5
0
1
港鐵奧運站 D3 出口 繼續閱讀
所有分店 (2)
電話號碼
28692228
營業時間
今日營業
11:45 - 16:30
18:00 - 23:00
星期一至五
11:45 - 16:30
18:00 - 23:00
星期六至日
11:30 - 16:30
18:00 - 23:00
*最後下單時間 22:30
付款方式
Visa Master 現金
其他資料
網上訂座
電話訂座
賞訂座積分
加一服務費
有關獎賞計劃
食評 (8)
等級4 2019-10-04
463 瀏覽
恭喜九龍區的朋友我很喜歡的家上海已在奧海城開設旗艦店喇!搭東涌綫的我往餐廳品嚐精緻的淮揚菜真的超方便呢!! 家上海的裝潢將舊上海風味帶追餐廳,加上花紋地磚配襯古風木餐桌及木椅感覺溫暖而舒適! 我們一衆老饕被安排於私人廂房中品嚐行政總廚宏師傅的手藝,先上檯的是*奧海城店限定*的花雕酒糟三寶$108,大蝦、鮑魚和豬手以醇香不苦澀的花雕酒浸泡至入味,幽香中沒搶掉原材料的鮮味調較得恰到好處!! 接下來是淮揚五福拼盤$238以五款家上海的推介前菜作為拼盤,當中包括女兒紅醉雞、鎮江冰官肴蹄、涼拌陳醋紅蜇頭、蘇式燻魚及四喜烤麩! 當中最喜歡四喜烤麩和蘇式燻魚,前者入味富咬口、後者濃香可口,吃得我十分滿意! 緊接著是賣相超美手工精細的松茸蟹鉗燉繡球$68/位,這亦是奧海城店限定菜式喔!! 燦爛的繡球是用豆腐精雕細琢出來,再放進高湯之同讓豆腐綻放如菊花一樣的美態,配合松茸和蟹鉗鮮味加分。 再來*奧海城店限定*的家鄉薑蔥蟹米粉$398,採用約重一斤多肉質扎實的大青蟹,以薑蔥等調味然後加入米粉烹調,不用多疑蟹肉多鮮甜吧!但爽口的米粉吸盡日月精華更加搶鏡。 *奧海城店限定:*上海煙燻脆皮雞$198/半隻、$398/隻,選用香濃的三黃雞來炮製,像薯片般香脆的雞皮確是吸引,但嬌嫩的雞肉也一點也不輸蝕,沾點秘製蒜香甜汁同吃風味更佳。 *奧海城店限定*鮑魚紅燒肉$208,是揚州家常菜之一以三層五花腩炆製,再加入矜貴的鮑魚一同炆煮,正正表現出濃油赤醬意味,五花腩肉質鬆化、鮑魚煙韌入味,絕對是佐飯一流的菜式。 *奧海城店限定*濃雞汁蘿蔔$88,晶瑩剔透爽甜無渣的蘿蔔太誘人了吧!以濃郁雞湯煨煮香氣完全滲進蘿蔔中吃下清甜無渣,如再涼一點遇上蘿蔔當造時這道菜必定更吸引! 大家意猶未盡再來客脆煎灌湯小籠包$54/5件解饞,以原塊鐵板奉客的灌湯小籠包令包底異常香脆,熱烘烘的肉球口感鬆化、味道鮮香而且勁爆汁,是我非常喜歡的小籠包。 單尾是招牌十景揚州炒飯$88,已經滿足到不行的我只能品嚐一口,但內裡包含了河蝦仁、鹹肉、豬肉、叉燒、雞肉、菜粒、冬菇、蔥花及雞蛋等材料,所以吃一口也十分富口感。 到甜品時間點上淮揚芝麻球、流沙奶皇千層酥、杞子荔枝桂花糕,三款都十分吸引我也忍不住試盡了它們。  杞子荔枝桂花糕$48味道清香口感爽滑,最重要是甜度不高很可口。 熱騰騰的淮揚芝麻球$52/3件外香脆內甘香,口感煙韌味道香濃好誘人呢! 但我最愛這流沙奶皇千層酥$52/3件,酥皮弄得鬆化可口,內裡的流心奶皇餡柔滑香甜,吃得我怦然心動耶,這頓淮揚家味真的吃得十分愜意必在我返兜之列,期待下趟再來會有新驚喜!! 繼續閱讀
(以上食評乃用戶個人意見 , 並不代表OpenRice之觀點。)
等級4 2019-10-07
303 瀏覽
難得今日奧海城解放,便同屋企人過新店家上海食個lunch。大約1:30pm到達,門口仍有人等位,我們也等了超過35分鐘才可入座。餐廳裝修尚算簡潔,不花巧。樓底頗高,所以環境不太嘈吵。通常食lunch都會想清淡一點,所以我們只是點了一些點心及湯麵,配上熱茶。金牌小籠包 : 皮薄,包身漲卜卜,肉汁滿滿,肉質尚可,算是合格。鮮肉鍋貼:皮厚好似食柴皮,感覺整個鍋貼未煎透,所以塊皮好難食,肉質較霉而裡面好乾,沒有肉汁,乾哽😖炸銀絲卷:絕對用差來形容,人家的銀絲卷咬一口清晰可見一層層,甚至乎可以一層一層咁碌黎食。這裡的咬一口包身便碎了,沒有彈性,完全見唔到一層層的效果,再一次乾哽😖上海擔擔麵:無味、難食,成碗麵是用花生醬混清湯再加一湯匙蒜蓉便完成,湯稀而無味。跟星光行北京樓同唐宮小聚的差十皮。紅燒牛肉麵:即使是上海做法也不至於完全無味,再一次湯,牛肉跟麵完全係沒有溝通一樣,各顧各,牛肉烚到沒味之餘更已達到霉口,難道此店用餚湯的牛肉?我要再一次強調此麵的湯底係一點牛肉味也沒有,湯清得如水般。上海菜肉餛飩:皮薄幼滑,菜肉跟湯味道也好,是全餐最好的一味。但最好的竟然忘記影相😅本來想叫第二輪,但大家都異口同聲說唔好再點了,質素差,與價錢不成正比!所以還是埋單走人。 繼續閱讀
(以上食評乃用戶個人意見 , 並不代表OpenRice之觀點。)
等級1 2019-10-13
25 瀏覽
奧海城三期地下(以前simply life位置)啱啱開左一間叫「家上海」嘅上海菜,今星期日帶埋仔仔一齊去試下。到左餐廳約三點有六七成空枱。三人點左三碗麵、小籠包同一籠壽桃包。因食剩了兩個壽桃包所以叫侍應入膠袋帶走。離開餐廳後行左約十分鐘就發現唔記得攞外賣包記返轉頭攞。入到餐廳我就同侍應講:「唔該我頭先唔記得左攞袋包。」跟著侍應就話:「吓我以為你包起左唔要掉左。」我好無奈就話:「我唔要就唔會叫你包起啦。」不過我覺得自己都有負責所以就話:「咁算啦。」正當我想轉身走時有一個著白恤衫戴眼鏡身形略胖嘅中年男人(疑似高級職員)就問個侍應咩事,個侍應就話頭先袋包我以為佢唔要掉左。個男人一粒聲都唔出眼尾都冇望我一眼就掂行掂過。我想講句真心話,呢間餐廳食物雖然幾好,但同奧海城二期既金滿庭比較仲差一段距離,同埋人地金滿庭既服務態度好好多,所以開左咁多年都大排長龍。而呢間「家上海」就.................。 繼續閱讀
(以上食評乃用戶個人意見 , 並不代表OpenRice之觀點。)
等級4 2019-10-11
0 瀏覽
上海菜餐廳一向都深受香港人歡迎,特別傳統家常上海及淮揚菜式,所以久不久亦會與家人或朋友一齊去食。而上海菜餐廳當中家上海亦是我其中之一間最愛,最近佢哋亦係奧海城三期開設旗艦店,咁當然要去試啦。餐廳新開期間已座無虛席,而且裝潢亦相當舒適,特別喜歡餐廳花紋地磚以及木系椅桌,令餐廳散發多點懷舊氣息。淮揚五福拼盤一道相當精緻的前菜拼盤,而且每款食品都好有上海風味,拼盤內有:女兒紅醉雞、肴肉、陳醋紅蜇頭、燻魚及四喜烤夫,每款食品都各具特式,一次過可以試到多款美食。花雕酒糟三寶吃過五福拼盤就到這道奧海城限定的花雕酒糟三寶,酒糟三寶包括有鮑魚、鮮蝦及豬手,每一款食時都有濃郁酒香,相當回味。濃雞汁蘿蔔又是奧海城限定必食菜式之一,而且亦是相當有心思的傳統家常上海菜,每口蘿蔔都是爽甜冇渣入口即溶,食多口更散發出無比的雞湯精華。上海煙燻脆皮雞呢一道脆皮雞同樣做得相當出色,皮脆肉嫩之外,還有淡淡煙燻香氣,襯熱吃時皮脆到真係好似食緊薯片一樣,不錯。松茸蟹鉗燉繡球呢個菜式相當考大廚功夫,當中大廚需要在豆腐切出三千多刀先可以做到這個繡球,再配上松茸、蟹鉗增添矜貴,單是看已值回票價。家鄉薑蔥蟹米粉這道菜式選用約重一斤多的大青蟹,蟹肉肉質鮮味之餘,更有濃濃薑蔥風味,再吃一口吸收了蟹肉精華的米粉真係相當滿足。流沙奶皇千層酥鍾意奶皇的朋友真係唔好錯過,千層酥外層鬆化,一口咬開便是澎湃的流沙奶皇,甜度剛好,相當出色。 繼續閱讀
(以上食評乃用戶個人意見 , 並不代表OpenRice之觀點。)
等級4 2019-10-10
439 瀏覽
元朗朋友J先生喺元朗長大,佢長期係我元朗飲食推介嘅來源之一,由完全無認識到而家係元朗區有不少心得,也全賴佢影響,佢算係我其中一個飲食指南。之前他曾經推介一間元朗嘅中式餐廳,Yoho mall嘅「家上海」,以傳統嘅家鄉味道喺元朗打出個名堂,一直有不少粉絲和支持者都講過呢間餐廳有幾好,可惜兩個人食唔到啲乜,起碼要一大班人才可以試到多啲唔同嘅菜式。因此,一直只係可以聽人講下有幾好,上網睇吓有幾正,望梅止渴。不過皇天不負有心人,曾聽講過佢開分店嘅消息終於落實,「家上海」終於衝出元朗,喺奧海城開設了另一間新嘅分店。當然來到大角咀,約人就容約得多,於是當晚一行十多人來到這裏試試佢精彩嘅菜式。這裏以淮揚菜為主,主廚欒師傅生於揚州,上海和淮揚菜都是佢嘅拿手好戲,這個品牌的成功都正因為他,相信今晚幾個座上客都係因為想試吓佢嘅手勢而到訪。餐廳有好多之前元朗有嘅菜式,亦都新加左奧海城分店的限定菜式,人多就自然好做事,有幾多掃幾多。先上場嘅係奧海城限定嘅花雕酒糟三寶,以鮑魚,鮮蝦和豬手為主角,簡單加上花雕酒,薑和蔥等配料煮好後,三位主角都被花雕酒用上一晚完全溶化吸收,吃到食材的原味之餘,也吃到酒香。另一道前菜係淮揚五福拼盤,五種推介前菜包括涼拌陳醋紅蜇頭,蘇式燻魚,四喜烤麩,女兒紅醉雞和鎮江冰官肴蹄,各有特色。個人較為重口味喜歡醉雞和燻魚,而蜇頭醋味較為淡,如果濃一點,整體經驗應該更加好。如果要盡顯淮揚菜嘅刀工,呢一個松茸蟹鉗燩繡球應該係體驗刀功嘅最佳作品,師傅以強勁嘅刀工係豆腐上切上咗三千多刀,而以雞和金華火腿煲嘅上湯,豆腐就像菊花一樣盛開,基本上同藝術品無異,我亦想起城中另一間出名的淮揚菜,這個絕對有過之而無不及。全晚最impressive係家鄉薑蔥蟹米粉,原因係出奇地個個都係咁食個米粉,薑蔥米粉反而係搶手之作,當然大大隻嘅青蟹炒得惹味芳香,而且肉質新鮮,加上薑蔥的調味和米粉嘅配套,可以說是不可錯過。黃魚炆手切年糕,主角我覺得唔係嗰條黃魚,反而係勁煙韌嘅年糕,不過驚太飽嘅關係,都係一件起兩件止。上海煙燻脆皮雞又係另一傑作,你睇個樣冇諗過可以咁正,唔一定要西餐Louise吃嘅三黃雞先出名,這個香港獨有的雞才是最佳嘅拿手好戲,用香料醃過後嘅雞,風乾後再用茶煙燻,再用慢火煮過,那個雞樣子皮脆肉嫩,油香強雞皮超脆如薯片一樣,坐上客嘅呢A小姐話一定唔可以錯過枱面附上嘅蒜香甜汁,平常我吃雞也不會點汁,但既然咁講點一點,更加與別不同,聽靚女講野果然冇錯。另外一個家鄉味就係上海梅乾菜炆肉排,這個絕對係家常小菜,可能你會覺得冇乜特別,但吃下去絕對窩心。最後當然要來個菜,當晚選的濃雞汁蘿蔔,相對來說最簡單和樸素, 以質素來講,不過不失,用來間場最好。另外脆煎灌湯小籠包同大上海牛肉餅可謂各有千秋同樣美味,不過個人覺得小籠包好得多,以鐵板奉上,其香脆嘅包底和強勁嘅餡料,直逼我最愛嘅麥記,當然呢度個版本係高尚得多,只要你想想就好似麥記嘅質素,但係地方包裝唔同晒,成件事係唔係好值得一個一星嘅米芝蓮?最唔令人期待嘅應該係招牌十景楊州炒飯,但個人來說,越食越喜歡,每粒米都炒得勁細緻,十景完全唔講得笑,有雞蛋,鹹肉,豬肉,叉燒,雞肉,冬菇,蔥花,菜粒,河蝦仁和海參,基本上咁多種材料加上強勁嘅功力和火候炒出來,同平時你喺茶餐廳食到個炒飯當然係截然不同,因此,有時不可以名字或食物種類,就斷定個菜唔吸引。甜品又係氣勢如虹,三個選擇有流沙奶黃千層酥,淮揚芝麻球和杞子荔枝桂花糕,吃的時候當然由淺入深,但當然要我選擇,芝麻球和流沙奶黃千層酥一定係超水準嘅作品,相對比桂花糕都優勝得多。成晚食咗咁多個菜式,驚喜可以話係一浪接一浪,最重要係地點方便,而且以前食淮揚菜通常都會係香港區嘅選擇,但九龍區嘅朋友現在多左個選擇,衝出元朗嘅家應該更令你窩心吧。家上海  大角咀海泓道1號奧海城三期地下G19-21號舖 繼續閱讀
(以上食評乃用戶個人意見 , 並不代表OpenRice之觀點。)