樂天皇朝薈萃

營業中

休息中

樂天皇朝薈萃進駐Airside，環境大，坐得舒服，平日的夜晚都全場爆滿，Q​R code 自助落單。李白醉雞$92，花雕酒味香濃，酒香滲入每件雞肉當中，雞皮爽，肉質嫩。蟹粉鍋貼3隻$58，外皮煎香至有酥脆口感，肉餡配上蟹粉，更加鮮味。六隻原味小籠包必點$80，皮薄，肉餡肥瘦均勻，肉汁鮮甜，清爽不油膩，一整粒放入口最好味。上海炒年糕$95，年糕煙X軟糯，跟黃芽白菜一齊炒，惹味香濃味。溫馨提示，餐廳另有小食$15及茶位$12位的收費。

成個商場都係新開嘅，可以嚟行吓，又可以試吓新餐廳！樂天皇朝係好多地方都有分店，一向質素都唔錯👍今次試咗黑豚肉小籠包6粒($75)，廚房係透明玻璃，即刻睇到師傅整小籠包。呢度嘅小籠包皮好薄，但係夾起嚟唔會爛，豚肉餡餡唔會太肥膩，偏瘦健康☺️肉汁飽滿🤤好味皇朝話梅骨($108)酸甜配合得幾好，排骨掛汁能力好高，好入味，食到lam lam脷😋黃鱔炒飯($118)係用煲仔上㗎，二人份量，有少少油。喺香港食黃鱔炒飯係唔容易，呢度嘅黃鱔條條肉，成煲飯好香口😋

終於有時間到啟德Airside朝聖，商場嘅裝潢很有藝術美感，而且有很多特色店舖。Lunch time 來到樂天皇朝薈萃品嚐精緻的上海美食。🥰這裏的樓底很高，而且有大量的落地玻璃，感覺開揚舒適，令人用餐時更愉悅。😍❤️蟹粉白玉盅一道以蟹為主的豆腐湯羹，湯羮的口感非常滑嫩，蟹肉蟹粉的鮮甜與豆腐的柔軟完美結合，帶來了一種濃郁海鮮美味亦營養豐富。🧡招牌原味小籠包裡面填滿了黑豚肉，這些小籠包皮薄餡多，肉汁鮮美，每一口都充滿了豬肉的香氣。💛上海黑豚肉生煎包生煎包外皮金黃酥脆，內部則包裹著多汁的黑豚肉。一咬下去，肉汁散發豐富美味，讓人回味無窮。💚皇朝擔擔拉麵濃郁的湯底和彈牙的拉麵麵條，配上香辣的擔擔醬料，頓感豐富滿足。💙手打青檸香水檸檬茶清新宜人帶有檸檬的香氣和微酸的口感，具有非常有特式的香水味道。💜熱桃膠紅棗桂圓湯這碗湯甜而不膩，桃膠的軟綿和紅棗、桂圓的香甜完美結合，為整餐增添了一份溫暖和甘甜。

網上見到獲獎小籠包買一送一(買八色小籠包送六粒原味小籠包)，就同兩個朋友一齊去試吓。入去之前先打卡，店員就幫我地落左兩籠小籠包。八色小籠包色彩鮮艷，溫度足夠，湯汁飽滿，外皮亦唔會太厚。我試左其中既原味，青瓜味，鵝肝味同蒜茸味。青瓜味做唔到我想像中好fresh既口味，而只係加青瓜絲入小籠包咁。鵝肝的風味不突出同食原味小籠包差唔多。蒜蓉味突出，一咬開蒜汁就爆出黎，相當惹味。第二道菜係上海醬鴨。鴨比較乾身，但調味足夠。不但表皮鹹香，肉亦充滿醬香。第三道菜係李白醉雞。花雕味濃香，但同其他酒樓食到既醉雞冇分別。第四道菜是上海炒年糕。年糕煙靭，炒醬帶鹹甜，不會過濃。最後一道菜是紅油抄手拌麵。拌醬非常麻，我認為是過多的麻掩蓋左其他香料既風味。抄手普通。總括嚟講，如果係為左試特別味小籠包，黎喱度就可能令你失望。但小籠包既味道係水準之上，價錢亦比一般貴。

啟德AIRSIDE的食肆差不多全開了，有不少著名餐廳進駐，樂天皇朝是其中一間。這間分店走明亮路線，大大隻玻璃窗，沒有浪費了啟德開揚景色，感覺舒適。坐下便送來的小食和其它分店一樣是花生栗子（$15），炆得又腍又香，一如以往的好味。今天我們沒有點樂天皇朝的招牌八色小籠包，想試試其它。🏅蝦仁酸辣湯（$63）皇朝的酸辣湯最合我心意，因它夠辣，但卻不是死辣，辣得來夠鹹、鮮、香。一大碗熱氣騰騰的酸辣湯，非常開胃。至於蝦仁，我倒覺得可有可無。🏅皇朝話梅骨（$108）好吃到舔碟，酸甜清爽不油膩，肉質不硬，一個人也可吃完一碟。話梅骨即是糖醋骨，不過皇朝的話梅骨其實是楊莓骨，比話梅更健康好味，寫到這裏又流口水了。🏅紅油鮮蝦黑豚肉抄手拌麵（$75）拌麵最重要是麵質和醬汁。這個麵質幼滑，能掛汁，醬汁清爽，有花椒香味，好吃。🏅黃橋燒餅（$38）外皮酥脆，色澤金黃，內餡是豬肉和椰菜，略嫌較淡味。🏅擂沙湯丸（$45）芝麻餡流心，完整一粒放入口，齒頰留香。

呢間上海菜喺香港開業多年原來都進駐啟德呢個新商場店內環境寬敞舒適隔著玻璃睇到師傅製作過程更是餐廳嘅特色必食：✨招牌原味小籠包 即蒸熱辣辣，每隻皮都超薄師傅手工包製18摺，飽滿嘅湯汁好Juicy✨紅油鮮蝦黑豚肉抄手拉麵拉麵可以選擇軟硬度加上紅油抄手帶出香辣嘅味道✨李白醉雞醉雞嘅肉質都幾嫩滑酒香味控制恰好唔會掩蓋雞嘅鮮味✨生煎牛肉餅牛肉餅外皮煎得香脆裡面包著軟腍多汁嘅牛肉亦唔會太油膩✨椰汁燕窩椰汁味香濃．口感細膩加入燕窩同杞子有冷 / 熱選擇．滋補嘅最佳甜品下午茶時段超抵．以後嚟Airside又多個選擇喇

皇朝小籠包八款不同口味，分別有原味、絲瓜、鵝肝、黑松露、芝士、蟹粉、蒜香同川味，店員會介紹由味道淡到濃咁食，八款都咁好味，各有特色瑤柱芙蓉賽螃蟹蛋白加瑤柱上面仲有個生蛋黃同醋，味道好特別，唔似食緊蛋白，而且份量偏大蒜蓉清炒菠菜菠菜炒得非常爽口，上面仲有炸蒜，撈埋一齊食口感好豐富紅油黑豚肉炒手拌麵一碗麵入面有5粒炒手，紅油味道唔會太辣，反而偏麻，非常惹味，性價比高，唯一缺點係撈麵時唔夠汁，建議可以俾多少少汁就更好宮廷驢打滾甜品揀左宮廷驢打滾，因為平時出面食飯好少有得食，所以叫黎試下，用糯米包住紅豆餡，外層再沾黃豆粉，唔會太甜同膩，好正～

.‼️❤️ 記得CLICK我PROFILE關注我呀 ❤️‼️.🥇 𝐒𝐡𝐚𝐧𝐠𝐡𝐚𝐢 𝐅𝐥𝐚𝐯𝐨𝐮𝐫𝐬 𝐚𝐭 𝐢𝐭𝐬 𝐁𝐞𝐬𝐭 @ 🌟 樂天皇朝薈萃《👽食神大媽食小籠包》.💁‍♀️ 圖片展示美食為：Signature Original Xiao Long Bao (Kurobuta Pork) HKD 75Pork Rib with Plum Sauce HKD 108Pan-fried Kurobuta Pork Dumplings HKD 50Braised Duck with Soy Sauce in Shanghai Style HKD 65Steamed Vegetable Bun HKD 48Sweet and Sour Fish HKD 108Fried Rice with Shrimp and Preserved Vegetable HKD 98Steamed Salted Egg Yolk Custard Lava Charcoal Bun HKD 46.🇸🇬 新加坡過江龍嘅小籠包有幾好味，我估冇人唔知，佢最近開咗一間新分店喺AIRSIDE，一定要試吓先得。.🧄 去樂天，就當然要

Airside開業一段時間 啟德站一出就到🚇對我來說非常就腳👣 閒時走來逛逛嘆美食 撞正下午茶時段 日頭湧湧🙆🏻‍♀️好好彩安排卡位位置 環境舒適優雅 飲壺普洱茶🫖可以嘆足一個下午😎✨刀切小饅頭（炸）小饅頭有蒸有炸 識點一定點炸饅頭 蘸上煉奶好好味🤤✨蘿蔔絲酥餅酥餅層層酥脆 蘿蔔絲清甜 做得不錯👍🏿✨松子鮮果桂魚🐟近期食滬菜必點❣️桂魚炸得金黃酥脆 肉質外脆內滑 炸漿薄薄的 沾滿酸甜糖醋汁 令人難以抗拒❤️‍🔥

特色皇朝小籠包（八色）🥢一籠有齊八種味道👅食勻晒，超正呀…有原味、黑松露、蟹粉、鵝肝等，各有特色最緊要係皮薄肉汁多，好好味🤤上海黑豚肉生煎包🥢最緊要個底煎得夠脆，豚肉多汁嫩口。刀切小饅頭（炸）🥢炸饅頭點埋煉奶真係簡簡單單已經好好食。皇朝擔擔拉麵🥢湯底黎講最緊要有花生醬味，麵條夠彈牙吸晒d湯先叫好食👍🏻肉碎欖菜乾煸四季豆🥢欖菜要夠惹味肉碎先會香，四季豆要炒得夠乾身，煮得到水準來👍🏻

平時一想食小籠包第一時間都會諗起樂天皇朝既八色小籠包。間間分店都食過曬咁制，除左新開既啟德AIRSIDE店，見近近地就去食返個晚飯先😁餐廳採用落地玻璃，空間感十足。地方夠大又坐得舒服，仲可以隔住玻璃睇住師傅整小籠包。八色小籠包照舊賣相一流，隻隻皮薄餡靚，滿滿既湯汁，清甜又唔油膩😋今次食8隻唔夠喉，另外嗌多6隻原味小籠包🤤_除左小籠包之外其他野食都好唔錯。紅油鮮蝦黑豚肉抄手拌麵個汁好惹味。蘿蔔絲酥餅雖然有少少油但好酥脆。酒釀芋圓有米酒香，啲芋圓BB好得意口感又Q彈。🥢特色皇朝小籠包(八色) $142/8pcs招牌原味小籠包 | 糟溜絲瓜小籠包 | 鵝肝小籠包 | 芝士小籠包 | 蟹粉小籠包 | 黑松露小籠包 | 蒜香小籠包 | 川味小籠包🥢招牌原味小籠包(黑豚肉) $76/6pcs🥢蘿蔔絲酥餅 $48/3pcs🥢紅油鮮蝦黑豚肉抄手拌麵 $75🥄酒釀芋圓 $38

前日電話booking又無講限時90分鐘（員工話一定有講，但sorry我真係聽唔到），琴日去到攞位時先話限時90分鐘，仲要話公司規定, 當時12pm，商場人影都唔多，洒樓入面1/4人都無，帶位個樣黑晒面，仲不停講，係呀我地電話一定講明90分鍾咖，同事绝對唔會唔講咖. 如果係電話講左我就唔book啦，而家市道差到咁，你仲要咁堅持，人係生，例係死，梗係盡量揾多啲生意啦，如果佢同我講，如果人多要計返90分鐘，同埋如果真係好多人等，要限食90分鐘，講真我無問题，既然你咁堅持，我都可以堅持以後唔黎lu！祝生意興隆！

.⋯♡⋯⋯⋯♡⋯⋯⋯♡⋯⋯⋯♡⋯⋯⋯ ♡⋯⋯⋯♡⋯Airside依家逐漸開左好多餐廳，都有好多野行，同同事去食番間中菜，好坐又可以飲下茶，方便傾計。雲吞雞湯半隻份量充足，雞湯煮至白色，上面一層薄薄黃色雞油，黎到已聞到濃郁雞湯味，雞肉都有一定彈性但唔會話煮到太爛，仲有小棠菜生煎包包底微微煎脆，內有多汁豬肉餡陳皮五香牛肉滷水味道好香，牛肉切到薄片，味道入味京醬肉絲最推薦第一道菜，味道有少少偏甜味，加上薄餅，大家都好鍾意食🥰如果唔想錯過其他好介紹，記得follow我呀😘多謝大家！！！你嘅支持就係我嘅動力！記得點讚❤️⋯♡⋯⋯⋯♡⋯⋯⋯♡⋯⋯⋯♡⋯⋯⋯ ♡⋯⋯⋯♡⋯樂天皇朝薈萃 (九龍城)九龍城啟德協調道2號AIRSIDE 4樓L418號舖 ⋯♡⋯⋯⋯♡⋯⋯⋯♡⋯⋯⋯♡⋯⋯⋯ ♡⋯⋯⋯♡⋯

放假終於有機會行 啟德新商場airside, 行過樂天皇朝薈萃同屋企人諗住過去食個晚飯。安排坐喺窗邊位,見到新蒲崗一帶。 每張枱有一個置物籃畀你放手袋,好貼心。餐牌有佢招牌小籠包,即場有師傅喺玻璃房入面即場包即場蒸。食物種類都好多,小食,主菜到甜品。 松子鮮果桂魚$248將一條桂花魚炸至鬆脆,魚頭都炸到可以食,外脆內軟,唔會炸到乾曬。芡汁係甜酸汁配生果。條魚大概係兩至三人份量,食落啖啖肉,啱曬我呢啲唔鍾意食魚骨嘅人,送飯一流。李白醉雞$88(轉雞髀+$10)好濃香嘅酒味,隻雞都浸到好嫩,唔會鞋。望落細細碟,但係都有唔少份量。唔單止雞皮有酒香味,雞肉都食到濃濃既酒味,相信佢應該都有浸咗一段時間。 另外一個叫咗白飯$15一個叫咗湯麵$15。兩個人剛剛好喇~~

AIRSIDE開左兩個月，男朋友仲未去過🤭早幾日終於有時間同佢去行下😚之前食過一次【樂天皇朝】，好懷念佢既小籠包🥟所以決定回訪🥰呢間新開張既樂天皇朝，裝修新淨，座位多，走高貴、氣派路線☺️環境同其他分店一樣咁舒適！臨近聖誕節，仲加添左一d聖誕佈置🎄🧑🏻‍🎄好有心思！❥ 黑豚肉小籠包 $75黎樂天皇朝一定要食小籠包🤩小籠包大大粒，皮薄餡靚，咬落去有爆汁既滿足感🤤裡面係鮮嫩既黑豚肉，配埋清甜既湯汁，好好食🥰繼續保持高水準，大推👍🏻❥ 上海風味醬鴨 $65值得推薦既涼菜✨係一款醃製既鴨肉，帶有咸咸香香既味道！好惹味～有點唔夠喉啊！！❥ 菠蘿咕嚕肉 $108外脆內鬆軟，味道酸酸甜甜，好醒胃！菠蘿咬落多汁，口感清新解膩🍍咕嚕肉送飯食好正🤤❥ 雪菜蝦仁炒飯 $98蝦仁份量充足🫶🏼味道鮮甜爽口，配埋雪菜既咸香味，食落好有風味，口感豐富🍚飯粒炒得夠乾爽，粒粒分明，好香好有穫氣！鍾意食炒飯既朋友唔可以錯過～