樂壽新漁村酒家 (已結業)

21/12(五) 8pm提早跟家父做冬,訂座此中菜館作飯局地點.位處僻靜的德成街,晚飯時段,街道上鬼影沒多隻.一行七人訂了八時半於此用膳,做冬前夕店子入座率不足八成,早到了也不用被拒諸門外.環境較坊間的酒家潔淨光猛.訂座前已詢問過接線生當晚的菜式跟平日會否有異,接待員告知單點及套餐均有供應.怎料是晚的部長起首已遞上一張不過30款的小菜紙,說道:"今晚系得呢d可以叫!"我們無奈地從寥寥選擇中點了脆皮蔥油燒雞$78,少林牛仔骨$68,滑蛋蝦仁帶子$78,蒜容蒸蟶子$168,魚滑翅湯娃娃菜$58.點菜後質問了另一位部長才發現當晚亦有冬至套餐供應,這究竟是什麼服務態度呢!脆皮蔥油燒雞--雞皮薄而脆,雞肉肉地彈口富雞味,雞肉略為肥膩點.少林牛仔骨--肉質過於腍身,又是梳打粉打怪,肉香不存,九流出品!滑蛋蝦仁帶子--份量少得出奇,滑蛋卻挺滑溜,唯鮮蝦沒鮮味,帶子碎片真的要花點心機方能覓其芳蹤,味道未見精彩!蒜蓉蒸蟶子--$26一隻的蟶子看頭十足,蒜蓉蒸味道較清,蟶子鮮度及肉地不算極優質,勉強吃得過去!魚滑翅湯娃娃菜--湯頭清寡,娃娃菜口感欠佳,一無是處!唯一可取是魚滑入口嫩滑.野菌浸豆苗--跟白烚

自從第一次幫襯過呢間酒家後, 對佢o既魚頭同鮑汁鳯爪念念不忘! 終於忍唔住前晚又再幫襯過!我們一行人早早坐下, 先來兩碟小吃....1) 涼伴青瓜-夠爽夠脆, 食落幾新鮮! ok!2) 鮑汁花生鳯爪-炆到晒入晒味, 好香甜, 雞腳軟滑, 花生夠淋, 正!慢慢嘆完小吃, 跟手再o黎主菜.......(點了太多, 希望記得晒啦...)3) 薑蔥魚頭-每人一件, 上菜時原煲炸炸聲, 夠晒鑊氣, 遠遠都聞到一股香濃野味的薑蔥味道, 每人分一件, 慢慢自顧自享受, 簡直好味到出唔到聲! 差唔多每圍都會點o既! 值得一再推介!4) 燒雞半隻-皮夠脆, 唔肥, 薄薄的一片片, 食落口唔覺有罪惡感!! ^_^5) 臘味煲仔飯-今次比第一次叫時, 很像細煲了! 每人只分得一碗仔! 但當晚實在太豐富, 咪當淺嘗囉! 臘味夠多夠大件, 略嫌豉油唔夠香甜!6) 懷舊煎釀鯪魚-很香口, 唔肥膩, 食得出有小小魚骨, 很新鮮!.....還有很多, 講唔晒, 下期再續!

見食評不錯, 一行6 人相約來試一下.先來例湯: 蓮藕章魚煲豬腱, 一般.薑蔥魚頭煲- 必食推介不食魚頭既我, 試了少少魚肉都覺好好味. 其他人就停不了口, 欖角豆腐- OK 好味唶唶生菜煲- 加了蝦醬, 非常冶味, 好味, 龍潭滋味骨- 推介之一. 勁好味酸酸甜甜, 大量蔥, 蒜, 紅蔥頭炒, 正到呢........清蒸山坑鯇魚- 食味卻一流順得煮淡水魚確一流, 無泥味, 唔腥, 又鮮甜, 又滑! 天氣凍, 最好食煲仔飯這個馳名腊味煲仔飯, 非常足料, 好香.可惜腊味分開了上, 不夠熱LA LA . 這裡甜品非常出色,桂花椰汁糕-這裡的勁好食. 桂花好香, 又不太甜, 椰汁剛好不搶味, 配搭好平均. 黃金糕- 都好食, 但沒食評讚得咁誇張. 脆麻花- 雖然是簡單點心, 但出奇地鬆化, 味道不太甜, 不油膩. 好好食. 杏仁茶燉蛋白- 潤到呢, 冬天佳品.

My friend introduced this restaurant to me. Therefore, I made a call and ask for the tailor made menu for 5 persons and it costs me about HK$1688 for the dinner set. Orignally, I thought this is okay as the dishes may serve bigger than the regular size or something special. However, when I get to the restaurant, I found that the food I ordered is very cheap. My dissatisfaction is the waiteress doesn\'t quote me the actual price as it appears in the menu. Also, if i ordered the same food and po

We ordered a set dinner $388 plus 2 steam rice. When we asked for the bill, it came out $588. My father-in-law just gave the waiter his credit card. But I figured out something is not right. Then he came with the credit card slip for my father-in-law's signature. Then I asked for the invoice showing the items breakdown. The waiter immediately told me that that's the next table's bill. But he already got authorization code from the credit card company just waiting for us to sign the slip,

入到黎呢度睇一睇, 發覺咁多人讚, 真係有少少驚, 因為小弟都試過, 並唔係咩咁好, 可能係我唔識欣賞又或者去得唔合時啦...年廿九, 一家人去食團年飯, 一行五人, 第一次黎呢度食, 講真之前真係未試過, 以為係食廣東菜, 點知黎到至之係食順德菜! 入到去同伙計講有老人家需要坐輪椅, 請佢地收起一張椅啦, 點知個伙計又話張輪椅要擺邊度, 好唔想我叫佢收起張椅個位度收, d服務態度要扣分啦.跟住叫, 個伙計又不斷sell我地食海鮮, 唔貴都唔selld啦, 點知我話食海蝦, 佢又話冇, 都唔記得佢叫我食咩蝦喇, 總之對樣野一d興趣都冇; 跟住又叫食魚, 頂! 全部淡水魚, 我又唔鍾意食, 點叫呀? 睇左一陣, 叫左一個特價套餐, 個伙計好似好唔滿意咁囉.套餐有例湯, 砂窩魽魚, 荷豆炒貴花蚌, 雞, 仲有一個菜, 另外加左五隻元貝, 我地話要蒜蓉粉絲蒸, 佢落單都係咁寫, 點知黎到就係砵酒焗, 之前又唔講, 有d屈感覺! 例湯, 好一般, 有味精, 唔得; 砂窩魽魚, 呢個好香好味, 不過好腥同多骨; 荷豆炒貴花蚌, 貴花蚌炒得唔好, 荷豆直頭未少熟, 失敗; 雞, 都唔記得係咩野雞,

酥皮叉烧包，劲赞！！红豆栗子布甸，想要多一盅比朋友都无~~

【2007年1月11日】先講講環境，初初以為非常街坊，但原來好得多，看來翻新不久。有個電視不斷播亞視某飲食節目，原來此店有份贊助和行政總廚有份出鏡。七人吃了：- 避風塘茄子- 炸鯪魚球- 例湯- 銀盆雞: 銀盆雞用錫紙包著，上檯才剪開錫紙，再兜幾下，好香!!- 梨山醬汁排骨煲：酸甜度適中，好入味。- 生煎鯪魚餅：煙煙韌韌。- 大良炒鮮奶：不覺得肥滯，內有帶子條。有米通墊底。- 三椒頭菜炒豬面青：沒有太特出之處- 魚滑翅湯浸娃娃菜：湯濃美味- 麵醬炒皇帝苗：有點像西洋菜- 臘味煲仔飯: 每人分一碗的臘味煲仔飯，好香好味。連隔離檯打邊爐的也問是甚麼來。用上湯泡飯焦，食到盡。- 杏仁茶，香滑，不過不太好杏仁。- 黃金膏，熱辣煙韌，帶點菠蘿味。- 半打壽包。- 至愛雙皮奶，正~ 難得它的甜點不會太甜，感覺不漏。- 果盆。- 紅豆桂花糕。太專注我的雙皮奶，也沒有吃這個。服務不錯，菜式選擇甚多，而且每碟均有水準。菜式夠味但不過咸過淡，不算超多油。每人約$160-180左右。另有火鍋，下次試試先。

我去過兩次, 是因為第一次感覺非常好才去第二次的.後來有一個很喜歡吃的朋友說介紹我一個餐廳,一聽之下,原來又是樂壽,他的評語與我一樣,價錢不貴,裝修還可以,但味道非常好.我第一次吃了'魚唇',其實是像一個砂鍋魚頭煲,但是一般餐廳做魚頭煲會用很多油,這個餐廳用的油剛剛好,而且很惹味,還有吃一個'蒜香骨',用南乳煎的,一點都不靱,咬口不錯,另外還有一個芥蘭煲,不錯.第二次去吃了一個'什菌煲',有白菜仔,最初沒有很大的期望,因為也只是一個菌煲,但一吃之下,啊!非常好!現在印象還是很深刻,因為他先把菌煎過,吃起來很香,另外,煲的湯底很好味,我一般到外面吃飯都很少喝湯,因為怕味精,特別是菜裏的湯,但這次我都忍不住喝了一些.總結來說,雖然侍應的服務不算是非常專業(有些還帶有鄉音,很難聽),但菜確實是做得不錯,特別是用這個價錢,在佐敦.

(12/11/06)黎過好多次了,次次都好滿意。例湯,淡菜,茨實湯,因為唔似味精湯,好有住家風味。再次食拼盤:釀青椒,釀藕片,鯪魚米波,保持水準。招牌雞,用鋅plate盛雞件,包錫紙焗,雞焗得過火,葯材味淡淡,上次食過,都唔鍾意架喇。三色椒炒豬面青,鑊氣好夠,豬面青少許爽口。"亞"煲芥蘭,勁冶味。煎魚餅,又係鯪魚餅,其實略咸。白鱔,成三斤重,賣相靚又好味,真係飽飽了。送黃金糕,唔係好甜;杏仁茶要等好耐,最終都係勁好味。

上星期六一行6人黎食生日飯.. 本來我想食鹿鳴春或者泰豊樓的.. 但book唔到位.. 咁有一位朋友話黎呢間試下.. 佢之前試過都覺得唔錯喎.. 我地六個女仔.. 叫左4個菜同2個甜品.. 除左個黃金糕之外.. 每一樣都好好味..百合甜豆炒蝦球.. 比想像中好味好多.. 因為我成日覺得百合唔好食.. 又唔多like食蝦.. 所以原先打算試小小.. 但發覺原來係好好味架..d蝦好新鮮.. 正!!!羅定沙窩雞.. d雞都好嫩.. 都係好味及有水準的..(唔記得個名)有蝦醬味既生炒骨.. 肥瘦適中.. 很香口..唔錯.. 方魚薑蓉炒白菜仔.. 最冇乜特別既一味.. ok啦.壽包.. 即整架.. 好好味.. 皆因佢係唔多餡.. 黃金糕.. d味有d怪.. 但都幾煙韌既.. 不過下次唔會再試..同埋我覺得呢間餐廳d服務幾唔錯.. 個個都好有禮貌..

食左燒賣炸兩炒麵等東西, 炒麵比較咸, 淡少少會較好.炸兩既腸粉好滑, 實在要推介下.叉腸有埋荷蘭豆, 是否特色?

(15/6/06)入街的地方,晚上估唔到地,有番咁上o下人喎,睇黎越黎越多人,認同這實力咯!明火靚湯煲,薏米鴨湯,味道像雞湯,唔錯。樂壽特式拼盆:蓮藕餅,釀長青椒,炸脆米鯪魚粒,三樣都係鯪魚肉,好ah!煎焗西江魽魚:雖然都好好食,好冶味,不過硬係覺得第一次食時,最好味!o者o者芥蘭豬面青:都係用煲上,好一般,熱辣辣是賣點卦招牌銀盆雞:用錫紙包住,焗得過火左。內有杞子之類。白玉藏龍:東瓜藏著蝦,外圍以南瓜蓉點綴,整體淡淡的。咖哩奄隻蟹:無蟹膏,蟹亦唔靚,因為莓莓o地,但咖哩味,及賣相做得唔錯。黃金糕一籠,即係聖安娜新年出o個款糕,不過呢度的唔甜,口感更好。而另外,必叫既杏仁茶及雙皮奶,杏仁茶依然好味,但雙皮奶已有分別了,像奶粉溝成的味道。

兩個人撐檯腳，叫到既野有限：帶子蟹籽蝦餃、蟹籽燒賣、芥蘭同奶黃流沙包。野食外表唔錯，再加上樣樣即整既關係，所以難食極都有「熱力」搭救。一記蟹籽燒賣啖啖肉，一粒蝦或者冬菇都無；白烚芥蘭雖然有切個芥蘭底，但D 莖仲黃黃綠綠，有D ...。另一記奶黃流沙包：原本想食奶黃色既馬拉糕，問靚姐佢地既馬拉糕係片糖啡定係奶黃黃，佢答o左5 分鐘都九唔搭八，仲嫌我地兩個搞事；最後settle o左要「奶黃包」，點知係奶黃流沙包...一問，原來佢地根本無「奶黃包」，得「奶黃（流沙）包」。皮薄（如紙）、一食就漏（唔係「爆」）、奶黃水/ 油/ 鹹蛋黃渣三味解體...味道麻麻唔在講，落order 還落order，唔好咁hae 好wor。唔怪得閒日午市20 幾檯得2 檯客。

(1/4/06)上次食完河鮮,今次要試小菜,仲有杏仁茶。食晏無前菜,晚飯就有個前菜─仁稔"略一略"水,硬係硬D,不過味道幾好。兩個人,只可叫兩味。香煎蓮藕餅,諗住普通鯪魚餅咁,原來好有趣地,係兩片蓮藕夾住鯪魚肉,一碟有十件呀!可惜豉油重手得滯。另一樣,大良海鮮炒鮮奶,又係好大碟,在其他地方食過的炒鮮奶,賣相完全唔同,呢個唔會似賽旁蟹/炒蛋白,而像一個沙律醬山丘,食味好滑,奶香都算係咁,而"海鮮"的蝦粒OK,帶子就雪藏味啦。一碟頗漏既鮮奶後,只能叫一碗招牌,生磨杏仁茶,嘩!又一驚喜,南杏北杏味好重,又唔太甜,又唔似糊,呢D先真係叫杏仁「茶」喇~因為質地較稀,為左口感,加左蛋白,真用心。食物好味,環境衛生,仲有見到部長/經理、大廚在"開會",相討o下食品,各樣事務,實在好欣賞呢間食店。