樂天經典 (已結業)

因為今年農曆新年不在香港，所以預早跟家人食團年飯。之前已經食過樂天皇朝，知道同系的樂天經典主打新派粵菜，風評不錯一直都想試，所以就趁今次預先訂定枱跟家人試試。＊＊＊＊＊＊＊＊＊＊＊＊樂天經典和樂天皇朝都在同一樓層，分左右兩個入口。樂天經典店面頗大，可容納近百食客之餘而不覺擠擁。大大本餐牌入面菜式選擇豐富之餘，當中大部份菜式都圖文並茂，令食客對菜式更加了解，其中最值得一讚是很多菜式都有分大中小三個份量，所以即使人少少都可以試多幾個餸。點菜期間，侍者先奉上前菜花生一碟，一至四位一碟，每碟$15，另外茶位$8/人，收費合理。白胡椒排骨豬肚湯($168)白胡椒排骨豬肚湯放在小火爐上，不怕放得太久而變涼，一煲都夠四至六人飲用。湯料有豬肉、豬肚和淮山，非常足料。豬肚湯建議要先拌勻才分出來，我們沒有拌勻，第一碗覺得胡椒味不夠重，到第二碗胡椒因為沉晒落底所以胡椒味則有點過重過辣。青芥末蝦球－小($138)小份的青芥末蝦球二至四人分吃剛剛好，蝦球結實爽彈，芥末味點到即止，清新之餘不會太辣，不吃辣的人都應該能接受。金牌脆皮燒雞－半隻($168)燒雞皮幾薄幾脆，雞肉不算特別滑但也不會過鞋，食得出雞味，空口吃

年尾約朋友食飯 最方便緊係尖沙咀啦朋友介紹食星加坡菜樂天經典 之前已經食過隔離主打八色小籠包嘅樂天皇朝有信譽保証 大家都贊成 坐落地方寬敞服務員亦熱誠招待 餐牌食物份量大，中，小服務員話叫小就夠食 果然冇講錯 先叫咗隻招牌燒雞 雞皮炸到好香脆咬落雞肉嫩滑 而且好juicy 非常好味 酸甜鱸魚片 炸左嘅魚肉配上酸甜嘅醬汁 好惹味雙菇扒西蘭花 小小菇配埋大冬菇加埋西蘭花清清地 味道唔錯 最後緊係食甜品 酸甘香茅凍 啫哩口感有香茅加青檸味 酸酸地做飯後甜品的確唔錯！

近年不少飲食集團，會將其下同類食店，分別走不同路線，不過多數是另立店名，倒如大家樂跟一粥麵，美心跟千燒百味，翠華跟食大利，偶爾都有像樂天皇朝一樣，明刀明槍，仲要開設於同一層。 餐廳佔了全層，分作兩邊，走不同路線，樂天皇朝比較親民，而樂天經典菜色特別，比較典雅。 樂天經典 星洲黑胡椒螃蟹選用菲律賓的肉蟹，每隻差不多斤半，蟹鉗超大隻，而且炒得入味，入口陣陣黑椒的香味及辛勁，刺激起了食慾。 冰鎮苦瓜（ 拌桂花蜂蜜）簡單的把苦瓜刨成條狀，冰鎮後蘸點桂花蜂蜜，在清甜中滲出絲絲甘冽，如果在夏天是相當消暑的，只可惜近日開始轉涼，未免有點失色。 龍虎燴（香辣湯）原屬馬來西亞傳統喜宴菜，賣相澎湃，而且份量十足，四個人食絕對無問題，肉蟹、海蝦、魚柳，魷魚及海蜆，「龍」是指蝦，而「虎」是指蟹，餐廳有海鮮湯及香辣湯供選擇，想刺激一點，就點了香辣湯底，以辣醬、椰奶及咸魚等熬成湯底，味道濃郁，海鮮的味道亦溶入湯裡，非常惹味。 菜香鐵板豆腐（無辣）豆腐是自家製，誠意十足，澆上肉碎汁更是伴飯最佳選擇。 古早魚香老鼠粉煲由於老爸愛吃咸魚，所以兒時經常陪老媽逛街市，買不同口味的咸魚，自然有

朋友生日就要來臨，一於帶她來食中菜，樂天經典每道菜式都能給食客極致的感官享受😋😋酸辣素羹 $45 就是很開胃酸辣素羹 ，百吃不厭...金牌脆皮燒雞$168 (半隻)推介菜式燒雞，當你輕輕咀嚼雞肉，你能感受到燒雞外皮香脆金黄，雞肉多汁可口，肉質細膩又味香，滿足感爆棚！櫻花蝦四 季豆$ 82仲有櫻花蝦四季豆，不可不嘗；鬆脆爽口，每口都帶有清新的感覺...古早魚香老鼠粉煲 $108經典的招牌之一就是他們的古早魚香老鼠粉，店員會把金桔咸魚蓉加入砂鍋中與生雞蛋即時攪拌，銀針粉配豐富材料︰蝦仁、冬菇、肉碎、椰菜花等，都已經十分夠味道，記得上桌後立即食用才能最好地品嘗到魚香交融的香氣！蒜香排骨米線湯 $65 排骨愛好者並配有米線，分開上是必須要.... 蒜香排骨看起來很好吃，肉質軟嫩，口感鮮香...三色桂花斑蘭糕 $38三色的桂花斑蘭糕，就是外貌精緻高貴，搭配上桂花、斑蘭及椰子的清淡花香就非常的想吃，口感鬆甜，的確是很好吃... . ❤️

樂天經典，新加坡過江龍，估唔到menu選擇多之外，水準都幾好。特選糖心皮蛋（$22）：皮蛋果然夠糖心，子薑都幾嫩，開下胃。蒜香紅海蜇頭（$75）：味道酸酸地，海蜇頭非常爽脆，蒜頭好香。蝦醬雞中翼（$88/小）：order「小」份都好大份，有8隻咁多，雞翼炸過後都唔會好油膩，仲好juicy，又夠入味，有蝦醬味。荔枝咕嚕肉（$88/小）：值得一提呢度好窩心，好多餸菜都有唔同size選擇，而且即使係「小」size份量都唔小呢。呢個咕嚕肉，酸酸甜甜，大人細路都鍾意食！油浸銀雪魚（$162/小）：魚肉煎香過，魚肉嫩而有醬油味，撈白飯一流！腐乳空心菜（$68/小）：有鑊氣嘅炒菜。淮山杞子鮮螺頭湯（$48/位）：活血補氣。是日推介兩款飲品檸檬薏米水（$16）南北杏羅漢果茶（$16）自家製夠健康！好過飲汽水。三色桂花班蘭糕（$38）：桂花糕、椰汁糕同班蘭糕三合一，口感獨特，又可以一次過食晒三種口味！

和媽媽提早做節，來到尖沙咀樂天經典吃晚飯。干貝菜膽竹笙燉湯真材實料，有一粒粒元貝菜膽及瘦肉，滋寶得來又很美味。鍋香豆腐蝦球蝦球大大隻，爽甜鮮味，豆腐也非常嫩口。脆皮蝦醬雞翼雞翼非常香脆，滲出啖啖蝦醬味。天麻黃酒雞雞肉有陣陣酒香，而且非常嫩滑。海鮮皇炒飯炒得香口，更有蝦肉及帶子，海鮮味十足。三色桂花班蘭糕少少甜且有南洋的特色，包含著桂花，椰香及班蘭的味道，三者味道非常匹配沒有違和感。椰子西米露湯丸椰味濃郁，加上芝麻湯丸，是絕等美味的甜品。

慶祝媽媽生日，特別挑選一間坐得舒服，又多選擇的餐廳，南洋風味的中菜。金牌脆皮燒雞  $168半隻，皮香脆，肉嫰滑，必點之選。招牌扣肉包 $23 一片，招牌菜，差不多每枱也有點。包是籠上，即蒸熱烘烘，很軟熟；而肉碟上，肉偏硬，但配上包和汁很不錯。四大天王 $102 (中)，秋葵、甜豆、四季豆、茄子。味道好，很少吃這菜式，驚喜之作。准山杞子螺頭湯 $178 一盅， 有准山、杞子、鮮螺頭、排骨、老雞、赤肉、雞腳。店員很窩心，怕湯凍了，為我們加熱。湯份量很多，料也同樣多，一人可飲兩碗。龍虎燴 (海鮮湯）$468一鍋，可供2-4人享用，有蝦、魷魚、花蛤、鱸魚片、青蟹、米線、京蔥、香芹、花菇絲。很濃的魚湯，餸比米線多，好吃，不過偏貴。花雕雞油蒸螃蟹$368，蟹超大隻，又很鮮甜，花雕很香，賣相吸引。三色桂花班蘭糕 $38，有桂花、班蘭、椰子，三款味道一層層，口感比較散。

金牌脆皮燒雞 $168燒雞肉質嫩滑，蝦片新鮮炸，好味招牌扣肉包 $23 一片麵包熱辣辣又好軟，值得一讚，略嫌肉太厚四大天王 $102 (中)，秋葵、甜豆、四季豆、茄子。酸酸甜甜的醬汁好開胃准山杞子螺頭湯 $178 一盅， 有准山、杞子、鮮螺頭、排骨、老雞、赤肉、雞腳。好足料嘅湯，清甜龍虎燴 (海鮮湯）$468一鍋，可供2-4人享用，有蝦、魷魚、花蛤、鱸魚片、青蟹、米線、京蔥、香芹、花菇絲。因為材料好多，視覺上已經覺得好吸引，最好食竟然不是海鮮，而是被湯搶了風頭，濃濃的魚湯味再加上其他海鮮味道，值得一試花雕雞油蒸螃蟹$368今次點了兩款有蟹的茶式，比較喜歡花雕蒸，花雕提升了蟹肉的鮮甜味，蟹就啖啖肉三色桂花班蘭糕 $38，桂花、班蘭、椰子。本來一個普通的甜品，變化成三層三種味道，好靚又好味++++++++++++++如果大家喜歡💕我寫既食評，麻煩比個❤️鼓勵一下我，我會寫更多更好既食評比大家！😊

最近都比較懶，好少出九龍個邊多數留係港島食飯，咁岩有個好耐無見既朋友約我食飯，佢就提議去樂天經典食飯！去到燈光光猛，感覺唔錯、餐廳當日既客人都係年青人為主，我地前菜叫左個蒜香海哲頭，海哲非常爽脆，用蒜頭加醬汁涼拌，好入味！之後叫左個星洲黑胡椒蟹，黎到非常大食，胡椒既香味好濃郁，入口蟹味十足，肉質肥嫩，餐廳仲好細心派左膠手套比我地，唔洗食到成手都係！飯我地叫左個蠟味炒飯，呢度好多菜式都係選擇大中小份，我地得兩個就叫左個小份，炒飯好足料，蠟味香，但炒飯無油膩感，好夠鑊氣！甜品係招牌香矛凍，第一次食，香矛既jelly 酸酸甜甜幾好味、呢間餐廳性價比高 好推薦大家去

今天好友牛一，諗住一齊去食餐好，有朋友話之前起大角嘴樂天分店食過，話幾好，以為尖沙嘴分店唔差得去邊，點知換來一個＂伏＂字！見openrice 訂枱有折扣，當然要善用啦，準時6:00去到，門前已有好多人等位，但好像冇乜秩序，非常混亂，餐廳職員又冇乜安排，只叫我們等待，等左十多分鐘，終於可以入坐，先看看餐牌，凖備叫嘢食，但侍應太忙安排人入坐，都冇閒理我們，又等了十多分鐘，終於落到單。呢間餐廳主打新加坡菜，蟹是主打菜，所以我們亦order了三款蟹菜色，另加召牌扣肉包、菜香鐵板豆腐、青芥蝦球及老鼠粉等等。龍虎燴先到，個煲好大，內有一隻蟹，有些蝦丶蜆，配上叻沙湯底，湯甜，濃濃叻沙香，淡淡椰奶令湯底更香滑，煲中更有米線，好食。當然第一時間夾個蟹鉗比壽星公，但朋友一鉗開，隻蟹非常瘦、冇乜肉。蝦有些梅，蜆有沙，以呢個價錢但咁嘅質素食材，大感失望。楜椒蟹跟著送到，炒得香噴噴，呢隻蟹好D，多肉DD，但都是＂削＂，味道是好的，楜椒味夠。炸蝦棗，像酒樓的炸芋角加些豬肉，我真的食不出有蝦囉，而且個人覺得油左D，應該是火喉用得不好。老鼠粉淡而無味，像糊仔，花雕蛋白蒸蟹，呢隻蟹亦非常瘦，但不知是不是水蟹特別多水的關

今日同女朋友爸媽食飯，揀左一間是正d既餐廳，唔好失禮嘛🙈望左好耐揀左呢間樂天經典，試一試佢d馬拉菜，同d裝修都幾好，所以就前幾日bk定位去食今日星期日都幾滿下，好彩有bk定位，裝修精緻光猛，第一印象幾好佢呢到其中一個主打係呢4款螃蟹，價錢算係咁三百幾就有，而望到好多枱都有叫而份量都有返咁上下，而個個都鐘意食，我地就叫左一個黃金焗螃蟹試一試，呢個點都唔失禮2隻蟹蚶超大。。。黃金蟹應該係用鹹蛋黃焗製，再呈現金黃色而得以為名可能因為焗嘅關係，連入面既蟹肉都有入到味，平時炒既極其量係外殼好有味但肉冇，而呢個係兩樣都想食乾淨佢而蟹肉都唔似殼，好容易食，只係我唔夠力用個蚶開殼😂而佢都好貼心準備每人一對手套同濕紙巾，唔洗食到污穢哂，呢4款真係值得大家叫一款試下而另一個我覺得幾正既係佢既燉湯，主要有呢4款，鐘意既原因係見佢用料都幾多幾足，而唔係隨便煲d湯個種，會揀d有功效既我揀左a1白胡椒排骨豬肚湯，百幾蚊一煲，有5碗左右，佢入面既湯渣裝滿左一隻碟，足料到...主角胡椒味非常濃郁，我超like! 飲左2碗不過要襯熱飲，涼左冇咁正，總體性價比算高幾值得一家人食飯叫黎飲 之後就揀多左幾款小菜，配白飯食鍋香

之前都有食過樂天餐飲集團旗下嘅樂天皇朝，所以今次就試下開係旁邊嘅樂天經典啦。環境非常舒適，裝潢都好靚，有女孩子最愛既粉紅色同Tiffany Blue既椅子配金色既裝飾～岩哂同班姊妹聚會～前菜 - 炆花生栗子古早味老鼠粉「老鼠粉」其實係用麵粉同粘米粉搓成，即係平時俗稱的「銀針粉」。用炒方法煮嘅就食得多，湯煮就未食過。雖然叫左細份的，但係份量已足夠2-4人食，而且入面有非常多材料，有冬菇、香蔥、蝦、肉粒等⋯口感豐富，臨食前店員會為你加上檸檬汁，而老鼠粉入面既雞蛋非常香，經店員攪拌均衡後就食得啦!味道唔會太咸或者好似其他餐廳咁多味精， 雖然老鼠粉煮後冇咁爽口，但軟硬度適中，果然係招牌菜。櫻花蝦四季豆櫻花蝦份量超多！擺滿係四季豆上，而四季豆之間平均地擺滿微辣既菜脯，夾每一條豆都能夠均勻地沾上爽脆既菜脯粒。青芥末蝦球大大隻彈牙既蝦炸得香脆金黃，外面加上青芥末醬沙律，入口爽脆而香口～如果芥末味更出可以更好～花雕蒸蟹隻蟹真係好大隻，大大隻蟹鉗入面包住大啖肉，一路食d花雕蟹汁不斷流出黎。蟹肉非常鮮嫩，啖啖肉滲透住微微既花雕香～最重要係蟹底下既水蛋，水蛋滑滑的，而且充滿花雕酒同蟹汁既精華其實晚市時間都幾

首先我打哩篇食評唔係想數臭哩既餐廳, 本人之前都覺得佢幾好食, 今次再去真係一肚火, 一早打去訂咗枱6點晚飯, 之前個經理已經打黎丁叮萬囑要6點準時入座7點半交枱~ 心諗OK啦~ 1.5小時絕對夠時間食~5.45PM去到~ 門口幾多人~ 觀察之下原來WALK IN客同訂咗枱客係排一條龍, 排我前面有三枱人係WALK IN既~ 個經理係咁CHECK 仲有冇枱俾到佢地~ 又叫D伙記加枱哩哩路路~ 我已經上前同佢講我BOOK咗6點, 個經理居然固我~ 繼續處理埋佢D WALK IN 客先~ 我一家有老有嫩~ 足足係度企咗30MINS, 6.15PM先入座~ 入座後個個都同一時間ORDER啦~ 咁多枱一齊點菜, 一定人手不足可以理解~ 我舉手舉咗好耐, D侍服係望到你, 扮望你唔到咁~ 表情係黑口黑面話俾你知我好L忙, 你等下啦~ 我唔明哩D係乜服務~ 基本既"唔該等等轉頭黎" 好難講咩?? 6.25PM 成功ORDER完~ 叫咗胡椒蟹, 花雕蒸蟹, 龍虎燴, 扣肉包, 蝦棗, 芥未蝦球,魚香老鼠粉, 胡椒豬肚湯, 臘味炒飯~首先黎既係 胡椒豬肚湯, 夠熱既, 好飲既, 再黎係蝦

到The One睇戲之前先到附近尖沙咀加拿芬廣場的樂天經典食晚餐。之前食過主打上海菜的樂天皇朝，質素唔錯。今晚就一於食樂天經典的經典中菜和南洋新加坡中菜。打開餐牌真係有好多選擇，新加坡風味蟹都有四款選擇、又有原盅燉湯、前菜、點心、小炒、咖哩、新加坡蝦球、不同的蒸餸、粉麵飯和甜品通通一應俱全。有我至愛的新加坡蟹，唔駛諗一定要叫番一隻，有星洲黑胡椒蟹、辣椒蟹、黃金蟹和花雕蟹，款款都好吸引，款款都好想食底下叫了一隻星洲黑胡椒螃蟹。黑胡椒蟹相對地無在新加坡食咁辣，但反而更適合香港人的口味。蟹炒得好有鑊氣，全隻蟹均沾滿濃厚的黑胡椒。簡直去新加坡食黑胡椒蟹的記憶翻晒黎，而家唔駛去新加坡都可以食到咁有風味的黑胡椒蟹。我們還叫了一盅干貝菜膽竹笙燉湯下下火，這盅湯用料十足，除了有干貝、菜膽、竹笙外，還有排骨、赤肉、老雞、雞腳，喝一口真的好住家老火湯感覺，老火湯充滿湯料的精華。蟲草花雲耳蒸雞，新鮮熱辣即叫即蒸，雞爽滑有雞味，蟲草花和雲耳吸了蒸雞的精華入味健康。涼瓜魚片米線湯的湯底是魚湯來的，魚湯好清甜，魚片份量好多，啖啖肉亦都好滑，米線好爽好滑，清新之選。

星期日約左朋友食飯，朋友話食中菜，我就話不如試下星加坡風味的樂天，上到去加拿芬廣場，有樂天皇朝同樂天經典兩間，皇朝之前食過，今次就食樂天經典吧。裝修環境冇得彈！店面闊，夠氣派，請客食飯來呢度就對了。菜牌一大本，菜式樣樣都吸引。小食試左個美人魚，即糸脆脆魚乾，香脆開胃。麥片蝦，星加坡名菜，麥片脆香！蝦大大粒，肉質鮮嫩，好飽滿，裏住麥片，好好口感！正吖！涼瓜炒蛋，食完麥片蝦，清一清熱氣，食個涼瓜，回甘好舒服。甜品食左斑蘭杞子椰汁膏，爽滑甜蜜好味道。