榮發茶餐廳

我叫咗個外賣，等咗40分鐘都未拎到，堂食已經唔係多人，我都唔知點解咁耐，而且有啲後入嚟嘅堂食客落單俾我遲，嘢食都嚟咗先，我忍唔住入去問佢，我個外賣得未，佢哋態度勁差，話冇計，好多單，返到屋企食完個外賣之後，真係要上嚟再講一句，啲嘢食完全唔掂檔，奉勸大家千祈唔好幫襯…查看更多

這是一家歷史悠久的鄰里小餐館，餐廳位於天后電器道，室內環境一般，簡簡單單的裝潢，座位唔算多，但人流算旺，繁忙時段要找個位置也不容易。我同我老公被編排坐在小卡位內，坐左一會已感覺有點唔夠空氣，但又沒有其他座位可以轉換，看完餐牌點餐後，發覺這間餐廳（榮發）食物種類也頗多，但出品水準就真係一般，適合快餐，最後飲完杯熱飲後真不想久留，實在頂不順空氣不流通的感覺。總結此店出品較普通，一般茶餐廳質素，但價格卻相對偏貴，如不介意環境稍差一點的話，間中到此一吃無妨。…查看更多

本身黎開天后呢頭，諗住食個靚早餐。。。$45魚柳+蛋+茄汁豆，都可接受，但黎到，真係接受唔到佢舊魚柳仲細過魚柳包嗰嚿😅😅真係食McDonald都無咁嬲，味道先唔講，好普通，舊魚柳簡直係不能接受 no next time😐…查看更多

打電話叫外賣，問接電話的女人應該要幾耐來取，佢話：乜嘢叫幾耐？你係邊個？你嚟到先落單，買外賣咋嘛，跟住cut我線。自問我好有禮貌，好想打電話返去鬧佢，但係都決定慳返啖氣。…查看更多

老闆打錯單，收多咗錢，仲話益左你，晏晝唔食指定午餐，其他普通茶餐廳粉麵起碼等咗20分鐘先到，眼見大部人都係食A、B、C、D餐，嚟到D嘢食又貨不對板，總結收費貴，服務態度差，不去也罷😡😡…查看更多

經過天后，又趕時間，求其去搵間中式茶餐廳食晚飯，入到去呢間榮發茶餐廳就叫咗個『時令二人餐』。點知等咗半個鐘都未有，隔離左右枱的也一樣。問收錢阿姐，佢冷冷地回句：『人多，要等一下』。原來一大堆外買單要處理。好似要堂食客等係應份咁款。早知如此，去隣近食個魚蛋河算。再等多十五分鐘先上菜，都唔明個上湯時菜都要整咁耐！食物普通，價錢也不算貴。…查看更多

港島區少有好食茶餐廳 諗唔到食咩 餐牌基本嘅嘢都有 小炒 炒粉麵飯夠火候 焗飯焗意粉非常出色 炒嘢又夠香 火候夠 銀芽雞絲炒麵可媲美 外面酒店水準 每一次都唔會令你失望 焗飯焗汁係以前細個嘅味道 好似兒時味道 試過有一次叫公司三文治 入面配料非常豐富 人哋出邊茶餐廳用午餐肉做餡料 榮發係用牛扒 牛扒而非好似紙咁薄嘅貨 意外非常 一啲都唔似茶餐廳出品 又試過有一次 唔想食炒粉麵飯 就試咗佢哋個吉列豬扒薯條 豬扒炸到啱啱好 豬扒一啲都唔薄 厚度適中薯條同豬扒都炸得啱啱好金黃色 簡直係正 …查看更多

有時想食個簡單快餐，要求快靚正。是日外賣榮發乾炒牛河加例湯（$60），例湯可選忌廉湯或羅宋湯。🍽️乾炒牛河🐄牛河炒得乾身，條條分明，乾爽不油膩，有火候，亦有不少芽菜解膩。牛肉腍身，不過沒有太多牛肉味，茶餐廳質素這是預料之內。🍽️羅宋湯🥣雖然是餐湯，但味道拿捏得不錯，亦夠熱，所以有種想繼續喝下去的感覺。榮發最好外賣，因為堂食枱凳位置比較擠迫。…查看更多

呀！我今日行過去食個放工早餐，點左份焗吞拿魚意粉同埋咖喱炒飯，真係得閒就要試吓新嘢嘛！那個意粉，餡料勁足夠鬼响，上面啲芝士都烤到微微金黃，丁香味飄到我隔離桌都嗅到，入口即溶！而家咖哪炒飯，米粒彈牙得嚟唔會太乾，夠哂咖哩香氣，食落有種暖笠笠嘅感覺。個雪菜斑球湯，清新開胃，斑球又鮮又滑，爽口得滯，真係消滯佳品啊。轉個頭又見到隔籬桌啲人叫嗰個豉椒肉片炒河，啲肉片嫩滑又入味，河粉爽滑、乾身，真心推介！喺茶餐廳食個下午茶就錯唔過啲小食，我呢陣都勁想埋啲脆皮豬仔包配杯靚茶，滋味呀爽！總之，喺呢度你可以慢慢味，食個滿足！落臺添杯茶或者咖啡，攞返份心情靚哂。👍🍴😋…查看更多

如果你買外賣阿姐要叫你早3個鐘打電話嚟叫～問多句都好似得罪佢咁～完全唔叫外賣係一個罪～叫你下次唔好幫襯。垃圾～好污糟店不會再幫襯～客人食嘢，好似受罪、完全唔知禮貌係點…查看更多

中午的飲食時間，間唔中會行到來天后一帶尋食物。亦因為這樣的一個好奇，令我發現，天后這一帶的食肆選擇，原來比北角、炮台山更豐富。在中午的時間行過來，首選的當然是一間經濟實惠，又有舒適座位既茶餐廳啦。結果，我就被這一間《榮發餐廳》吸引住了。食物偏港式，感覺又很西化，in between 茶餐廳同豉油西餐廳之間。咁特別，就一於試下。眼見許多人都叫紅湯，所以我一決定食午餐時，也來一碗店長推介的羅宋湯。蕃茄味偏重的羅宋湯，喝/吃起來很香。為何會加一個吃字? 因為這一個羅宋湯實在是足料，多菜，也有牛肉，濃濃的蕃茄味道更令人感開心。第二次來，我就要了一份白湯，也就是粟米忌廉蘑菇湯。入口很是香滑的湯，而且淡淡湯都有粟米或蘑菇，咬開粟米時，又有香甜的味道帶出來，令整體的感覺很好。這一個湯也是令人感滿意的。第一次來，吸食我的，是豬扒飯。是什麼汁我沒有太大印象了，總之是一個有少少茄汁，有少少菇味同有少少燒汁味的汁，是一個伴飯吃的良物。豬扒肉厚，香口而且質感夠腍，可以說，這是一件啖啖肉香的豬扒，令我感覺非常之滿意。因為第一次來吃得非常滿意，所以隔了冇幾耐我就再來一次。當日就叫了午餐中的咖喱牛腩飯。咖喱的味道是非常好的，汁夠多，用來伴飯吃絕對是開心。惟一不好的，是這咖喱牛腩唔夠熱，成個飯餐只是以白飯的熬力來維持，好味中有不足。兩次的餐飲都是奶茶。這奶茶夠香滑可口，我可以說，入口的每一啖的充滿茶味同奶味，而且仲有絲絲細滑的口感。不用多描述，一杯好奶茶就可以解釋晒一切。經濟實惠又好味道，的確是一間很好的餐廳。而且是一間值得多來的茶餐廳。咦! 也許是一間豉油西餐廳同茶餐廳 crossover 的一個共同體啊。…查看更多

今日經過天后咁又肚餓就求其入去搵間餐廳食野，入到去呢間榮發茶餐廳就叫左個肉片炒河下午茶，黎到覺得份量好小好迷你，但又唔平要成45蚊，食完都唔飽，咁我坐單人位，就係我食食下差不多食完個時，有個阿姐係佢地員工，無啦啦坐我對面，當時我已覺得佢無禮貌，客人食緊野架，最離譜係佢跟住換鞋收工，搞錯人地食緊野你係度除襪換鞋，我埋單個時同負責人反映番，不過無下次，我一定唔會在食第二次…查看更多

早餐揀左一個腿通餐，一個豬扒蛋面。腿通：份量太少，唔夠飽。煎蛋、多士：追單個時，侍應話送錯左比隔離。what?甘你地唔係應該整反份比我地架咩？哭笑不得。豬扒面：豬扒食得出係即煎，冇炸衣，入面嫩，出面香口。…查看更多

諗住打完波同啲朋友食早餐，點知........食完即趕走，服務態度好差，食物質數惡劣，筷子未放低，立即叫你食完好走，這個老板不要幫襯，竉壞佢！以後都唔會再嚟呢間餐廳，環境衛生惡劣。…查看更多

點左早餐A要轉出前一丁，個落單阿姐覆單都有講到，但佢嚟到係普通公仔麵。我同阿姐講我係要轉丁，佢話「張單都冇打到」，我咪話你明明覆單都有講到，佢又話「咁你係咪要轉丁丫？」，我再講多次頭先你覆單都知我要轉丁，個阿姐就講「轉返咪得囉，唔駛咁多嘢講嘅」！真係火都嚟🤬 咁你講乜嘢張單冇打到，你去打返轉返咪得囉，根本唔駛講嘢囉！正垃圾！！！…查看更多