榕哥陳皮燒鵝

營業中

休息中

雖説食嘢食味道，總不能求其上菜俾客，見到啲賣相已經跌watt，味道又唔係特別好，燒味拼盤叉燒幾好，但食第三件就膩，燒鵝有圖自己睇啦！！燒味三拼+ 酸菜水煮魚+尖椒肥腸+ 三個白飯+ 一杯凍奶茶共＄510蚊🍚白飯13蚊一碗🍚

來到灣仔地鐵站附近，看到這間叫榕哥陳皮燒鵝的燒味店，真心被它的名稱吸引到才進去，本以為它店的燒鵝或其他燒味都是有出色有水準的，因為它表明是陳皮燒的鵝，於是便叫了個叉燒燒鵝雙拼飯，價錢是$67，然後加一個凍檸檬茶$4，價錢是正常的。但是最讓人失望的沒想到叉燒肉質硬身，而且切得有點厚身，是有點難咬😰燒鵝亦是一般般，不是想像中的陳皮香，整體用餐感覺是很久沒有的差，可能是自己期待高了吧，最正常還是那杯凍檸茶然後覺得這間陳皮燒鵝店只不過是灣仔周遭的一間普通燒味店，進不進去也罷sorry 忘了拍食物

女伙記態度差恶劣, 令人感到十分受氣, 食物超一般, 真是貼錢買難受, 燒鹅食不到有陳皮味, 燒肉又淡而無味, 以為多人排隊了不起, 不食也罷,一再强调 , 不只湾仔有燒鹅食, 為何港人已北上, 這一定有其原因, 除了物不符实, 人的熊度是一個致命傷

🦢陈皮烧鹅必点香港烧鹅千千万但是陈皮味的真的没几家，每天新鲜出炉，饭点请做好排队的准备。烧鹅皮晶莹剔透光看卖相就很馋了，透着陈皮的清香，陈皮中和了鸭油的腻味，太好吃惹🥹🔥招牌叉烧也很绝除了烧鹅就是超爱的叉烧，猪肉烤的相当入味，蜜汁渗透到肉肉里，绵密香甜，入口即化的满足感，真的只有来吃过才知道🥗各式炒菜闭眼点晚餐各类海鲜小炒，来吃过几次都很好吃，很难找到一家餐厅点什么都不会出错，可以理解为何如此火爆🤣🧊饮品可以试试招牌红豆冰或者港式奶茶，奶味十足，冰镇的更过瘾哦，配菜清新又解腻

在隔離做完運動,見到呢間燒鵝店問口有10多人在排隊. 好彩我一個人 ,馬上有位. 入到去,茶記熟悉嘅舒服嘈雜聲就圍繞喺耳邊，好過癮呀. 坐低左係圓枱度,啲樓面快速收拾之前食客既遺留. 見到隔離個位外籍人士食左個鵝肶餐,我留曬口水,即時叫一份,被告知原來有嘢飲包!! 哇,係灣仔區食晚飯仲有嘢飲包埋又真係幾抵食喎. 咁梗係即刻叫一份啦,我就叫左唔斬, 用手拎住食先原汁原味  食完之後心情好得嚟又滿足，人哋講「食得是福」，今日食到榕哥真係有福啦！下次肯定要再黎，一餸一飲皆美味，值得推介. 

其實我幫襯這間燒臘餐廳接近一年，覺得燒味真的不錯，雖然座位比較逼夾，但味道和價錢都合理，所以經常都去。但是昨日，我同樣的去吃午餐，五個人一起搭枱一張枱都算了，因為明白香港寸金尺土；坐低10分鐘都冇人落單亦算了，因為知道人手不夠在等候過程中，有職員拿了水杯和水給同枱的人洗筷子或食用，只有我未有，我等咗一陣間，見冇人攞嚟，就同一個職員阿姐講咗句：「唔好意思我呢度要杯水。」態度是客氣的，同枱的人可以見到但是換來阿姐惡然相向：「我得一對手咋，點俾你。」我愕了然，並說：「禮貌地問你，你做乜鬧我。」跟住佢就大聲話：「我勞氣呀嘛！」我真係想問，你勞氣關我咩事，你覺得多嘢做同你老細講，我冇人比嘢我，我見到個職員，禮貌地講聲有問題嗎？我係白食嘅咩？點解啲人唔想留喺香港食我終於明白，只係簡單食個午餐，都唔知點解無端端俾人鬧。我體諒你多嘢做，但係唔代表你可以咁樣對人！我之前好鍾意食㗎，不過以後都唔會再去。雖然我一個唔去唔影響太多，但係佢生意少咗咪少啲嘢做囉，合晒佢心意啦！

昨天早上去榕哥食早餐，之前去過幾次，一向都好噪，侍應廚房對話好大聲，侍應主要係女仕，大約三個，上次去，全部侍應傾手袋，無人落單，無人遞餐，比人鬧先知道要做嘢，琴日侍應態度其差，以後唔洗幫襯

今日放假去左搵男友灣仔食lunch。灣仔lunch time 周圍都係等位，同男友講想食燒鵝，所以佢帶左我去依間榕哥陳皮燒鵝到試試佢。等位大約需時5分鐘。環境整潔乾淨，冷氣足夠。不過室內不少座位檯與檯之間較迫，人多時一定要搭檯。同男友都分別叫燒鵝飯及熱檸水。❇️燒鵝飯燒鵝飯的飯，夠腍身。酸菜偏鹹。燒鵝有燒鵝香，肉質嫩滑不嚡，不過覺得鵝肉的肥肉較多，肉偏少。不過味道不錯，可以一試，但不值得排很久特登過嚟食。❇️熱檸水味道正常，夠熱。

午飯時間永遠都係排長龍 入面坐滿晒人 排左大約15分鐘就入得因為6人同行, 所以坐得有少少逼  燒鵝燒肉飯 好食  燒鵝夠香, 不過肥左少少, 燒肉D皮脆卜卜不過服務就普普通通, LUNCH多人既時候, STAFF既極速收晒台面D野同你講多謝晒 

2023-11-14 時間21:17，一行5人入去，鋪頭內都坐滿人，叫了5個晚餐，過咗一陣，第一度菜係酸菜魚，之後有臘味炒青豆，苦瓜炒燒肉，沙拉骨x2，開始食時無為意，點知食食吓，碗酸菜魚裡有舊不知名嘅肉，心知不妙，先搵女夥計問吓，因為女夥計同我落單和出菜，個女夥計睇完，佢個笑容真係呢……她答話個廚房師傅係替工，加咗料，可能加多舊肉，唔….唔怕嘅，舊肉食得嘅，我話吓？加料喎？酸菜魚有舊連骨肉，點解會咁，之後一路食住（甜筒），一路繼續做嘢便走了，好似成件事好合理咁。係，大家應該無聽錯，我也無睇錯，佢食住甜筒答我，可能就收工，心花怒放，生意好。到最後職員叫埋單，我再搵男夥計問清楚，他都答唔出點解酸菜魚裏面有不知名肉，連句唔好意思都無講，就埋單。總結，在食物中加料係正常，無話可説。可能專注做遊客生意，本地客得過且過。

黑面亞姐落單，佢話唔識咩叫炒熟蛋，話只得炒蛋同煎熟蛋。琴日已經係咁，我叫佢叫廚房炒熟d，卒之琴日上枱係未炒熟嘅蛋。今日直情黑面唔理我。餐茶5分鐘都仲未到，湯粉又等左10分鐘，炒蛋油多催左4次，上嘅係煎蛋，唔係我要嘅炒熟蛋。。。個湯粉d肉係唔新鮮嘅肥豬肉，完全冇味。餐茶好行貨，算。鄰座亦有唔少人催單，。。。卒之份早餐等40分鐘先上齊。7:55等到8:36，最後番工遲到。其實，炒嫩蛋同炒熟蛋，響香港已經家傳戶曉，廚房唔會唔識整，而且唔花功夫亦唔花時間，樓面（甚至樓雜）亦唔可能唔識，如果只係機打唔出，應該同廚房講聲，成件事就完。琴日同客拗頸今日無視個客，實在不該。然而，另一個老成d嘅收銀亞姐並非如此，叫餐得心應手。作為茶記，食物普普通通，但人手質素，廚房出餐就有待改善。如果趕時間就會失預算，如果生客，都幾趕客，畢竟，租貴而為慳皮，冇一個shop manager監督日常運作，糾正問題，的確係社會常態，無奈。。。睇黎，我應該去附近嘅大家樂。

午飯時間整間飯店坐滿人，一般茶餐廳格局見到有陳皮燒鵝，就入去試下🍗原隻燒鵝脾瀨粉 $120燒鵝脾唔算肥，皮燒得好脆，肉質嫩滑多汁，亦真係食到有陳皮味，加埋酸梅醬，好食另外瀨粉係粗身，爽口，淡淡既瀨粉配埋燒鵝，好滿足😍

今日早上來食早餐，服務態度一直都好麻麻，但因為餐廳地方大易找位，和位置方便，怎知送上來的熱奶茶少了1/3 ， 其實這里的食物真係一般，又不平，行落二條街平啲，以後都係預多少少時間行遠啲食

係以前細個食到嘅燒味味道，燒鵝肉嫩多汁，真係食到陳皮味，非常難得 ， 連义燒切雞油雞都一咁好食🤤🤤🤤🤤😍， 就算係配米粉，都唔係比個無味嘅湯你送米粉就算。就連餐飲檸茶都係靚荼底，老實講餐廳坐無虛席。

普通茶餐廳的環境裝潢燒鵝皮香肉嫩口感，燒腩仔皮脆偏肥！留意到其他食客享用叉燒燒肉店舖外排隊店內水洩不通，午餐服務，我盡量配合，快靚正就算了！如果想舒服一啲，放假嘅提早一點，人流會少啲