42
7
3
港鐵奧運站 A1 出口, 步行約8分鐘 繼續閱讀
電話號碼
23375608
營業時間
今日營業
07:00 - 22:00
星期一至日
07:00 - 22:00
付款方式
AlipayHK 支付寶 現金
其他資料
支持防疫 詳細介紹
當面支付
招牌菜
石鍋咖哩牛腩飯 功夫海南雞飯套餐 羊腩煲仔飯 番茄牛肉芝士公仔麵
食評 (61)
等級3 2020-07-31
370 瀏覽
【 食物種類多元化  】晚餐唔想煮,大角咀咁多野食好方便,上網隨便搵下都好多選擇,我地今晚去左榮熙茶餐廳食飯。餐廳環境幾乾淨,員工好有禮貌,都有見到佢地不停清潔地方。我地點了一個魚香茄子煲,一碟椒鹽鮮魷,飲凍檸檬茶,仲送兩碗中湯。這間餐廳的飯和送都好大碟好大碗,個湯仲係無限添飲,好正。個魚香茄子煲好好味,茄子好香,好多汁碟椒鹽鮮魷真係好大碟,每塊都好大,入口好香脆,魷魚都好鮮甜,我地勁鍾意食!碗中湯係蓮藕煲豬肉,都好足料夠肉味,蓮藕都夠爽口,我覺得非常好味,第一次覺得餐廳的中湯係唔咸的,唔係味精湯,我成碗飲晒。原先想叫多碟菜,但見到兩碟的份量咁多,怕食唔晒,所以唔叫到。 繼續閱讀
(以上食評乃用戶個人意見 , 並不代表OpenRice之觀點。)
等級3 2020-07-14
215 瀏覽
去開大角嘴探朋友,求其揾間茶餐廳醫肚,入到去咁啱有個餐叫求其一餐。我哋叫咗梅子醬蒸排骨,翠肉瓜西芹炒牛肉。餐係有跟例湯,當晚係蟲草花湯,一拎出嚟好香,飲落唔覺有味精,抵讚。小炒夠鑊氣,茶餐廳食炒牛肉都係預佢個牛肉有醃淋到,但無蓋過啲牛肉味,份量都夠,唔會好似有啲將貨就價嘅食店,得兩片牛肉俾你。個排骨即叫即蒸,所以要等,味道適中,啱送飯。我有留意到佢哋有做外賣,附近唔想落街嘅街坊,建議你哋可以叫呢間,抵食。 繼續閱讀
(以上食評乃用戶個人意見 , 並不代表OpenRice之觀點。)
等級4 2020-06-16
432 瀏覽
原本想入去食,不過見到好似冇乜位,所以都係買外賣飯盒返屋企食好。椒鹽豬扒配海鮮炒飯,得嗰兩隻蝦仔同丁點咁多嘅日式魚卷同仿蟹柳就話海鮮炒飯,真係 no eye see ; 但係原來個重點唔係炒飯!而係件椒鹽豬扒!呢個椒鹽豬扒就好香口,肥瘦均稱,肉又夠鬆軟,一啲都唔乾柴,仲有好多炸蒜頭之類咁樣嘅好香口惹味嘅配料!夠味得嚟又唔會太咸, 堅係大師傅手勢!好有以前大排檔風味,都真係好好食。外賣飯盒嘅返到去屋企食,都咁好味,如果堂食嘅話一定會更加好味! 繼續閱讀
(以上食評乃用戶個人意見 , 並不代表OpenRice之觀點。)
等級4 2020-06-14
381 瀏覽
在手機APP見到這間茶餐廳告急,所以即使吃完越南法包有75%飽,我都決定過來懲罰,希望有助這間茶餐廳。炸魚柳配薯條 凍央  37元  3.5/5分1. 點完之後,大約等了10分鐘,證明此店確實是即叫即炸。2. 炸魚柳都幾好味,不算用太多炸粉,可惜太細塊了3. 薯條同樣的問題就是份量太少,比起其他茶餐廳少了1/3,這點扣了不少分數4. 都幾少見會用千島醬,好味5. 凍央幾好飲,不算多冰,奶跟啡的配合是50%總括來說,味道不錯,價錢都中等,環境普通,方便街坊的地方,請大家多多支持香港的黃色經濟圈~ 繼續閱讀
(以上食評乃用戶個人意見 , 並不代表OpenRice之觀點。)
等級4 2020-05-07
479 瀏覽
🍴葡汁雞皇焗飯 55 蚊🔥🐤份量夠 但個人覺得佢既葡汁落左芝士 太多芝士 令到個汁有 d溜 但個味其實 ok可以多番 d飯或者少番 d汁 會好 d . 個飯有炒蛋夠蛋香🥚 雞肉 算幾彈牙 份量足 整體中等👍🏻例湯 係蓮藕煲豬肉 都足料夠肉味 蓮藕都夠爽口 唔錯#黃藍是政見黑白是良知 #光復香港#雞飯 #葡汁 #焗飯 Score 平均分 <7/10>Taste 味道:👍🏻👍🏻👍🏻Present 外觀:👍🏻👍🏻👍🏻Decor&Hygiene 環境衞生:👍🏻👍🏻👍🏻Value for $ 性價比:👍🏻👍🏻👍🏻👍🏻👍🏻Service 服務:👍🏻👍🏻👍🏻👍🏻~~~~~~~~~~~~~#榮熙茶餐廳大角咀大全街35 至37 號地鋪~~~~~~~~~~~~ 多謝大家支持!🤓🤓任何美食😋歡迎inbox 我 , 等我食完開心share!🤓 繼續閱讀
(以上食評乃用戶個人意見 , 並不代表OpenRice之觀點。)