榮壽司 (已結業)

一月中同兩個老友去食佢個tea buffet。可能係三點先開始，無咩吸引力，所以去到根本無咩客，除左我地坐果台就只有一台人。(後尾我至知原來佢地係榮的管理層開簡會= =")基本上，除左紅碟同特別推介之外，全部都可以用buffet價任食，包括手卷同小食都一樣。我唔好魚生都大把熟食同炸物可以食，尤其是芝麻天婦羅蝦卷，感覺良好。講真，幾十蚊咩都可以試晒咁滯，都幾過癮。質素唔多講啦，幾十蚊食唔壞你就算係咁，仲計咩較？侍者明顯訓練不足，問侍者(不是經理)buffet的規則時，他/她也得先問問經理才回答我們。不過態度總算友善。有時間會再去。

其實我一向都對迴轉壽司無咩好感!因為我覺得好唔專業,因為陪男朋友無所為啦,我一坐定就見到部vcd仲諗住咁有電視睇??咁cheap??原來係用電腦自已點菜,都幾有諗頭,幾好玩,我地玩左好耐先叫野食,廚房我地食左(牛肉火鍋,燒青魚仲有金茹牛肉卷類類都好好食,不過個火鍋就等好耐先滾,下次都要早d叫左先,不過迴轉壽司就有好多卷物,好多都唔食既,不過我食左碟帶子壽司同三文魚魚生,仲有一碟壽司唔知叫咩名,因為menu無既???不過就好好食,有三種魚放一齊,好新鮮,我諗我以後會對迴轉壽司改觀.

是次4人同行,12點準時抵達,所以大把位揀,揀左靠窗邊ge 卡位坐,但d位就迫左少少由於係第一次去ge關係,好新奇地發現果度有得手觸式電腦落單,玩左一輪咁睇menu叫左好多野食,有煎雞飯,軟殼蟹壽司,三文魚魚生,煮水蛋,芝士焗雞扒,雪糕....(好似係咁上下,可能仲有一兩樣漏左,但因為太耐之前去食,已經記唔起)d野全部都幾好食,係個芝士焗雞扒有少少怪,因為佢面頭有好大層沙律醬,都幾"漏",但好在一人食少少冇咁覺果時一次過食滿$300可以即時做會員,所以之後先叫埋雪糕做甜品好想去食多次

仲話係咩新加坡第一... 呢間野真係超唔掂首先店舖細, 得4,5張卡位(但又唔覺會坐得舒服喎), 如果你有4個人, 唔想坐迴轉又冇晒卡位, 你都唔駛入黎啦...壽司真係唔多好食... 款式唔多... 食左幾件未飽都算喇...不過佢有d十蚊手卷, 如果你唔介意都可以用黎填肚...一定唔會再去!!

價錢便宜,食物ok啦...都無之前d食評講到咁差,我order左d食物都唔算慢呀,不過燒油甘魚就耐左小小,要17分鐘先有,不過就好好食,魚生都幾新鮮呀,當然緊係無高級日本料理咁好啦,不過如果咁既價錢.就好好啦.

今天午餐朋友帶我到此餐廳用膳,因裝修比較四正及有迴轉壽司.沒有想像中般多人,服務還不錯,有一個日本女士坐鎮.食物...壽司價格較其他餐廳少,只有兩個價錢,而且蠻新鮮的.看到鄰坐的顧客點了很多熟食,我也試了一個玉子鰻魚丼,很好吃,鰻魚吸了少少蛋汁很軟滑~~唯一不好就是只有3人service,落單埋單也要等一會.

Staffs are lack of training Order took ages (45mins) and asked to check twice, without arriving.(ordered Sasimi) Choices are so weird, you can't tell what it is by looking at the sushi which is quite ridiculous for a sushi Bar.

冇人手,服務員沒有足夠培訓, 食物好奇怪。order 一碟魚生可以等咗45分鐘都未到, 追咗2次, 服務員不肯認錯還稱魚是新鮮cut所以需時。答覆完全不合理。最後沒食到就走咗。

e間野真係唔好去囉我覺得~d熱食物出到黎又凍晒~唔熱架囉~仲有個地下勁滑呀~上次差d跌低呀~仲有呀!個到d外賣wasabi過期架囉~勁無奈呀~咩食店黎架~有無搞錯~!仲有成日聽到廚房d人勁大聲講粗口....都唔知點搞...我唔會再去囉~!!

一直都知呢度不獲好評, 但本著好奇又諗唔到食咩心態一試. 的確...感覺不太好.比起其他迴轉壽司店, 多好多小食, 前菜, 飯麵等款式. 而且我坐位有電腦提供, 可以自己係電腦度點菜, 好高科技, system都做得唔錯, 幾方便清晰, 亦覺好玩! 另外, 店內不停宣傳, 亞洲多地方都有分店...但講到食物質素, 就真係唔得啦. 先講價錢, 只有$10, $15 & $35顏色碟, 好奇怪! 一係就平得滯, 一係就貴得滯. 好似平時食開$9三文魚, 依家要%10, 而且係機壓飯團! 又係高科技象徵? 太硬同埋太黏, 口感唔好, 食落仲有陣味, 怪怪的. 唯一係魚生仲算係新鮮lor. 再試小食, 日式煎餅, 唔太熱, 醬汁太多, 變得淋, 唔夠香lu.自己本身愛辣, 呢度wasabi就夠辣啦, wasabi質感比較濕, 都幾fresh幾欣賞.

今日午餐時段去的,有枱無人座,有人無位座,沒有人執枱,全店得7個人,慢...食物帶沒有什麽可選擇,食物一般不是好味,所以價錢不算平,在灣仔大把選擇不去也沒有損失。

新裝修既大有商場，環境比以前整潔舒適，內裡既食肆都未幫襯過，又唔想食得咁heavy，所以便揀了這間。可能因為是灣仔區啦，晚市大約只有六七成客滿。甫坐下，侍應便問我們要不要茶，我們點一點頭，隨即便拿了兩個茶包來，不是別的壽司店可以任取茶包或是用綠茶粉的，飲下去，發覺綠茶味道很淡，只是一般而已，印象分即時大減。看看迴轉壽司帶，壽司賣相似乎又太吸引，所以只取了一碟芥辣蝦籽鰻魚壽司($10)試食，咬下第一口已覺得唔好食，所以便再看看餐牌，餐牌上的食品賣相依然唔吸引，想了很久才柯打了照燒雞榮麵($35)，有照燒雞、荀、菠菜、黑芝麻、雞蛋、日本魚蛋及拉麵等，湯底應該是豬骨湯底吧，味道不過不失啦；玉子鰻魚飯($40)也只是普通貨色，鰻魚不好吃，鰻魚汁又不夠多，而且鰻魚份量也少，個人較喜歡炭燒鰻魚，加上雞蛋及洋蔥作配料，好一般。不過碗麵同碗飯都幾大碗，呢個價錢算抵食。估唔到呢間壽司專門店，壽司竟然比飯及麵更為遜色。男友仲點多個軟殼蟹手卷($10)食，佢話ok喎。侍應招呼唔錯，不過食物質素就應該改善吓嘞！

其實沒有抱太大期望，因為一向覺得迴轉壽司總是"麻麻地"，不過早前經過，見價錢便宜，環境清潔，又有ORDER 檯，便與友人一試，反正只是一小時的午飯，沒有所謂吧．食物方面：- 與MENU 的相片大大不同，尤其是一個用牛油果包住的"龍之卷"及"北寄貝沙律"，足足比相片中的細一半，味道一般．- 其他壽司卷：味道OK．- 手卷：做得比較"求其"，當然亦是與MENU中的相片差很遠，相信自己做還會美觀一點．- 還叫了冷麵及炸豆腐，最好食要算是炸豆腐了，起碼外脆內滑，又夠熱．服務方面：- 服務生態度算OK，不過跟單就"麻麻"，因為有一個手卷遲遲未到，催促了起碼五次也沒有，終於因時間關係，決定取消ORDER，不知是服務生沒有跟進，或是廚房出錯？總之，如果咁嘅價錢，在灣仔區又唔駛等位，坐得都算OK舒服嘅，算係咁啦．

已是一個月前幫襯此店，今日才發現原來還未把食評寫上。在伊館看完精彩的桌球賽，一行三人就去找吃。選灣仔還是銅鑼灣?因有人要去灣仔買點東西，於是大家也往灣仔方向去了。想起大友商場裝修後都未有踏足過，又知其有一間新加坡過江龍榮壽司，於是大家一致決定去試一試。瞄一瞄餐牌，決定要一客優勝壽司盆、牛肉火鍋、唔知咩豆腐和酒煮蜆，各要一杯蘋果汁。優勝壽司盆有17件壽司，蟹子、蟹柳、鰻魚、玉子、甜蝦、腐皮等等，但不論賣相和味道均比預期遜色。與坊間的迥轉壽司相比並沒有可取之處。牛肉火鍋，只有兩片半牛肉，加上一點菜和冬菇，有點失望。三個人食，一人分唔到一片牛肉，唯有有人要犠牲。酒煮蜆，蜆殼多於蜆肉，也吃不出一點的酒味，當然不會滿意。咁快又話一個月時間，真有點時光飛逝的感覺。忙碌、忙碌、再忙碌，究竟是為著什麼?

排隊既時候已經見到d野食唔多靚, 但同老婆抱住試下既心態, 終於都係決定試下結果:1) 服務生服務差o 有人上菜會放係客人既濕紙巾上面架咩? 我第一次遇到, 而且唔只一個服務生係咁, 又放係濕紙巾上面, 又放係夾單個膠板上面, 你想點? 飲食基本服務都唔識呀?2) 食物唔得+ 客戶主任唔掂o a)個軟鷇蟹手卷炸呢, 一食落口全部都係油, 叫左個客戶主任埋黎, 我:"個手卷有問題喎, 佢....", 主任:"得得得", 我:"我係話個手卷....", 主任繼續:"得得得", 我:"我都未講有咩事, 你得咩姐?" 主任:"得得得, 太油丫嘛, 我同你cancel 呢碟", 我心諗:你知有問題, 都仲可以出比客食架咩? 而且我仲未講咩事, 你得咩姐? b) 有個壽司係用牛油果包係面既, 但個牛油果已經變壞, 有黑色既, 咁既料可以比客人食架?3) 電腦order 問題o 雖然呢間壽司係星架玻原創, 但係係香港開之前, 佢係KL 都有分店, 我都係KL 食過, 果度既電腦order 係按完, 直入final bill, 最後埋佢就數你碟同加埋電腦order 既錢, 唔會有人成日行埋黎夾紙仔,