影片
開飯介紹
主打正宗新加坡南洋中菜的「樂天經典」，糅合馬來西亞、新加坡、泰國和印尼等多國特色製作美食，以新派手法主理各種經典菜式。
繼續閱讀
營業時間
今日營業
11:30 - 22:00
星期一至日
11:30 - 22:00
公眾假期
11:30 - 22:00
公眾假期前夕
11:30 - 22:00
以上資料只供參考, 請與餐廳確認詳情
有關獎賞計劃
相關文章
聽講樂天經典有個經典自選二人餐好抵食👍🏻一於帶呀媽去試吓先🤣餐廳結合咗中式嘅典雅同現代嘅簡約大氣，感覺好舒適，座位好寬敞👍🏻上茶亦都幾貼心，茶壺放喺一個小火爐上面，唔洗驚啲茶會凍，而且仲好靚好有feel添😍🌟經典自選二人餐 🌟$668▫️星馬金鏄豆腐雖然定位係小食，但係份量一啲都唔少👀外面脆卜卜，入面嫩嫩滑滑咁❤️淨係外皮嘅調味有少少鹹，但係連埋入面嚿豆腐就啱啱好😋▫️花雕雞油蒸螃蟹🦀蟹肉鮮甜味美，仲好厚實添🤩花雕味都幾出，但唔會遮蓋蟹嘅鮮味，反而仲有提鮮嘅效果添🥰下面嘅蛋白更係點睛之筆🫶🏻吸收晒所有精華，令到蛋白滑得嚟仲有鮮甜嘅香氣同酒香❤️▫️泰式炭燒豬頸肉煙煙韌韌咁😋唔會嚡熠熠🫶🏻肥瘦均勻🥰份量同樣都唔惹少🤩▫️臘味炒飯臘味肥瘦均勻🫶🏻香氣滲透入炒飯，令到每一啖飯都充滿香噴噴嘅臘味香😍炒飯軟軟糯糯咁，大推❤️▫️招牌酸甘香茅凍有少少酸🤏🏻加上香茅嘅味道竟然配合得啱啱好👍🏻好似啫喱咁仲有奇亞籽添，健康得嚟仲好得意😎亦都好啱熱天同食到飽飽滯滯嘅時候食🥰▫️檸檬薏米水 檸檬+薏米=Perfect Match🫶🏻味道清新，天時暑熱嘅佳品😋▫️茶位 $13/位🛑樂天經典 (大角咀)📍大角咀海庭道18號奧海城二期UG樓UG09號舖
繼續閱讀
今日同朋友衝住食🦀而嚟，呢度主打星加坡菜，食物選擇係一家大小都啱，當然啱哂鍾意食🦀嘅人啦！睇到佢哋有個抵食嘅Set叫套餐B $668，包咗前菜、螃蟹、熱炒、飯或粉麵、糖水同飲品。呢個價錢食到🦀仲有份量唔少嘅配菜真係性價比幾高👍🏻蒜香紅海蜇頭調味以甜味為主，加入了醋酸甜味平衡更開胃，海蜇頭口感爽脆。辣椒螃蟹（伴炸刀切小饅頭）呢道辣椒蟹一上枱已經震撼視覺，好大一盤滿滿醬汁嘅蟹料理，用了大量番茄同辣椒膏炒至混和，整體味道為甜中帶辣，配上肉蟹嘅鮮甜，十分下飯，真係令人食唔停口！配附上嘅小饅頭食亦十分match，饅頭吸哂醬汁，正😍脆脆咕嚕肉名符其實，呢道咕嚕肉表層炸至金黃酥脆，食落充斥著剛炸好嘅香味，肉質仍有彈性，冇過老情況，係一道出色嘅熱炒小菜。蝦味魚子蝦球炒飯呢道炒飯粒粒均勻上色，食得出用咗蝦油炒至甘香，散發著濃濃嘅蝦膏香味，加上魚子同蝦球更具多層次口感。無糖豆漿濃厚嘅豆味，係自家製豆漿，不錯🤭
繼續閱讀
近排樂天皇朝出咗個好抵食嘅套餐 —— 螃蟹二人套餐🦀 $668，套餐除咗已經包咗一隻螃蟹之外，仲包括餐前小食、熱炒、粉麵飯、甜品、飲料，非常豐富！前菜小吃有四款選擇，我就揀咗黃金魚皮🐟，鹹蛋黃味道香，魚皮酥脆，下次再嚟嘅話會想試埋海蜇頭，相信應該都會有驚喜～然後就係今餐飯嘅重中之重，就係蟹啦！呢個螃蟹一共有四個口味可以選擇，今次就揀咗比較少見嘅星州黑胡椒螃蟹🦀 估唔到呢個套餐，竟然包咗一隻咁肥美大隻，淨係隻蟹鉗就同隻匙羹一樣長，非常誇張！黑胡椒螃蟹係著名嘅新加坡菜，用咗黑胡椒、蒜蓉、大蔥頭，蠔油等等香料翻炒，濃郁嘅香料味配埋蟹肉嘅鮮味，真過癮！熱炒就有八個選項，我哋就揀咗酸酸甜甜嘅脆脆咕嚕肉🐷，豬肉醃得入味，炸粉又唔會太厚，以咕嚕肉嚟講絕對係高分區！粉麵飯一共有四款選擇，我就揀咗平時比較少機會食到嘅古早魚香老鼠粉煲🐭，熱辣辣大大煲，略帶鹹魚嘅鹹香味，都幾有特色～套餐仲有兩款甜品選擇，天氣咁熱我哋就揀咗招牌酸柑香茅凍🍊，味道清新得黎略帶酸甜味，重點係果凍質地非常適合夏天！套餐亦都包咗每人一杯飲品，分別有汽水🥤、薏米水、豆漿🥛等既選擇～
繼續閱讀
樂天經典二人餐抵食到震！🤑 大角咀分店環境舒服，今次試咗個自選二人餐，$700幾蚊食到蟹同埋四道菜，性價比超高！ 頭盤「星馬金磚豆腐」外脆內嫩，好開胃～🫢 主菜「黃金焗螃蟹」係MVP！鹹蛋黃醬超濃郁，蟹肉鮮甜又夠多，連蟹鉈都爆肉，忍唔住連殼都啜乾淨！🦀 「薑蔥爆生魚片」鑊氣十足，魚片爽滑冇骨，送飯一流～🍚 講到飯，「蝦味魚子蝦球炒飯」粒粒分明，蝦子鹹香加埋彈牙蝦球，好有層次！ 最後甜品「招牌酸甘香茅凍」清新解膩，香茅味好出，食完濃味嘢啱晒～🍮 飲品方面可以自選兩杯我哋揀咗可樂同無糖豆漿🥰總結：份量夠3個女仔share，蟹控必試！服務同環境都keep到樂天一貫水準，會再encore！👍
繼續閱讀
今日同老公經過奧海城見到呢間餐廳有二人螃蟹套餐，份量都幾足夠，又好味，都幾滿足🌸星馬金磚豆腐份量都唔少，金黃酥脆嘅外表入面包住好滑溜嘅豆腐，外脆內嫩，有豆香味，味道啱啱好，又唔會太鹹，都真係幾惹味🌸花雕雞油蒸螃蟹，大大隻蟹上枱，我同老公兩個食，份量真係夠哂！擺盤幾靚，香氣撲鼻！蟹肉肉質鮮甜細膩，啖啖蟹肉都食到雞油同埋滲有酒香味，味道層次都好豐富，好味！🌸沙拉排骨，排骨炸至金黃鬆脆！每一條排骨上面都沾滿沙拉醬，啖啖肉，香口又多汁！整體味道鹹鹹甜甜，用黎送飯就最啱呢！🌸蝦味魚子蝦球炒飯，炒飯好有鑊氣，食材仲好足料！魚子粒配埋彈牙鮮甜嘅蝦球一齊食，口感味道都好豐富！炒飯炒得好乾身，粒粒分明，味道唔錯🌸清心丸綠豆爽，清心丸軟糯又煙韌，清甜又爽口！仲有爽口甜甜嘅馬蹄片，夠晒清熱，啱晒呢排天氣熱食嘅透心涼甜品🌸檸檬薏米水味道唔太甜，飲落口好清新，而且仲好消滯餐廳舒適寬敞，食物整體質素都好高，份量都好足夠，幾抵食！餐廳店員服務態度好友善，抵讚
繼續閱讀