榮記粉麵

營業中

休息中

已經係第二次返黎再食啦！有咩吸引到我再黎食？因為個加兩蚊既辣汁！！【車仔麵】我覺得幾大碗啦，個人推介呢到既冬菇，魷魚，蘿白！冬菇超厚超大塊又淋身，好有冬菇既香味！勁juicy，魷魚好爽口，大大條。蘿白超甜無根！食完包你勁滿足！【辣汁】＋HKD$2係呀，我無圖呀。一黎到就點點點點啦邊得閒影。加兩蚊既辣汁同枱頭現有既辣椒油係完全兩樣野黎。辣汁係啡啡地色，似沙嗲醬，另一方面少少似沙茶醬，少少甜味，而佢個辣度係好過癮既，唔會辣到你食唔到，但辣下辣下，你會點辣汁點到停不了。【韭菜豬紅】豬紅唔腥好滑，但我個人覺得偏鹹咗少少，豬紅同韭菜既份量都好多，抵食！總結，一定一定要加辣汁，唔加辣汁你唔好話你食過。

中午夠鐘食晏啦! 一個人身處銅鑼灣想食粉麵有咩選擇?  南記粉麵？江仔記？傷心酸辣粉？文輝？　突然醒起好耐無食以前在巷仔起家既車仔麵榮記，即刻去糖街回味一下先。去到有幾個人在門外排隊，完全唔擔心等好耐，因為食得車仔麵既人流都好快，人人都好醒水食完就閃，所以好快有位，加埋一個人關係就更加快。　排咗唔使５分鐘就入得。　坐下櫈都未坐熱，已經有人走埋嚟問我食乜，立即抬頭望向牆上既板，點咗５個餸後其實仲諗緊要多咩餸好，但員工就問我要咩粉麵，既然咁問我就要配粉麵唔食淨餸啦；另外仲加多個腩汁西洋菜。對榮記有一份情的原因是由巷仔到現在這兒還會保留西洋菜為油菜同埋整體食物和以前大致不變，ＫＥＥＰ得住！雖然價錢已今非昔比我碗車仔麵有豆卜牛筋豬皮蘿蔔冬菇同米粉近年我已經好少食菇菌類，因為香港天氣潮濕，個人底子又濕熱，尤其是春天依個潮濕的季節，飲食上更加要小心，但嚟到榮記又不得不點冬菇，因為這兒的冬菇好厚身又煮得好入味好正既，所以一定要吃　！白蘿蔔炆好夠林又入味，好甜　！　　麵底係落腩汁　（唔要腩汁既要在下單時講明既，唔講就會自動比的），個腩汁其實係榮記既靈魂　！大約價錢係５餸麵＄５３，４餸麵＄４７，３餸麵＄

榮記粉麵又細吃到大 記得第一次去吃的時候是在赤柱 當時他已經已咖喱魷魚而聞名 每次去赤柱到訪必定會吃這間港式粉面老店事隔多年突然間想懷緬它的味道 並且剛好有朋友從內地來港旅遊 朋友竟然主動要求希望我們帶他吃榮記粉麵 這是我才知道原來他們已經變為旅遊熱店 因此便帶他們一起來嘗試這麼多年來的味道是否不變這天我們晚上八點半左右來到 果然要排隊 幸好輪候時間並沒有很久 半小時左右已經能入座 店內大多數是內地遊客好像完全一句廣東話也聽不到沒關係我們來試一下他的食品我依然是點白蘿蔔 魷魚 豬頸肉 冬菇等 是我每次必吃的車仔麵食品味到依舊好味 沒有太大改變 而且面底也好似減少小 男生們吃一個應該不夠飽肚價錢膨脹也了不少不過這個也是正常的 喜歡他的湯底不會味精而且他會配搭着西洋菜是坊間很少車仔麵檔會這樣可是現在已經變為要排隊的店舖 若然下次肚子餓的話未必會選擇吃了

榮記車仔麵，在寫食評看到照片又想再去吃了！可以選擇很多種餸，由雙拼到四拼五拼，對於有選擇困難的我來說就太好了，全部想吃都點就對了！今天點了牛腩牛肚魷魚配油麵（好像有點太多🙈🙈），一直都覺得車仔麵要食油麵榮記的特色是其濃郁牛腩汁湯底，超入味！！必須加上辣椒油～～～～寫著寫著超餓的！看到別人點牛肺牛筋也很不錯👍🏻另外再叫雞翼尖，滷水汁，甜甜的，中和了車仔麵的濃辣，加上凍檸茶，完美的下午茶☕😋😋

係我食過最好味，質感特別，滑過豆腐的滑嘟嘟豬紅！一試難忘，食過就唔會想要係其他地方食豬紅😄而其他餸款都很有質素👌菜也新鮮👍個人認為份量剛剛好，但男士們可能就需要吃兩碗才夠飽肚了。絕對會因為豬紅再回來的😋

又係另一間成日心思思想去食嘅車仔麵唔係咁多間車仔麵有牛肺可以嗌，所以都係必食之選大腸洗得好乾淨兼且無肥膏，魚皮餃中規中矩，要讚嘅係每碗車仔麵都會加左少量西洋菜，濃濃嘅牛味再配油麵，yummy yummy

幫襯左呢間野11有多，好鍾意食佢哋嘅辣汁雞翼尖，冬菇，蘿蔔同埋佢哋嘅辣椒油。呢度成日都好忙，係快餐車仔麵，老闆們講嘢超大聲不過我幫襯左咁耐所以我慣咗佢哋係間鋪頭裏面大叫，唔繁忙嘅時候老闆們非常親切去親中央圖書館都會喺呢度食午餐，期待下次返嚟香港可以再食到呢間野嘅車仔麵

哩間車仔麵絕對係我的中學回憶最出名的係雞翼尖我叫左蘿蔔，大腸，齋，牛丸，河粉蘿蔔要推介，超林好入味而且冇根，齋都一樣好入味。我最鍾意係佢湯底有通菜，以前都冇諗過通菜同腩汁係咁夾，通菜索晒湯汁好味道!佢個辣椒油都幾辣架，唔食得辣唔好落太多。今次仲試左加$4要個麻辣醬，好香，不過如果想食原味腩汁就唔好落太多麻辣醬啦，會蓋過腩汁味。另一碗係雞翼尖，大腸，韭菜雲吞，墨丸（唔知點解黎到變左牛腩）。必食雞翼尖好入味，不過大腸偏肥。另外，鮮豆漿好濃豆味，飲埋佢剛剛好飽。份量對女仔剛剛好，但男仔可能會唔夠飽。如果唔飽可以叫多碟雞翼尖。

叫左個大雜粗麵，麵底唔知係咪人太多關係，煮得有啲過淋！依間車仔麵比較特別，預設湯底已經連腩汁，望落去好杰好重口味，飲兩淡湯後，完全俾比佢個色呃左！腩汁唔算好濃味，入口幾清甜。魷魚鬚幾入味豬紅口感幾滑，比較似台灣火鍋嘅鴨血牛肚、豬皮煮得好淋好入味蘿蔔冇喳好清甜豬腸有啲偏甜，尚算可以#本人就鐘意食鹹味嗰種多啲！牛丸魚蛋就好行貨，唔係大雜麵跟，相信我唔會單點！魚腐好行貨，味道好似三哥米線嘅魚腐 #唔知係咪同一間供應商呢辣汁雖然要另加 $2 另上, 辣味較得幾好幾有驚喜，點來食又唔會蓋過食物味道，同時又增加味道層次！鍾意食辣嘅人唔好錯過！整體來講，係銅鑼灣可以 $50 麵連嘢飲，味道又幾出色，係一個不錯嘅選擇！

成日都會經過呢間車仔面，逢親食飯時間總會人山人海，想試既機會都無！今日終於避開左食飯時間，4點經過呢度買碗車仔面拎走！叫了三送面，牛肺+墨魚頭+雞翼尖米粉，價錢41蚊，如果要分湯記得落單時要出聲，比完錢拎住果號碼籌係外面等！等外賣果陣雖然堂食唔洗排隊，但係不斷見到有人幫襯，入面環境唔算好大，不過要食碗車仔面好快，就算等位我諗都係等一陣就有位！個人覺得牛肺好好味，呢個價錢比足料有突，同埋我係第一次食西洋茶配車仔面，湯底濃夠哂入味，加埋佢地既辣椒油無得頂呀

榮記粉麵（銅鑼灣）呢間次次黎都要排好耐隊😫比起以前而家多咗好多「同胞」黎🙄無意中睇到原來大眾點評有推介呢間餐廳🤭唔怪得之咁多人🤦🏻‍♀️叫咗四拼河粉 $46 😉魷魚鬚、豬頸肉、牛筋、蘿蔔😋😋蘿蔔入晒腩汁味😍魷魚鬚好易咬😛個腩汁汁湯底勁好食😚非常之出色嘅車仔麵🤩🤩韭菜豬紅真係冇得頂 $27👍平時我好少出街食豬紅😅因為驚整得唔好但呢個好惦🤩新鮮😋我都翻兜左幾次😍但係輪椅嘅朋友想入去就真係有啲困難😩因為門口有一大級😖而且餐廳裏面都有啲迫😣如果想去不妨可以考慮外賣😉📷IG: wheelchairvseatinginhk

上次食過覺得唔錯，今日專登走落去食，佢哋嘅車仔麵係唔錯，啲餸好入味，鐘意食佢哋啲豬皮蘿蔔同豬紅，不過呢間野啲員工冇論男或女態度都唔好，今日除左手袋外仲拎住其他野，見冇咩人就放低啲野嚮另一張櫈，點知有個女員工就好串態度叫我空返張櫈出嚟，咁我都狽返住個手袋放大脾再坐入啲，但手抽果袋真係冇晒位放，如果放埋嚮手袋之上根本就頂住食唔到野。然後個西面女店員又再叫我空返張櫈出嚟話啲櫈唔係比你放野，果刻我真係有啲著著地，但自己明白人哋地方有限要做生意唔怪得人，咁我就話，我都唔知仲可以放邊咁你哋有冇地方比我擺袋野啊？跟住西面個女店員就用鬧人嘅語氣態度非常串咁話：放地下囉！！！我望完個地下之後當然拒絕冇理佢，然後另一女店員就過嚟望到我真係冇辦法，佢就話一係你將擺野張櫈推後而，你再坐入啲比返個位出嚟啦。就係咁事情解決左，經過呢件事我決定就算再鐘意食都唔會再光顧，反正佢哋亦唔怕冇人幫襯，我亦冇必要比錢買氣受。

超愛吃車仔麵，很有小時候的味道，數不清第幾次來了，雖然環境一般，但味道滿滿幸感第一份：墨魚丸➕蘿蔔，配料自己搭配來選墨魚丸很Q彈，真的有墨魚在裡面喔蘿蔔是我的最愛，非常入味，香甜可口第二份：紅腸➕牛肚油面➕任何配料都很讚可以盡情搭配你想要的最後一定要喝湯底，濃郁的牛肉香味，好喝到想流淚第三份：通菜，新鮮味美本身面裡有配青菜🥬的，因為很愛吃通菜又再另外點了一份我基本都是下午過去，都不是用餐時間，卻次次都要排隊，很多人都跟我一樣愛吃，哈哈沒辦法，抵食

今日大概10點去到 無人龍 即刻可以入去坐嗌左 魷魚鬚 豬大腸 同蘿蔔魷魚鬚好易咬 豬大腸好入味 白蘿蔔又系好有腩汁味 好好食 腩汁湯底超正 車仔麵黎講 算系出色奈何佢地既服務態度有代改善 總括黎講 可值得一試

黎到銅鑼灣不得不提榮記粉麵，係我地中學嘅集體回憶！由中學開始食到依家進入職場，雖然見證住通脹影響之下一年比一年高嘅價錢，唯一不變嘅就係車仔麵嘅味道。榮記出名在濃郁腩汁湯底，對於有d人黎講可能會比較鹹，不過就啱晒重口味嘅我啦！豬紅係我每次必叫嘅餸，排第二嘅分別有牛肚同冬菇，墨魚頭都係哩度嘅招牌。麵底方面，我會選擇米粉或者河粉，因為用黎索湯一流！菜就每碗都有少許通菜，同其他車仔麵與眾不同，唔洗驚食車仔麵冇纖維啦！希望佢長做長有，長存中學回憶嘅味道