樂園魚蛋粉

營業中

休息中

📎水餃麵 💰$31一碗有三隻水餃，每隻都包得好飽滿🤤裏面有木耳豬肉同埋原隻嘅蝦，每啖都食到唔同嘅材料😚口感好豐富麵質都好彈牙😋唔會煮到過淋，份量都唔細🤓📎牛雜河 💰$35你碗牛雜包括左牛肚，牛肺，牛腸同埋牛蒡😉每款都有一兩塊，選擇都幾多元化。牛肚爽口彈牙，煮得好入味🤤📎淨雲吞 💰31正雲吞嘅皮都好滑，一碗有六粒，另外仲有好多菜🧐以女仔來講一碗應該都食得飽嚟呢度食一定要落埋個辣椒油🤩好香亦都夠辣🥳配任何嘢食都好百搭每一碗嘅份量都好多，喺尖沙咀來講呢個價錢非常之抵食，經過諗唔到食咩嘅時候不妨一試😆👍🏻餐牌：環境：同其他舊式嘅粉面店相比呢一間好新淨同埋都好乾淨🥰坐得好舒服

早左出門口又無食早餐，到食晏前已經肚餓。所以就食啲粉麵頂一頂肚先😂😂。未到12點，但都好滿人。不過等一陣就入得了🥰。啱啱走咗一轉人，就到我哋入去了。餐牌主打粉麵，但原來飯都有唔少。見佢仲有啲推介既新野添！最後叫咗個牛腩雲吞河同新嘅黃金墨魚春卷加韮菜餃河。先黎兩杯凍奶茶，茶味香濃又唔會太苦澀，夏天一飲個人都涼翻晒🥰。春卷韮菜餃河，啲春卷同水餃都大大件，好扺食！春卷入面有粟米同馬碲粒，仲有啲彈牙既墨魚粒，好好味😍。水餃皮滑，入面好重韮菜味，好香好好味。牛腩河又濃濃既牛腩湯底，所以啲粉都好有牛腩香味。呢度啲牛腩係最出色，肉味香濃，咬落又夠淋重要唔黐牙。仲要有少少肥連住，食落連埋啲油香😋😋😋。雲吞有大大隻蝦，好滿足😊。食完夠哂飽，又可以繼續行街😂。

如果講尖沙咀嘅魚蛋粉，一定要食呢間。魚蛋粉店俾人嘅感覺兜痞、噏耷，但呢間坐得好舒服光猛乾淨。間鋪再大多少少嘅，但我唔想影到人哋隔離枱。除咗魚蛋粉之外呢，其實佢嘅Menu都有海南雞飯同埋其他星加坡類嘅飯。不過我今日嚟嘅目的係想食魚蛋粉。佢全部嘅粉麵啦，都可以配成河粉、右面、粗麵、米粉、米線。如果健康嘅寶寶，當然要加$10在叫個菜啦。凍熱飲再加$8至$12。飲品方面有啲可惜嘅係豆漿冇熱飲。菜方面都幾多嘢揀，菜心、生菜、通菜，連蘿蔔都有喎。（1）原價加$7雙拼，我落左招牌手打魚蛋、墨魚丸，然後加$5落紫菜。招牌魚蛋當然係彈牙好食，墨丸大大粒好咬口，重點重點湯底係冇鹼水味㗎，成個加埋都係$45咋。（2）腐乳通菜，加$10。大大份菜，如果兩個人食，會仲抵，自己一個食有啲多。（3）飲品，夜晚就冇熱奶茶，但有熱檸蜜，加$12。題外話，聽個Staff講，樂園有好多間，但唔係間間都係同一間集團，而呢一間樂園，觀塘有一間。個staff都好有人情味，好樂意解釋食客嘅問題，雖然唔係我問。畀分時間，我會畀7.5/10，好食，又坐得舒服，唔係間間中式粉面舖都有呢種享受。

星期日早早出到尖沙咀有野做，做野前先要搵野食打底醫醫肚先！嚟咗呢度食碗粉～ 時間尚早，11點半前原來係有早餐包埋熱飲又或者加$4凍飲，抵！😉同屋企人分別每人叫咗一碗粉麵，再加個小食魚皮share😎🥢 魚蛋片頭米線我叫咗手打魚蛋+黃金片頭雙拼米線☺️ 係方方正正嘅潮式魚蛋，大細適中，同片頭都一樣夠彈牙！好味😋🥢 潮式四寶丸幼麵屋企人叫咗四寶丸：魚蛋、墨魚丸、豬肉丸同埋魚皮餃。墨魚丸都爽口彈牙，魚皮餃好好咬口，而且唔會覺得太油膩！份量充足而且一次過食到幾款餸，方便晒唔想揀餸嘅人～🥢 酥炸魚皮同屋企人都係炸魚皮愛好者😂 炸魚皮一份份量都唔少，夠脆，而且每一塊都好夠完整，唔會碎晒！👍🏻至於野飲分別要咗凍檸茶同熱菜蜜，比個讚熱菜蜜，夠味足料！

其實尖沙咀都有唔少高質小店，又平又好食😂接近糧尾又或者無乜時間食飯果陣都可以試下呢間😌晚市唔算多人，walk in都有位😙·1️⃣招牌手打魚蛋河($29)佢嘅手打魚蛋唔係一粒粒嘅魚蛋，而係一舊舊仲好大舊，仲配埋炸魚片😍魚蛋同魚片都好彈牙，唔會煮到淋晒，仲食到少少魚味🤤湯底我叫左加色，即係加腩汁，我食河粉一定要加色，河粉吸晒啲湯真係好正😋😆·2️⃣秘制牛腩河($33)之後仲試埋佢嘅牛腩河，平時係其他地方食嘅牛腩都係四四方方，得果兩三舊，呢度嘅牛腩雖然係切到一條條，但係份量都幾多，炆得岩岩好，肉質好淋，食完都唔會痴晒牙😂😂·仲可以+$8要一格凍豆漿，大大枝都ok，不過佢地嘅腐乳通菜($10)就一般🥲唔知係咪煮得耐左，通菜唔夠綠，瘀瘀黑黑咁，腐乳味道都麻麻🙈

放假，想食啲輕食，選這間樂園魚蛋粉😊價錢平，味道好味😋叫了扣牌的魚蛋粉，只是$29😘係尖沙咀實難求😯仲要味道很不錯👍再加了個$10蘿蔔，清甜，沒有根😊我朋友就叫了個水餃河，尚算可以啦😌但個墨魚春卷就有些怪，墨魚肉加粟米，仲好似有些豆腐豆味，怪怪的，加了自家製的辣椒醬，就好些😊整體是不錯，下次再試下豬手麵先😊

今日夜晚突然之間心血來潮想食麵咁啱見到呢間餐廳就入咗嚟餐牌上面都有好多選擇我就嗌咗招牌手打魚蛋同黃金墨魚春捲卷雙拼米線另外加咗個菜同一包炸魚皮再每人嗌支野飲米線上枱既時候好貼心 將d蔥蒜放係匙羹入邊👍🏼如果唔食既人都可以選擇唔落魚蛋同春捲每樣都有三粒同三條而d魚蛋真係好大粒 食落好爽口彈牙🤤春卷入面就夾雜住d粟米 都好好食菜心就正正常常 而炸魚皮就係一大包上枱比我地自己開嚟食見呢度既辣椒油係自制而且仲有得買所以朋友試咗 唔食得辣既我就無食到啦而朋友既評價係香得嚟又唔會好辣 鍾意食辣既人可以試下估唔到呢餐晚餐睇落份量好少但食完其實都幾飽下次有機會再嚟食一定會試下佢個崩沙牛腩😝

星期日晚餐時間周圍都好多人，今晚去左食魚蛋粉，叫左雙拼魚蛋同雲吞粗面，TST地段黎講，呢到既價錢都唔算貴! 粗面好食，唔會太重鹼水味，個湯底都好鐘意，清清地，唔會食完好口乾個種味精湯咁。招牌魚蛋好彈牙，雲吞都幾大粒，感覺上都好足料。另外，呢到有款自家製既黃金墨魚春卷，炸得好香脆，好好食! 重點要講下呢到既辣椒油，好香，又夠辣，原來仲可以單獨買架! 我地仲叫左份魚皮，浸落湯個陣仲會有少少炸炸聲，食落都好香! 油菜今日係菜心，正常發擇，不是苦苦的菜。見到呢到仲有飯，幾特別，有豬手飯，下次ENCORE再黎試下先!

天氣太熱, 實在唔想因為搵食要喺陽光底下排隊🥵 見到呢間樂園魚蛋粉, 望落又唔貴, 同拉埋個friend去食😂我自己叫咗(限量發售嘅)呢碗崩沙牛腩($38), 加咗杯凍檸水(+$12), 咁樣一set先$50, 實在抵到爛🙆🏻‍♀️🙆🏻‍♀️ 先講牛腩, 佢唔硬, 唔係因為佢有脂肪, 而係佢整到好軟林, 充滿牛味, 即使係冇肥嘅瘦肉位, 都唔硬👍🏻 而且好足料, 唔係得幾舊仔牛腩, 而係由頭食到尾都仲有😂😂 河粉都算多, 同埋唔碎！另外我試咗朋友叫咗魚蛋粉(都係必點之一), 都幾正! 魚蛋魚片都做到爽口彈牙, 同埋望落佢果碗都係份量足😂2個人, 一人一碗河粉, 一杯野飲, 成張單$100都唔洗😂 平得太過分啦, 而且食物有質素, 環境亦乾淨企理. 平平哋又一餐🙆🏻‍♀️

上堂前想醫下肚想簡簡單單食碗粉知道呢道有間粉麵店就黎試下呀點左~魚旦河魚旦好似街巿買既白魚旦咁口感都算彈牙既河粉好一般唔係太幼滑湯底OK唔係好淡果D總括黎講下午茶$33 連凍飲下次試下唔叫河粉睇下會唔會好DD~

近日呢間樂園魚蛋粉已經變成我既飯堂, 因為要係尖沙咀搵間魚蛋粉都唔容易, 仲要平靚正!呢到有飯有麵, 魚蛋粉29蚊起, 所以都好多打工仔入黎幫襯今日試左崩沙腩飯, 飯同餸係分開既, 仲有個紫菜湯送~紫菜湯好鬼甜, 紫菜無沙, 好飲!!!崩沙腩份量都幾多, 起碼有7-8舊, 賣相已經好靚, 入口真係好淋好滑好好食!!!之前都無咩食過崩沙腩所以都唔知係咩部位, 不過我同男朋友都一致讚好!!崩沙腩牛面仲有羅白, D羅白又係勁甜, 抵食!另外叫左個墨丸粗, 墨丸好新鮮, 咬到入面有粒粒墨魚, 好食過譚仔果D多多聲加埋個菜都係100蚊, 抵食快食之選!

👍🏻古法鮮蝦雲吞麵 $29雲吞好有驚喜！個餡竟然有成一隻半蝦😳豬肉醃得入味夠香，唔係得個咸字個皮又薄又滑粒粒都大粒，好足料👍🏻🤤味道：9/10性價比：9/10-👍🏻秘製五香牛肚米 $33牛肚煮得腍身唔韌，份量都算多可惜炆得唔夠入味😣辣椒油辣得黎夠香，落左成碗粉惹味好多，必落🤪味道：7/10性價比：8/10-📍#樂園魚蛋粉尖沙咀金馬倫道21號地下C號舖#hkfoodie #foodiehk #hkfood #foodhk #hkeat #hkrestaurant #美食 #香港美食 #外賣 #平食 #窮遊 #打卡 #香港打卡 #情侶好去處 #拍拖好去處 #尖沙咀 #尖沙咀美食 #尖沙咀好去處 #尖沙咀打卡 #尖沙咀小店 #尖沙嘴 #尖沙嘴美食 #港式粉麵 #魚蛋粉 #墨丸河 #雲吞麵 #鮮蝦雲吞 #五香牛腩

收工未夠6點，拿拿林叫同事一齊食個下午茶餐當晚飯～呢到既粉麵於下午茶餐時間相當抵食，30蚊左右就有麵，熱飲，加10蚊仲可以有份細油菜～牛雜麵同事點既牛雜麵，望到我都好想食🤤33蚊但係勁足料！而且聽佢講味道同口感都好好，湯底夠濃郁，五香同牛香味都重。幼麵爽口彈牙，份量同樣地好足夠，同事食得好滿足。淨水餃我想食左好耐既鳳城水餃！首先呢樣野真係唔係每個賣港式粉麵既地方都有，而且好少地方真係做得好食。而呢到既鳳城水餃係完全可以滿足我既要求，皮薄餡靚，足料又新鮮。清湯湯底清甜唔咸，我都食得好滿足～炸魚皮食粉麵又點可以唔叫一碟炸魚皮share呢？18蚊一份，份量好多，而且夠薄身同酥脆，好食～下午茶會送飲品，同事加4蚊要左支豆漿，而我就叫左又係好耐無見到既熱杏仁霜，呢樣野都買少見少了～

成日行開行埋尖沙咀都會見到呢間樂園魚蛋粉呢間魚蛋粉鋪嘅裝修比較新穎感覺望落去非常之乾淨同埋坐得比較舒服舖頭除咗有一般嘅麵食之外，仲有主打海南雞，而最近就更加出咗一啲雞系列嘅食物，例如呢個菜膽雲吞雞，望落去非常之吸引而佢嘅價錢亦都相當之平喺尖沙咀呢個物價比較高嘅地區來講，價錢算得上相當優惠舖頭亦都有用霓虹燈裝飾感覺非常之時尚同玩味試咗個酥炸門鱔皮非常之香脆可口有別一般炸魚皮嘅質地相對比較硬身所以亦都會跟個湯上，浸5-10秒先食非常之有口感如果平時鍾意食炸魚皮嘅都可以一試菜膽雲吞雞配白飯佢嘅質地好嫩滑其實都冇諗到一間主打牛腩魚蛋河嘅餐廳煮雞會咁出色以$55嘅價錢來講，餸菜嘅份量相當之多味道係屬於比較清淡但對我個人來講啱啱好當然要試吓最出名嘅牛腩肥瘦比例啱啱好牛腩亦都相當之入味肉質好霖豆漿當然唔少得用大品牌嘅豆漿保持水準

今日收工有D事要去尖沙咀做，但8點先開始，所以7點就係附近搵野食，尖沙咀食野都幾貴，見到E間粉麵店平平地就入左去我同朋友分別叫左海南雞飯同牛筋麵海南雞飯望落都唔錯，但食落就。。。味道可以再多番少少，海南雞味道比較淡，雖然有醬可以點尼食，但平時食開的海南雞就算唔點醬都會帶點味道飯雖然係油飯，但食落都比較淡，不過份量尼講都ok，牛筋麵，牛筋麵唔錯！無論係牛筋還是麵的份量都多，牛筋入味，軟硬適中，而且成碗食落唔會覺得好油，不過有少少鹹，另外叫左個淨雲吞同菜心雲吞份量多，味道唔會太鹹，挺大粒的原本以為菜心的份量會比較少，不過又唔係，份量都夠兩個人食佢另外會有個紫菜湯，紫菜湯就偏鹹少少，食得比較清淡的朋友要留意！