樂園魚蛋 (亞皆老街)

營業中

休息中

🍽️樂園魚蛋 (旺角) 📍旺角亞皆老街103號地舖❣️最近同屋企人講吓以前小時候嘅味道，不得不提樂園魚蛋專家！看似普通既粉麵店，其實已經有50年歷史，喺香港好有代表性，陪伴好多人成長。🩷我最喜愛吃的是樂園牛三寶，喜歡他足料，大份！我和家人一起，每人叫了一份樂園金牌牛三寶套餐！🐮樂園牛三寶內有嫩滑牛筋，軟腍牛腩，還有我最喜愛的牛肚，配上米粉。另外，湯底我要求再加牛腩汁，再加上靈魂辣椒醬，實在是我的最愛。🌱套餐內包括了油菜和飲品！我們各叫你一份生菜及菜心，蔬菜新鮮，爽口，而且份量十足，絕無偷工減料。飲品我們叫了杏仁霜，個人認為喜歡杏仁味道的，一定會深深愛上。🐟樂園魚蛋專家當然會叫咖喱魚蛋，他們自家製的魚蛋特別爽口彈牙，淡淡的咖喱味道帶點微辣，真的讓人越食越上癮。💰而且價錢又不貴，兩個人只需$198！有機會就過嚟試試啦，拜拜！

完全比整潔既環境吸引入離，冇霖到裡面空間咁大，係旺角咁既粉麵店都好難得😆🐮金牌牛三寶（幼麵）上離果刻可能湯過多冇睇到乜嘢仲以為中伏，冇霖到一筷子落去料好足，大大既牛筋、牛肚、牛腩，都唔小氣，每樣都起碼3件，絕對對得起個價，湯底都十分濃郁！吃完仲忍唔住飲多两啖😋🐂爽口牛丸（粗麵）牛丸咬落去爽口同彈牙，而且咬開仲有肉汁，完全真材實料！真係估唔到咁出色🤩🍋凍檸茶/凍檸蜜哩度凍熱飲都要加錢，唔想額外加既話有自助斟水区，但係真係出乎意料，上離擺盤咁好睇，雖然味道差唔多，但係就沖哩個都算生活既一個小驚喜，邊個女仔唔鍾意靚靚既嘢🥰對於今晚餐飯，完全一切都出乎意料之外，原本睇到個名仲以為就係得魚蛋出色，點知其他細節都做得非常好，每次去粉麵店就驚污糟邋遢，哩度燈火光猛，就鍾意咁整齊既環境，而且有卡位之類，唔再係一齊逼板凳啦😝如果鍾意丸仔之類，我見到餐牌后面可以自己買翻去打煲，而且上午11點前仲有飲品送，簡直打工仔福利🤩

我已經是第三次光顧此店，吃過牛丸河同魚旦河，吉列墨魚丸，但今次有少少嬲，因為有一男員工，應該係比較資深，身材瘦削同矮細，我想要多D蔥同佢講左，佢只用手勢示意收到，然後去每張檯加餐具，根本無去羅，而當時人流吾多，我想吾明白點解佢吾去帮我加蔥，於是我要同其他員工要求協助，希望店方要加強陪訓員工服務意識，不是求求其其，漠視客人訴求，一粒老鼠屎好易弄污成碗粥

今日想食下魚蛋粉，比旺角樂園嘅餐牌，吸引咗入去餐牌有圖睇，都幾多選擇豬手魚皮餃河+炸魚皮魚皮有兩款選擇，我今日一個人食所以揀左普通個種碗粉份量都幾多下豬手多冧身魚皮餃正常水凖，鐘意佢個河粉同湯底正宗魚蛋粉味道，加埋辣椒油更惹味

平時食開潮成園，不過今日想試哩間坐得舒服d 乾淨d, 上fb 見到佢d meme 圖整得幾好似係後生仔舖一入到去坐低就聽到首政府同心宣傳歌，開頭諗住可能係電台播，所以冇理，叫碗扎肉河先點知播完政府歌之後就係一連串譚詠麟之夜，真心冇諗過竟然有間舖會將政府首宣傳歌放入自己個song list成晚真係食到背脊骨落，唔係好舒服，本身亦唔係好鍾意聽哩個歌手既歌講返碗粉，其實粉同湯都ok, 但個扎肉都係潮成園好味，哩間唔夠彈牙仲要食到d 骨碎，好彩我唔係大力咬如果唔係真係牙都崩

真係－碗連湯都可以飲曬嘅牛什米粉⋯每次嚟樂園都唔會失望，特別致愛佢哋嘅牛什米粉，$36呢個價錢冇嘢講⋯先飲啖湯，鮮加甜一飲停唔到！當然亦都唔小得加佢哋秘製辣椒油，味道馬上提鮮唔小⋯份量亦都唔會小，牛膀、牛脹、牛胃、金錢肚每様都有3-4件，雖然唔係用新鮮牛什，但佢哋個囟水汁，煮得個牛什非常之入味，－舊什一啖米粉，再配上－啖湯，絕對冇得輸，因為自己知自己事，搞到我每個星期，都要嚟潮拜一吓⋯如果唔係有三高，我諗我應該會嚟得好密吓⋯ 🤣

打工仔糧尾恩物必數樂園魚蛋！黎度度緊係要叫佢地經典推介魚蛋粉。叫左個魚蛋拼牛丸米加紫菜（$53），招牌手打魚蛋真係好滑好彈牙，加$10多3粒牛丸，同樣惹味出色，紫菜份量都幾多幾抵食，湯底清清淡淡，加少少辣椒油已經夠晒好食😋朋友叫左個牛腩河拼鮮蝦雲吞（$48），個份量真係好抵食，有成6、7舊肥瘦適中既牛腩，淋身得黎又唔韌，腩汁都好好味，單點先$38蚊咋，簡直係窮人飯堂🥹加多$10就有兩粒雲吞，都係正正常常，最後仲叫左碟油菜，食到好飽👍

旺角呢區租金比較貴，所以好多麵店都比較簡約同地方較狹窄，坐得唔太舒服。但今次呢間鋪頭店面闊落，光線十足，一個人食晚餐都想食得舒服啲嘅，咁一於揀佢啦。餐牌圖文並茂，同一般麵店有所不同。睇見咁多圖，即刻變得貪心左，想食多個餸，最後揀左魚旦拼牛丸幼麵，加杯涷檸賓，咁就係一人晚餐了。呢度可以自助添水，自己搞掂。落單後，食物幾分鐘內便送上，絕對唔驚會餓親。白魚旦好彈牙，一啲魚腥味都無，唔怪之係魚旦專家。牛丸比魚旦更爽口，咬開仲有肉汁，肉質唔似溝左豬肉，好彈牙，真係估唔到咁出色。幼麵無我最怕嘅鹼水味，又唔會煮得太淋，質地適中，唔錯。另外要讚一讚一位男侍應，雖然晚飯時間比較多人，但係我一個人拎住一袋二袋都願意俾我坐卡座，等我可以坐得舒服啲，果然好細心呀。

喺旺角新之城買完野，有啲肚餓行行下就見到呢間樂園魚蛋粉麵店，裝修企理，門面乾淨整齊舒適，仲有唔少卡位😊於是便同朋友兩個人入去試下鐘意食牛既我叫了一個牛三寶撈麵，貪可以一次過試哂牛筋、牛腩同牛肚, 雙拼再加鮮蝦韮菜餃 加凍既柑桔🍊話梅蜜我好鐘意啲牛筋呀超正超淋超級好味牛腩都唔錯呀，炆得好入味，唔鞋口牛肚都好爽口鮮蝦韮菜餃有好豐富的韮菜，韮菜味濃郁幼麵一啲鹼水味都無，值得一讚！朋友叫咗墨魚丸雙拼鮮蝦雲吞米線🍜加凍既蜂蜜生薑茶墨魚丸好彈牙鮮蝦雲吞有好大隻既蝦，又有豬肉，蝦肉和豬肉的份量均匀，好味最後，我比較鐘意呢間分店因為有自助斟水部🤣🤣 較方便食客使用！用樂園魚蛋麵做晚餐都唔錯，感覺無咁肥膩又唔洗食咁多飯落肚！簡單方便唔貴既一餐！ 我真心推介！

今日好開心同屋企人去咗旺角嘅一間粉面餐廳，招牌係樂園，呢一間餐廳一定要推介呀，因為食物質素好高，而且價錢非常之經濟，響旺角站D出口，直行大約2分鐘，就會到餐廳，非常之方便，又超級易搵，至於食物方面，呢一間出名係魚蛋粉，牛腩麵，我食過呢個嘅牛腩麵真係一流，湯底好惹味，而且份量足夠，仲有配埋飲品，加埋都係好平咋，去到市區都搵唔到呢個價錢，然後我哋仲叫咗個吉列墨魚，真係好好食，即炸，而且超級新鮮，我覺得呢一間一定要再嚟食過，我個朋友叫咗杯凍奶茶，奶茶衝得好好飲，而且呢度地方非常之闊落，有廁所，非常衛生整潔，因為普通嘅茶餐廳，我發現好多垃圾響地下，但呢間非常之乾淨，而且燈光明亮，食得好舒服，所以一定要你旺角嘅朋友一定要食呢一間啊

嚟到旺角食碗魚蛋粉， 有別於旺角一般的粉麵舖。 呢度坐得好舒服 甚至比好多 西餐廳都舒服。座位闊落 有好多卡位呢度有好多選擇， 對值得推介就係佢哋個牛三寶 我就叫咗一個牛三寶 配上 河粉佢哋啲調味料個盒 有個福字 好有味道大大碗牛三寶 河粉 分別有 牛 腩 牛肚 牛孖筋。首先讚下佢條牛筋 整到好冧 好爽口 骨膠原豐富。其次就要讚下佢的牛奶 牛腩大大份 肉質鮮美 牛腩的脂肪很少最後就要試下佢個牛肚， 牛肚洗得好乾淨。 喉糖一啖咬落去很爽口， 咬落牛肉味豐富

又到happy Friday, 今晚收工後，我就特登去左旺角行街睇衫，盡情shopping。行到又餓又攰時忽然見到呢間粉麵店就入左去食晚餐。裝修唔錯，坐位都舒服。望餐牌見到都好多選擇，所以諗食咩時都諗左好一段時間。最後我決定左點崩沙牛腩河，走蔥（$52）一上到尼未食就已經聞到好香的牛腩味。吃一口牛腩，真係好香好滑，一點都不會覺得韌，牛味好重，好入味！真係好好食。加上牛腩的份量都非常多，好抵食！！另外河粉都好滑，個份量都一樣係偏多，絕對夠飽。湯底幾清新，同牛腩又幾夾，都唔錯。跟餐叫多左一杯熱檸檬水，只係+$8。埋單總共$60，一人晚餐尼講唔算貴，再加上個牛腩真係幾好食，同出面其他餐廳唔同，都值得一去。

餐廳位於亞皆老街103號地舖，係旺角站B2一出，步行大約3分鐘經過先達廣場就到，地方方便👍好容易搵到😆一入到餐廳我同朋友都覺得呢個地方好寬敞，好光猛、整齊，今日我同朋友兩個人黎食，店員都比左四人卡位枱我地，坐得好舒服好舒適😍店員姐姐好好人，態度好好，有笑容，好nice😁餐廳食物款式有好多，今次我地order左鳳城水餃河粉（$32）、金牌牛三寶幼麵（$52），凍檸茶（+8）同埋凍杏仁霜（+8），落完單大約3分鐘都唔洗，食物就送到枱上👍👍好快手🤩食物份量好足，幼麵爽口👍牛三寶有牛腩、牛筋同牛肚，每款都有三至四舊，舊舊都好大件，而且牛腩炆得好稔好入味，真係好抵食！鳳城水餃有三粒，全部都係好大粒，每粒水餃入面都食到有鮮蝦🦐好好食😍飲品好夠凍，好適合夏天消暑用🥤枱上面重有紅醋同埋秘製辣椒醬，辣椒醬好香！簡直可以令到成碗麵再更加好食，very good，鍾意食辣一定要試下😍整體黎講，呢間餐廳地方舒適，食物份量足，送餐速度快，價錢抵食，性價比非常高，三個字可以形容曬：快靚正！！！有機會一定會再黎食😍

好熱啊～旺角真係唔係人行㗎～今日中午行行吓終於頂唔順要搵間野坐吓先行過名都無望，見幾闊落又光猛就衝咗入去比一般印象中嘅魚蛋麵店乾淨好多，枱枱凳凳都好整淨，坐得都好舒服😌款式都唔少選擇非常善用隔離板😂做埋宣傳板👍🏻因為真係好熱，所以唔想食湯麵，最後叫咗牛三寶撈麵+柚子特飲三寶每款都有成三、四舊，好抵食👍🏻麵身有爽口無梘水味三寶每款都大大舊牛腩超正，入味唔痴牙，最驚食果啲會攝牙嘅牛腩，佢呢個完全唔會，大大舊食得好爽快👍🏻👍🏻👍🏻👍🏻另外加咗個韮菜鮮蝦雲吞，韮菜味唔算濃原來樂園有咁多分店，下次有機會試埋其他先

乾淨企理 開揚係一間魚蛋粉麵最重要嘅🥴 佢有齊哂 真係食得安心 坐得舒服金牌牛三寶河 $52 三寶有齊牛雜必食items 牛肚 牛腩 牛筋😍 份量好足 牛腩煮到惗度岩岩好 而且入哂味 牛筋就夠哂彈牙 鮮蝦雲吞拼爽口牛丸 $46 鮮蝦雲吞好大粒 而且有3粒咁多！ 每粒雲吞入邊都有一隻鮮蝦 皮薄餡靚牛丸就好彈牙 而且唔似出面落左好多面粉既感覺 唔錯 唔錯我哋兩碗都加咗$5 紫菜 推薦大家都加紫菜 因為$5嘅份量都好多🤣 幾抵加！ 呢個秘製辣椒醬 同平時啲魚蛋粉麵嘅潮式辣椒醬唔同 值得一試！ 怕辣嘅就唔好加咁多🤣 幾香豆漿係支裝豆漿幾好☺️☺️