樂園魚蛋粉

營業中

休息中

今日要同同事ot係附近諗住快快食個晚餐再上去做嘢 行經呢間粉麵店見到好多人食緊 環境企理就決定食呢間同事豪氣咁揀咗個崩沙牛腩米粉 我就揀咗個牛肚河 我哋兩個都加左＄7雙併配咗雲吞 覺得係呢啲粉麵店雲吞係好好食食物好快就嚟到 用牛肚換左同事幾舊崩沙牛腩 食完先知道個價錢係超級值得 真係肥瘦得宜 牛味濃郁 每舊都痴左少少油脂 食落好香 煮得非常啱火候 比起牛腩確實係高一個級數雖然我個牛肚都好味 煮得夠腍又帶幾分爽口 而分量都唔少 但係比起佢個崩沙牛腩確實係無咁令人印象深刻 不過我加咗佢呢度嘅辣椒油就令到我個河粉提升咗唔少 有少少沙嗲味又唔會太辣 味道豐富左 正最後雲吞如我哋所料 足料又好味 ＄7有咁多粒 抵爆

星期六收早，想簡簡單單吃個外賣，就當休息一下吧。我的港式老公喜歡崩沙牛腩，在尖沙咀新開的這間樂園魚蛋粉，記得上次吃過魚蛋粉，頗為不錯，今天再來試試其他菜式。崩沙牛腩飯我老公好「腌尖」，吃牛腩一定要吃崩沙牛腩，要是牛的橫膈膜兼連着少許的肉，咁刁鑽，比較難買到。想不到這間港式麵店也有崩沙牛腩，一定要叫一客🤣簡簡單單一個驚喜。老公表示牛腩位很有牛味，而且燘的時間很足👍🏼，只是$58 ，還有湯送。成件事很超值，我這個無飯主婦也勉強合格吧😂😂金牌豬手飯我也要補補骨膠原，最喜歡就是豬手了。這裏的豬手很入味，部份更帶有豬筋，而且豬手不會有過多的肥膏，吃下來不會有太大的罪疚感😋❤️值得一提，老公試了這間麵店的自家辣椒油，表示香氣十足，配上各式香料，是送飯的好幫手。😌❤️

今日同朋友係尖沙咀食飯，好耐冇食魚蛋粉，經過有間餐廳見佢都幾光猛，而且環境幾乾淨，同平時啲茶餐廳嘅佈置有啲唔同，就同朋友入咗去食飯。我同朋友都好鍾意食撈麵，所以佢叫咗牛腩撈粗，我叫咗墨魚丸撈幼面，然後我哋再叫咗個魚皮同野飲share。佢個牛腩都幾淋，有少少肥肉但係唔多，同啲肉食其實都幾正。同埋佢俾咗啲湯我哋去撈個面，令到啲面淋身d，好爽口。佢個湯其實都幾惹味，胡椒味都幾重，加上佢俾咗一羹蔥落個湯入邊，好正！佢個墨魚丸同魚蛋都幾彈牙，而且幾新鮮，可以滿足晒兩個願望，正！佢個幼麵真係海量既多，撈埋d汁同湯食好正宗！佢有兩款魚皮揀，係普通魚皮同埋脆骨魚皮，我未食過脆骨魚皮，朋友話脆骨魚皮唔係到到都有，所以就叫咗呢個！雖然佢比普通魚皮硬少少（因為佢炸埋d骨），但係我覺得好爽脆幾好食！完全冇咬唔到嘅感覺！

愛吃河粉的我，每次行經金馬倫道都有衝動入去試試，可惜未碰啱機會，昨天終於一嘗所願，叫了魚蛋粉+蘿蔔，好好味蘿蔔好多又夠淋，入口即溶並帶份清新，魚蛋彈牙不在話吓，魚片爽口有頭。最後一提，碗粉只賣$29，碗蘿蔔加$10，抵到爛遺憾是忘了手機先吃，所以冇相睇

港式粉麵真係無可代替。 間唔使都會好想食返碗。以前都有朋友介紹過尖沙咀既樂園魚蛋粉係幾好食既，今日難得可以黎試下。入到舖頭都係幾傳統既擺設, 但感覺係幾新潮款既。 坐底都幾舒服, 而且食客都好街坊feel. 尖沙咀比人有咁既感覺既麵舖，都幾得意。見到佢餐牌推介崩沙腩，同炸黃膳魚皮, 咁就更係要試下。 最正係仲有下午茶餐, 跟多碟油菜同餐飲。崩沙腩河。 崩沙腩真係幾靚, 肥, 肉, 根都好分明。 食落真係幾得wor, 一d都唔肥膩，好有口感。 爽正, 牛味香, 而河粉都好滑溜。 炸黃鱔魚皮好大件，要浸湯食。 可能因為大舊, 其實浸湯耐左都係咁脆。 冇油益味，好好味。 同一般既炸魚皮真係幾唔同。值得一讚既係佢既油菜。 我叫左菜芯。 佢真係煮得好爽脆，又嫩甜。 因為多數麵舖既油菜比人既感覺都好求其, 但佢地真係一d都唔求其架。 仲要份量都幾多。所以這份茶餐真係唔錯。

上星期開反夜市就同朋友去位於尖沙咀既樂園魚蛋粉食dinner，對於價錢黎講尖沙咀地段是便宜的。崩沙牛腩幼麵：麵類當然可以由自己選擇，我就揀左幼麵－口感爽口又彈牙，份量也足夠田飽個肚。崩沙牛腩件數也不少，牛腩口感偏林口，中間仲夾有少少脂肪筋，整舊牛腩林林地易入口之餘，吸入左湯底，令味道吾會太單調無味。湯底咸咸地配合埋香蔥，幾香口！淨上湯手打牛丸：牛丸份量也不少，每粒手打牛丸既大小相同；話明手打，當然是口感最重要！手打牛丸口感有爽口口感，帶點兒彈牙，牛肉味突出。酥炸魚皮：炸魚皮是一包包裝袋上的，感覺衛生一點。味道方面，炸魚皮帶少少咸味，個人覺得食落會有啲漏啊，口感好脆口。食物質素也不錯，但服務方面有待改進。

好耐冇食潮州粉麵，晚餐時間見佢好多人等外賣就試下，嗌左個魚皮餃牛肚粗麵，魚皮餃係手工製好大粒，皮厚肉大舊，咬落比平時既魚皮餃更有口感，牛肚淆到好稔，唔會好似橡筋咁，可以叫店員額外加腩汁令湯底味道更濃郁，個人幾中意佢個粗麵，因為好爽口，應該係蛋麵，就算浸得耐都好爽，加10蚊就有碟時菜，推介腐乳通菜，好好味，最後加個招牌紫菜湯，紫菜好爽滑，而且湯好飲，落雨天涼浸浸飲夠暖胃，海南雞飯都好似幾多人嗌，都只係48蚊，下次會再幫襯食雞！

今日去左尖沙咀行街shopping, 我地見肚餓就去左平靚正既樂園魚蛋粉買外賣返屋企食😋我叫左個崩沙牛腩米粉同招牌手打魚蛋魚片河粉，配熱杏仁霜，另外仲叫左個脆骨魚皮。崩沙牛腩米粉：牛腩炆得夠冧，肥瘦適中，味道唔錯。米粉份量好多，多到我食唔哂，比左男友食😂招牌手打魚蛋魚片河粉既魚蛋魚片都好爽口，有魚味，亦唔腥，唔會有過多既粉感，唔錯！脆骨魚皮好有驚喜！亦都非常推薦！因為係我第一次食有骨既炸魚皮！好香脆！超正！食唔停口！😋😋

聽到同事話收工後去尖沙咀樂園魚旦粉食嘢，話樂園嘅港式粉麵好食，因為晚上禁堂食，好久冇食，今日解禁同事即約埋去食，我也想試吓，所以跟埋去。豬手河：豬手好入味夠大件, 煮得夠稔又多肉, 河粉薄白透明，口感滑溜。雲吞麵：雲吞皮滑餡靚， 有蝦有肉好足料，麵很爽口，而且彈牙。湯底清甜。浄上湯鳳城水餃：餡料新鮮好味道，又多質感，餡料有鮮蝦、木耳、豬肉、筍絲等，一隻食完又一隻，食不停口！汽水奉送冰底，夠曬冰凍好解渴！

平時食開呢度d粉，尖沙咀區呢個價，只可用「平、靚、正」形容😬有次見隔離枱食牛腩飯，原來都唔錯，今次就試吓～秘製牛腩飯 $45牛腩飯，牛腩叠起咗，多到震～～～飯嘅份量都唔少，女仔食唔晒！d牛腩好淋身，炆得夠時間，又足火候；個腩汁先係精粹，撈飯超正，下次大家食呢個牛腩飯一定要加腩汁🤣貼心地將牛腩同白飯分開裝，讚丫👍🏻👍🏻估唔到有籮白底，籮白有4、5舊，大件得嚟又好軟淋，而且好甜，d腩汁入哂味，好好食丫😋😋每個飯餐送碗紫菜湯，清清地，甜甜的，d紫菜好好食，呢個湯也不要錯過。去骨海南雞飯 $48另外叫咗海南雞飯，最正係去哂骨，啖啖肉，呢度都唔例外，更貼心嘅係，它切得幼身d，唔使食到咁「呢hea」之餘；而且係雞脾位，好滑身，正！雞肉煮得好好，夠哂味，可以唔使點海南雞醬😋😋海南雞配嘅油飯，個飯又係勁多，唔錯，唔過油，而且有少少咬口，唔會淋哂。仲帶點油香😚😚兩個餐都足料豐富，食到好飽，滿足的一餐💕

放工一個人帶著疲勞身驅又肚餓, 係附近搵左間粉麵舖醫肚。餐廳環境整潔光猛, Menu上主打粉麵, 另有小食、少量飯類選擇,【崩沙牛腩河】HK$46 +$8 配熱好立克崩沙牛腩份量多, 又keep到原味肉汁, 口感很腍, 非常入味, 自選最易索湯嘅河粉, 索左清甜湯底, 正!【鮮蝦雲吞】HK$29雲吞唔算大粒, 入面隻蝦雖然細隻, 不過係原隻兼爽口, 配上鮮甜豬肉餡, 整體味道唔錯。 【酥炸魚皮】HK$18魚皮酥脆可口, 卜卜脆, 浸湯食亦唔錯。

周末去尖沙咀替母親買健康產品，之後搵餐廳食嘢，經過樂園魚蛋粉，想起佢哋嘅魚蛋粉超好味，立刻入座食返碗。招牌手打魚蛋粉：魚蛋雪白大粒，爽彈！口感好，魚片厚度適中，彈牙爽口。河粉滑溜軟腍，湯清甜，配葱花及冬菜更惹味。見到隔離枱食豬手麵，個客大贊好味，我也叫了淨豬手試吓，豬手清洗得好乾淨，沒有異味和豬毛，炆得入味又夠林，豬皮和根都滑嘟嘟，滿口都充滿骨膠原。碗下面還有生菜，掛上醬汁爽口又惹味！豆漿是支裝十分衛生，味道不會太甜又有豆香味。

而家可以開始晚上堂食了，不過外出都想早點回家，經過呢間見到同一般餐廳乾淨企理，就二話不說入去買外賣， 始終而家乾淨衛生都好緊要。應該係新開的店？全部野都好新同乾淨咁，入到去店員好有禮貌， 雖然只係講明嗌外賣，都安排座位比我坐住我等，點餐時又樂於介紹。嗌左碗魚蛋河同海南雞飯同菜，價錢合理，特別會主動問你係咪分湯，因為有時真係吾記得而冇分到，覺得佢地好細心。回家食，味道方面都吾錯，同樣比我最大感覺係乾淨，菜就最明顯了，每條都嫩好食之餘又冇黑冇黃，幾好。海南雞飯都有驚喜，雞好滑，份量又多，而家飯都好味吾會過淋過硬，都好推介！魚蛋河係我平時最愛，食咁多間河粉店，呢個魚蛋河真係幾好食，魚蛋質素好高，大粒好彈牙又有鮮味，沒有半點雪藏味！下次再經過可以試埋牛河，應該都好正！

呢日同朋友去左尖沙咀行街，今日開始終於開始返晚市堂食，所以行到夜啲，我地行到攰之後就去左一間食魚蛋粉既餐廳食dinner。打開餐牌，見到有好多好地道又充滿港式味道粉麵飯！首先，我地點左菜膽雲吞雞配白飯，雞肉非常嫩滑，雲吞亦都充滿鮮味！湯底好清甜，撈飯食好好味，湯入面仲有啲生菜，夠哂健康！另外仲點左呢度既招牌菜，就係招牌手打魚蛋麵，呢個麵入面有兩款魚蛋，有圓形同埋長方形既魚蛋，魚蛋既口感好彈牙，味道好有鮮味，感覺真材實料，配埋雲吞麵一齊食好好味！我地跟餐加十蚊點左碟油菜，有幾款油菜可以選擇，我地揀左菜心，都幾新鮮，平時出街食飯少食菜，所以專登點碟菜食下。兩個人都係食左94蚊，真係超抵食，下次黎尖沙咀可以encore！

美容院終於重開，今天來到尖沙咀做指甲，順便在附近找一些簡單麵食吧❤️海南雞飯海南雞的雞肉嫩滑，份量適中，喜歡點上店配的醬汁，甜甜辣辣，非常不錯。雞油飯味道香，充滿雞油味，吃得滿足。紫菜湯紫菜的份量不少，配上香蔥和少許調味，簡單的一碗清熱紫菜湯就完成了。作為餐前的一碗暖湯是不錯的。😁蠔油芥蘭跟餐叫只需$10 ，一定要來一碟吧。還有蘿蔔、生菜和菜心，下次還想試試上湯蘿蔔。淨水餃由於想簡單吃的關係，就來點淨吃水餃吧!配上兩條生菜🥬，健康！水餃粒粒都有蝦仁、木耳和甘筍絲，口感豐富😌亮眼點看到店內有賣自家製辣椒油，於是就試試吧。除了有香辣味外，還有點點的海鮮香味，估計是加了炒香的蝦籽，帶點XO醬的味道。唯一不同的是，這樽自家製辣椒醬只需$38😌😌立即秒殺三樽，和至愛親朋好好分享。😗😗