榮輝美食

營業中

休息中

約了粉嶺朋友想在附近飲兩杯，在這裏開返支藍妹算是最經濟實惠的吧，而且也能避開足夠多的衛生問題，坐出面的更可以食煙，踩單車的也可以安心停泊。到來叫了兩支藍妹，坐了大概兩小時，另外叫了一客椒鹽豆腐，味道是相當滋味的，而且還有少少醬汁，惹味道不得了。只是怕衛生不達標，朋友就是趁我去了洗手間時叫的，這也算一個緣份試到這一碟好味豆腐吧。如果下次再來到附近，又只想喝啤酒的話，這裏還是能夠選擇的，而且開放到很夜還未收檔。

呢間野都好意思，張相完全唔一樣，好意思比一粒粟米，唔俾都冇咁嬲，呢間嘢真係搵人笨，話咩用其他食材代替咗，毛都冇加到一條落去啊，奉勸啲人唔好再食啊，個老細真係賺到笑

今日去完圖書館，本想買麵包，但買不到，結果，便到此買東西，忽然見到有腸粉，所以，便決定在此買腸粉，因為佢便宜。Ｄ腸粉好滑，而且好香及好好味，而該店員亦好有禮貌！沒有之前其他讀者講得這麼差！＠下一次，我會試下其他食物！

以前呢間野，相對飯盒店黎講幾好食！自從裝飾左之後，水準直線下滑，服務態度依舊惡劣！試過食到有小強，又試過食到佢用舊油煮野．．．而家只係一間一般水平既飯盒店．．．．

呢個database真係無得頂!連呢間小食店都有!我以前住附近時都有試過貪方便幫趁佢地o既豬腸粉. 但係個檔口o既女人態度奇差! 好似我欠左佢咁! 叫佢落多d豉油之嘛,佢就話"吓,咁仲唔怪呀?己經好鹹嫁啦,阿姐!"叫佢俾多支竹籤, 佢就借左聾耳陳隻耳! 佢d腸粉又唔係特別好食, o係粉嶺黎講又唔算平, 試過兩次不快經驗後, 寧願行遠d都入墟幫趁"四眼仔腸粉"!

所以都好少食啦,不過近呢一年好似係轉左手喎!

差不多日日都幫襯哩間野！主要係做外賣，都好多人光顧下~佢以前d 多料既飯類要成廿七八蚊先有交易，外賣仲要加一蚊tim(而家唔洗)...又唔係話好食過人喎，所以之前少幫襯，後來整頓一輪後才見好轉~哩間野d 粉麵的確麻麻地，湯底冇咩味，好易食剩d 河粉…至於d 碟頭飯都食得過，不過唔知點解一時又整得好好食，一時又好麻麻…推介佢地既潮州炒飯，雖然食落似揚州炒，但會多料dd，同埋加左菜脯，好好味~仲有就係豬頸肉炒烏或者公仔麵，d 豬頸肉好好食，同埋幾多下~d 奶茶/ 飲品好相宜，熱飲5蚊，且水準不錯

屋企冇飯開就多數會幫襯呢間~外賣飯盒平至$10都有, 不過只得幾款其他多數都係$20 or $25~唔recommend 叫佢d湯粉麵同埋粥, 有要求0既你好可能食唔哂...推介上海粗炒($20) 同埋各款干炒意粉/烏冬($25)幾有鑊氣~唔錯