳的設計，設計非常之自由，也證明了這一家茶餐廳是可以另作用途的。 下午茶時段來到，點了一杯奶茶及一個豬扒包來輕食。奶茶方面其實沒什麼出色，只是我用來消暑解喝的良物。 而豬扒包，就是一個熱狗包夾上一塊無骨豬扒，加上沙津醬加了一片甜而不酸的蕃茄。不是正宗澳門式既豬扒包，但沙律醬配上鮮茄及豬扒，我不能不說惹味。 發現到這一家茶餐廳是有晚市的，有新鮮鼇海鮮餐供應。而隔離就是魚檔，令我相信這店的海鮮會是有味有水準的。

幫親這處多年, 現在有海鮮晚餐供應,不過要早一日訂,地坊十分地道茶餐廳格局, 冇裝修, 訂了一個海鮮餐有龍蝦,南非鮑魚, 星斑,聖子皇,元貝, 瀨屎蝦,乳鴿 和炒飯 南非鮑魚肉質鮮甜,扣得十分入味清蒸鮑魚忙記影相處理得十分好, 除本身鮮味椒鹽分量適中入味]總結食物質量和價錢, 相比西貢,鯉魚門等地,這處十分合理