榮記粉麵

營業中

休息中

已經食過不知多少次，永遠想食車仔麵的時候第一時間就會想到榮記。我點的是墨魚頭，蘿蔔和冬菇，我個人認為蘿蔔和冬菇是必點的，因為兩款都是極度入味，蘿蔔是真的食得出甜。試過帶朋友來食，但朋友覺得咸，而我就覺得正因如此，才能做到整碗麵的味道都這麼濃，重口味人士必試！！！

鬧市中嘅平民車仔麵。#榮記粉麵🍜 .兩餸車仔麵 $36 (最多加至4餸).-牛腩必推介！肉質夠腍夠入味，而且完全唔「鞋」口，脂肪比例均勻偏瘦，但仍然保持到牛肉脂肪獨特嘅香味-韭菜餃應該係店家出品，係雲吞「金魚尾式」嘅包法，唔重味精，豬肉韭菜比例剛剛好，唔油膩-每碗麵都會附送幾條烚菜，變相免費加餸，加分！.-湯底加腩汁極有驚喜，腩汁牛味重偏甜-辣椒油辣度頗高，而且咸甜偏重，但辣椒香味好出，有畫龍點睛之效小結：環境頗擠迫，lunch hour去預咗要搭枱，但如果以呢個價錢而言有高質麵食可以接受，另外，榮記喺糖街嗰頭都有間分店，行過都可以試下 🤤推介指數😋：4分（5分為滿分）地址: 銅鑼灣渣甸街43號地下

朋友在外地回香港渡假，突然之間話想食車仔麵，榮記就係一間歷史悠久的車仔麵。在銅鑼灣已經四十年，屹立不倒。最初只是在一個橫街入邊一個細細的檔口。但是已經有兩間的舗位。而且任何時間都係座無虛席。

不用多說，回港必吃！牛腩汁湯底簡直一絕！無人能及！就像在國內一周總有1-2次點麻辣燙吧？就是這個道理。自從去上海工作以後，回港必吃的一定有車仔麵。說榮記是車仔麵先鋒也確實當之無愧！以前當佢仲係喺糖街后巷擺街邊檔的時候，我已經是超級粉絲！雞亦尖天天食也不會膩！豬皮、蘿蔔、八爪魚頭、牛肚都是我的必選，四款菜品加一個主食都是最基本的滿足要求。建議喜歡吃雞翅尖的可單點一份，加上一份菜，首選牛腩汁西洋菜，再加上店家袐制辣椒油，超級香辣惹味。

好耐之前去過糖街嗰間分店食過一次。當時嘅印象就係好逼人，好多內地遊客，好嘈！全部都要搭枱，印像中唔難食， 但係因為實在食得太急。。。所以今日經過有機會靜靜地就食多次 今日探完朋友喺銅鑼灣走嘅時候都係五點幾 ，所以就走入去試下啦！點咗豬紅蘿蔔冬菇米粉 一嚟到就見到個湯底好深色，唔知係咪個個都係呢個湯底呢？應該冇人有清湯底...不過唔緊要啦！食咗一啖蘿蔔驚為天人真係幾好食 咬落去好淋好入味，而且冇渣！佢嘅餸分量好多 👍豬紅又係好多嚿，食落去冇騷味 至於嗰件冬菇非常之厚身，但係咁厚佢亦都可以炆到咁入味！！！真係幾有誠意 抵佢咁多年都做得住，仲開分店而且繼續有人幫襯

銅鑼灣榮記有兩間分店，還是對渣甸街情有獨鍾，奇怪是每每經過都對墨魚頭念念不忘⋯⋯由於已是旅客食店之一，所以任何時段，都會排隊等候⋯⋯番枱快，店員有性格，故此等一下就可入坐。來這裡吃，食客必定乖乖的，等店員安排入內。牆壁上大大的餐牌，細心組織好後，方可叫店員落單。牆上張貼溫馨提示:細心留意店員覆核，否則有錯不會受理。因此曾眼見多次食客發現上枱後的麵食不是所點，因而有些意見，但食店規矩，所有食客一視同仁。筆者每次都是點這三兩個餸，故此一坐下來便唸唸有詞，純熟地點餐。通菜豬大腸蘿蔔墨魚頭米粉$49~豬大腸乃邪惡之物，但也是車仔麵的靈魂，這裡清洗乾淨，沒有太多肥膏。曾在雜誌上看過這裡的報導，說他們是用頂級蘿蔔，狠批只剩返蘿蔔芯，所以特別清甜。就是這塊墨魚頭，彈牙、爽口、入味，正！由於秘製醬汁夠入味，筆者至愛配撘米粉

銅鑼灣榮記車仔麵屹立香港數十載，亦都係香港車仔麵嘅代表。香濃嘅滷水汁亦都係多年來嘅賣點，另外每次經過銅鑼灣，都心思思食一碗。今次我有經銅鑼灣食個下午茶，就嚟咗呢一度叫咗一個蘿蔔 豬紅 墨魚頭油麵。三餸麵都要成$49，不過價錢唔係問題最緊要好食。豬紅同蘿蔔吸晒滷水汁啲味好好食，麵麵份量少左啲。佢哋依一間鋪嘅特製辣椒油都係賣點之一，相當之辣落少少落碗麵度。成碗麵就變得好辣，更加香辣同好味。依度職員嘅服務態度相比起，舊舖嗰邊嘅榮記好好多，嗰邊啲職員完全冇態度可言。

榮記粉麵在銅鑼灣是非常出名的，不少旅客都會走過來食。長期都有好多人在門口排隊。好在排隊的時間不算太長，通常可以在五至10分鐘內坐低，這樣都不算等得太耐。但係喺榮記粉麵食嘢，空間是非常狹窄的，連一個袋都要放在大髀上，同隔離嘅人坐得非常親密，手踭掂手踭。榮記粉面的餸菜非常多，例如可以選擇，豬皮、蘿蔔、墨魚頭、水餃、大腸、牛腩、魚蛋、墨魚丸、雞翼尖、等等。而我每次都會叫墨魚頭和牛筋，依度的雞翼尖非常入味，水餃都不錯，味道不錯！值得一試！但榮記粉麵的面底少，對於男性來講要食兩個先飽。如果分量多一點就會更加好！

今天下午來到這間香港十大必試食物的車仔麵檔。我們在配料一欄選了三項配料，之後茄米線和腩汁。怕肥的可以選擇要清湯，即他們說的走腩汁。可能比較人多的關係我們等了十多分鐘才有得食。我們點了牛丸，魚皮春卷和魚片頭，其實魚片頭即是魚蛋只是形狀不一樣，大家可以一試。牛丸純粹個人喜好其實沒有好食，或不好食之分。預備春卷是兒時回憶，如果大家是對食物有追求的，建議可以叫墨魚頭，朱豬和韭菜。這家出名車仔麵排隊是有道理的，最後提醒大家這裏只收現金。

榮記係銅鑼灣好出名，好多旅客都過黎食，長期都有條人龍係門外，好在都排得好快，通常十分鐘內都可以埋位坐低，都唔洗等好耐。黎呢度食野實在太逼喇！同隔離嘅人坐得好密，想搵多張櫈放下袋同外套都有啲困難！又平又大碗又多唔同種類嘅餸可以揀。每次都會食雞翼尖同墨魚頭，呢度啲豬紅就普通左少少，而水餃同魚吞都幾好味，雖然細粒左啲，但味道唔錯！可以一試！再加碟通菜，但有啲細碟！麵底其實好少，男人黎食其實都唔夠飽！份量多啲會好啲

嗰日做完Facial 諗住去食碗麵！一諗就梗係諗起榮記啦！平時就係去開SOGO個面嗰間，今日試下近渣甸坊嗰間啊！❤️❤️❤️❤️❤️❤️雖然唔同鋪頭，但係一樣咁好食，保持到水準❤️❤️❤️👍🏼👍🏼👍🏼👍🏼佢一日好肚餓，所以就叫多咗餸！墨魚頭必叫👍🏼👍🏼👍🏼👍🏼👍🏼雲吞都唔差！最有驚喜係個魚肉春卷！正！❤️❤️❤️❤️見出嚟食飯，嗌碟菜食下！$20成大碗，抵👍🏼👍🏼👍🏼👍🏼

同朋友朝早行山頂，落山之後去行下銅鑼灣，我就帶佢黎食呢間係銅鑼灣都算出名既車仔麵！呢間車仔麵好食又唔貴，好掂！哈哈我地叫左個沙爹菜心share食，沙爹味濃又香，好鬼正🤤🤤🤤下次去銅鑼灣食野，又唔想食咁貴，可以試下呢間

係銅鑼灣想食個麵就一定係去榮記。之前一路食開糖街嗰間之後發現咗渣甸街又有間榮記又就腳啲所以就之後一路食呢間。今日聽到個侍應話佢哋兩間係唔同嘅，不過好老實個湯同埋啲雞翼尖都差唔多質素。地方淺窄要搭枱就必然㗎啦，你唔使俾人趕上2樓已經偷笑。去食嘅時候請記得自備紙巾。佢嘅車仔麵會跟麵送幾條菜俾你。蘿蔔炆得夠焾，不過有啲太甜應該係落咗糖。墨魚頭夠焾不過唔算太入味。冬菇就真係幾正，夠入味又夠焾又大塊。湯底係重口味嘅滷水湯，夠姜可以就咁飲，唔夠薑嘅同麵一齊食已經好過癮。

雖然每次都要排隊但每一次去銅鑼灣都必定會食香港還能保持水準的車仔麵真的不多在銅鑼灣有2間分店湯底濃味，每碗本身都會有菜跟必食😋：墨魚頭，牛筋，雞翼尖，蘿蔔價錢：4餸1麵$49👍🏻👍🏻👍🏻

我明車仔麵餐廳係sell平民貼地，但唔代表進食環境可以咁唔討好，全程勁嘈，客嘈唔緊要，員工都高談闊論，係正隔離講野勁大聲，雖然好好味，但未食晒已經想走。☹️雖然環境嘈，但都要公正地講下啲車仔麵。✨魚皮餃+雞翼尖+蘿蔔（粗麵）👍🏾蘿蔔清甜無渣，鹵水雞翼尖好味！✨墨魚頭+魚皮餃+蘿蔔（米線）👍🏾墨魚頭爽口，鹹鹹地幾好味，推介！✨豬頸肉+蘿蔔+墨魚頭（米粉）👍🏾豬頸肉好林好入味，再次推介蘿蔔同墨魚頭！呢兩個餸最正！✨腩汁西洋菜👌🏾本身個菜無乜味，要放落自己碗麵浸下，不過西洋菜無渣OK嘅。榮記車仔麵好味就個個都知，不過多左好多內地人食，環境嘈左好多，啲行李放晒出黎，真係有d趕客，希望榮記可以注意下啦，我都想繼續幫襯。