影片
見到價錢好平好抵食就試吓，點知…..真係價錢反映質素😔😔😔煎釀虎皮尖椒應該已經係入面最正常只係有少少油，係正常的鵪鶉蛋燒賣都還可以，榮耀燒賣王真係超鹹，咸到我食咗一啖之後其他都食唔落🥶得罪講一句係我食過最難食嘅腸粉😞第一次食腸粉食到啲蝦係勁咸🥵🥵都算正常嘅章魚肉餅飯四寶雞扎同蠔皇鮮竹卷第一次食點心係咸到食唔落😢😢😢唉早知第一次試唔好一次過買咁多啦😭😭咸到食唔落呀😭😭😭😭
繼續閱讀
元朗最正慳錢飯堂，品質保證，慳錢恩物‼️冇諗過$200可以給3個人食足早午晚餐下午茶，4餐食到咁飽‼️‼️‼️😱😱蒸飯+點心= $33📌蒸飯：北菇滑雞飯🍄🐔梅菜肉餅飯🐷章魚雞粒飯🦑🐔✨好誇張，特別大碗，肉餅好吃，調味適中，咁平黎講算係好好食‼️😋😋😋😋而且質素好過好多酒樓‼️‼️晚餐來講，真係夠晒大份，好飽！📌點心🧆：榮耀燒賣王🐖榮耀鮮竹卷🫔鵪鶉蛋燒賣🥚✨點心相當高質素，鵪鶉蛋燒賣好吃，咁平價都可以有呢個點心選擇，實屬驚喜🤩🤩🤩午餐食件點心，加個包，夠晒😋📌點心：懷舊芋角$15/4隻紅棗糕$15/4件✨下午茶人人食返件芋角和紅棗糕，配返杯茶，好寫意，質素好，紅棗糕有濃郁紅棗味，夠彈牙不黏口👍🏻👍🏻👍🏻 芋角夠多餡料👍🏻‼️📌蒸包每個$5芋蓉包🥠蓮蓉包🥠流沙包🥠馬拉糕🥠$6✨一次過買咗10幾個，放喺雪櫃，可以食幾日，方便做早餐午餐，麵包佢哋自己做，新鮮好吃，餡料算多🤩👍🏻馬拉糕超級大件！掂呀！
繼續閱讀
前日同啊媽行街，見到谷亭街新開咗間買點心同兩餸飯嘅新店，好多街坊買就試下。佢嘅點心好抵食，叫咗蝦餃同鵪鶉蛋燒賣，蝦餃啱啱蒸好，皮薄饀靚，鵪鶉蛋燒賣好似拳頭咁大🤣 最好食係雞札，大大舊好足料👍🏻 入面有雞髀肉、厚火腿、芋頭同豬皮，必食😋另外啊媽買咗 $26八件小食，有煎釀三寶、韮菜餃。佢仲有春卷、蘿蔔糕、芋頭糕、咸水角等等。韮菜餃好好食，差唔多等如平時嘅兩隻。仲有原隻蝦仁，足料。見好多人買兩餸飯，下次經過再試下。
繼續閱讀
係大棠路附近有間點心外賣，見到勁多點心食又幾平就叫啲拎返屋企慢慢食。好多點心都係$15一款，$26兩款，叫咗燒賣蝦餃、鵪鶉蛋燒賣、雞扎、鳳爪，平得黎係有酒樓水準，好足料！最緊要平又唔差。除咗點心，點少得蒸飯，$22一款，我哋叫咗章魚雞粒飯及鹹魚蒸肉餅飯，啲飯呢唔會蒸到太林，仲係一粒粒，拍得住酒樓既。最後仲叫咗煎堆、煎餃、炸春卷、生煎包$15四件。叫咗咁多嘢食都係百零蚊左右抵食到爆，食到飽一飽。。。
繼續閱讀
話說同朋友打算一齊買晚餐上去佢到食，咁就隨便行都唔知買咩好。然後經過見有2-3個師奶阿伯買外賣，就停低八卦下😹見佢價錢都好平好吸引，而且種類都算多。除咗餸飯、蒸飯、點心、腸粉之外，仲有堆煎炸物。有煎堆、餃子、蘿蔔糕、生煎包，26蚊有4樣，好抵👍🏽其實佢啲蒸飯都好吸引，不過我同朋友都戒米飯，所以就冇考慮蒸飯。最後我地每人都叫左淨兩餸1盒$39，本身以為佢一個盒裝兩個餸，點知係一個盒一個餸，好大份👍🏽👍🏽 原來餸飯先會擺埋一齊，淨餸就會分開。要左呢個雜菜，貪佢咩都有啲，仲要全部都係我鍾意食既菜，蓮藕、西蘭花、豆腐，仲有少少紅蘿蔔，清清地咁炒啱啱好味又唔油。另外叫咗個唔知乜嘢魚，師傅仔話一個餸有兩片魚，所以就比左兩隻唔同味。上面嗰條就清清地豆豉，而且條魚好多肉，下面個條就小小辣，係好輕微既辣，但唔會好油，都算清清地👍🏽 條魚都算多骨，但佢啲骨都算粗，都易整走。我朋友就揀咗呢個蟲草花木耳燉雞，D雞肉好滑，肉質都好嫩，而啲木耳索左雞汁勁入味味👍🏽 仲有小菜必食嘅咕嚕肉另外買左$26/8件小食，我地嗌左4隻肥嘟嘟餃子，兩條勁大釀青椒，同埋兩個黃色唔知叫咩😛忍唔住直接用手拎黎食，勁多韭菜，好香😽總括黎講，呢間D餸都好好味，而且都算平宜，CP值都高👍🏽
繼續閱讀