榮富飲食中心 (已結業)

平常來到石排這一個工業區食野，都是為了去找那間太太最愛的素食店，甚少會進入石排頭路上的其他食肆。這一次，為何會入了這一間《榮富飲食中心》呢。就是我們遇上了該素食店的不定休日。於是，我們就要去旁邊的茶餐廳看看了。然而，太太看到《榮富飲食中心》外面的餐牌有羅漢齋炒麵，肚子餓的我們，就不多選擇了。這一間飯堂，所謂的茶餐廳，我其實可以用核突來形容。店的內在又殘又舊，眼不見就當佢衛生合格吧。後來才知道，此飯堂原來是 24小時營業的，而且附近工廠及大興邨居民，會選舉來這兒吃的都像我們一樣不介意，再者，這兒的東西經濟抵食，所以他都有一定的擁躉。環境不多說了，因為我同太太一早就在飯堂門口的大餐牌選好要吃什麼了。我點了一份中式牛柳飯。牛柳肉大大件，酸汁加上洋蔥絲同菠蘿粒，會令人想多吃幾口的飯。在甜酸味均勻的汁下，是濃香味的嫩滑無筋牛柳，成個飯，顯得出其又熱，又有足夠鑊氣。羅漢齋炒麵，單是看那香脆的麵餅已經可以給一個高分。簡單地加上豆卜，菜心，蘿蔔同芽菜，再加上一個味道清淡的汁，口感爽脆，味道淡而香，是一個很有水準的炒麵。食得正常既茶餐廳，當然是包飲品的啦。太太點的檸檬茶，其茶底味道足，而且又有足夠多片的

那天早上6時左右來到這間24小時營業的點心店，裡面已有幾位客人了，全都是伯伯們。環境是一般，因為這店已經都有段歷史了，還有衛生都是一般。我們2人要了5籠點心，都是非常新鮮熱辣，有經典的鵪鶉蛋燒賣、鳳爪、燒賣、叉燒腸(皮厚)和雞札(其中一件豬皮有很多毛)。以前第一次來吃的時候，食物都是偏咸，但今次是正常發揮。

廚房只有肥師傅一個，嬸嬸好親切，樓面收銀一腳踢，空閒時還包埋點心添，真的忙到分身不下。茶客們都十分自助地添茶添水取點心，有禮自律。飲夜茶 7 個點心只花 $150 蚊，勁抵呀！當然一分錢一分貨既。四寶滑雞紮，開呀！四寶豬皮雞紮，賣相一般啦，起碼捲得實淨，唔會甩皮甩骨。冬菇片薄切，軟滑淡淡菇味。火腿條腍到似午餐肉，而迷你雞中翼既肉已霉乾鞋，入口鬆散骨肉分離。豬皮溶到一劈，腍滋滋質地可怕，感覺仲非常油膩添。唔拆開食，見唔到就更好，但有骨唔拆唔得啦！正宗食法應該捲住四種食材，一口咬齊四種味道架，拆散續一擊破又點算係紮呢。薑蔥牛柏葉，芡汁厚到一舊舊，見唔到任何薑或蔥的物體，又是份子料理嗎？已將薑及蔥磨成汁？不過完全感覺不到薑蔥味道喎。平凡的玻璃芡蒸牛柏葉，微爽不彈，幸好不硬實，唔難食。蠔皇鮮竹卷，真係估您唔到，巨大兩條油條，大碌過珍寶斯華力腸。豪不猶豫大啖一咬，餡料以葛為主，有芹有筍，厚厚的腐皮，一劈仔杰杰的蒜味芡汁，免強食晒，飽滯感強烈。蟹黃燒賣，蟹黃有色無味，沒半點蟹味。肉球鬆散，濕淋淋的口感，味道混濁，又沒有豬肉的鮮甜，啖啖肉過過口癮還可以。豉汁蒸鳳爪，非常奀的炸爪，沒半點肉的皮包骨，肥

今日中午收咗工，突然之間心血來潮諗番起榮富嘅招牌椒鹽豬扒飯，之後我就立即行動撘巴士由旺角返屯門再去食呢個招牌飯，一去到榮富我就立即叫阿姐落單，吾使5分鐘就已經🈶🉐食，碟飯一到枱～真係非常香噴噴，🈶好濃烈嘅蒜頭辣椒味，估唔到一食落口，味道同半年前一模一樣，即係一直都保持住最佳水準！，而且没有加價，依然係$33元，凍飲加$2元，如果小菜套餐就係$43元(包白飯一碗+例湯),例湯改凍飲+2元呢度午餐最抵食，所有午市套餐一律由$33～35元不等，午市套餐時間由上午11：00～下午3：00，榮富的確值🉐一試！

榮富飲食中心位於屯門工廠區附近，地方吾算難揾，我每天午飯時間都會嚟呢度食飯，因為價錢並吾貴，而且呢度就算食完飯都吾使急急腳埋單走，驚阻住人做生意，呢度的確比起其他餐廳優勝一點，我最鍾意食呢度嘅椒鹽豬扒飯，豬扒炸完之後再落鑊用洋葱～蒜頭～豆瓣醬爆香，一到枱就已經聞到陣陣嘅香味，真係口水都流哂，再加埋用秘製嘅豉油淋落d飯上面，真係令到人忍吾住要將d飯大啖大啖擺落口，而且呢度地方同環境算ok，阿姐服務態度友善，的確吾錯！

從花墟滿載而歸,返到屋企附近見呢度人少d,可以多d地方放戰利品,反正都好耐無食過呢度,今晚就榮華富貴一下。以石排頭路上多間食肆黎講,呢間飯堂都算係簡陋三甲之一,所以女性食客會較少,大多數都係叔叔伯伯之輩;由於呢度係24小時營業,一路等野食一路睇到師傅做夜茶點心。鮮茄紅衫魚:一碟有兩條紅衫魚,魚非我所欲也,所以只食左番茄,阿師傅係咁夷炒幾下,蕃茄仍然好挺身,同生食無大分別,不過d蕃茄都好重魚味囉。沙薑雞:份量望落好少,其實已經有一隻雞髀+3件雞胸,雞味欠奉不過煮得幾滑,雞胸都唔太孩,雞皮尤其軟滑;味道都係靠沙薑汁吊起,夠咸香好送飯。聽聞呢味沙薑雞係午市相當受食客歡迎。合掌瓜湯煲得夠火候,味道夠濃郁,味精唔多,都算係有水準,星期六晚天氣凍冰冰,飲一碗熱湯的確感覺好好。另加一碟淥芥蘭,芥蘭好大棵但唔老,淥得時間剛好,顏色翠綠又唔淋,加上美味豉油,比用蠔油又有另一種風味。只得一位阿姐做野,但完全唔會有問題,初時覺得阿姐有d惡,但其實都無乜野,見到成班廚房阿哥/食客一齊講六合彩,呢種互動都係幾warm既。

半夜三更收工, 走黎開餐叫左碟褔建炒飯..... 嘩, 乜叉都有, 又燒肉又腸仔, 炒到成碟垃圾咁再加埋個偏污糟既環境, 飽哂~~~